ເນື້ອຮ້ອງ & ທຳນອງ : ພົມມະ ພິມມະສອນ (1968)
ນັກຮ້ອງຕົ້ນສະບັບ : ພົມມະ ພິມມະສອນ
1) ດຸຈດັ່ງດາຣາ ສາດແສງມາຈາກສວັນ
ດັ່ງນຶ່ງດວງຈັນ ສ່ອງຜືນປະຖະພີ
ນາງຄືໂຄມທອງ ສ່ອງຊີວິດນີ້
ເປັນຣາຊີນີ ແລະເຈົ້າຫົວໃຈ
2) ດຸຈດັ່ງນໍ້າຝົນ ຫຼົ່ນໄຫຼມາຈາກສວັນ
ຕົກເປັນລຳທານ ຫຼໍ່ລ້ຽງພຶກສາໄພ
ນາງຄືກຳລັງ ແຫ່ງພລັງນໍ້າໄຫຼ
ໄຫຼໂລມຣຶທັຍ ໃຫ້ຊີວິດຍືນ
• ນ້ອງຄືທຸກສິ່ງ ທີ່ອ້າຍຕ້ອງການ
ປັກໃຈໃຝ່ຝັນ ທຸກວັນແລະຄືນ
ນັ່ງນອນຍັງເພີ້ ລະເມີຍາມຕື່ນ
ທຸກວັນແລະຄືນ ສຸດຝືນຫົວໃຈ
3) ຂາດນາງເຫວ່ວ້າ ດັ່ງນະພາຂາດເດືອນດາວ
ຕ້ອງທົນງຽບເຫງົາ ໂສກເສົ້າສຸດເສັຽໃຈ
ຄືນວັນອາວອນ ຖອດຖອນຣຶທັຍ
ສິ້ນຮັກໂລມໃຈ ໄດ້ແຕ່ເພີ້ຄວນ…
