ເນື້ອຮ້ອງ & ທຳນອງ : ວໍຣະເດດ ດິດທະວົງສ໌
ນັກຮ້ອງຕົ້ນສະບັບ : ວອນສວັດ (1972-73)
ສະບັບສຽງຂັບຮ້ອງຂອງ : ເກດສນາ ວິໄລລັກ (1992)

1) ຄູ່ນົກ ໂບກບິນ
ຟ້າວບິນຂຶ້ນລົງ ເລາະຫຼິ້ນກັບລົມ
ສົ່ງສຽງ ກ້ອງດັງຣະງົມດ້ວຍຄວາມສຸກສັນ

2) ນ້ອງນີ້ ສຸດເຫງົາ
ເມື່ອຟັງນົກເລົ່າ ວ່າຕົວອ້າຍນັ້ນ
ປຽບເໝືອນ ດັ່ງຄົນພິການຮັກມາແຕ່ເຍົາ

• ນ້ອງຂໍເປັນ ຄົນເຫັນໃຈ
ນຳຄວາມຮັກ ມາໃຫ້ເຈົ້າ
ເໝືອນຄູ່ນົກເຂົາ ທີ່ລອຍກາງຫາວຮັກກັນສເມີໄປ

3) ໂອ້ນົກ ເຈົ້າເອີຍ
ຊ່ວຍບອກເຂົາດ້ວຍ ວ່າຂ້າຫ່ວງໃຍ
ບອກເຂົາ ຂໍພຽງເຂົານັ້ນຮັກຂ້າແທ້ຈິງ

* ບອກເຂົາ ຂໍພຽງເຂົານັ້ນຮັກຂ້າແທ້ຈິງ
ບອກເຂົາ ຂໍພຽງເຂົານັ້ນຮັກຂ້າແທ້ຈິງ

ເນື້ອຮ້ອງ & ທຳນອງ : ປ. ຕຣີຈັນ (1965)
ນັກຮ້ອງຕົ້ນສະບັບ : ພົມມະ ພິມມະສອນ

1) ເດືອນຫງາຍ ສາຍລົມພັດມາແຕ່ໄກ
ດວງເດືອນ ລອຍໄປທົ່ວທ້ອງນະພາ
ສາຍນໍ້າ ໄຫຼໄປບໍ່ກັບຄືນມາ
ເໝືອນນ້ອງ ຈາກລາໄປແສນໄກ

2) ຄິດເຖິງ ເມື່ອກ່ອນນ້ອງຈະຈາກຈອນ
ອ້ອນວອນ ໃຫ້ອ້າຍຄອງຮັກເອົາໄວ້
ພາຍໃຕ້ ແສງຈັນຄືນນັ້ນຈຳໄດ້
ດວງໃຈ ລາລັບບໍ່ກັບຄືນມາ

• ໂອ້ດວງຈັນ ເຈົ້າຢູ່ສູງມອງເຫັນທົ່ວຟ້າ
ຈົ່ງກະຣຸນາ ມອງຫາໃຫ້ດີມີນ້ອງແຫ່ງໃດ
ໄກຫຼືໃກ້ ບອກໃຫ້ກັບມາ
ອ້າຍຍັງຄອຍຖ້າ ວ້າເຫວ່ດວງໃຈ

3) ຣາຕຣີ ມີຈັນພາໃຫ້ອ້າຍຝັນ
ທຸກຄືນ ລຳພັນລະເມີເພີ້ໄປ
ລົມໜາວ ພັດມາໜາວສັ່ນທົ່ວກາຍ
ແມ່ນໄດ້ ຄູ່ຄຽງໜາວຄົງຫາຍໄປ…

ເນື້ອຮ້ອງ & ທຳນອງ : ພົມມາ ສົມສຸທິ (1969)
ນັກຮ້ອງຕົ້ນສະບັບ : ພອນເທພ ເທພພິທັກສ໌

1) ນາງເຄີຍຜ່ານຊາຍ ມາແລ້ວມາກມາຍຫຼາຍໜ້າ
ຈົນຖືກຂນານນາມວ່າ ຍອດຍິງແມ່ນົກຣາຕຣີ
ສັງຄົມກີດກັນ ແບ່ງຊັ້ນຄົນລະນາຣີ
ມີຮອຍດ່າງພ້ອຍຣາຄີ ນາງເປັນສະຕຣີສິ້ນຄົນບູຊາ

2) ຕົວນາງຈະຊາມ ແຕ່ໃຈນາງງາມເຫຼືອລົ້ນ
ງາມກວ່າຜູ່ຍິງໝື່ນຄົນ ທີ່ຂ້າເຄີຍພົ້ນຜ່ານມາ
ໃຜຈະປະນາມ ຢຽດຫຍາມກໍຕາມເຖີດໜາ
ນາງເປັນເພັດທີ່ສູງລໍ້າຄ່າ ທີ່ຝັງກາຍາຢູ່ໃນເຮືອນຕົມ

• ຫົວໃຈ ອ້າຍນີ້ຫວ່າງທັງສີ່ຫ້ອງ
ຈະມອບໃຫ້ນ້ອງ ໄດ້ຄອງຮັກອັນສຸກສົມ
ມີວັງນໍ້າໃຈ ໃຫ້ລ້າງກິ່ນສາບຄາວຕົມ
ມີອ້ອມແຂນໄວ້ແທນຜ້າຫົ່ມ ເມື່ອສາຍລົມພັດຜິວເຮືອນກາຍ

3) ນາງເຄີຍຜ່ານຊາຍ ມາແລ້ວມາກມາຍກໍຊ່າງ
ກໍຈະຂໍຮັກແຕ່ນາງ ຝາກຝັງຊີວິດຈົນຕາຍ
ເຣື່ອງຫຼັງຜ່ານມາ ລົບລ້າງມັນເສັຽໃຫ້ຫາຍ
ມາເປັນເພັດຄົນດຽວຂອງອ້າຍ ມາຮັກກັນໄປຊົ່ວນິຣັນດອນ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1968)
ນັກຮ້ອງຕົ້ນສະບັບ : ຈັນທະຣາ ອຸເທນສັກດາ

1) ຄິດຮອດຄວາມຮັກ ແລ້ວນອນບໍ່ຫຼັບ
ໄດ້ແຕ່ນັ່ງນັບ ເວລານາທີ
ຈັກອີກຈັກເດືອນ ຈັກອີກຈັກປີ
ຈະຮອດຣຶກດີ ພິທີວິວາມຸງຄຸນ

2) ຄິດຮອດຄວາມຮັກ ແລ້ວນອນບໍ່ໄດ້
ຮູ້ສຶກຄັນຄາຍ ກາຍໃຈເຫຼືອທົນ
ຈັກອີກຈັກແລ້ງ ຈັກອີກຈັກຝົນ
ໜາວນີ້ຄົງທົນ ຕໍ່ໄປບໍ່ໄຫວຕາຍແນ່

• ລົມແລ້ງລົມຝົນ ລົມໜາວລົມຮ້ອນ
ພັດວີ່ພັດວອນ ພັດຈອນລັບແລ
ລົມປາກລົມໃຈ ໃຜຈິງຈັງແດ່
ຂໍທານຂໍແຜ່ ຈັກຄົນແດ່ເດ

3) ຄິດຮອດຄວາມຮັກ ຫົວໃຈຕຶກຕັກ
ໃຈເຕັ້ນຄຶກຄັກ ເໝືອນຈັກຣົຖເພ
ຢ້ານແຕ່ຄວາມຮັກ ຊັກຕົກທະເລ
ຢ້ານຫົວໃຈເພ ຢ້ານເຊລົງເຫວເຖິງຕາຍ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1968)
ນັກຮ້ອງຕົ້ນສະບັບ : ຈັນທະຣາ ອຸເທນສັກດາ

1) ອ້າຍພຽງແຕ່ຄຶດ ເທົ່ານັ້ນ
ບໍ່ເຄີຍລັ່ນປາກ ກັບໃຜ
ທ້ອນໂຮມຄວາມຄຶດ ອັດໄວ້ໃນໃຈ
ເຫັນນ້ອງເທື່ອໃດ ຫົວໃຈມັນເຕັ້ນຕຶກຕັກ ໆ

2) ອ້າຍພຽງແຕ່ຄຶດ ເທົ່ານັ້ນ
ບໍ່ເຄີຍຝັນວ່າ ຈະຮັກ
ຢ້ານນ້ອງຕອບມາ ວ່າບໍ່ຮູ້ຈັກ
ຄວາມນັ້ນມັນຍາກ ມັນແສນລຳບາກຈະບອກໃຫ້ຟັງ

• ແບກຄວາມຄຶດໄວ້ ໃນໃຈດົນແລ້ວ
ລຽນກັນເປັນແຖວ ຢູ່ໃນຄວາມຫວັງ
ຄຶດໄປຄຶດມາ ຢ້ານບໍ່ມີທາງ
ຫົວໃຈມັນຄວນຄາງ ຮື… ຄຶດຢາກກືນກິນເສັຽເລີຍ

3) ອ້າຍພຽງແຕ່ຄຶດ ເທົ່ານັ້ນ
ບໍ່ຕ້ອງໄຫວຫວັ່ນ ຫຍັງເລີຍ
ຄຶດຫຼິ້ນຄຶດຫົວ ໃຫ້ໃຈສະເບີຍ
ແທ້ຈິງບໍ່ເຄີຍ ຈິເວົ້າຈິເອີ່ຍໄດ້ພຽງແຕ່ຄຶດ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1963)
ນັກຮ້ອງຕົ້ນສະບັບ : ບັງອອນ

1) ຢ່າກວນ ໃຈນະ
ຢ່າຫາ ວ່າຍິງໃຈອ່ອນ
ຜູ່ຍິງ ເຂົາງາມເຂົາງອນ
ເພື່ອໃຫ້ຊາຍວອນ ມາງໍ້ມາງໍ້

2) ຢ່າຫວັງ ລວຍນະ
ເບິ່ງໜ້າ ບໍ່ຄືໜ້າພໍ່
ຜູ່ຊາຍ ບໍ່ມີເມືອງພໍ
ມາຫຼອກມາລໍ້ ບໍ່ພໍຈັກທີ

• ຣະວັງ ຈະຖືກຂອງແຂງ
ຢ່າລວນ ຫາແຫຼ່ງເວົ້າກັນດີໆ
ມາຈັບມື ຖືແຂນແບບນີ້
ຜິດປະເພນີ ອັບປີສີກະບານ

3) ຢ່າຫວັງ ລວຍນະ
ຖ້າຮັກ ໃຫ້ຂໍແຕ່ງງານ
ຢ່າທຳ ສິ່ງອະນາຈານ
ໜ້າອາຍຊາວບ້ານ ຈະກ່າວຂວັນນິນທາ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1963)
ນັກຮ້ອງຕົ້ນສະບັບ : ຈັນທະຣາ ອຸເທນສັກດາ

1) ຢ່າເວົ້າ ແຮງຫຼາຍ
ແມ່ນໃຜ ວ່າເຈົ້າໃຈອ່ອນ
ເຈົ້າງາມ ແລ້ວຍັງທຳງອນ
ຂ້ອຍເມື່ອຍມາວອນ ມາງໍ້ແທ້ໆ

2) ຢ່າຄຸຍ ຫຼາຍນະ
ເບິ່ງໜ້າ ບໍ່ຄືໜ້າແມ່
ຂຶ້ນສຽງ ຮ້ອງປານສຽງແກ
ໂອ້ຍ… ຄ່ອຍໆແດ່ ອີ່ແມ່ຄົນງາມ

• ຍ້ອນຮັກ ຍ້ອນປາຖນາ
ບໍ່ແມ່ນຕັ້ງໜ້າ ຫາລວຍລວນລາມ
ພຽງຈັບມື ຖືແຂນຊັກຖາມ
ຫາວ່າອ້າຍທຳ ອັບປີສີກະບານ

3) ຢອກກະ ບໍ່ໄດ້ເນາະ
ໜ້າງໍ ເຂົ້າແລ້ວແຈ່ມຈັນ
ຮັກດອກ ຈຶ່ງຢອກຈອມຂວັນ
ເອົ້ານີ້ແຫວນໝັ້ນ ມາດີກັນເຖີດເອີຍ…

ເນື້ອຮ້ອງ & ທຳນອງ : ຄຳຫລ້າ ໜໍ່ແກ້ວ (1964)
ນັກຮ້ອງຕົ້ນສະບັບ : ບຸນທົງ ວົງສາລີ

1) ຢາກຈະບອກ ຈັກຄຳວ່າຮັກ
ບອກໃຫ້ຮູ້ຈັກ ວ່າຮັກພຽງໃດ
ອ້າຍອົດມານານປີ ທີ່ເກັບຂັງບັງໄວ້
ຫົວໃຈອ້າຍ ປາກບໍ່ເປັນ

2) ຮັກອີ່ຫຼີ ບໍ່ຫຼອນຫຼອກລວງ
ອ້າຍຫວງອ້າຍຫ່ວງ ຊວງແທບກະເດັນ
ຍາມນ້ອງປາກກັບໃຜ ຫົວໃຈເກືອບຢຸດເຕັ້ນ
ເໝືອນຄົນເປັນ ບ້າຈິດຄອນ

• ດວງໃຈອາວອນ ກິນນອນລຳເພິງ
ເຝົ້າແຕ່ຄິດເຖິງ ນວນນ້ອງບັງອອນ
ພຽງເຫັນໜ້ານ້ອງ ຈອບມອງມິຖອນ
ຫົວໃຈອຸທອນ ຮ້ອນສຸດທົນໄຫວ

3) ຢາກຈະບອກ ວ່າຮັກວ່າຮັກ
ມັນຊ່າງຍາກໜັກ ຮັກຊ້ອນໃນໃຈ
ແມ່ນນ້ອງຄິດສົງສານ ຂໍໃຫ້ທານຮັກໄວ້
ຂໍຕາຍຢູ່ ແນບອົກນາງ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1968)
ນັກຮ້ອງຕົ້ນສະບັບ : ບຸນທົງ ວົງສາລີ & ເບົາ

(ຊາຍ) ໂອ້ສຸດທີ່ຮັກ ອ້າຍຮັກເຈົ້າດັ່ງດວງໃຈ
ອ້າຍຍອມຍົກໃຫ້ ທັງກາຍແລະດວງວິນຍາ
(ຍິງ) ເວົ້າແທ້ຫຼືຫຼອກ ຢ່າບອກແຕ່ພຽງວາຈາ
ຫົວໃຈໃຫ້ຈິງເໝືອນວ່າ ຢ່າພາໃຫ້ຫຼົງຕາຍໃຈ

(ຍິງ) ໂອ້ສຸດທີ່ຮັກ ນ້ອງຮັກອ້າຍດັ່ງຊີວີ
ຮັກດຽວເທົ່ານີ້ ມິມີໃຈອື່ນຈະໝາຍ
(ຊາຍ) ແທ້ຫວະນ້ອງແກ້ວ ບອກແລ້ວຢ່າລືມລາລັຍ
ຮັກດຽວໃຈດຽວມອບໃຫ້ ແຕ່ອ້າຍຜູ່ດຽວເດີ້ນາງ

(ຊາຍ) ນ້ອງເປັນຍອດຊູ້ (ຍິງ) ອ້າຍຄືຄູ່ໃຈ
ຢ່າໄດ້ ລ່ວງເກີນເມີນມາງ
(ຊາຍ) ຟ້າຍັງຄູ່ດາວ (ຮ່ວມ) ສອງເຮົາຢ່າຫ່າງ
(ຍິງ) ຢ່າຫ່າງ ຢ່າຮ້າງໄປໄກ

(ຊາຍ) ໂອ້ສຸດທີ່ຮັກ (ຍິງ) ທີ່ຮັກຈົ່ງໃຫ້ສັນຍາ
(ຊາຍ) ຮັກກັນຈົນກວ່າ ຟ້າດິນຈະສິ້ນສລາຍ
(ຮ່ວມ) ຜົນບຸນເຄີຍສ້າງ ຮ່ວມກັນຊາດກ່ອນຫຼືໃດ
ຍອດຊູ້ຈຶ່ງຢູ່ຄູ່ໃຈ ເທບໄທ້ຂໍຈົ່ງຄຸ້ມຄອງ…

ເນື້ອຮ້ອງ & ທຳນອງ : ພົມມະ ພິມມະສອນ (1970)
ນັກຮ້ອງຕົ້ນສະບັບ : ນິດ ວິຈິຕຕະວົງ

1) ມອງເຫັນອາທິດ ໃກ້ອັສດົງ
ຕາວັນຕໍ່າລົງ ຈວນລັບຂອບຟ້າ
ປານນີ້ທີ່ຮັກ ຍັງບໍ່ເຫັນມາ
ນ້ອງເມີນໜີໜ້າ ໄປຢູ່ຫົນໃດ

2) ທີ່ຮັກ ທີ່ຮັກ ອ້າຍສຸດຄະນຶງ
ອ້າຍສຸດຄິດເຖິງ ນ້ອງແທບຂາດໃຈ
ຄອຍແລ້ວຄອຍແລ້ວ ຄອຍແກ້ວຂວັນໃຈ
ຫຼົງຄອຍເມື່ອໃດ ນ້ອງຈຶ່ງຈະມາ

• ກາລເວລາໝຸນໄປ ໝຸນໄປ ໆ
ກັບອີກດວງໃຈ ທີ່ເຝົ້າຄອຍຫາ
ອີກປານໃດໜໍ ນ້ອງຈຶ່ງຈະມາ
ຈະມາ ຈະມາ ຮັບຂວັນດວງໃຈ

3) ທີ່ຮັກ ທີ່ຮັກ ອ້າຍສຸດຫ່ວງຫາ
ຢ່າທໍຣະມາ ອ້າຍເລີຍແກ້ວໃຈ
ມາຕິທີ່ຮັກ ມາຢູ່ຊິດໃກ້
ມາຕິດວງໃຈ ອ້າຍຍັງເຝົ້າຄອຍ…