ເນື້ອຮ້ອງ & ທຳນອງ : ພົມມາ ສົມສຸທິ
ນັກຮ້ອງຕົ້ນສະບັບ : ພົມມາ ສົມສຸທິ
- ຄັ້ງນຶ່ງເຄີຍມາ ເພິ່ງພາຍັງຖິ່ນ
ຊຽງຂວາງວຽງທອງທານິນ ຖິ່ນອັນສວຍງາມທຽມຫຼ້າ
ແຕ່ມາບັດນີ້ ຕ້ອງຈຳພາກໄປໄກຕາ
ຄົງຄິດເຖິງດວງໜ້າ ບໍ່ເລືອນລາຈາກໃຈ - ພາບແຫ່ງຄວາມຫຼັງ ຍຶດຝັງໃຈໝັ້ນ
ທີ່ຂົວຫົວຊຽງສາຍັນ ແອບຂວັນນ້ອງນາງຄຽງໃກ້
ສຸກໃຈຍິ່ງລໍ້າ ອອດຄຳຫວານຊຶ້ງຕຣຶງໃຈ
ລົມເຢັນພັດມາຄັ້ງໃດ ກອດນ້ອງໄວ້ໃຫ້ອຸ່ນນິທຣາ - ຊຽງຂວາງ ເຈົ້າຍັງຄົງເຕືອນໃຈພີ່
ເຂົາໂຂດຫ້ວຍທານວາຣີ ຫຼາກເດັ່ນສີສວຍງາມນັຍຕາ
ເຫັນໄຜ່ລູ່ໂອນ ຍອດສົນຕ້ອງລົມຍິ່ງຊໍ້າໜັກໜາ
ດັ່ງສ້ຽນໜາມທິ່ມແທງອຸຣາ ຈຳຈາກລາດັ່ງສາຍນະທີ - ຕ້ອງຈາກໄປແລ້ວ ແກ້ວເອີຍລາກ່ອນ
ຍັງຝັງຮັກໃນບັງອອນ ຈຳຈອນເພາະກັມຂອງພີ່
ຫາກບຸນສ້າງສົມ ເຄີຍທຳຮ່ວມບາຣະມີ
ຄົງຄືນຄອບຄອງເທວີ ເປັນສີແມ່ເຮືອນຂອງຮຽມ…
