ມິຄວາມຮູ້ ແຕ່ຖ້າຂາດຈິນຕະນາການ ກໍໄຮ້ຄຸນຄ່າ…
ເນື້ອຮ້ອງ & ທຳນອງ : ..?..
ນັກຮ້ອງຕົ້ນສະບັບ : ສີເມືອງ (~1970)
1) ສຸຣິຍາ… ນ້ອງມີຄຸນໜາເໜືອສິ່ງໃດ
ຄອງໂລກນີ້ ໃຫ້ແຈ່ມໃສ
ຄຽງຄູ່ກັບໄຟ ໃຫ້ຄວາມຮ້ອນເຮົາ
2) ສຸຣິຍາ… ໜາວສັ່ນໜັກໜາຊ່ວຍບັນເທົາ
ຂາດເຈົ້າແລ້ວ ຂ້າຄົງອັບເສົາ
ຂ້າຈຶ່ງວອນເຈົ້າ ດ້ວຍສຽງຄວນຄາງ
• ໂອ ໂອ້ ສຸຣິຍາ… ຂໍຈົ່ງເມດຕາອ້າຍແດ່ນ້ອງນາງ
ຢ່າໃຫ້ຮັກນັ້ນ ຕ້ອງຈືດຈາງ
ໂດດດ່ຽວອ້າງຫວ້າງ ດັ່ງໂລກນີ້ສິ້ນສຸຣິຍາ…
3) ສຸຣິຍາ… ນັ້ນຄຽງຄູ່ຟ້າທຸກເວລາ
ອ້າຍທູນນ້ອງ ຊົ່ວຊີວາ
ຕາບດິນແລະຟ້າ ຮັກບໍ່ສລາຍ…
ເນື້ອຮ້ອງ & ທຳນອງ : ..?..
ນັກຮ້ອງຕົ້ນສະບັບ : ເພັດສມອນ (~1970)
1) ສຽງຟ້າຣະງົມເໝືອນສຽງລົມປາກ ຟ້າຝາກເຖິງດິນ
ສິ້ນຄວາມຖວິນ ຮັກດິນເປັນຜູ່ຄຽງຄອງ
ຟ້າສູງດິນຕໍ່າເກີນໄປ ຟ້າຈຶ່ງຕັດໃຈຮັກລອຍລ່ອງ
ປ່ອຍໃຫ້ດິນໝອງ ຣະທົມ
2) ຫຼືຟ້າມີໃຈຮັກໃຜຊາຍອື່ນ ຟ້າຄືນຮັກເດີມ
ຟ້າຢ່າເພີ່ມເຕີມ ເມື່ອດິນຊໍ້າຕື່ມຂື່ນຂົມ
ຟ້າເຫັນດິນປວດອຸຣາ ແລ້ວຍັງຕັ້ງຕາໝາຍຖະຫຼົ່ມ
ສາບແສ່ງທັບຖົມ ແກ້ງດິນ
• ຝົນຫຼັ່ງສັ່ງດິນ ເໝືອນສິ້ນນໍ້າໃຈ
ຟ້າຕັດອາລັຍ ແຫ່ງສາຍນໍ້າໃຈຮັກສິ້ນ
ຟ້າຄວນຄາງ ເໝືອນດັ່ງແກ້ງສາບແຊ່ງດິນ
ຖອດຄວາມຮັກໂບຍບິນ ດິນເອີຍດິນຢ່າງຂ້າໂສກສັນ
3) ຝົນສິ້ນລືມລານໍ້າຕາດິນຫຼັ່ງ ສຸດທາງຂັດຂືນ
ໄດ້ແຕ່ທົນຝືນ ເພາະດິນນ້ອຍຄ່າປຣະມານ
ຟ້າເອີຍເຄີຍເອີ່ຍຄຳຄົມ ຟ້າຈະຢຸດຊົມດິນນັ້ນ
ແຕ່ຟ້າກັບຫັນ ຖິ້ມດິນ…
ເນື້ອຮ້ອງ & ທຳນອງ : ..?..
ນັກຮ້ອງຕົ້ນສະບັບ : ວົງດົນຕຣີ ດົງໂດກ ໄພວັນ (~1970)
1) ລືມອ້າຍເສັຽເຖີດ ຍອດຍິງ
ເມື່ອນ້ອງແອບອິງ ໄປມີຮັກໃໝ່
ເຖິງອ້າຍຈະຕຣົມ ຣະທົມພຽງໃດ
ອ້າຍຈະຫ້າມໃຈ ເພື່ອນ້ອງຄົນດຽວ
2) ລືມອ້າຍເສັຽເຖິດ ຍອດຮັກ
ເຖິງອ້າຍອົກຫັກ ຣຶທັຍແສນປ່ຽວ
ຂາດຍິງເມດຕາ ສົງສານຢ່າກ່ຽວ
ໂປຣດຢ່າແລຫຼຽວ ປ່ອຍອ້າຍໃຫ້ຕຣົມ
• ເຖິງແມ່ນຈະມີ ຍິງງາມເໝືອນແຕ່ງ
ອ້າຍຈະບໍ່ສແວງ ຄອງໄວ້ເຊີຍຊົມ
ຄວາມຮັກຊ່າງທຳ ໃຫ້ຂ້າຣະທົມ
ຫຼືວ່າອິນພຣົມ ລົງໂທດຂົມຂື່ນ
3) ລືມອ້າຍເສັຽເຖິດ ນ້ອງນາງ
ເມື່ອຮັກຈືດຈາງ ເປັນຂອງຄົນອື່ນ
ຈົ່ງຄອງຄວາມຮັກ ດ້ວຍຄວາມສົດຊື່ນ
ອ້າຍຈະທົນຝືນ ຍິ້ມໃຫ້ແກ່ນາງ…
ເນື້ອຮ້ອງ & ທຳນອງ : ໄຊພອນ ສິນທະຣາດ (1969)
ນັກຮ້ອງຕົ້ນສະບັບ : ໄຊພອນ ສິນທະຣາດ
1) ຢ່າລືມຟັງສຽງ ເພງອ້າຍຮ້ອງສັ່ງ
ກ່ອນຈາກນວນນາງ ອ້າຍຍັງໄດ້ໃຫ້ສັນຍາ
ວ່າຈະຮັກນາງ ຮັກດຽວຕລອດຊີວາ
ຫາກຜູ່ໃດລືມລາ ຟ້ານັ້ນຊ່ວຍລົງໂທດໃຫ້
2) ຢ່າລືມຟັງສຽງ ເພງອ້າຍຮ້ອງສົ່ງ
ປານນີ້ນ້ອງຄົງ ພະວົງຫາອ້າຍບໍ່ວາຍ
ນ້ອງຢ່ານ້ອຍໃຈ ວ່າອ້າຍນີ້ຈະລືມໄລ
ຂໍຈົ່ງໝັ້ນໃນໃຈ ວ່າຊາຍຮັກແທ້ແນ່ນອນ
• ນ້ອງນາງ ຈະເໝືອນຕົວອ້າຍບໍ່ນໍ
ຫຼືມີຄູ່ຮ່ວມຫໍ ພະນໍຈາກອ້າຍໄປກ່ອນ
ນ້ອງຢ່າໄດ້ລືມ ສັນຍາເລີຍນະງາມງອນ
ທີ່ໝາຍເປັນຄູ່ຄຽງໝອນ ຮ່ວມບັງອອນຕລອດຊີວາ
3) ຢ່າລືມຟັງສຽງ ເພງອ້າຍເສັຽກ່ອນ
ກ່ອນຈະເຂົ້ານອນ ຮ້ອງວອນມາກ່ອມນິທຣາ
ຂໍໃຫ້ນ້ອງນອນ ຝັນດີເຖີດໜາແກ້ວຕາ
ຂໍຢ່າລືມລາ ສັນຍາສອງເຮົາເດີນາງ…
ເນື້ອຮ້ອງ & ທຳນອງ : ເພັດສມອນ (~1970)
ນັກຮ້ອງຕົ້ນສະບັບ : ຊຳນານ ຈົງຮັກ
1) ຄືນນີ້ບໍ່ເໝືອນ ຄືນທີ່ຜ່ານມາ
ໂອ້ດວງຊີວາ ຂວັນຕານ້ອງຢູ່ແຫ່ງໃດ
ຫຼືນ້ອງມົວເມົາ ເວົ້າລົມກັບໃຜ
ນ້ອງຈຶ່ງລືມໄປ ຄຳໃຫ້ສາບານ
2) ຄືນນີ້ມີເດືອນ ເໝືອນຄືນຜ່ານມາ
ໂອ້ດວງແກ້ວຕາ ນ້ອງມາລາຫ່າງໄກກັນ
ຫຼືນ້ອງມົວນອນ ຂ້ອນຄືນຫຼັບຝັນ
ນ້ອງຈຶ່ງລືມວັນ ຄຳໝັ້ນສັນຍາ
• ອ້າຍຄອຍ ອ້າຍຄອຍຈົນເດືອນຄ້ອຍຕໍ່າ
ຈົນຟ້າແດງກໍ່າ ຈົນເຖິງເດືອນຕໍ່າລັບຕາ
ຍັງບໍ່ເຫັນນ້ອງ ນັ້ນມາເອີ່ຍວາຈາ
ຫຼືລືມສັນຍາ ເຮົາແລ້ວຫຼືໃດ
4) ຄືນນີ້ບໍ່ເໝືອນ ຄືນທີ່ຜ່ານມາ
ໂອ້ສຸດບູຊາ ນ້ອງມາລາຫ່າງອ້າຍໄປ
ຫຼືນ້ອງນັ່ງລົມ ຜູ່ໃດຢູ່ໃສ
ນ້ອງຈຶ່ງປ່ຽນໄປ ລືມອ້າຍລົງຄໍ…
ເນື້ອຮ້ອງ & ທຳນອງ : ສ. ແສງສິຣິວັນ (≲1975)
ນັກຮ້ອງຕົ້ນສະບັບ : ເພັດສມອນ
1) ລືມກັນ ລືມກັນ ລືມກັນເສັຽເຖີດຄົນດີ
ນັບແຕ່ວັນນີ້ ຢ່າມີໄມຕຣີຕໍ່ກັນ
ຕັດສວາດ ຂາດຄວາມສັມພັນ
ສິ່ງເກົ່າໆຈົ່ງລືມມັນ ເລີກກ່ຽວພັນກັນເທາະເຮົາ
2) ເມື່ອນ້ອງມີ ທີ່ຮັກອື່ນຊື່ນສຸກສັນ
ເມື່ອແບ່ງປັນ ຫົວໃຈໃຫ້ຊາຍອື່ນເຂົາ
ອ້າຍກໍຕ້ອງຈຳ ທົນຣະກັມທົນຫງອຍເຫງົາ
ຫັກຫ້າມຈິດຄິດເຖິງເຈົ້າ ແຕ່ນີ້ຕໍ່ໄປ…
3) ຊັງກັນ ຊັງກັນ ຊັງກັນເສັຽເຖີດຄົນດີ
ຮັກຢູ່ຢ່າງນີ້ ຄົງມີແຕ່ຄວາມອັບອາຍ
ເບື່ອແສນເບື່ອ ຜູ່ຍິງຫຼາຍໃຈ
ແອບມີຄູ່ຢູ່ເລື້ອຍໄປ ມັກປ່ຽນຊາຍຫຼາຍໆຄົນ
4) ປ່ຽນຜູ່ຊາຍ ຄ້າຍກັບປ່ຽນເສື້ອຫຼາກສີ
ໂອ້ ເທວີ ນ້ອງຄົງຈະເພີນສຸກລົ້ນ
ເຫັນຢູ່ເຕັມຕາ ຈົນລະອາໃຈສຸດທົນ
ຈຶ່ງຕ້ອງຈາກພາກໄກພົ້ນ ກວ່າຊີບມະລາຍ…
ເນື້ອຮ້ອງ : ສ. ບົວລະພັນ – ທຳນອງ : ໄຊພອນ ສິນທະຣາດ (1978)
ນັກຮ້ອງຕົ້ນສະບັບ : ບັງອອນ (ອັດຢູ່ສູນໜອງຄາຍ)
1) ສຽງຄວນ ສາວອົພຍົບຫຼົບພັຍ
ນໍ້າຕາພວກນ້ອງຫຼັ່ງໄຫຼ ທີ່ໄດ້ໄກພັດບ້ານເມືອງມາ
ພວກອ້າຍໄປເຫັນ ບໍ່ເວັ້ນຄົງຫຼັ່ງນໍ້າຕາ
ສົງສານພວກນ້ອງເຖີດໜາ ອົພຍົບມາໜີໄກເມືອງບ້ານ
2) ສຽງຄວນ ສາວອົພຍົບຫຼົບໜີ
ຍ້ອນມີສັຕຣູຮາວີ ຈຶ່ງຕ້ອງໜີພັດຖິ່ນສະຖານ
ມາຢູ່ອາສັຍ ເມືອງໄທນີ້ຢູ່ສຸກສັນ
ຂໍວອນພວກອ້າຍສົງສານ ຈຶ່ງຮ້ອງເພງຄວນກ່ອມຫົວໃຈເສົ້າ
• ມີຊາວເຜົ່າແມ້ວ ເຜົ່າຢ້າວອີກເຜົ່າລາວເທິງ
ທີ່ອົພຍົບມາເຫິງ ຍັງຄຳນຶງຄິດເຖິງບ້ານເກົ່າ
ມາຢູ່ໄທນີ້ ກໍເໝືອນບ້ານເກີດພວກເຮົາ
ພວກນ້ອງບໍ່ໄດ້ຫງອຍເຫງົາ ເພາະມີເຈົ້າເປັນຫ່ວງອາລັຍ
3) ຫຼາຍປີ ທີ່ອົພຍົບຫຼົບມາ
ພັດພາກງົວຄວາຍໄຮ່ນາ ຈາກປ້າອາດ້ວຍຄວາມຫ່ວງໃຍ
ເຖິງຈາກເມືອງລາວ ພວກເຮົາບໍ່ເຄີຍລືມໄລ
ຫາກຍາມບ້ານເມືອງສິ້ນພັຍ ຈະຫວນຄືນໄປຖິ່ນຖານບ້ານເກົ່າ…
ເນື້ອຮ້ອງ & ທຳນອງ : ໄຊພອນ ສິນທະຣາດ (1968)
ນັກຮ້ອງຕົ້ນສະບັບ : ໄຊພອນ ສິນທະຣາດ
1) ເຫັນໃຈ ສາວອົພຍົບຫຼົບພັຍ
ນໍ້າຕາທຸກຄົນຫຼັ່ງໄຫຼ ເມື່ອຈາກໄກພັດບ້ານເມືອງມາ
ເມື່ອຂ້າໄປເຫັນ ຈົນເກືອບຈະຫຼັ່ງນໍ້າຕາ
ສົງສານແສນເວທນາ ອົພຍົບມາໜີໄກເມືອງບ້ານ
2) ເຫັນໃຈ ສາວອົພຍົບຫຼົບໜີ
ຍ້ອນມີສັຕຣູຮາວີ ຈຶ່ງພ່າຍໜີພັດຖິ່ນສະຖານ
ມາຢູ່ອາສັຍ ຫຼົບພັຍຢູ່ທາງວຽງຈັນ
ໜຸ່ມວຽງເຫັນໃຈຈອມຂວັນ ຈຶ່ງຮ້ອງເພງຄວນດ້ວຍຫົວໃຈເສົ້າ
• ສາວເຜົ່າແມ້ວ ເຜົ່າຢ້າວອີກສາວລາວເທິງ
ທີ່ອົພຍົບມາເຫິງ ຄົງຄະນຶງຄິດເຖິງບ້ານເກົ່າ
ມາຢູ່ວຽງພີ້ ກໍເໝືອນບ້ານເກີດພວກເຮົາ
ພີ່ນ້ອງຢ່າໄດ້ຫງອຍເຫງົາ ຢ່າໂສກເສົ້າເສັຽໃຈ
3) ຫຼາຍປີ ທີ່ອົພຍົບຫຼົບມາ
ພັດພາກງົວຄວາຍໄຮ່ນາ ຈາກບ້ານມາດ້ວຍຄວາມຫ່ວງໃຍ
ບ້ານປ່າແດນເຂົາ ສາວເຈົ້າບໍ່ອາດລືມໄລ
ຫາກຍາມບ້ານເມືອງສິ້ນພັຍ ຄົງໄດ້ຄືນໄປຖິ່ນຖານບ້ານເຈົ້າ…
ເນື້ອຮ້ອງ & ທຳນອງ : ໄຊພອນ ສິນທະຣາດ (1968)
ນັກຮ້ອງຕົ້ນສະບັບ : ວຽງຖາວອນ ສິນທະຣາດ
1) ນໍ້າຕາ ສາວອົພຍົບຫຼົບພັຍ
ຣະທົມຂົມຂື່ນດວງໃຈ ເມື່ອໄດ້ໄກພັດບ້ານເມືອງມາ
ເມື່ອອ້າຍມາເຫັນ ບໍ່ເວັ້ນເກືອບຫຼັ່ງນໍ້າຕາ
ເຫັນໃຈນ້ອງອົພຍົບມາ ຈາກບ້ານມາຫົວໃຈສະທ້ານ
2) ຕ້ອງຈຳ ໃຈຈາກລາພາກຈາກໜີ
ຍ້ອນມີສັຕຣູຮາວີ ຈຶ່ງພ່າຍໜີພັດຖິ່ນສະຖານ
ມາຢູ່ອາສັຍ ຫຼົບພັຍຢູ່ທາງວຽງຈັນ
ຢູ່ວຽງສິ້ນຄວາມໂສກສັນ ຈຶ່ງຮ້ອງເພງຄວນຕໍ່ຫົວໃຈເຈົ້າ
• ນ້ອງເຜົ່າແມ້ວ ເຜົ່າຢ້າວອີກເຜົ່າລາວເທິງ
ທີ່ອົພຍົບມາເຖິງ ຍັງຄະນຶງຄິດເຖິງບ້ານເກົ່າ
ມາຢູ່ວຽງນີ້ ກໍເໝືອນບ້ານເກີດພວກເຮົາ
ພວກນ້ອງບໍ່ໄດ້ຫງອຍເຫງົາ ເພາະມີເຈົ້າເປັນຫ່ວງບໍ່ວາຍ
3) ຫຼາຍປີ ທີ່ຈາກຖິ່ນຖານບ້ານມາ
ພັດພາກງົວຄວາຍໄຮ່ນາ ຈາກປ້າອາດ້ວຍຄວາມຫ່ວງໃຍ
ເຖິງຢູ່ປ່າເຂົາ ພວກເຮົາບໍ່ເຄີຍລືມໄລ
ຫາກຍາມບ້ານເມືອງສິ້ນພັຍ ຄົງໄດ້ຄືນໄປຖິ່ນຖານບ້ານເຄົ້າ…
ເນື້ອຮ້ອງ & ທຳນອງ : ໄຊພອນ ສິນທະຣາດ (1970)
ນັກຮ້ອງຕົ້ນສະບັບ : ໄຊພອນ ສິນທະຣາດ
1) ບຸນເຫຼືອ ເມື່ອມາເຫັນສາວລ່ອງແຈ້ງ
ກູເຢັ້ຽແຫງ ສາວລ່ອງແຈ້ງນີ້ແລ້ວໜາ
ໂອ້ລູ້ກາວມົ້ງ ວາດຊົງເໝືອນນຶ່ງດາຣາ
ແມ່ນຜູ່ໃດສ້າງມາ ຫຼືເທວານັ້ນລົງມາປັ້ນ
2) ງາມເຫຼືອ ເໜືອຊົນຊາດລາວທຸກເຜົ່າ
ເຖິງຢູ່ປ່າເຂົາ ຫາໃສເລົ່າຈະມາປຽບປານ
ໄດ້ມາຄັ້ງນຶ່ງ ຈິດຕຣຶງພາໃຫ້ອ້າຍຝັນ
ເມື່ອບຸນກິນຈຽງຄືນນັ້ນ ເຮົາຝາກສັມພັນຮັກກັນຍືນນານ
• ທີ່ສັນພູໝອກ ນ້ອງບອກວ່າລູ້ກັບອ້າຍ
ລູ້ນີ້ຈົນຕາຍ ບໍ່ຄາຍເຄື່ອນຄຳສາບານ
ຍາມອ້າຍໄດ້ຈາກ ພາກນ້ອງຄືນສູ່ວຽງຈັນ
ວັນນຶ່ງອ້າຍຄົງກັບຫັນ ມາຮັກກັນໂອ້ລູ້ກາວມົ້ງ
3) ສາວເໜືອ ເມື່ອໄກໃຈອ້າຍເປັນຫ່ວງ
ຂໍເຈົ້າຢ່າລວງ ຢ່າລວງອ້າຍເລີຍອະນົງ
ເຖິງອ້າຍໄກຫ່າງ ຫົວໃຈນ້ອງນາງ(ນາງໃຫ້)ໝັ້ນຄົງ
ຈົ່ງຟັງສຽງເພງຮ້ອງສົ່ງ ກູຢໍຈົ້ງລ່ອງແຈ້ງບໍ່ວາຍ…
