ເພງ “ທັມມະຊາດເມືອງສຸ້ຍ”

ເນື້ອຮ້ອງ & ທຳນອງ : ສ. ບົວລະພັນ (1969)
ນັກຮ້ອງຕົ້ນສະບັບ : ກ. ວິເສດ

1. ທິວທັດແຫ່ງນີ້ ຊ່າງມີແຕ່ຄວາມງາມວິໄລ
   ຊົມແລ້ວເປັນໜ້າຈັບໃຈ ງາມເໜືອຖິ່ນໃດໃນເລົ່າ
   ງາມທັມມະຊາດ ຕາມພູຜາປ່າດົງໂຂດເຂົາ
   ຖິ່ນໃດຈະມາງາມເທົ່າ ສ່ອງເປັນເງົາຍາມແສງເມກບັງ
   
   
2. ສຽງນົກຮ້ອງກູ່ ຍາມເຊົ້າຕຣູ່ໜ້າອອນຊອນ
   ຟັງແລ້ວເປັນໜ້າສະອອນ ສຽງນົກມັນວອນຮ້ອງສັ່ງ
   ຍາມສາຍລົມແຫວກ ສຽງໃບແປກລີງຮ້ອງກ້ອງດັງ
   ໜ້າຜາລຽບຮິມໜອງຕັ່ງ ໝູ່ນົກຍາງຈອບບິນກິນປາ
   
   
3. ເມືອງສຸ້ຍ… ໃຜໆກໍຍັງຕ້ອງການ
   ຍິນແລ້ວຢາກໄປພົບພານ ຢາກຈະເຫັນໄວ້ເປັນຂວັນຕາ
   ເປັນຮອຍສລັກ ປັກດວງໃຈຍາມເມື່ອລືມລາ
   ໜອງຕັ່ງຄຳເຂົາລືຊາ ອາບເຢັນກາຍາຍາມລົງແລງ
   
   
4. ນັ່ງຈອມພູໂສ ຫຼຽວໂງໂງ້ງຄືນຕ່າວກັບມາ
   ເມືອງສຸ້ຍແສນງາມສງ່າ ດັ່ງເທບເທວາປັ້ນແຕ່ງ
   ໜຸ່ມສາວເດີນເຫຼັ້ນ ຍາມຕາເວັນໃກ້ຈະລັບແສງ
   ເຝື້ອໄຫຼໃຕ້ຟ້າຍາມແລງ ສຸກສົມທຸກແຫ່ງເມືອງສຸ້ຍນີ້ເອີຍ…