ເນື້ອຮ້ອງ & ທຳນອງ : ສຸຣິວັດ ຣັຕນະສວັນ (1965)
ນັກຮ້ອງຕົ້ນສະບັບ : ສັນຕິ ພິມສຸວັນ

1) ແດນດິນຖິ່ນໄກ ເຫຼືອຕາ
ຢູ່ສຸດນະພາ ຍັງມີດອກຟ້າແສນງາມ
ຫາກໃຜໄດ້ເຫັນ ຈະມົວຫຼົງ
ເຝົ້າຝັນພະວົງ ຫຼົງຕິດຕາມ
ສາວເອີຍສາວງາມ ງາມເຫຼືອໃຈ…

2) ງາມຈິງດັ່ງຄຳ ເຂົາຊົມ
ຖ້າໄດ້ສູ່ສົມ ຊື່ນຊົມກັບນ້ອງສົມໃຈ
ຈະຂໍໃຝ່ຝັນ ແຕ່ນາງດຽວ
ບໍ່ຂໍຂ້ອງກ່ຽວ ຍິງອື່ນໃດ
ເຝົ້າແຕ່ຫຼົງໃຫຼ ໃຝ່ຝັນໃຈປອງ…

• ໂອ້… ກຸຫລາບສວັນ
ແຫ່ງເມືອງປາກຊັນ ໃຫ້ອ້າຍຝັນໝາຍປອງ
ໃຈຫວັງຢູ່ຄຽງປຣະຄອງ ກຸຫລາບເປັນສີດັ່ງທອງ
ເມື່ອຍາມແສງສ່ອງ ຈາກດວງສຸຣິ…

3) ຍາມແລງຄໍ່າລົງ ນໍ້າຊັນ
ໂອ້ບໍຣິຄັນ ນໍ້າຊັນໄຫຼຜ່ານໃສດີ
ໄດ້ເຫັນໝູ່ສາວ ເຈົ້າລ່ອງລອຍ
ໝູ່ປາໃຫຍ່ນ້ອຍ ລອຍເຫຼັ້ນຄີ
ສິ້ນແສງສຸຣີ ສາດສີແສງຈັນ…

ເນື້ອຮ້ອງ & ທຳນອງ : ສີລາວົງ ແກ້ວ (1968-1969)
ນັກຮ້ອງຕົ້ນສະບັບ : ສີລາວົງ ແກ້ວ

1) ອ້າຍຄົງບ້າ ບ້າຮັກເສັຽແລ້ວ
ຢາກເຫັນນ້ອງແກ້ວ ບໍ່ແລ້ວບໍ່ເລົ່າ
ຫົວໃຈ ອ້າຍຮ້ອນຮ້ອນດັ່ງໄຟເຜົາ
ທັງໆທີ່ເຮົາ ເຫັນກັນເກືອບທຸກວັນ

2) ອ້າຍຢາກເຫັນ ຈົນທົນບໍ່ໄຫວ
ຢາກເຫັນຈອມໃຈ ຈຶ່ງໄດ້ມາຜ່ານ
ເຫັນພຽງ ເຄຫາອ້າຍກໍສຸກສັນ
ທຸກໆຄືນວັນ ໃຝ່ຝັນຢາກເຫັນນ້ອງນາງ

• ຍາມຣາຕຣີ ມີແສງສວ່າງສ່ອງມາ
ງາມໜັກໜາ ສີຟ້າຫ້ອງນອນຂອງນາງ
ເຈົ້າຂອງ ຫ້ອງນອນຄົງຈະອ້າງວ້າງ
ຈຶ່ງຄວນຄາງ ຮ້ອງເພງໂສກໆອອກມາ

3) ຫາກວັນໃດ ອ້າຍບໍ່ໄດ້ເຫັນ
ສຸດແສນລຳເຄັນ ຫົວໃຈຈຽນບ້າ
ເຖິງນອນ ອ້າຍນີ້ກໍບໍ່ຫຼັບຕາ
ເພາະຢາກເຫັນໜ້າ ແກ້ວຕາຂວັນໃຈຜູ່ດຽວ…

ເນື້ອຮ້ອງ & ທຳນອງ : ສີລາວົງ ແກ້ວ (1970)
ນັກຮ້ອງຕົ້ນສະບັບ : ສີລາວົງ ແກ້ວ

1) ອ້າຍຂໍ ເວລາສອງປີ
ຄົນດີ ນ້ອງຄົງຄອຍໄດ້
ສອງປີ ທີ່ອ້າຍຈາກໄປ
ຈາກໄປ ເພື່ອການສຶກສາ

2) ອ້າຍຂໍ ເວລາສອງປີ
ຄົນດີ ນ້ອງຈົ່ງຄອຍຖ້າ
ສອງປີ ອ້າຍຈະກັບມາ
ກັບມາ ຫາຍອດຊີວີ

• ອະນາຄົດ ຈະກ້າວໄປໄກ
ເມື່ອເຮົາໄດ້ ມີການສຶກສາດີ
ຫາກວັນໃດ ອ້າຍຮຽນຈົບສອງປີ
ແລ້ວເຮົາຈະມີ ຊີວິດອັນແຈ່ມໃສ

3) ອ້າຍຂໍ ເວລາສອງປີ
ຄົນດີ ນ້ອງຢ່າມີໃໝ່
ທີ່ຮັກ ນ້ອງຢ່າທຳລາຍ
ປ່ຽນໃຈ ຈາກທາງຮັກເຮົາ…

ເນື້ອຮ້ອງ & ທຳນອງ : ບຸນທັມ ສຼີພຣົຫ໌ມໄຊຍ໌ (1968)
ນັກຮ້ອງຕົ້ນສະບັບ : ຈັນຫອມ ປັນຈະພາຣົມຍ໌

1) ຢ່າມາຍົວະເຍົ້າ ເຈົ້າຊູ້ເໝືອນໄກ່ແຈ້
ຢ່າມາອໍ້ແອ້ ຫຼິ້ນລົ້ວຫົວແກ້ງຢອກ
ຢ່າມາປາກຫວານ ເພື່ອຫວັງລວງຫຼອກ
ເລ່ກົນປີ້ນປອກ ຮູ້ດອກພໍ່ຍອດຊາຍ

2) ຢ່າມາຄໍ່າຄວນ ວ່າຮັກຮັກອີ່ຫຼີ
ຢ່າມາຊູຊີ ອອດອ້ອນຂໍວອນໄຫວ້
ຢ່າມາອວດອ້າງ ຖືກຫວຍລວຍໃຫຍ່
ຣົຖເກ໋ງຄັນໃໝ່ ນັ້ນຄົງຢືມເຂົາມາ

• ເຄີຍພົບເຫັນ ມາກແລ້ວ
ຜູ່ຊາຍແມວໆ ເຜີຕົວເປັນເສັຽທ່າ
ປາກເວົ້າ ມືໄວໄຂວ່ຄວ້າ
ຮ້ອຍເລ່ມານຍາ ເກີນເປັນຕາຊັງແທ້ໆ

3) ຢ່າມາຄຸຍໂມ້ ອວດທ້າວ່າບໍ່ຢ້ານ
ຕິດຕາມໄປບ້ານ ມີຫວັງຮ້ອງຄາງແນ່
ບໍ່ຈັກແມ່ເສືອ ເອົາໄມ້ມາແຍ່
ຂືນທຳອໍ້ແອ້ ຣະວັງຈະຫົວໂນ…

ຂືນທຳອໍ້ແອ້ ຣະວັງຈະຫົວໂນ…
ຢ່າມາອໍ້ແອ້!

ເນື້ອຮ້ອງ & ທຳນອງ : ບຸນທັມ ສຼີພຣົຫ໌ມໄຊຍ໌ (1968)
ນັກຮ້ອງຕົ້ນສະບັບ : ຈ. ປະຈັກໃຈ

1) ຢ່າປຽບອ້າຍນັ້ນ ເຈົ້າຊູ້ເໝືອນໄກ່ແຈ້
ທີ່ມາອໍ້ແອ້ ກໍເພາະຮັກນ້ອງດອກ
ຢ່າຄິດວ່າອ້າຍ ມຸ່ງຫວັງລວງຫຼອກ
ຮັກຈິງຈຶ່ງຢອກ ນະເຈົ້າດອກບົວທອງ

2) ອ້າຍມີຄວາມຮັກ ຕໍ່ນ້ອງແນ່ອີ່ຫຼີ
ເຊື່ອເຖີດຄົນດີ ແມ່ສີເນື້ອນວນຜ່ອງ
ຕ້ອງການທີ່ດິນ ຫຼືຕຶກຮາມບ້ານຊ່ອງ
ເຣື່ອງເງິນເຣື່ອງທອງ ນ້ອງເອີຍຈົ່ງບອກມາ

• ຮັກນ້ອງ ດົນນານແລ້ວ
ແມ່ນຈະຂາແປ້ວ ອ້າຍນີ້ກໍບໍ່ວ່າ
ຈະເປັນສາວ ຫຼືພວມຖືພາ
ປະຮ້າງຜົວມາ ແຮ່ງເປັນຕາຮັກແທ້ໆ

3) ຕໍ່ໃຫ້ໝາຮ້າຍ ແສນຮ້າຍອ້າຍບໍ່ຢ້ານ
ຈະນຳໄປບ້ານ ສູ່ຂໍນຳພໍ່ແມ່
ເພື່ອພິສູດຮັກ ຮັກນ້ອງຈິງແນ່
ຈຶ່ງຕາມອໍ້ແອ້ ຫົວໂນອ້າຍກໍຍອມ…

ຈຶ່ງຕາມອໍ້ແອ້ ຫົວໂນອ້າຍກໍຍອມ…
ອໍ້ແອ້ເພາະຮັກ!

ເນື້ອຮ້ອງ & ທຳນອງ : ສ. ແສງສິຣິວັນ (1970)
ນັກຮ້ອງຕົ້ນສະບັບ : ຈັນທະຣາ ອຸເທນສັກດາ

(ສອຍ)
ໃຈໜໍໃຈ ເຫດອັນໃດນ້ອງຈຶ່ງມາປ່ຽນ
ໃຈໝຸນວຽນ ດັ່ງກົງກວຽນທີ່ໝຸນຕາມທາງ

1) ຄັ້ງແຣກນ້ອງບອກ ວ່າຮັກ ອ້າຍຫຼົງສມັກ ເຝົ້າຮັກເຝົ້າຫວັງ
ປັກຈິດ ໄວ້ພຽງນ້ອງ ໄດ້ແຕ່ໝາຍປອງ ນ້ອງມາຄຽງຂ້າງ
ຍາມນອນອ້າຍຝັນ ເຫັນເຈົ້າ ຢິກຢອກເຢົ້າ ຊື່ນຊົມທຸກຢ່າງ
ຕື່ນແລ້ວ ເລີຍບໍ່ມີນາງ ພຽງຝັນຄ້າງ ໂອ້ຍ ! ເຈັບດວງໃຈ

(ສອຍ)

2) ຮັກແທ້ນ້ອງບອກ ຊອກຫາ ຜູ່ໃຫຍ່ມາ ຂໍຕາມແນວທາງ
ປີນັ້ນ ອ້າຍສູ່ຂໍ ນ້ອງກໍບອກໃຫ້ລໍ ແລ້ວຕຽມທຸກຢ່າງ
ອ້າຍເອງກໍຕຽມ ເຕັມທີ່ ແຕ່ເວນມີ ຕ້ອງໜີໄກຫ່າງ
ປີນີ້ ອ້າຍມາພົບນາງ ອຸ໋ຍ ! ນ້ອງຊ່າງ ຕຸ້ຍກາງແທ້ເອີຍ ໂອ້ຍ!

(ສອຍ)

• ໃຈໜໍໃຈ ເຫດອັນໃດນ້ອງຈຶ່ງມາປ່ຽນ
ໃຈໝຸນວຽນ ດັ່ງກົງກວຽນທີ່ໝຸນຕາມທາງ…

ເນື້ອຮ້ອງ & ທຳນອງ : ສ. ແສງສິຣິວັນ (1965)
ນັກຮ້ອງຕົ້ນສະບັບ : ສົມຟອງ ຊົງມີໄຊ

1) ກຸຫລາບດອກນີ້ ຊ່າງງາມດີ ນ້ອງນີ້ຂໍມອບໃຫ້
ເພື່ອເປັນຂວັນໃຈ ແດ່ຍອດຊາຍ ທີ່ປຣາຖນາ
ກຸຫລາບກິ່ນຫອມ ນ້ອງຖນອມ ຢູ່ທຸກວັນເວລາ
ແຕ່ເພື່ອອ້າຍດອກໜາ ນ້ອງຈຶ່ງເດັດມາ ມອບໃຫ້ແທນກາຍ

2) ກຸຫລາບດອກນີ້ ປຽບຊີວີ ນ້ອງຖອດແຝງສະຖິດ
ເມື່ອໃດໝອງຈິດ ໂປຣດຢ່າຄິດ ຢຽບຍໍ່າທຳລາຍ
ຂໍຈົ່ງຮັກສາ ແມ່ນບຸບຜາ ຈະເສົ້າສີແຫ້ງໄປ
ແຕ່ອ້າຍຢ່າປ່ຽນໃຈ ຢ່າຄິດແໜງໜ່າຍ ຊັງເຈົ້າຂອງກຸຫລາບ

• ບຸບຜາປ່ຽນໄປ ປຽບຮ່າງກາຍ ຂອງຄົນເຮົານີ້
ໜຸ່ມແໜ້ນຕຶງດີ ເຖົ້າແກ່ເສັຽສີ ປ່ຽນແປງສະພາບ
ເວັ້ນແຕ່ຫົວໃຈ ມິປ່ຽນໄປ ເໝືອນດັ່ງກຸຫລາບ
ຍິ່ງນານຮັກ ຊຶມຊາບຊວງໃນ ຫາກໃຜມີຮັກຈິງ

3) ກຸຫລາບດອກດຽວ ປຽບຮັກດຽວ ນ້ອງຝາກຝັງຕໍ່ອ້າຍ
ບໍ່ມີສອງໃຈ ປະກັນໄວ້ ດ້ວຍກຽດຂອງຍິງ
ຂໍແຕ່ຕົວອ້າຍ ນັ້ນຢ່າໝາຍ ພຽງຫວັງຊົມແນບອິງ
ຈົ່ງຮັກຈາກໃຈຈິງ ແລ້ວທຸກໆສິ່ງ ຈະເປັນຂອງອ້າຍເລີຍ…

ເນື້ອຮ້ອງ & ທຳນອງ : ພົມມາ ສົມສຸທິ (≲1966)
ນັກຮ້ອງຕົ້ນສະບັບ : ຈັນທະຣາ ອຸເທນສັກດາ

(ສອຍ)
ຕຶກຕັກ ຕຶກຕັກ ມີໃຜຮູ້ຈັກວ່າສຽງຈາກອີ່ຫຍັງ
ສົນໃຈກະເອົາຫູເຂົ້າມາຟັງ (ຊໍ້າ)
ສຽງນີ້ມັນດັງ ເກືອບຫົວໃຈຊິຫັກ

1) ຢູ່ດຽວປ່ຽວເອກາ ໄປທຽວຊອກຫາຜູ່ຊິມາຮ່ວມຮັກ
ເມື່ອສອງສາມມື້ຜ່ານມາ ອ້າຍເຫັນແກ້ວຕາຢູ່ທ່າເຮືອບັກ
ໂທ້ສວຍ… ສວຍງາມບາດໃຈແທ້ ນ້ອງບໍ່ຫຼຽວແລ ອ້າຍກໍຄົງອົກຫັກ

(ສອຍ)

2) ຄໍ່າຄືນຂ້ອຍນອນໜາວ ຄຶດເຖິງເຈົ້າໂລດບໍ່ມີຍາມພັກ
ເອິກບ່າວມັນເສົ້າອີ່ຫຼີ ກໍເພາະບໍ່ມີຜູ່ໃຫ້ນອນໝູນຕັກ
ໂອ້ຍໜາວ… ເຫັນເຈົ້າແຕ່ມື້ນັ້ນ ອ້າຍເກັບໄປຝັນ ຈົນໜາວສັ່ນງັກໆ

(ສອຍ)

3) ວ່າຮັກຄືຢາພິດ ແຕ່ອ້າຍພໍຈິດຈະລອງຊີມພິດຮັກ
ຂໍພຽງໄດ້ແນບເອິກສາວ ຊີວິດບໍ່ຍືນຍາວອ້າຍກໍຂໍສມັກ
ໄດ້ຫອມ… ໄດ້ອີງໄດ້ພີງຂວັນ ຕາຍກະຊ່າງມັນ ເພາະວ່າໃຈອ້າຍມັກ

(ສຸດທ້າຍ)
ຕຶກຕັກ ຕຶກຕັກ ມີໃຜຮູ້ຈັກວ່າສຽງຈາກອີ່ຫຍັງ
ສົນໃຈກະເອົາຫູເຂົ້າມາຟັງ ສົນໃຈກະຈິເວົ້າໃຫ້ເຈົ້າຟັງ
ຮັກເຈົ້າຈິງຈັງ ຈັ່ງສຽງດັງຕຶກຕັກ
ຕຶກຕັກ…ຕຶກຕັກ…ຕຶກຕັກ…

ເນື້ອຮ້ອງ & ທຳນອງ : ຄຳພູ ທະວີວັນ (19??)
ນັກຮ້ອງຕົ້ນສະບັບ : ຄຳພູ ທະວີວັນ

(ສອຍ)
ເດືອນດວງງາມ ລອຍແວວວັບຢູ່ບົນທ້ອງຟ້າ
ໝູ່ດາຣາລອຍນະພາ ໃນຄືນວັນເພັງ
ລອຍນະພາ ໃນຄືນວັນເພັງ

1) ພໍ່ຕູ້ເຜີຍນັ່ງຢູ່ປາຍຊານ ໄກວອູ່ຫຼານເຮັດສຽງອ້ອຍອີ່ແອ່ງ
ເດິກໄປລົມມັນກໍເລີຍພັດ ໃຈນຶກໜາວເລີຍລຸກມະກ່ອງມະແກ່ງ
ພໍລຸກໄປກໍເລີຍ ໄປຢຽບເອົາແອ່ງ ລົ້ມລົງທາງແຄງ ໂອ້ຍ! ຕາຍກູ ຕາຍກູ…

(ສອຍ)

2) ເມັຽຕູ້ເຜີຍຜູ່ນອນຢູ່ເທິງຕຽງ ພໍໄດ້ຍິນສຽງກໍເລີຍລຸກອອກມາດູ
ຕົກກະໃຈຄິດວ່າເປັນຄົນລຶກລັບ ຄວ້າເອົາໄມ້ຂະມັບເອົາລະບໍ່ມຶງກະກູ
ຈອບເຂົ້າໄປ ພໍແນມເຫັນໜ້າພຸ່ມພູ່ ໂດດເຂົ້າໄປສ່ອງດູ ເອົາລະບໍ່ກູກະມຶງ…

(ສອຍ)

3) ສ່ວນຕູ້ເຜີຍຜູ່ກຳລັງອ່ອນແຮງ ນອນຕະແຄງມອງເຫັນເລີຍຕົກຕະລຶງ
ເອ໋ະເມັຽກູເປັນຫຍັງຖືໄມ້ຂະມັບ ລຸກປຶບປັບຂະມັບວືມາພໍດີ
ຟັງສຽງດັງເກີນວ່າ ກ໊ອກໄດ້ກ໊ອກດີ ໜໍ່າຕັ້ງສິບຊາວທີ ສຽງມັນດີພໍຟັງ…

(ສອຍ)

4) ພໍສິ້ນຣົບເລີຍພິກເອົາສົບມາດູ ອ້າວຕາຍ! ຜົວກູຊູຂຶ້ນມາລຸກນັ່ງ
ທາງຕູ້ເຜີຍຍັງແຄ້ນໃຫ້ແກ່ເມັຽຮັກ ກໍເລີຍພລັກເອົາຈົນເມັຽກົ້ນທັ່ງ
ຢ່າງອົກຕຶງ ທຳໜ້າບຶ້ງຂຶງຂັງ ກູຕົກຊານກໍຍັງ ເອົາຂະມັບມາໃຫ້ກິນ…

(ສອຍ)

ສາຣະບານເພງລາວ ຊຸດທີ່ 06
(ເລີ່ມຕົ້ນເຜີຍແຜ່ ວັນທີ່ 06 ທັນວາ 2019)

 251 - ວິມານວຽງທອງ
 252 - ທາງຊີວິດ
 253 - ຄິດຄະນຶງເຖິງບ້ານ
 254 - ຫ່ວງວຽງຈັນ
 255 - ຊຽງຂວາງແຫ່ງຄວາມຫຼັງ
 256 - ຫາດຊາຍສວັນ
 257 - ນ້ອງສາວເຈົ້າຢູ່ໃສ
 258 - ເພາະຮັກ
 259 - ຈະຄອຍຂວັນໃຈ
 260 - ນິມິດພິສວາດ
 261 - ຮັກເພື່ອຊໍ້າ
 262 - ແສງເດືອນໃນອະດີດ
 263 - ກ້ຽວສາວງື່ມ
 264 - ສົມຣົສສົມຮັກ
 265 - ເຫຼືອແຮງຮັກ
 266 - ຢ່າຫຼົງ
 267 - ເທວີສວັນ
 268 - ສື່ຮັກຈາກສາຍຕາ
 269 - ເຕືອນສາວດາວສມັຍ
 270 - ໂຊກຕ່າງລ່າງ
 271 - ຈ່າຕຣີລຳພັນ
 272 - ວອນນ້ອງກັບຄືນ
 273 - ທັມມະຊາດເມືອງສຸ້ຍ
 274 - ກ່ອນຈາກ
 275 - ພິສວາດເມືອງຫລວງ
 276 - ນີ້ຫຼືຮັກຈິງ
 277 - ໃຜລວງໃຜ
 278 - ພຽງຜິດນັດ
 279 - ສິ້ນສັ່ງຈາກໄປ
 280 - ສັ່ງຍາດສູ່ແນວໜ້າ
 281 - ບ້ານນາຜາສຸກ
 282 - ລືມໄລບ້ານປ່າ
 283 - ເຮົາບໍ່ຄວນພົບກັນ
 284 - ເບື້ອງຫຼັງຍັງຝັງໃຈ
 285 - ນຶ່ງອ້າຍຊາຍດຽວ
 286 - ລາກ່ອນດອກຟ້າ
 287 - ພົ້ນເຄາະເພາະຈົນ
 288 - ລັກມັກ
 289 - ລົມໜາວສາວຈົ່ມ
 290 - ໜຸ່ມໜ້າໜາວ
 291 - ຢ່າເຊື່ອ
 292 - ຫຼັງສາກ
 293 - ສວັນສລາຍ
 294 - ຢ່າເຊື່ອຜູ່ຊາຍ
 295 - ສາວໜ້າໜາວ
 296 - ຮັກອີ່ຫຼີບໍ່?
 297 - ພາບນ້ອຍແທນນາງ
 298 - ຮັກນ້ອງແທ້
 299 - ນໍ້າຕາຊາຍ
 300 - ໜາວໃຈ