ເນື້ອຮ້ອງ & ທຳນອງ : ສ. ແສງສິຣິວັນ (1968)
ນັກຮ້ອງຕົ້ນສະບັບ : ທັນຕະວັນ ຣາຊາສັກດ໌
1) ແມ່ນຢູ່ແສນໄກ ສຸດແດນດິນຟ້ານັ້ນ
ເຖິງມີສຸກສັນ ກໍລືມວຽງຈັນບໍ່ໄດ້
ຈາກນານແສນນານ ຍັງຫ່ວງ
ຍາດມິດທັງປວງ ຂ້າສຸດອາລັຍ
ດວງໃຈຄະນຶງ ທຸກວັນ…
2) ເມື່ອຢູ່ຜູ່ດຽວ ຍິ່ງປ່ຽວຍິ່ງຄິດເສົ້າ
ເໝືອນນົກທີ່ເຫງົາ ຢູ່ໃນກົງທອງອັດອັ້ນ
ສຸກກາຍທຸກໃຈ ເມື່ອຈາກ
ເມື່ອຍາມໄດ້ພາກ ແຄວ້ນຖິ່ນວຽງຈັນ
ຖິ່ນຖານນະຄອນ ຂອງລາວ…
• ຈາກໄປສູ່ໃຕ້ຟ້າ ປະເທດອື່ນ
ຫ່າງມິດທີ່ເຄີຍສົດຊື່ນ ຫ່າງລຸງປ້ານ້າອາວ
ເຖິງມີສຸກຢູ່ວັງທອງ ບໍ່ເໝືອນເຫັນໜ້າພີ່ນ້ອງລາວ
ຄິດມາແສນເສົ້າ ຫ່ວງໃຍ…
3) ມິອາດຫຼົງລືມ ພາບແຫ່ງຄວາມຫຼັງນັ້ນ
ເຖິງຟ້າປ່ຽນຜັນ ກໍລືມວຽງຈັນບໍ່ໄດ້
ເມື່ອຍາມຫວນມາ ຢ້ຽມຖິ່ນ
ໃຕ້ຟ້າເໜືອດິນ ລາວນີ້ເມື່ອໃດ
ສຸກໃຈເຫຼືອຄຳ ກ່າວຂານ…
![ໂນຕເພງ “ບໍ່ລືມວຽງຈັນ”](https://www.studiodavong.com/lao-songbooks/wp-content/uploads/2019/12/BORLUMVIENGJAN_notation-scaled.jpg)