ເນື້ອຮ້ອງ & ທຳນອງ : ສ. ແສງສິຣິວັນ (1973)
ນັກຮ້ອງຕົ້ນສະບັບ : ນິດ ວິຈິຕຕະວົງ

1) ແສງອາທິດ ສູນດັບລັບໂລກ
ໃຈອ້າຍໂສກ ສຸດພັລນາ
ເຫັນເດືອນເພັງ ຂຶ້ນສູ່ນະພາ
ຍິ່ງໂສກາ ຄະນຶງເຖິງດວງໃຈ

2) ຄິດເຖິງຄັ້ງ ເຄີຍມີນ້ອງຢູ່
ເຄີຍແນບຄູ່ ນັ່ງຊົມເດືອນຫງາຍ
ສອງເຮົາເຄີຍ ໝັ້ນຈິດໝັ້ນໃຈ
ຈະຮ່ວມຕາຍ ມອບກາຍໄວ້ແກ່ກັນ

• ພໍ… ນ້ອງມາຈາກໄປ
ໃຈ… ນ້ອງກໍເລີຍແປຜັນ
ຜີສາງຕົນໃດ ສິງໃຈເຈົ້ານັ້ນ
ໂຫດຮ້າຍເຫຼືອປະມານ ສັງຫານອ້າຍທັງເປັນ

3) ຮັກອ້າຍນີ້ ເລື່ອນລອຍສູນດັບ
ບໍ່ຫວນກັບ ຄືນມາໃຫ້ເຫັນ
ນ້ອງທຳລາຍ ອ້າຍຢ່າງເລືອດເຢັນ
ຂ້າທັງເປັນ ໂທ້ໃຈນ້ອງຊ່າງດຳ…

ເນື້ອຮ້ອງ & ທຳນອງ : ກອບແກ້ວ ປ່ຽມມະໄລ (1967)
ນັກຮ້ອງຕົ້ນສະບັບ : ກອບແກ້ວ ປ່ຽມມະໄລ

1) ເງິນໜໍເງິນ ຊ່າງຫາຍາກໜັກໜາ
ຄູ່ຮັກຂອງຂ້າ ເຂົາຈາກລາກໍເພາະເງິນ
ບໍ່ມີເງິນທອງ ຈະແຕ່ງດອງເຂົາກໍເມີນ
ຄູ່ຮັກຈຶ່ງໄດ້ຫ່າງເຫີນ ເມື່ອຂາດເງິນຂາດງານ

2) ເງິນໜໍເງິນ ຍາມເມື່ອເງິນບໍ່ມີ
ກຸ້ມໃຈເຫຼືອທີ່ ສຸດບໍ່ມີຄົນທີ່ສົງສານ
ບໍ່ມີເງິນທອງ ນ້ອງສາວກໍບໍ່ຕ້ອງການ
ສຸດແສນຈະທໍຣະມານ ເມື່ອຂາດງານຂາດເງິນ

• ເງິນຕົວດຽວ ທີ່ຝັນຫາ
ໃຜໆກໍປຣາຖນາ ເພາະເງິນຕຣາພາເພີນ
ຢາກໄດ້ນ້ອງສາວ ມາກອດແກ້ໜາວເຫຼືອເກີນ
ແຕ່ອ້າຍຂາດເງິນ ສາວຈຶ່ງເມີນໜ່າຍໜີ

3) ເງິນໜໍເງິນ ຍາມເມື່ອເງິນໝົດໄປ
ຄົນຮັກຄົນໃກ້ ກໍຫັກໃຈຫຼີກໜີ
ບໍ່ມີເງິນທອງ ຈະໃຫ້ນ້ອງຄົນດີ
ມີແຕ່ຫົວໃຈດວງນີ້ ມອບຊີວີນາງດຽວ…

ເນື້ອຮ້ອງ & ທຳນອງ : ສ. ແສງສິຣິວັນ (1967)
ນັກຮ້ອງຕົ້ນສະບັບ : ສ. ແສງສິຣິວັນ

1) ບໍ່ເຄີຍ ບໍ່ເຄີຍ ບໍ່ເຄີຍໄດ້ແຕ່ງງານ
ຕັ້ງແຕ່ເກີດມາ ອາຍຸສາມສິບເອັດ
ມີລູກຕັ້ງເຈັດ ມີເມັຽກໍແສນນານ
ແຕ່ຂ້າບໍ່ເຄີຍ ບໍ່ເຄີຍໄດ້ແຕ່ງງານ
ເພາະໜີຕາມ ກັນງານວິວາເລີຍບໍ່ມີ

2) ບໍ່ເຄີຍ ບໍ່ເຄີຍ ບໍ່ເຄີຍເປັນເສດຖີ
ພໍຂ້າຖືກຫວຍ ເລີຍລໍ່າລວຍເງິນລ້ານ
ຊື້ນາຊື້ບ້ານ ຊື້ໂຮງງານໂຮງສີ
ແຕ່ຂ້າບໍ່ເຄີຍ ບໍ່ເຄີຍເປັນເສດຖີ
ໝຸນເງິນບໍ່ດີ ເງິນທີ່ມີເລີຍໝົດໄປ

3) ບໍ່ເຄີຍ ບໍ່ເຄີຍ ບໍ່ເຄີຍສົດຊື່ນໃຈ
ພໍໝົດເງິນທອງ ເລີຍຕ້ອງນັ່ງໜ້າເສົ້າ
ຫົວໃຈແສນເອົ້າ ຄິດມານໍ້າຕາຕົກໃນ
ເສັຽເສັ້ນຈິງໜໍ ຂ້າບໍ່ເຄີຍຈະດີໃຈ
ຢາກຜູກຄໍຕາຍຢ້ານ ເມັຽເປັນໝ້າຍເລີຍທົນເອົາ

4) ບໍ່ເຄີຍ ບໍ່ເຄີຍ ບໍ່ເຄີຍຂີ່ເຮືອບິນ
ພໍຂຶ້ນໄປນັ່ງ ສຽງຍົນດັງໃບພັດປິ່ນ
ຍົນຂຶ້ນເສັດສິ້ນ ຂ້າກໍເປັນວິນຈົນໜ້າຂາວ
ເພາະຂ້າບໍ່ເຄີຍ ຂີ່ເລີຍກໍຈຶ່ງເມົາ
ພໍຍົນຈອດເຊົາ ຟ້າວເອົາຂອງເກົ່າໄປເທ

5) ບໍ່ເຄີຍ ບໍ່ເຄີຍ ບໍ່ເຄີຍທ່ຽວໂລເລ
ພໍເບີກເງິນເດືອນ ເພື່ອນເລີຍຊວນກິນເຫຼົ້າປຸກ
ກິນແລ້ວໄປບຸກ ບຸກຈົນເດີນໂຊເຊ
ຍ້ອນເຫຼົ້າດອກໜາ ຂ້າຈຶ່ງທ່ຽວໂລເລ
ຕ້ອງເດີນຂາເຄ ເພາະສິ່ງໂລເລອາສັຍເຮົາ…

ເນື້ອຮ້ອງ & ທຳນອງ : ຈອມຄຳ (1969)
ນັກຮ້ອງຕົ້ນສະບັບ : ກ. ວິເສດ

1) ພຽງຄັ້ງນຶ່ງ ທີ່ຂ້າໄດ້ເຫັນ
ສົນໃຈບໍ່ເວັ້ນ ໄດ້ເຫັນສາວເມືອງໂພນໂຮງ
ນ້ອງງາມໂສພາ ຄົງສ້າງບຸນມາຈຶ່ງນຳຍູ້ສົ່ງ
ຖ້າປຽບນ້ອງແລ້ວດັ່ງຫົງ ນາງງາມສູງສົ່ງວົງພັກໜ້າຊົມ

2) ພຽງຄັ້ງນຶ່ງ ທີ່ຂ້າໄດ້ໄປ
ຊາບຊຶ້ງຕຣຶງໃຈ ຣຶທັຍຂອງຂ້າຊື່ນຊົມ
ຢາກຈະມາຢູ່ ຢາກເປັນເນື້ອຄູ່ຊື່ນຊູພິຣົມ
ບຸນອ້າຍສ້າງມາບໍ່ສົມ ຈຶ່ງຫຼົງໂງ່ງົມພຽງນ້ອງຄົນງາມ

• ໂອ້… ນໍ້າໃຈສາວເມືອງໂພນໂຮງ
ແສນງາມເລີດແລ້ວສູງສົ່ງ ອົງອາດພ້ອມວັທນະທັມ
ນ້ອງສ້າງບຸນມາ ທຳຜລາກຸສົນມາກລໍ້າ
ຊາດນີ້ນ້ອງຈຶ່ງງາມຂຳ ສວຍເລີດລໍ້າຍິງກວ່າຈັນທຣາ

3) ພຽງຄັ້ງນຶ່ງ ບໍ່ຂໍລືມຫຼົງ
ຄິດວ່າອ້າຍຄົງ ໄດ້ຮັບຄວາມຮັກກະຣຸນາ
ຫາກນ້ອງປຣານີ ບໍ່ຂໍໜ່າຍໜີຮັກນ້ອງເທົ່າຟ້າ
ຈະເຊີດຊູບູຊາ ຖ້ານ້ອງແກ້ວຕາຮັກຂ້າເຖີດເອີຍ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1964)
ນັກຮ້ອງຕົ້ນສະບັບ : ຄຳເຕີມ ຊານຸບານ

1) ເມືອງຊຳແດນເໜືອ ງາມເຫຼືອສຸດພັນລະນາ
ທິວທັດທ້ອງນາ ປ່າດົງທົ່ງກວ້າງງາມຍິ່ງ
ນໍ້າຊຳໄຫຼຜ່ານ ພູຜາໜ້າເພີນພັກພິງ
ງາມແທ້ຊວນຊົມທຸກສິ່ງ ງາມຈິງຈັບໃຈບໍ່ຫາຍ

2) ເມືອງຊຳເຈົ້າເອີຍ ກ່ອນເຄີຍສຸກສົມຮົ່ມເຢັນ
ຊຳເໜືອນັ້ນເປັນ ຖິ່ນຖານສຳຣານຫົວໃຈ
ສາຍັນຄ້ອຍຄໍ່າ ຢູ່ຕາມລຳນໍ້າສ່ອງໃສ
ໜຸ່ມສາວອາບເຢັນຊື່ນໃຈ ຫາໃສຈະເທົ່າເມືອງຊຳ

• ອຸດົມສົມບູນ ໄປດ້ວຍຊັບຢູ່ໃນດິນ
ຊາວເມືອງຢູ່ກິນ ກັນດ້ວຍສິນຢູ່ໃນນໍ້າ
ຄໍ່າຄືນແວ່ວແຄນ ແອ່ວແຟນນ້ອງສາວເມືອງຊຳ
ທົບທວນແລ້ວຍິ່ງສຸກລໍ້າ ໂອ້…ທັມມະຊາດເມືອງເໜືອ

3) ເມືອງຊຳເຈົ້າເອີຍ ເຖິງເຈົ້າຢູ່ແດນກັນດານ
ຍັງເໝືອນວິມານ ຕຣະການບໍ່ມີຮູ້ເບື່ອ
ເຖິງຄາວຈຳຈາກ ຈຳພາກຈາກຖິ່ນເມືອງເໜືອ
ຄິດເຖິງເມືອງຊຳທຸກເມື່ອ ບຸນເຫຼືອຈະຫວນກັບມາ…

ເນື້ອຮ້ອງ & ທຳນອງ : ສນອງ ອຸ່ນວົງ (1968)
ນັກຮ້ອງຕົ້ນສະບັບ : ກ. ວິເສດ

(ສອຍ) ກູ່ລາມູ່ກີ່ວກະຈຳ ກູ່ລາມູ່ກີ່ວກະຈຳ
ເພາະມີເວນກັມ ຂໍລາໄປກ່ອນ
ລາແລ້ວ ບ້ານແມ້ວຈາກຈອນ
ຂໍລາໄປກ່ອນ ບ້ານແມ້ວຂອງເຮົາ

1) ຖິ່ນຖານບ້ານພູເຂົາ ບ້ານແມ້ວຂອງເຮົາແສນເສົ້າລາແລ້ວ
ບັດນີ້ຈຳພາກຈາກແກ່ວ ພວກເຮົາລາແລ້ວກ່ອນເຄີຍຢູ່ນຳ
ລາແລ້ວ ບ້ານກີ່ວກະຈຳ (ຊໍ້າ)
ຍ້ອນເສິກສົງຄາມ ຈຶ່ງຕ້ອງຫ່າງໄກ

2) ບ້ານແມ້ວເປັນຖິ່ນຖານ ຫົວໃຈສະທ້ານຍາມຕ້ອງຈາກໄກ
ເພາະວ່າສັດຕຣູໄພຣີ ມາຈູ່ໂຈມຕີຈຶ່ງພ່າຍໜີໄກເຈົ້າ
ໄປຄາວນີ້ຫົວໃຈ ຂ້ອຍແສນເສົ້າ (ຊໍ້າ)
ບ້ານແມ້ວຂອງເຮົາ ສູນເສົ້າມົວໝອງ

(ສອຍ)

3) ພວກເຮົາຕ້ອງພ່າຍໜີ ເພາະມານຮາວີຕີປຸ້ນພີ່ນ້ອງ
ຊາວເຂົາຕັ້ງເປັນກອງ ພັດຖິ່ນລຳພອງບໍ່ມີເຮືອນຢ້າວ
ຖືວ່າແມ້ວ ກໍແມ່ນຊາດລາວ (ຊໍ້າ)
ຈະເປັນແມ້ວຫຼືຢ້າວ ກໍລາວດຽວກັນ

4) ຂໍສິ່ງສັກສິດມາຄຸ້ມຄອງ ຢ່າໄດ້ໝົ່ນໝອງໂສກເສົ້າລຳພັນ
ລາກ່ອນຕູບນ້ອຍຕັ້ງຢູ່ ຈອມດອຍຕູບນ້ອຍເປັນຖັນ
ເມື່ອລົມພັດ ມາເຈົ້າຢ່າໄດ້ເຫຫັນ (ຊໍ້າ)
ຕູບນ້ອຍແດນສວັນ ບ້ານແມ້ວອ້າຍຂໍລາ
ລາ… ແລ້ວ… ບ້ານແມ້ວເອີຍ…

ເນື້ອຮ້ອງ & ທຳນອງ: ສ. ແສງສິຣິວັນ (1965)
ນັກຮ້ອງຕົ້ນສະບັບ : ສ. ແສງສິຣິວັນ

ວັນນີ້ໂຊກດີ ພົບນາຣີນຶ່ງນັ້ນ…
ໂສພາຜ່ອງພັນ ຍິ່ງກວ່າຈັນວັນເພັນ…

1) ນ້ອງງາມບາດໃຈ ເທວາອົງໃດສ້າງສັນນ້ອງມາ
ໃຫ້ເລີດຕາ ດັ່ງດາຣາຢາດຟ້າມາດິນ
ຜິວຜ່ອງໃສ ຄ້າຍກັບນິນ
ເນື້ອກາຍຫອມກິ່ນ ດັ່ງບຸບຜາສວັນ…

2) ຍິງໃນໂລກນີ້ ຫາໃດຈະມີທຽບທຽມແກ້ວຕາ
ອ້າຍຈົນຫຼົງ ຕິດຕາມມາຜູກມິດສັມພັນ
ຫຼົງຮັກນາງ ແຕ່ວັນນັ້ນ
ບໍ່ໄດ້ພົບພານ ອ້າຍແທບສິ້ນຊີວັງ…

• ແຕ່ພໍພົບນາງ ມາກັບຊາຍແສນງາມ
ເລີຍເຂົ້າໄປຖາມ ນຶກວ່າອ້າຍຂອງນາງ
ນ້ອງຕອບອາຍໆ ໃບໜ້າຈືດຈາງ
ນີ້ຄືຜົວນາງ ເອີ່ ! ອ້າຍເກືອບເປັນລົມ…

3) ໂອ້ຍອາຍຍິ່ງລໍ້າ ທັງເຈັບທັງຊໍ້າຫົວໃຈໝອງຕຣົມ
ເປີດເຂົ້າບາຣ໌ ດື່ມສຸຣາໃຫ້ຫາຍຣະທົມ
ນ້ອຍບໍ່ນານ ກໍສຸກສົມ
ເພາະດັບອາຣົມ ດ້ວຍຈັງຫວະ Twist !…

ເນື້ອຮ້ອງ & ທຳນອງ: ສ. ແສງສິຣິວັນ (1965)
ນັກຮ້ອງຕົ້ນສະບັບ : ຄຳເຕີມ ຊານຸບານ

1) ຈາກກັນໄປ ຫົວໃຈອາລັຍຫາ
ຈຳຈາກໄປ ໄກຕາຂໍລາກ່ອນ
ຢ່າໂສກເສົ້າ ຢ່າຫ່ວງໃຍຢ່າອາວອນ
ຄົງບໍ່ນານ ຈະຫວນຢ້ອນມາພົບກັນ

2) ຈາກກັນໄປ ຣຶທັຍຢ່າລືມຫຼົງ
ຈາກວັນນີ້ ກໍຄົງພົບວັນນັ້ນ
ຫາກຄິດເຖິງ ເບິ່ງດາຣາເບິ່ງດວງຈັນ
ສາຍຕາເຮົາ ຈະພົບກັນໃນຈັນທຣາ

• ໂອ້… ຮື… ຂໍລາ ຂໍລາ ຂໍລາ
ຈົ່ງຢູ່ດີ ມີຄວາມສຸກສິ້ນທຸກນາໆ

3) ສຸດຄະນຶງ ເຖິງກັນຢູ່ບໍ່ຫາຍ
ໂສກໃຈເຫຼືອ ເມື່ອໃດໜໍພົບໜ້າ
ຈາກພຽງກາຍ ສ່ວນດວງໃຈແລະວິນຍານ
ທຸກນາທີ ທຸກເວລາມິໄກກັນ

ໂອ້…ໂອ… ໂອ້…ໂອ…
ລາ… ຂໍລາໄປກ່ອນເອີຍ
ລາ… ຂໍລາໄປກ່ອນເອີຍ…

ເນື້ອຮ້ອງ & ທຳນອງ : ປ. ຕຣີຈັນ & ສນອງ ຣັຕຕະນະພັນ (1952~1953)
ນັກຮ້ອງຕົ້ນສະບັບ : ບານເຢັນ ສິນບັນດິດ

1) ຮຸ່ງແຈ້ງຕາເວັນ ລອຍເດັ່ນແສນງາມສຸດຕາ
ສ່ອງແດນເມືອງຟ້າ ວິມານວຽງຈັນ
ຫຼາຍສີສອດແສງ ຂອງດວງຕະວັນ
ງາມດັ່ງສວັນ ສ້າງໄວ້ໃຫ້ຝັນເພື່ອຊົມ

2) ຕື່ນອົກຕື່ນໃຈ ຍາມໄດ້ພົບພຽງເທື່ອດຽວ
ສຸດຫຼ້າຟ້າຂຽວ ງາມແສນນິຍົມ
ນົກນ້ອຍໂຜຜິນ ແລ້ວບິນຕາມລົມ
ເປັນຄູ່ສູ່ສົມ ໄດ້ເຫັນຊື່ນຊົມງາມຕາ

• ເມື່ອໄດ້ ມາເຫັນ
ເປັນບຸນສ້າງໄວ້ ໄດ້ເຫັນເຕັມຕາ
ຂໍຝາກໃຈຝາກຕົວ ຝາກຂວັນອຸຣາ
ຈົນກວ່າ ຊີວາສູນໄປ

3) ໄດ້ຢູ່ວຽງຈັນ ເປັນສຸກທຸກວັນແລະຄືນ
ສຸດຈະສົດຊື່ນ ຣະຣື່ນຫົວໃຈ
ເຖິງແມ່ນຈາກແລ້ວ ແສນຈະໄກ
ຂໍຝາກໃຈໄວ້ ບໍ່ຫຼົງລືມໄລວຽງຈັນ…

ເນື້ອຮ້ອງ & ທຳນອງ : ພົມມະ ພິມມະສອນ (≈1970)
ນັກຮ້ອງຕົ້ນສະບັບ : ທັນຕະວັນ ຣາຊາສັກດ໌

1) ເກືອບຕັດສິນໃຈ ຈາກອ້າຍ
ນ້ອງຈວນຈະກາຍ ເປັນເພັຊຄາດ
ເກືອບບັ່ນທາງຮັກ ທີ່ເຮົາຮ່ວມວາດ
ດ້ວຍໃຈບໍ່ອາດ ສູ້ຄວາມຂົມຂື່ນ

2) ເກືອບຕັດສິນໃຈ ຈາກອ້າຍ
ນ້ອງຈວນຈະກາຍ ເປັນຂອງຄົນອື່ນ
ເກືອບທົນບໍ່ໄຫວ ຣຶທັຍສຸດຝືນ
ມາຊ້າພຽງຄືນ ກໍຄົງຂາດກັນ

• ຄອຍນ້ອງທົນຄອຍ ມາຕັ້ງນານປີ
ຈາກນັ້ນມາເປັນເຈັດປີ ຫົວໃຈນ້ອງນີ້ຍັງໝັ້ນ
ຮັກດຽວຊື່ຕຣົງ ຫວັງວ່າຈັກວັນ
ສ່ວນບຸນທີ່ນ້ອງສ້າງນັ້ນ ຄົງມີວັນມີວັນສນອງ

3) ຫາກມາຊ້າໄປ ຈັກນ້ອຍ
ຮັກຄົງຂາດລອຍ ເປັນຝອຍລະລ່ອງ
ເກືອບສູນສິ້ນຮັກ ທີ່ຍັງໃຝ່ປອງ
ເກືອບຕ້ອງຫ່າງໄກ ເພາະຊາຍອວດດີ…