ເນື້ອຮ້ອງ & ທຳນອງ : ສນອງ ອຸ່ນວົງ (1968)
ນັກຮ້ອງຕົ້ນສະບັບ : ກ. ວິເສດ
1) ຂໍສັ່ງລາ ລຸງຕາປ້າອາທັງຫຼາຍ
ຫຼານຂໍລາໄປ ລາໄປສູ້ເສິກສົງຄາມ
ດຽວນີ້ເມືອງລາວ ກຳລັງພັຍລາມ
ຍ້ອນການຄຸກຄາມ ຈຶ່ງຕ້ອງຈາກໄປ
2) ຂໍປ້າອາ ລຸງຕາເຖົ້າແກ່ທຸກຄົນ
ຢ່າຄິດກັງວົນ ກັງວົນໃຫ້ໝົ່ນໝອງໃຈ
ຄິດວ່າຫຼານເອງ ເກີດມາເປັນຊາຍ
ຢ່າຄິດນ້ອຍໃຈ ຫຼານໄປບໍ່ນານກັບມາ
• ຢູ່ທາງບ້ານ ຈົ່ງຊ່ວຍດູແລ
ນ້ອງນ້ອຍທັງພໍ່ແມ່ ຈົ່ງແລຊ່ວຍຫຼານເຖີດໜາ
ຊ່ວຍຄອບຄົວຫຼານ ຍາມຈົນແລ່ນຫາ
ຂໍຈົ່ງເມດຕາ ຍາມຍາກຂັດສົນ
3) ເຖິງຈາກໄປ ກໍໄປເພາະໜ້າທີ່ຫຼານ
ເມື່ອຊາດຕ້ອງການ ຕ້ອງການຊາຍໜຸ່ມທຸກຄົນ
ເພື່ອຊາດຂອງເຮົາ ຈຶ່ງຍອມສູ້ທົນ
ຫາກເຊົາຫວຸ້ນວົນ ບໍ່ດົນຄົງຫວນຕ່າວມາ…
