ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1969)
ນັກຮ້ອງຕົ້ນສະບັບ : ສົມຟອງ ຊົງມີໄຊ

1) ເຈັບຊໍ້າໃນໃຈ ເໝືອນໄຟສຸມແກບ
ແສບຊວງຈິງໜໍເຂົາລວງເຂົາລໍ້ ໃຫ້ຕາຍໃຈນຳ
ພໍສົມໃຈແລ້ວເລີຍຖິ້ມ ເຂົາຊີມຈົນເສັຽຄວາມງາມ
ກໍ່ກັມທຳເຂັນ ໄວ້ໃຫ້

2) ນີ້ຫຼືສັນຍາ ສາບານຂອງຄົນ
ສຸດທົນທານເຫຼືອປົນເຈືອຢາພິດ ຝັງແໜ້ນພາຍໃນ
ເງິນລ້ານເງິນແສນມອບໃຫ້ ເລົ້າໂລມໂອບອ້ອມເອົາໃຈ
ແລ້ວດ້ວຍເຫດໃດ ຈຶ່ງລືມໄດ້ລົງ

• ຄົງເປັນເພາະນ້ອງ ສິ້ນສາວສິ້ນສວຍເສັຽໂສມ
ສິ້ນຣົດນິຍົມ ຈຶ່ງຫາໃໝ່ຊົມໃສສ່ອງ
ພຣະຍາແຖນເອີຍ ນັ່ງເສີຍເລີຍໜໍພຣະອົງ
ແຫຼກໝົດແລ້ວເຂົາເອົາມາສົ່ງ ເຫຼືອແຕ່ໂຄງຄວາມຮັກໜ້າຊັງ

3) ລູກຂໍອຸທອນ ສານຂອງພຣະພຣົມ
ອີກຍົມມະນາຟ້ອງຖານເຂັ່ນຂ້າ ຫົວໃຈຈົນພັງ
ໃຫ້ສານຕັດສິນລົງໂທດ ຄະດີຫ້ຽມໂຫດເຖິງຊີວັງ
ຫຼືຫວນກັບຫຼັງ ບ່ອນເຄີຍໄດ້ຊື່ນ…

ເນື້ອຮ້ອງ & ທຳນອງ : ປ. ຕຣີຈັນ (1970)
ນັກຮ້ອງຕົ້ນສະບັບ : ປ. ຕຣີຈັນ

1) ໂອ້ວຽງຈັນເອີຍ ຂ້າຂໍລາໄປ
ຝາກຄວາມອາລັຍ ຣຶທັຍອາວອນ
ຄິດເຖິງແດນດິນ ເຮືອນທີ່ເຄີຍນອນ
ໄດ້ແຕ່ຖອດຖອນ ດວງໃຈ

2) ເພື່ອນທີ່ຮັກ ຂ້າຈັກຂໍລາ
ຈາກໄປໄກຕາ ແລ້ວຍັງອາລັຍ
ຄິດເຖິງວັນຄືນ ທີ່ເຄີຍຊື່ນໃຈ
ເວນກັມອັນໃດ ມາພາກຈາກກັນ

• ຍາມຄືນວັນເພັນ ເຫັນຈັນເຕັມດວງ
ຂ້າຄິດເປັນຫ່ວງ ໃຝ່ຝັນ
ເພື່ອນເອີຍ ຫາກແມ່ນຄິດເຖິງກັນ
ຂໍໃຫ້ມອງດູຈັນ ເຮົາຄົງພົບກັນໃນດວງຈັນທຣາ

3) ຈາກວຽງຈັນ ແລະເພື່ອນທີ່ຮັກ
ຈາກຍອດຮັກ ໄປດ້ວຍນໍ້າຕາ
ອ້າຍຕ້ອງຣະທົມ ໝົ່ນໝອງອຸຣາ
ຈາກກັນໄປໄກຕາ ວັນໜ້າຄົງໄດ້ພົບກັນ…

ເນື້ອຮ້ອງ & ທຳນອງ : ພົມມະ ພິມມະສອນ (1970)
ນັກຮ້ອງຕົ້ນສະບັບ : ພົມມະ ພິມມະສອນ

1) ແພມົນຜືນນີ້ ທີ່ເຂົາມອບໃຫ້
ຖັກຮູບຫົວໃຈ ໃຫ້ໄວ້ເປັນອະນຸສອນ
ຈ້ອງມອງ ຄັ້ງໃດຊວນໃຫ້ອາວອນ
ພາບຄວາມຫຼັງກ່ອນ ຫຼອກຫຼອນດວງໃຈ

2) ດັ່ງມີມົນຂັງ ຝັງໃນຜືນຜ້າ
ຈຶ່ງຄຳນຶງຫາ ເຈົ້າຂອງແພຜ້າບໍ່ຫາຍ
ຍິ່ງມອງ ຍິ່ງຊວນໃຫ້ໝອງດວງໃຈ
ເມື່ອເຂົາແໜງໜ່າຍ ປ່ຽນໃຈໄປຈາກເຮົາ

• ດວງໃຈຈຶ່ງຊໍ້າ ຣະກັມທຸກຄືນ
ແພມົນຈຶ່ງຊຶມ ດ້ວຍຢາດນໍ້າຕາອັບເສົາ
ນາງລືມ ສັນຍາສາບານກ່ອນເກົ່າ
ປ່ອຍເຮົາ ເຫງົາໃຈ

3) ພຽງແພຜືນນີ້ ທີ່ຄົງເຫຼືອຢູ່
ແຕ່ຂາດຍອດຊູ້ ຂ້າຈຶ່ງຕ້ອງຢູ່ດຽວດາຍ
ໂອ້ເຮົາ ເຝົ້າຫຼົງຖນອມງົມງາຍ
ເຖິງເຂົາແໜງໜ່າຍ ແຕ່ໃຈເຮົາໝັ້ນຄົງ…

ເນື້ອຮ້ອງ & ທຳນອງ : ພົມມະ ພິມມະສອນ (1970)
ນັກຮ້ອງຕົ້ນສະບັບ : ພົມມະ ພິມມະສອນ

1) ເດິກດື່ນຂ້ອນຄືນ ແລ້ວສຸດທີ່ຮັກ
ອ້າຍຂໍຝັງຝາກ ຮັກກ່ອນອຳລາ
ຝາກສຽງເພງນີ້ພໍ່າວອນ ກ່ອນຈະເຂົ້ານອນຫາຍໜ້າ
ໂປຣດເຖີດຂວັນຕາ ຈົ່ງຢ່າລືມໄລ

2) ເດິກດື່ນຂ້ອນຄືນ ແລ້ວສຸດທີ່ຮັກ
ອ້າຍຝືນຈຳຈາກ ທັ້ງທີ່ອາລັຍ
ຢາກຢູ່ກ່ອມຂວັນແນບນອນ ຢາກຢູ່ຮ່ວມໝອນຄຽງໃກ້
ກໍຈຳຫັກໃຈ ເພາະກາຍຂ້ອນຄືນ

• ຈົ່ງນອນຝັນດີ ຕລອດນິທຣາ
ສຸກຈົນຮຸ່ງຟ້າ ອາຣຸນມື້ອື່ນ
ຝາກສຽງເພງນີ້ລອຍໄປ ໃຫ້ໄວ້ກ່ອມຂວັນເຊີຍຊື່ນ
ມື້ໃໝ່ຄ່ອຍຄືນ ພົບກັນ

3) ເດິກດື່ນຂ້ອນຄືນ ແລ້ວສຸດທີ່ຮັກ
ອ້າຍຂໍສລັກ ສຽງແຜ່ວຣຳພັນ
ປັກດວງໃຈນ້ອງນາຣີ ແນບກາງຣຶດີນ້ອງນັ້ນ
ຢ່າໄດ້ລືມກັນ ນ້ອງຈົ່ງຝັນດີ…

ເນື້ອຮ້ອງ & ທຳນອງ : ສນອງ ອຸ່ນວົງ (1969)
ນັກຮ້ອງຕົ້ນສະບັບ : ຈ. ປະຈັກໃຈ

1) ໂອ້ຍ… ອົກຫັກ
ຖືກຄົນຮັກ ເຂົາມາລວງລໍ້
ຫົວໃຈຂ້າ ເປັນບ້າເປັນບໍ
ເໝືອນຄົນບໍ່ພໍ ເພາະຜູ່ຍິງເຂົາລວງ

2) ໂອ້ຍ… ອ່ອນຈິດ
ເຝົ້າແຕ່ຄິດ ເມື່ອມາຖືກບ້ວງ
ຫຼົງຄິດວ່າ ຈະບໍ່ຖືກລວງ
ສັນໃດພຸ່ມພວງ ລວງຈົນອົກພັງ

• ນັບຕັ້ງແຕ່ ນີ້ຕໍ່ໄປ
ຈະບໍ່ກ່ຽວຍິງໃດ ບໍ່ສົນໃຈຈັກຄັ້ງ
ຫາກຜູ່ຍິງ ຈະລວງຂ້າໃຫ້ອົກພັງ (ຊໍ້າ)
ຢ່າຫວັງ ຢ່າຫວັງ ບໍ່ເໝືອນດັ່ງທີ່ເຄີຍເປັນມາ

3) ໂອ້ຍ… ອົກຫັກ
ບອກວ່າຮັກ ເປັນຫຍັງລວງຂ້າ
ບໍ່ຮັກແທ້ ຢ່າເອີ່ຍວາຈາ
ຢ່າເປັນໂມຣາ ຂ້າຄົນທັງເປັນ…

ເນື້ອຮ້ອງ & ທຳນອງ : ຄຳແພງ ຈຸນລະມະນີ (1970)
ນັກຮ້ອງຕົ້ນສະບັບ : ຈ. ປະຈັກໃຈ

(ສອຍ)
ຄຶດຮອດເຈົ້າ ກືນເຂົ້າບໍ່ລົງຄໍ
ໂອ້ລະນໍ ສາວເອີຍຈົ່ງເຫັນໃຈ
ຫຼັບບໍ່ລົງ ພະວົງແຕ່ຫ່ວງໃຍ
ຈວນຈະຕາຍ ຢູ່ແລ້ວສາວເອີຍ

1) ນັບແຕ່ຈາກເຈົ້າໄປ ຄິດເຖິງຂວັນໃຈຢູ່ທຸກແລງທຸກເຊົ້າ
ເມື່ອໄດ້ຈາກເຈົ້າມາ ໃນອຸຣາມີແຕ່ງຽບເຫງົາ
ຄວາມສຸກໃຈ ບໍ່ເຄີຍບັນເທົາ
ບໍ່ເຄີຍແບ່ງເບົາ ເໝືອນຢູ່ໃກ້ນາງ…

(ສອຍ)

2) ຄິດວີ່ໆວອນໆຫວນເຖິງ ບັງອອນກ່ອນຫຼັບນອນທຸກຄັ້ງ
ແກ້ວນົກກາອັ່ນຄອນ ໃຈສະທ້ອນຫວນເຖິງເບື້ອງຫຼັງ
ຄາວພວກເຮົາ ເວົ້າສູ່ກັນຟັງ
ກ່ຽວກັບຄວາມຫວັງ ສອງເຮົາສ້າງມາ…

(ສອຍ)

3) ນອນຫຼັບຢູ່ກໍຝັນ ຝັນເຫັນແຈ່ມຈັນໄດ້ມາຢືນຕໍ່ໜ້າ
ເມື່ອໃດຕື່ນຈາກຝັນ ໃຈສະທ້ານບໍ່ເຫັນແກ້ວຕາ
ຢາກຈະນອນ ຢູ່ທຸກເວລາ
ໃຫ້ຝັນເຫັນໜ້າ ນ້ອງທຸກຍາມ…

ເນື້ອຮ້ອງ & ທຳນອງ : ສ. ແສງສິຣິວັນ (1968)
ນັກຮ້ອງຕົ້ນສະບັບ : ທັນຕະວັນ ຣາຊາສັກດ໌

1) ແມ່ນຢູ່ແສນໄກ ສຸດແດນດິນຟ້ານັ້ນ
ເຖິງມີສຸກສັນ ກໍລືມວຽງຈັນບໍ່ໄດ້
ຈາກນານແສນນານ ຍັງຫ່ວງ
ຍາດມິດທັງປວງ ຂ້າສຸດອາລັຍ
ດວງໃຈຄະນຶງ ທຸກວັນ…

2) ເມື່ອຢູ່ຜູ່ດຽວ ຍິ່ງປ່ຽວຍິ່ງຄິດເສົ້າ
ເໝືອນນົກທີ່ເຫງົາ ຢູ່ໃນກົງທອງອັດອັ້ນ
ສຸກກາຍທຸກໃຈ ເມື່ອຈາກ
ເມື່ອຍາມໄດ້ພາກ ແຄວ້ນຖິ່ນວຽງຈັນ
ຖິ່ນຖານນະຄອນ ຂອງລາວ…

• ຈາກໄປສູ່ໃຕ້ຟ້າ ປະເທດອື່ນ
ຫ່າງມິດທີ່ເຄີຍສົດຊື່ນ ຫ່າງລຸງປ້ານ້າອາວ
ເຖິງມີສຸກຢູ່ວັງທອງ ບໍ່ເໝືອນເຫັນໜ້າພີ່ນ້ອງລາວ
ຄິດມາແສນເສົ້າ ຫ່ວງໃຍ…

3) ມິອາດຫຼົງລືມ ພາບແຫ່ງຄວາມຫຼັງນັ້ນ
ເຖິງຟ້າປ່ຽນຜັນ ກໍລືມວຽງຈັນບໍ່ໄດ້
ເມື່ອຍາມຫວນມາ ຢ້ຽມຖິ່ນ
ໃຕ້ຟ້າເໜືອດິນ ລາວນີ້ເມື່ອໃດ
ສຸກໃຈເຫຼືອຄຳ ກ່າວຂານ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1970)
ນັກຮ້ອງຕົ້ນສະບັບ : ບຸນທ່ຽງ ມະນີວົງສ໌

1) ອ້າຍຄົງຈະຕາຍ ຍ້ອນຄວາມຄຶດເຖິງນ້ອງ
ຄຶດຫາແຕ່ນ້ອງ ຄຶດຮອດແຕ່ນ້ອງຜູ່ດຽວ
ຄວາມຮັກຝັງປັກ ຊວງເລິກ
ຫົວຄໍ່າຍາມເດິກ ສຸດແລຫຼຽວ
ຮັກນ້ອງຄົນດຽວ ຄົນດຽວສເມີມາ

2) ເຖິງຕົວຢູ່ໄກ ຫົວໃຈຍັງໂຫຍຫວນ
ເຊົ້າຄໍ່າບ່າຍຄວນ ຫານວນຢູ່ທຸກເວລາ
ຢ້ານຮັກຈະໜ່າຍ ໜ່າຍແໜງ
ຣະແວງໃຈຢູ່ ຢາກກູ່ຫາ
ຄຶດແລ້ວນໍ້າຕາ ອ້າຍຫຼັ່ງໂລມໃຈ

• ເວລານາທີ ທີ່ອ້າຍຫ່າງນ້ອງ ຮື…
ອ້າຍທຸກໝົ່ນໝອງ ຢ້ານນ້ອງປ່ຽນໃຈ
ຫາກສຸດທີ່ຮັກ ຮັກຈິງຈາກໃຈ ຮື…
ອ້າຍຂໍມາຕາຍ ຕໍ່ໜ້າຕັກນາງ

3) ຮັກນາງບໍ່ລືມ ຮັກດຽວບໍ່ລືມຫຼົງ
ຫົວໃຈໝັ້ນຄົງ ຊື່ຕຣົງຕໍ່ນ້ອງບໍ່ຈາງ
ອ້າຍຮັກອ້າຍຫ່ວງ ຫ່ວງຫຼາຍ
ແທບທົນບໍ່ໄດ້ ເກືອບໃຈພັງ
ຫຼົງເພີ້ພະວັງ ຮັກນາງຜູ່ດຽວ…

ເນື້ອຮ້ອງ & ທຳນອງ : ປ. ຕຣີຈັນ (1965-66)
ນັກຮ້ອງຕົ້ນສະບັບ : ປ. ຕຣີຈັນ

1) ວິເສດປານໃດ ຫົວໃຈຜູ່ຍິງ
ນ້ອງລືມທຸກສິ່ງ ເສັຽແລ້ວຫຼືນັ້ນ
ລືມທັງວາຈາ ທີ່ໃຫ້ຕໍ່ກັນ
ລືມຄວາມສຳພັນ ລືມກັນແລ້ວຫຼືດວງໃຈ

2) ວິເສດປານໃດ ຫົວໃຈເຈົ້ານັ້ນ
ຕັດຮັກສະບັ້ນ ບໍ່ເຫຼືອເຍື່ອໃຍ
ປ່ອຍໃຫ້ອ້າຍຕຣົມ ຣະທົມດຽວດາຍ
ຄວາມຫວັງທະລາຍ ລືມກາຍລືມໃຈໂສກຕຣົມ

• ຫຼາຍປີທີ່ຜ່ານ ໄປນັ້ນ
ເໝືອນເປັນຄວາມຝັນ ຣະທົມ
ຫຼົງຮັກຫຼົງປອງ ບໍ່ໃຫ້ຂື່ນຂົມ
ຫຼົງຫວັງຊື່ນຊົມ ຮັກແທ້ຈາກໃຈ

3) ວິເສດປານໃດ ຫົວໃຈເຈົ້ານີ້
ຊາດໜ້າຖ້າມີ ຂໍພົບນ້ອງໃໝ່
ຊາດນີ້ມີກັມ ຕ້ອງຈຳຈາກໄກ
ເພາະອ້າຍເປັນຊາຍ ເປັນຊາຍໃຈຊື່ເກີນໄປ…

ເນື້ອຮ້ອງ & ທຳນອງ : ຄຳຄົມ ເມືອງນະຄອນ & ສ. ບົວລະພັນ (1972)
ນັກຮ້ອງຕົ້ນສະບັບ : ກ. ແກ້ວກໍ່າພ້າ

1) ວັງວຽງແຫ່ງນີ້ ເໝືອນມີອຳນາດມັດຈິດໃຈຝັງ
ພູຜາລ້ອມບັງ ວັງວຽງແສນງາມ
ຜາແດງຜາຕັ້ງງາມຕາ ເຂົາສູງສຽດຟ້າສີຄາມ
ເບິ່ງແລ້ວທຸກຍາມ ໃຫ້ແສນເພີນໃຈ

2) ແຄມລຳນໍ້າຊອງ ສອງເຮົາຄຽງຄູ່ໄດ້ຢູ່ໃກ້ກັນ
ກອດນ້ອງບໍ່ນານ ອ້າຍກໍຈາກໄປ
ລານ້ອງໄປສູ່ແນວຣົບ ເພື່ອຣົບສັຕຣູແດນໄກ
ໃຫ້ສົມເປັນຊາຍ ຊາດເຊື້ອຄົນລາວ

• ບໍ່ດົນປານໃດ ອ້າຍຈະກັບມາຫາ
ໄປແລ້ວບໍ່ແມ່ນໜີໜ້າ ຈະກັບມາຢູ່ຄູ່ນ້ອງສາວ
ບໍ່ລືມອ່ອນຊ້ອນ ຖໍ້ານອນເຄີຍໄປສອງເຮົາ
ແມ່ນວ່າຢູ່ໄກນ້ອງສາວ ນ້ອງເຈົ້າເຊື່ອໃຈເຖີດໜາ

3) ໄກພຽງແຕ່ຕົວ ຫົວໃຈຢູ່ໃກ້ອາລັຍເຈົ້າຫຼາຍ
ຖ້າອ້າຍບໍ່ຕາຍ ຄົງໄດ້ກັບມາ
ສາວເອີຍໂອ້ສາວວັງວຽງ ສຽງນີ້ຄືສຽງເພງລາ
ອ້າຍຈະກັບມາ ຖ້ານ້ອງບໍ່ລືມ…