ເພງ “ນີ້ຫຼືຮັກຈິງ”

ເນື້ອຮ້ອງ & ທຳນອງ : ສນອງ ອຸ່ນວົງ (1969)
ນັກຮ້ອງຕົ້ນສະບັບ : ກ. ວິເສດ

1. ນີ້ຫຼືນີ້ຫຼື ຄົນຮັກກັນ
   ບໍ່ທັນຂ້າມວັນ ຮັກຜັນເປັນອື່ນ
   ບໍ່ມີເຍື່ອໃຍ ເຫຼືອໄວ້ໃຫ້ຊື່ນ
   ຮັກບໍ່ຍັ້ງຍືນ ສຸດຝືນຫົວໃຈອາວອນ
   
   
2. ນີ້ຫຼືນີ້ຫຼື ຄືສັນຍາ
   ເຫດໃດນ້ອງມາ ວິວາໄປກ່ອນ
   ບໍ່ຄິດເຖິງວັນ ສັມພັນເກົ່າກ່ອນ
   ຮັກບໍ່ແນ່ນອນ ຫຼອກຫຼອນປ່ຽນຄຳສັນຍາ
   
   
3. ກ່ອນເຄີຍ ສາບານ
   ຮັກຍັ້ງຍືນນານ ດັ່ງຈັນຄຽງຄູ່ຟ້າ
   ຈະຖືຮັກນັ້ນ ເໝືອນດັ່ງສັນຍາ
   ຮັກກັນຈົນກວ່າ ດິນຟ້າມະລາຍ
   
   
4. ນີ້ຫຼືນີ້ຫຼື ຄືຮັກຈິງ
   ຫຼອກກັນເໝືອນລີງ ໃຈຍິງລືມງ່າຍ
   ບໍ່ເຫຼືອນໍ້າຄຳ ດັ່ງສັນຍາໄວ້
   ຮັກບໍ່ໝັ້ນໝາຍ ຢູ່ໃສນໍ້າຄຳສັນຍາ…