ໝວດໝູ່: ປຶ້ມເພງ

ເນື້ອຮ້ອງ : ສ. ບົວລະພັນ – ທຳນອງ : ໄຊພອນ ສິນທະຣາດ (1978)
ນັກຮ້ອງຕົ້ນສະບັບ : ບັງອອນ (ອັດຢູ່ສູນໜອງຄາຍ)

1) ສຽງຄວນ ສາວອົພຍົບຫຼົບພັຍ
ນໍ້າຕາພວກນ້ອງຫຼັ່ງໄຫຼ ທີ່ໄດ້ໄກພັດບ້ານເມືອງມາ
ພວກອ້າຍໄປເຫັນ ບໍ່ເວັ້ນຄົງຫຼັ່ງນໍ້າຕາ
ສົງສານພວກນ້ອງເຖີດໜາ ອົພຍົບມາໜີໄກເມືອງບ້ານ

2) ສຽງຄວນ ສາວອົພຍົບຫຼົບໜີ
ຍ້ອນມີສັຕຣູຮາວີ ຈຶ່ງຕ້ອງໜີພັດຖິ່ນສະຖານ
ມາຢູ່ອາສັຍ ເມືອງໄທນີ້ຢູ່ສຸກສັນ
ຂໍວອນພວກອ້າຍສົງສານ ຈຶ່ງຮ້ອງເພງຄວນກ່ອມຫົວໃຈເສົ້າ

• ມີຊາວເຜົ່າແມ້ວ ເຜົ່າຢ້າວອີກເຜົ່າລາວເທິງ
ທີ່ອົພຍົບມາເຫິງ ຍັງຄຳນຶງຄິດເຖິງບ້ານເກົ່າ
ມາຢູ່ໄທນີ້ ກໍເໝືອນບ້ານເກີດພວກເຮົາ
ພວກນ້ອງບໍ່ໄດ້ຫງອຍເຫງົາ ເພາະມີເຈົ້າເປັນຫ່ວງອາລັຍ

3) ຫຼາຍປີ ທີ່ອົພຍົບຫຼົບມາ
ພັດພາກງົວຄວາຍໄຮ່ນາ ຈາກປ້າອາດ້ວຍຄວາມຫ່ວງໃຍ
ເຖິງຈາກເມືອງລາວ ພວກເຮົາບໍ່ເຄີຍລືມໄລ
ຫາກຍາມບ້ານເມືອງສິ້ນພັຍ ຈະຫວນຄືນໄປຖິ່ນຖານບ້ານເກົ່າ…

ເນື້ອຮ້ອງ & ທຳນອງ : ໄຊພອນ ສິນທະຣາດ (1968)
ນັກຮ້ອງຕົ້ນສະບັບ : ໄຊພອນ ສິນ​ທະຣາດ

1) ເຫັນໃຈ ສາວອົພຍົບຫຼົບພັຍ
ນໍ້າຕາທຸກຄົນຫຼັ່ງໄຫຼ ເມື່ອຈາກໄກພັດບ້ານເມືອງມາ
ເມື່ອຂ້າໄປເຫັນ ຈົນເກືອບຈະຫຼັ່ງນໍ້າຕາ
ສົງສານແສນເວທນາ ອົພຍົບມາໜີໄກເມືອງບ້ານ

2) ເຫັນໃຈ ສາວອົພຍົບຫຼົບໜີ
ຍ້ອນມີສັຕຣູຮາວີ ຈຶ່ງພ່າຍໜີພັດຖິ່ນສະຖານ
ມາຢູ່ອາສັຍ ຫຼົບພັຍຢູ່ທາງວຽງຈັນ
ໜຸ່ມວຽງເຫັນໃຈຈອມຂວັນ ຈຶ່ງຮ້ອງເພງຄວນດ້ວຍຫົວໃຈເສົ້າ

• ສາວເຜົ່າແມ້ວ ເຜົ່າຢ້າວອີກສາວລາວເທິງ
ທີ່ອົພຍົບມາເຫິງ ຄົງຄະນຶງຄິດເຖິງບ້ານເກົ່າ
ມາຢູ່ວຽງພີ້ ກໍເໝືອນບ້ານເກີດພວກເຮົາ
ພີ່ນ້ອງຢ່າໄດ້ຫງອຍເຫງົາ ຢ່າໂສກເສົ້າເສັຽໃຈ

3) ຫຼາຍປີ ທີ່ອົພຍົບຫຼົບມາ
ພັດພາກງົວຄວາຍໄຮ່ນາ ຈາກບ້ານມາດ້ວຍຄວາມຫ່ວງໃຍ
ບ້ານປ່າແດນເຂົາ ສາວເຈົ້າບໍ່ອາດລືມໄລ
ຫາກຍາມບ້ານເມືອງສິ້ນພັຍ ຄົງໄດ້ຄືນໄປຖິ່ນຖານບ້ານເຈົ້າ…

ເນື້ອຮ້ອງ & ທຳນອງ : ໄຊພອນ ສິນທະຣາດ (1968)
ນັກຮ້ອງຕົ້ນສະບັບ : ວຽງ​ຖາ​ວອນ ສິນ​ທະຣາດ

1) ນໍ້າຕາ ສາວອົພຍົບຫຼົບພັຍ
ຣະທົມຂົມຂື່ນດວງໃຈ ເມື່ອໄດ້ໄກພັດບ້ານເມືອງມາ
ເມື່ອອ້າຍມາເຫັນ ບໍ່ເວັ້ນເກືອບຫຼັ່ງນໍ້າຕາ
ເຫັນໃຈນ້ອງອົພຍົບມາ ຈາກບ້ານມາຫົວໃຈສະທ້ານ

2) ຕ້ອງຈຳ ໃຈຈາກລາພາກຈາກໜີ
ຍ້ອນມີສັຕຣູຮາວີ ຈຶ່ງພ່າຍໜີພັດຖິ່ນສະຖານ
ມາຢູ່ອາສັຍ ຫຼົບພັຍຢູ່ທາງວຽງຈັນ
ຢູ່ວຽງສິ້ນຄວາມໂສກສັນ ຈຶ່ງຮ້ອງເພງຄວນຕໍ່ຫົວໃຈເຈົ້າ

• ນ້ອງເຜົ່າແມ້ວ ເຜົ່າຢ້າວອີກເຜົ່າລາວເທິງ
ທີ່ອົພຍົບມາເຖິງ ຍັງຄະນຶງຄິດເຖິງບ້ານເກົ່າ
ມາຢູ່ວຽງນີ້ ກໍເໝືອນບ້ານເກີດພວກເຮົາ
ພວກນ້ອງບໍ່ໄດ້ຫງອຍເຫງົາ ເພາະມີເຈົ້າເປັນຫ່ວງບໍ່ວາຍ

3) ຫຼາຍປີ ທີ່ຈາກຖິ່ນຖານບ້ານມາ
ພັດພາກງົວຄວາຍໄຮ່ນາ ຈາກປ້າອາດ້ວຍຄວາມຫ່ວງໃຍ
ເຖິງຢູ່ປ່າເຂົາ ພວກເຮົາບໍ່ເຄີຍລືມໄລ
ຫາກຍາມບ້ານເມືອງສິ້ນພັຍ ຄົງໄດ້ຄືນໄປຖິ່ນຖານບ້ານເຄົ້າ…

ເນື້ອຮ້ອງ & ທຳນອງ : ໄຊພອນ ສິນທະຣາດ (1970)
ນັກຮ້ອງຕົ້ນສະບັບ : ໄຊພອນ ສິນທະຣາດ

1) ບຸນເຫຼືອ ເມື່ອມາເຫັນສາວລ່ອງແຈ້ງ
ກູເຢັ້ຽແຫງ ສາວລ່ອງແຈ້ງນີ້ແລ້ວໜາ
ໂອ້ລູ້ກາວມົ້ງ ວາດຊົງເໝືອນນຶ່ງດາຣາ
ແມ່ນຜູ່ໃດສ້າງມາ ຫຼືເທວານັ້ນລົງມາປັ້ນ

2) ງາມເຫຼືອ ເໜືອຊົນຊາດລາວທຸກເຜົ່າ
ເຖິງຢູ່ປ່າເຂົາ ຫາໃສເລົ່າຈະມາປຽບປານ
ໄດ້ມາຄັ້ງນຶ່ງ ຈິດຕຣຶງພາໃຫ້ອ້າຍຝັນ
ເມື່ອບຸນກິນຈຽງຄືນນັ້ນ ເຮົາຝາກສັມພັນຮັກກັນຍືນນານ

• ທີ່ສັນພູໝອກ ນ້ອງບອກວ່າລູ້ກັບອ້າຍ
ລູ້ນີ້ຈົນຕາຍ ບໍ່ຄາຍເຄື່ອນຄຳສາບານ
ຍາມອ້າຍໄດ້ຈາກ ພາກນ້ອງຄືນສູ່ວຽງຈັນ
ວັນນຶ່ງອ້າຍຄົງກັບຫັນ ມາຮັກກັນໂອ້ລູ້ກາວມົ້ງ

3) ສາວເໜືອ ເມື່ອໄກໃຈອ້າຍເປັນຫ່ວງ
ຂໍເຈົ້າຢ່າລວງ ຢ່າລວງອ້າຍເລີຍອະນົງ
ເຖິງອ້າຍໄກຫ່າງ ຫົວໃຈນ້ອງນາງ(ນາງໃຫ້)ໝັ້ນຄົງ
ຈົ່ງຟັງສຽງເພງຮ້ອງສົ່ງ ກູຢໍຈົ້ງລ່ອງແຈ້ງບໍ່ວາຍ…

ເນື້ອຮ້ອງ & ທຳນອງ : ໄຊພອນ ສິນທະຣາດ (1965)
ນັກຮ້ອງຕົ້ນສະບັບ : ວຽງຖາວອນ ສິນທະຣາດ

1) ຢ່າລືມ ບ້ານໂພນຍັງຄອຍອ້າຍຢູ່
ຍັງຄອຍພຽງຊູ້ ຫວັງຢູ່ກັບອ້າຍບໍ່ວາຍ
ອ້າຍສັ່ງລາ ນໍ້າຕາຂອງນ້ອງລິນຫຼັ່ງ
ຂໍອ້າຍຈົ່ງຫ່ວງເບື້ອງຫຼັງ ຈົ່ງຝັງຫົວໃຈໜຽວແໜ້ນ

2) ບ້ານໂພນ ຢ່າດົນໃຫ້ຄືນມາຢູ່
ຮ່ວມຮຽງຄຽງຄູ່ ຊື່ນຊູກັບນ້ອງໝັ້ນແກ່ນ
ໄດ້ຟັງເພງ ທີ່ອ້າຍຝາກມາໃຫ້ແທນ
ຫົວໃຈຂໍໃຫ້ໜຽວແໜ້ນ ເປັນແຟນກັບນ້ອງຈົນຕາຍ

• ເມືອງໂພນໂຮງ ບ້ານໂພນອ້າຍວ່າເປັນນຶ່ງ
ຟັງແລ້ວຄິດເຖິງ ດູດດຶງຄະນຶງເຖິງອ້າຍ
ຢູ່ບ້ານໂພນ ໄດ້ຟັງຢາກເຫັນໜ້າຊາຍ
ຍາມນອນໄດ້ແຕ່ຫຼັບໄຫຼ ເໝືອນມີຊາຍມາຢືນຕໍ່ໜ້າ

3) ບ້ານໂພນ ຍັງຫວງຍັງຫ່ວງອ້າຍຢູ່
ຂໍພຽງແຕ່ຊູ້ ມາຢູ່ຢ່າໄດ້ລືມລາ
ນ້ອງຈະຄອຍ ລໍຄອຍອ້າຍມາວິວາ
ປີນີ້ປີໜ້າກະຢ່າ ໃຫ້ມາສູ່ຂໍຢ່າລືມ…

ເນື້ອຮ້ອງ & ທຳນອງ : ໄຊພອນ ສິນທະຣາດ (1967)
ນັກຮ້ອງຕົ້ນສະບັບ : ໄຊພອນ ສິນທະຣາດ

1) ບ້ານໂພນ ຍັງຝັງຫົວໃຈອ້າຍຢູ່
ຄັ້ງເຄີຍຄຽງຄູ່ ເຊົ່າຢູ່ຄຽງໃກ້ນວນນາງ
ຈາກເຈົ້າມາ ນໍ້າຕາຂອງອ້າຍລິນຫຼັ່ງ

ແສນຮັກແສນຫ່ວງນ້ອງນາງ ຄວາມຫຼັງຝັງໃຈໜຽວແໜ້ນ

2) ບ້ານໂພນ ບໍ່ດົນອ້າຍຄົງມາຢູ່
ຮ່ວມຮຽງຄຽງຄູ່ ຊື່ນຊູກັບນ້ອງໝັ້ນແກ່ນ
ຮ້ອງເພງມາ ຫົວໃຈຝາກໄວ້ໃຫ້ແທນ
ບ້ານໂພນຝັງໃຈໜຽວແໜ້ນ ຂໍແຟນຈົ່ງໄດ້ເຫັນໃຈ

• ເມືອງໂພນໂຮງ ບ້ານໂພນນັບວ່າເປັນນຶ່ງ
ສາວງາມຊາບຊຶ້ງ ຕິດຕຶງຫົວໃຈຂອງອ້າຍ
ຢູ່ວຽງຈັນ ທຸກວັນຄິດເຖິງບໍ່ວາຍ

ຍາມນອນຝັນກ່ຽວດວງໃຈ ນອນຫຼັບໄປອ້າຍຝັນເຫັນໜ້າ

3) ບ້ານໂພນ ເປັນໂພນຝັງໃຈອ້າຍຢູ່
ຍັງຮັກຄຽງຊູ້ ຝັງຢູ່ບໍ່ໄດ້ລືມລາ
ນ້ອງຈົ່ງຄອຍ ລໍຄອຍອ້າຍກ່ອນເຖີດໜາ
ປີນີ້ຫຼືວ່າປີໜ້າ ອ້າຍຈະມາສູ່ຂໍນວນນາງ…

ສາຣະບານເພງລາວ ຊຸດທີ່ 08
(ເລີ່ມຕົ້ນເຜີຍແຜ່ ວັນທີ່ 31 ສິງຫາ 2021)

351 - ນ້ອງຄຽດເຣື່ອງຫຍັງ
352 - ຮັກນີ້ຫຼືຮັກ
353 - ສຸກເຖີດຄົນດີ
354 - ຄອຍສລາຍ
355 - ຂໍພຽງຮ່າງຝັນ
356 - ໂຊກດີທີ່ຮັກ
357 - ຖິ່ນທອງ
358 - ຄືນນຶ່ງທີ່ບຶງຂຍອງ
359 - ນ້ອງຄືທຸກສິ່ງຂອງອ້າຍ
360 - ເຮືອຮັກທ່າຫົວໃຈ
361 - ຂວັນໃຈຊາວດິນ
362 - ນາທີສຸດທ້າຍ
363 - ລາວຮ່ວມສຳພັນ
364 - ເຕືອນໃຈລາວ
365 - ຫຼວງພຣະບາງທີ່ຝັງໃຈ
366 - ອຳນາດຮັກ
367 - ຍາມຮັກຍາມຊັງ
368 - ຍອດນາຣີສີເມືອງ
369 - ສາວດ່າສາວມັກ
370 - ຜູ່ຊາຍໜ້າລາຍຕັກກະແຕນ
371 - ວານລົມບອກ
372 - ສາວສມັຍ
373 - ລະຫານ້ຳ
374 - ກ່ອນຕາຍ
375 - ຮັກສເມີໃຈ
376 - ບ້ານໂພນທີ່ຝັງໃຈ
377 - ຢ່າລືມບ້ານໂພນ
378 - ມົນຮັກສາວລ່ອງແຈ້ງ
379 - ນໍ້າຕາສາວອົພຍົບ
380 - ເຫັນໃຈສາວອົພຍົບ
381 - ສຽງຄວນສາວອົພຍົບ
382 - ລືມກັນ
383 - ຄືນຮັກຄືນສລາຍ
384 - ຢ່າລືມສັນຍາ
385 - ລືມອ້າຍດີກວ່າ
386 - ຝົນສັ່ງຟ້າສາບ
387 - ສຸຣິຍາ
388 - ຮັກໝ໋ວຍ
389 - ເຄາະຂີ້ໝ້ຽງ
390 - ຢ້ານນໍ້າຖ້ວມ
391 - ຄິດສັງຫອນໃນໃຈ
392 - ເທວີແຫ່ງໃຈ
393 - ແມ່
394 - ເກົ່າເຂົາໃໝ່ເຮົາ
395 - ບໍ່ຮັກບໍ່ງໍ້
396 - ບອກນ້ອງດ້ວຍໃຈ
397 - ຊີວິດຄົນ
398 - ເພື່ອກັນລືມ
399 - ໃຈຂອງຍິງ
400 - ຈະຮັກຫຼືບໍ່ຮັກ

ເນື້ອຮ້ອງ & ທຳນອງ : ສ. ແສງສິຣິວັນ (∼1971)
ນັກຮ້ອງຕົ້ນສະບັບ : ທັນຕະວັນ ຣາຊາສັກດ໌

1) ນ້ອງຍັງຄິດລໍ ທຸກວັນ
ບໍ່ມີແປຜັນ ສັມພັນຈາກໃຈເສັຽເລີຍ
ຮັກນັ້ນຝາກຝັງ ແນບຊວງເໝືອນເຄີຍ
ບໍ່ຈາງຈືດເລີຍ ຮັກຢູ່ສເມີຄົງໝັ້ນ

2) ບໍ່ເຄີຍຄິດລືມ ສັກທີ
ຊົ່ວຊີວິດນີ້ ຂໍມີແຕ່ໃຈໝາຍໝັ້ນ
ເພາະຮັກຈຶ່ງຂໍ ຮ່ວມຄຳສາບານ
ໃຫ້ບົນສວັນ ໂປຣດເປັນພຍານສັກຂີ

• ຮັກມີຄ່າສູງ ຈູງໃຈໃຫ້ຝັນ
ຂໍຮັກອ້າຍນັ້ນ ຈົນຊົ່ວຊີວີ
ນ້ອງປຣາຖນາ ຢູ່ທຸກນາທີ
ຢ່າໃຫ້ມີມານ ກີດກັນກັ້ນຂວາງໜ້າ

3) ໃຝ່ໃຈໝາຍປອງ ທຸກຄືນ
ສຸດຈະທົນຝືນ ເພາະຮັກປັກຊວງຍິ່ງກວ່າ
ນ້ອງນີ້ເຝົ້າຝັນ ເຖິງວັນວິວາ
ນ້ອງປຣາຖນາ ຈະຮ່ວມຊີວາສເມີ…

ເນື້ອຮ້ອງ & ທຳນອງ : ພົມມະ ພິມມະສອນ (~1990)
ນັກຮ້ອງຕົ້ນສະບັບ : ບຸນທ່ຽງ ມະນີວົງສ໌

1) ກ່ອນຕາຍ ອ້າຍຢາກພົບນ້ອງ
ຢາກຢູ່ຄຽງສອງ ນ້ອງນັ່ງຢູ່ໃກ້
ຢາກພໍ່າຄຳຮັກ ທີ່ມັນລົ້ນໃຈ
ບອກກ່ອນສຸດທ້າຍ ກ່ອນໃຈຈະຂາດ

2) ກ່ອນຕາຍ ອ້າຍຢາກພົບນ້ອງ
ຢາກໂອບປະຄອງ ນ້ອງໃຫ້ສົມມາດ
ຢາກຈູບໃຫ້ຊຶ້ງ ໃຫ້ຊຶ້ງຣົສຊາດ
ຈູບຈົນໃຈຂາດ ກ່ອນຕາຍກ່ອນຕາຍ

• ກ່ອນສິ້ນໃຈ ອ້າຍຢາກໄດ້ຟັງ
ຈາກປາກນ້ອງນາງ ວ່າຮັກແຕ່ອ້າຍ
ຢາກຍິນຄຳຫວານ ກ່ອນສິ້ນໃຈຕາຍ
ເພື່ອຈະຈຳໄວ້ ໄປໃນໂລກໜ້າ

3) ກ່ອນຕາຍ ອ້າຍຢາກພົບນ້ອງ
ຢາກຢູ່ຄຽງສອງ ນ້ອງນັ່ງຕໍ່ໜ້າ
ຢາກກອດຈູບນ້ອງ ກ່ອນມ້ວຍຊີວາ
ກ່ອນເຖິງເວລາ ຂາດໃຈຈາກນາງ…

ເນື້ອຮ້ອງ & ທຳນອງ : ພົມມະ ພິມມະສອນ (~1970)
ນັກຮ້ອງຕົ້ນສະບັບ : ພົມມະ ພິມມະສອນ

1) ລະຫານໍ້າ ບ້ານງາມແຫ່ງເມືອງສອງຄອນ
ແລະນຶ່ງໃນດອນ ແຜ່ນດິນສວັນ
ຖິ່ນນີ້ ອຸດົມສົມບູນພູນພັນ
ພືດທັນຍາຫານ ເຂົ້າປາຢາຝ້າຍ

2) ລະຫານໍ້າ ນໍ້ານອງປ່ຽມຢູ່ທຸກການ
ສົມດັ່ງກ່າວຂານ ແຫ່ງຄົນຖິ່ນໄກ
ແຕ່ນໍ້າ ບໍ່ເຄີຍຖ້ວມບ້ານນີ້ໄດ້
ອີກທົ່ງມາກຫຼາຍ ບໍ່ເຄີຍເສັຽຫາຍຈັກປີ

• ລະຫານໍ້າ ສົມຄວນແກ່ພັທນາ
ແລຊົ່ວສຸດຕາ ເຂົ້າຂຽວຂະຈີ
ຄໍ່າແລງແສງທອງ ສ່ອງຜິວນະທີ
ເຊບັ້ງຫຽງນີ້ ງາມເຫຼືອຣຳພັນ

3) ລະຫານໍ້າ ເຈົ້າງາມດັ່ງຄຳລືຊາ
ພັທສິມາ ອາຣາມເສີດສັນ
ໄດ້ມາ ອຸຣາຂ້າສຸດຕື້ນຕັນ
ຢາກປັກຫຼັກໝັ້ນ ກັບລະຫານໍ້າ…
ລະຫານໍ້າ… ລະຫານໍ້າ… ລະຫານໍ້າ…