ເພງ “ເທວີສວັນ”

ເນື້ອຮ້ອງ & ທຳນອງ : ບຸນທັມ ສຼີພຣົຫ໌ມໄຊຍ໌
ນັກຮ້ອງຕົ້ນສະບັບ : ສົມລິຕ ພັນນະວົງສ໌

ວິດີໂອດົນຕຣີບັນເລງເພງ “ເທວີສວັນ”
  1. ເບື້ອງບົນນະພາ ນັ້ນມີຈັນທຣາເດັ່ນສວງ
    ໝູ່ດາວຮ້ອຍດວງ ສິ້ນແສງສລົວມົວເສົ້າ
    ທ້ອງຟ້າຜ່ອງພັນ ແສງຈັນສະກາວ
    ສ່ອງເວຫາຫາວ ເໝືອນເປັນເຈົ້າແຫ່ງຣາຕຣີ…

  2. ຢູ່ໃຕ້ຮົ່ມຟ້າ ເໜືອທ້ອງນະທີຖິ່ນຖານ
    ສັຕຣີຮ້ອຍພັນ ບໍ່ງາມທຽບທັນນາງນີ້
    ສວຍຊຶ້ງຍິ່ງເຫຼືອ ລໍ້າຄຳກະວີ
    ໄຮ້ສິ້ນຣາຄີ ເປັນສຼີຂຸນເມືອງກະເດື່ອງນາມ…

  3. ຍິ້ມນາງເໝືອນນຶ່ງ ຈະຕຣຶງໂລກຢຸດ
    ແສນບໍຣິສຸດ ພາໃຈວາບຫວາມ
    ດວງຕາປຽບຄ້າຍ ປະກາຍເພັດງາມ
    ຫວານຖ້ອຍນໍ້າຄຳ ຍາມເອີ່ຍວະຈີ…

  4. ໂອ້ນວນນາງຟ້າ ລ່ອງລອຍລົງມາຈາກສວງ
    ໃຫ້ຊົນທັງປວງ ໄດ້ຊິດຊົມໂສມຫຼືນີ້
    ນາງງາມພຽບພ້ອມ ດ້ວຍຄຸນຄວາມດີ
    ຍອດແຫ່ງນາຣີ ເປັນສຼີເທວີສວັນ…
ວິດີໂອໂນຕບັນເລງເພງ ” ເທວີສວັນ”