ເນື້ອຮ້ອງ & ທຳນອງ : ສິນ ວຽງໄຊ (1970)
ນັກຮ້ອງຕົ້ນສະບັບ : ດາວມະນີວອນ

1) ໂອ້ຊີວິດ ຂ້ານ້ອຍຕັ້ງແຕ່ເກີດມາ
ເໝືອນກັບວ່າ ມີມົນຈາກສວງສວັນ
ຢູ່ໃຕ້ສາຍຄາ ຖານະມີທຸກສິ່ງອັນ
ຊີວິດມີແຕ່ສຸກສັນ ພັຍພານບໍ່ມີມາຕ້ອງ

2) ສ້າງກຸສົນ ມາກລົ້ນເກີນຈະປະມານ
ມິເຄີຍຫວັ່ນ ດວງໃຈບໍ່ໄດ້ໝົ່ນໝອງ
ແຕ່ວ່າຄວາມຫວັງ ນັ້ນຍັງບໍ່ໄດ້ສົມປອງ
ຫົວໃຈຍັງຮໍ່າຮຽກຮ້ອງ ຄູ່ຄອງໄວ້ຊື່ນສຸກສົມ

• ເວລາ ນາທີ ເດືອນປີຜ່ານໄປ
ຈວນຈະເກີນວັຍ ແລ້ວໃຜຈະມານິຍົມ
ເຈົ້າແຫ່ງຄວາມຮັກ ບໍ່ຈັກບໍຂ້າຂື່ນຂົມ
ເທວະດາພຣະອິນພຣະພຣົມ ຂ້າຕຣົມເພາະຕຣົມເຫຼືອທົນ

3) ເຈົ້າຢູ່ໃສ ຄົນຮັກເນື້ອຄູ່ຢູ່ໃສ
ສຽງຮ້ອງໄຫ້ ຈາກໃຈອາພັບຂັດສົນ
ຢ່າປ່ອຍໃຫ້ຫວນ ຄໍ່າຄວນເສົ້າໂສກໝອງໝົ່ນ
ປຣານີຂ້າເຖີດຈັກຄົນ ຈະໂອນກາຍໃຈໃຫ້ຄອງ…

ເນື້ອຮ້ອງ & ທຳນອງ : ສີລາວົງ ແກ້ວ (1970)
ນັກຮ້ອງຕົ້ນສະບັບ : ແສນສັກດາ ປ້ອງພິມຄຳ

1) ເໝືອນຟ້າຜ່າລົງ ໃນກາງດວງໃຈ
ເໝືອນດັ່ງມີໄຟ ໄໝ້ເຜົາອຸຣາ
ມັນເຈັບມັນຊໍ້າ ຫົວໃຈໜັກໜາ
ເມື່ອຄວາມຮັກຂ້າ ນັ້ນມາສລາຍ

2) ເຮົາສອງກ່ອນເຄີຍ ເຝົ້າຮັກກັນມາ
ຫວັງຮ່ວມວິວາ ສຸກສົມດັ່ງໝາຍ
ຫວັງສ້າງຊີວິດ ຮ່ວມກັນສເມີໄປ
ບໍ່ມີແໜງໜ່າຍ ຮັກກັນຊົ່ວຟ້າດິນ

• ເຫດໃດ ຜູ່ໃຫຍ່ຈຶ່ງຕັດຮັກເຮົາ
ສ້າງຄວາມປວດຣ້າວ ໃຫ້ເຮົານໍ້າຕາໄຫຼລິນ
ໂທ້ດວງໃຈ ຮັກເຮົາຕ້ອງມາສູນສິ້ນ
ໂທ້ຟ້າດິນ ອິນພຣົມຊ່າງບໍ່ເຫັນໃຈ

3) ຊາດນີ້ເຮົາສອງ ມີມານຜະຈົນ
ອ້າຍຈຶ່ງຈຳທົນ ຫຼີກທາງນ້ອງໄປ
ນ້ອງຢ່າມີທຸກ ເສົ້າໂສກເສັຽໃຈ
ຫາກມີຊາດໃໝ່ ຂໍໃຫ້ຮັກເຮົາສົມປອງ..

ເນື້ອຮ້ອງ : ສິລ ເມືອງໃຕ້ / ທຳນອງ : ພົມມະ ພິມມະສອນ (1970)
ນັກຮ້ອງຕົ້ນສະບັບ : ພົມມະ ພິມມະສອນ

1) ວັນໃດຖ້າຫາກ ບໍ່ເຫັນນວນນາງ
ວັນນັ້ນກໍດັ່ງ ເປັນວັນຣະທົມຂອງຂ້າ
ວັນນັ້ນຈະເປັນອະເວຈີ ວັນນັ້ນຈະມີແຕ່ນໍ້າຕາ
ວັນເສົ້າໂສກາ ແຫ່ງໃຈ

2) ວັນໃດຕ້ອງຜ່ານ ບ້ານນ້ອງຫຼາຍຄາວ
ພໍຫາຍຄາຍເສົ້າ ຄາຍຄວາມຣະທົມໝອງໄໝ້
ບໍ່ພົບໜ້ານາງຍັງພົບເຮືອນ ເປັນສຸກດັ່ງເໝືອນພົບຂວັນໃຈ
ເຫັນຜ້າຕາກໄວ້ ຫາຍຕຣົມ

• ໃນຊີວິດ ທີ່ມືດນີ້
ຫວັງໃຫ້ຄົນດີ ເປັນແສງສວ່າງໃຫ້ຊົມ
ແຕ່ຢູ່ສຸດເອື້ອມ ຫຼືໄກເກີນໝາຍພິຣົມ
ກໍຂໍໄດ້ຊົມ ແມ່ນພຽງແຕ່ເງົາ

3) ວັນໃດຖ້າຫາກ ບໍ່ພົບຍິ້ມນາງ
ວັນນັ້ນກໍດັ່ງ ເປັນວັນຣະທົມແສນເສົ້າ
ວອນນ້ອງເຈົ້າໂປຣດຈົ່ງເຫັນໃຈ ຢ່າລີ້ຫຼີກກາຍຫຼົບຊ້ອນເງົາ
ປະກົດກາຍເຈົ້າ ໃຫ້ຊົມ…

ເນື້ອຮ້ອງ : ສິລ ເມືອງໃຕ້ / ທຳນອງ : ພົມມະ ພິມມະສອນ (1970)
ນັກຮ້ອງຕົ້ນສະບັບ : ພົມມະ ພິມມະສອນ

1) ບາບໃຈ ທີ່ໄປຫຼົງຄົນມີຄູ່
ບາບໃຈ ທີ່ດູເຂົາຢ່າງອິດສາ
ບາບໃຈ ທີ່ໄປທຸ່ມເທສັດທາ
ບາບໃຈ ທີ່ພາປ່ອຍຕົວໃຫ້ຫຼົງ

2) ບາບໃຈ ທີ່ໄປລຸນຫຼັງຄົນອື່ນ
ບາບໃຈ ຕ້ອງກືນເກັບຄວາມປຣະສົງ
ບາບໃຈ ທີ່ໄປພະວ້າພະວົງ
ບາບໃຈ ໄປຫຼົງເຈົ້າຂອງເຂົາມີ

• ບາບໃຈ ບາບໃຈບາບແລ້ວຈິງໆ
ຍອດຍິງ ເໝືອນດາວບົນປະຖະພີ
ຮູບຊົງ ແອວອົງຄ້າຍດັ່ງມະນີ
ຄົນດີ ຄົນດີຂອງໃຜຜູ່ໃດ

3) ບາບໃຈ ອະພັຍເຈົ້າຂອງຫວງຫ້າມ
ບາບໃຈ ທີ່ຕາມຫຼຽວລໍ້າຄຳໝາຍ
ບາບໃຈ ທີ່ໄປລຸ່ມຫຼົງດຽວດາຍ
ບາບໃຈ ບາບໃນຄວາມຝັນລົມໆ…

ເນື້ອຮ້ອງ & ທຳນອງ : ພົມມະ ພິມມະສອນ (1969)
ນັກຮ້ອງຕົ້ນສະບັບ : ພົມມະ ພິມມະສອນ

ແກ້ວໃຈ… ແກ້ວໃຈ… ແກ້ວໃຈ…
1) ແກ້ວໃຈ…
ນາມນີ້ໂນ້ມໃຈ ໃຫ້ໄຫວຫວັ່ນ
ພົບພຽງຄັ້ງດຽວ ເທົ່ານັ້ນ
ຕ້ອງເກັບໄປຝັນ ໃຝ່ຫາ

2) ແກ້ວໃຈ…
ງາມເໜືອຍິງໃດ ໃນຫຼ້າ
ເໝືອນນາງຟ້າ ຈຸຕິມາ
ໃຫ້ໂລກຄວນຫາ ໝັ້ນປອງ

• ນາງງາມພຽບພ້ອມ ກິຣິຍາ
ນັຍນາ ເໝືອນດາຣາຈ້ອງ
ມາຣະຍາດວາດຊົງ ຄ່ຽມຄ່ອງ
ງາມນວນນ້ອງ ຍ່າງຍ້າຍລີລາ

3) ແກ້ວໃຈ…
ນາມນີ້ໂນ້ມໃຈ ຂອງຂ້າ
ແມ່ນໄດ້ນ້ອງຄູ່ ອຸຣາ
ຈະເຝົ້າຮັກສາ ແກ້ວໃຈ..
(ຄົງສຸກຈິງໜາ ແກ້ວໃຈ…)
ແກ້ວໃຈ… ແກ້ວໃຈ… ແກ້ວໃຈ…

ເນື້ອຮ້ອງ & ທຳນອງ : ພົມມະ ພິມມະສອນ (1970)
ນັກຮ້ອງຕົ້ນສະບັບ : ສົມຟອງ ຊົງມີໄຊ
ນັກຮ້ອງປີ 1978 : ບັງອອນ

1) ຣາຕຣີໄຮ້ ຈັນກະຈ່າງ
ດາວເລືອນລາງ ຈາກອົກຟ້າ
ລົມເຢັນ ໆ ພັດຜ່ານມາ
ປ່ຽວອຸຣາ ໜາວຈົນສັ່ນສາຍ

2) ຄົນເຄີຍຊິດ ເຊີຍຄຽງຂ້າງ
ມາແຮມຮ້າງ ຫ່າງໄປໃສ
ດວງໃຈຄວນ ແສນປວດໃຈ
ຢູ່ແຫ່ງໃດ ຫຍັງຈຶ່ງບໍ່ມາ

• ຄອຍ ໆ ໆ ຕັ້ງຕາຄອຍ
ໃຈລອຍ ໆ ຫຼົງຄອຍວ່າ
ດວງໃຈເຮົາ ຄົງມາຫາ
ອະນິຈຈາ ບໍ່ເຫັນແມ້ນເງົາ

3) ຄອຍ ໆ ຫາຍ ຊາຍເມີນໜ້າ
ໃຈເຫວ່ວ້າ ຈິຕງຽບເຫງົາ
ຣາຕຣີແຮມ ໄຮ້ໝູ່ດາວ
ປຽບອົກເຮົາ ໄຮ້ຄົນແອບອິງ…

ເນື້ອຮ້ອງ & ທຳນອງ : ຄຳຄົມ ເມືອງນະຄອນ (1971)
ນັກຮ້ອງຕົ້ນສະບັບ : ກ. ແກ້ວກໍ່າພ້າ

1) ໄປທ່ຽວເມືອງໄທ ກັບມາບໍ່ນານ
ຄຶດຮອດຕາຫວານ ນົງຄານທີ່ຢູ່ໜອງຄາຍ
ຄຶດຮອດຍິ້ມງາມຄົນແກ້ມບ່ອງ ຄຶດຝາກຮັກນ້ອງຈົນຕາຍ
ຄຶດຮອດບໍ່ຫາຍ ເສັຽດາຍທີ່ຈາກລາ

2) ທຸກມື້ຍາມແລງ ອ້າຍນີ້ໝົ່ນໝອງ
ທີ່ຮິມຝັ່ງຂອງ ນ້ອງຄົງບໍ່ຮູ້ດອກວ່າ
ອ້າຍນັ່ງຄະນຶງເຖິງນ້ອງຢູ່ ເບິ່ງຫາຍອດຊູ້ຂວັນຕາ
ບໍ່ນານດອກໜາ ຄົງໄດ້ມາອີກຄາວ

• ຮິມຂອງຍາມຄໍ່າ ເໝືອນທຳໃຫ້ອ້າຍ
ຄໍ່າຄວນບໍ່ຫາຍ ເສັຽດາຍອ້າຍເປັນຄົນລາວ
ນ້ອງຄົງບໍ່ຄິດລັງກຽດ ຄົງບໍ່ຫຍາມຫຍຽດເດີ້ສາວ
ຊາດໄທແລະລາວ ຄືພີ່ນ້ອງກັນ

3) ອ້າຍຢູ່ວຽງຈັນ ຄຶດຮອດບໍ່ຫາຍ
ທ່າບໍ່ໜອງຄາຍ ບໍ່ໄກແມ່ນບໍ່ວຽງຈັນ
ເຖິງມີນໍ້າຂອງມາຂວາງໜ້າ ສົ່ງໃຈໄປຫາທຸກວັນ
ຈະຮັກນ້ອງນັ້ນ ບໍ່ມີວັນເສື່ອມຄາຍ…

ເນື້ອຮ້ອງ & ທຳນອງ : ຄຳຄົມ ເມືອງນະຄອນ & ສ. ບົວລະພັນ (1971)
ນັກຮ້ອງຕົ້ນສະບັບ : ກ. ແກ້ວກໍ່າພ້າ

1) ເສັຽດາຍ ທີ່ອ້າຍມາທີຫຼັງ
ຄົງບໍ່ມີຫວັງ ຈະໄດ້ເປັນເຈົ້າຫົວໃຈ
ໄດ້ພຽງເຫັນໜ້າ ແກ້ວຕາເຈົ້າງາມກວ່າໃຜ
ໂອ້ຍ ເຈົ້າຊູ້ຫຼາຍ ເຈົ້າຊູ້ຫຼາຍແທ້ນໍ

2) ບໍ່ເຄີຍ ບໍ່ເຄີຍເຫັນໃຜດີງາມ
ເທົ່າກັບນົງຣາມ ງາມຫຼາຍກະດັດກະດໍ້
ຫຼືເປັນນາງຟ້າ ລົງມາບໍ່ແມ່ນຍົກຍ້ອງ
ມັກເຈົ້າແທ້ນໍ ຢາກຈະຂໍເປັນຄູ່ຄອງ

• ໄດ້ຍິນເຂົາເວົ້າ ວ່າເຈົ້າມີແຟນແມ່ນບໍ່?
ເຖິງມີແລ້ວກໍ ອ້າຍຂໍເປັນຕົວສຳຣອງ
ຖ້າແຟນນ້ອງຕາຍ ຢ່າລືມບອກອ້າຍເດີ້ນ້ອງ
ອ້າຍຈະມາຈັບຈອງ ເປັນເຈົ້າຂອງຈົນຕາຍ

3) ຖ້າອ້າຍ ໄດ້ນ້ອງມາເປັນມາດາມ
ເຊື່ອເຖີດຄົນງາມ ຈະໃຫ້ຢູ່ສຸກສະບາຍ
ກິນອ້າຍຈະປ້ອນ ຍາມນອນອ້າຍຈະກອດໄວ້
ບໍ່ໃຫ້ອຸກໃຈ ເຖິງອ້າຍຈະມາທີຫຼັງ…

ເນື້ອຮ້ອງ & ທຳນອງ : ພົມມະ ພິມມະສອນ (1970)
ນັກຮ້ອງຕົ້ນສະບັບ : ພົມມະ ພິມມະສອນ

1) ຢາກຄວັກຫົວໃຈ ນ້ອງອອກມາດູ
ເພື່ອຈະໄດ້ຮູ້ ວ່າມັນທຳດ້ວຍສິ່ງໃດ
ສີແດງຫຼືເຂັ້ມ ຫຼືເຕັມໄປດ້ວຍເຫຼັກໄຫຼ
ຫຼືທຳດ້ວຍຫິນແນວໃດ ຈຶ່ງໂຫດຮ້າຍໂຫດຮ້າຍເຫຼືອທົນ

2) ຢາກຄວັກຫົວໃຈ ນ້ອງສັບເປັນຕອນ
ສັບເປັນທ່ອນໆ ໃຫ້ແພດພິສູດໃຈຄົນ
ຊ່ວຍສັນນະສູດ ວ່າຍັງມີເລືອດເຈືອປົນ
ຫຼືໃຈນັ້ນດ້ານເຫຼືອທົນ ເລືອດຂອງຄົນນັ້ນສູນໄປສິ້ນ

• ຈຶ່ງຕັດຮັກໄດ້ ຢ່າງເລືອດເຢັນ
ຂ້າຄົນທັງເປັນ ຖືຄວາມຮັກເປັນເກມຫຼິ້ນ
ຮ້າຍຈິງຮ້າຍຈິງ ຮ້າຍຍິ່ງກວ່າໂຈນທະມິນ
ນໍ້າຄຳກິ້ງກອກປອກປີ້ນ ຢາກຕັດລີ້ນນັ້ນໃຫ້ຫຼຸດໄປ

3) ຢາກຄວັກຫົວໃຈ ຍິງໂຫດໃຈຫິນ
ສັບເປັນຊິ້ນໆ ທັງເອົາເຂັມສຽບປັກໃນ
ເອົາຢາດນໍ້າກົດ ຄ່ອຍເທຄ່ອຍຫົດລົງໄປ
ໃຫ້ສາໃຫ້ສົມແກ່ໃຈ ທີ່ທຳລາຍຄວາມຮັກໄດ້ລົງ…

ເນື້ອຮ້ອງ & ທຳນອງ : ພົມມະ ພິມມະສອນ (1972)
ນັກຮ້ອງຕົ້ນສະບັບ : ທັນຕະວັນ ຣາຊາສັກດ໌

1) ພໍກັນທີ ເຖີດໜາຟາກຟ້າ
ຢ່າທໍຣະມາ ຫົວອົກຂ້ານີ້ຕໍ່ໄປ
ຂ້າຊໍ້າຂ້າອຸກ ຂ້າທຸກຂ້າແຄ້ນເທົ່າໃດ
ໂປຣດຈົ່ງປະຫານຫົວໃຈ ຢ່າໄວ້ຊີວິດໃຫ້ຍັງ

2) ມີດວງໃຈ ກໍດ້ານເສັຽແລ້ວ
ບໍ່ມີວີ່ແວວ ຈະຊ່ວຍໃຫ້ຊີບຂ້າຫວັງ
ສິ້ນຮັກສິ້ນສຸກ ຂາດຊາຍເພື່ອນທຸກຄູ່ທາງ
ອຸກຈົນຫົວໃຈກະດ້າງ ບໍ່ຢາກຈະຫວັງຈະມີ

• ຢູ່ໄປ ທຸກວັນ
ກໍສຸດລຳຄານ ຫົວໃຈເຕັມທີ
ຢູ່ກໍຢູ່ຢ່າງ ຊໍ້າຣຶດີ
ຝືນຍິ້ມກັບຄວາມໂສກີ ແລະໂລກໂສກສັນ

3) ທໍຣະມານ ດວງໃຈສຸດຝືນ
ກ່ອນນອນທຸກຄືນ ເຝົ້າແຕ່ສະອື້ນໂສກສັນ
ທີ່ຮັກກໍຫ່າງ ຈືດຈາງໄປເສັຽຈາກກັນ
ໂອ້ຄົນຫົວໃຈຕາຍດ້ານ ຄອຍເຝົ້າວັນທີ່ຈະຕາຍ…