ເພງ “ຫາດຊາຍສວັນ”

ເນື້ອຮ້ອງ & ທຳນອງ : ສຸຣິວັດ ຣັຕນະສວັນ
ນັກຮ້ອງຕົ້ນສະບັບ : ທັນຕະວັນ ຣາຊາສັກດ໌

ວິດີໂອດົນຕຣີບັນເລງເພງ “ຫາດຊາຍສວັນ”
  1. ຫາດຊາຍ ສວັນ
    ແສນງາມຕາ ເມື່ອຍາມໄດ້ມາເດີນຊົມ
    ງາມຊາຍຂາວ ແວວວາວດັ່ງທອງ
    ເຫັນນໍ້າຟອງ ອ່ອນໄຫວຕາມລົມ
    ທັມມະຊາດຊ່າງສົມ ງາມຍິ່ງ

  2. ຫາດຊາຍ ແດນນີ້
    ເໝືອນດັ່ງມີ ມົນພາໃຫ້ຝັນເສັຽຈິງ
    ຊ່າງງາມສົມ ດັ່ງພຣົມເສກສັນ
    ແສງຕາວັນ ສ່ອງແສງງາມຍິ່ງ
    ຊ່າງງາມຈິງ ເໝືອນແດນວິມານ

  3. ງາມແສງຈັນ ເມື່ອຍາມຄໍ່າຄືນ
    ສອງເຮົາໄດ້ຢືນ ຊົມກາງຫາດຊາຍສວັນ
    ຍັງ ຕິດໃຈໃຝ່ຝັນ ຄະນຶງທຸກວັນ
    ຫາດຊາຍຄືນນັ້ນ ສຸກໃຈ

  4. ຫາດຊາຍ ກາງຂອງ
    ໃຜໄດ້ມອງ ກໍຄົງສຸກສົມຫົວໃຈ
    ດັ່ງປຽບເໝືອນ ດິນແດນແຫ່ງຝັນ
    ທຸກຄືນວັນ ບໍ່ຫຼົງລືມໄປ
    ທັມມະຊາດແຫ່ງໃດ ຫຼືຈະທຽມທັນ…
    ທັມມະຊາດແຫ່ງໃດ ຈະເໝືອນຫາດຊາຍສວັນ…
ວິດີໂອໂນຕບັນເລງເພງ ” ຫາດຊາຍສວັນ”