ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1967)
ນັກຮ້ອງຕົ້ນສະບັບ : ຄຳຫຼ້າ ໜໍ່ແກ້ວ

1) ອຸກໃຈ… ອຸກໃຈຈົນຫົວຈິແຕກຕາຍ
ໜຸ່ມໆສາວໆ ຂອງລາວສມັຍໃໝ່ຫຼາຍ
ປົກຫຸ້ມຄຸມກາຍ ອັບອາຍບັດສີ

2) ອຸກໃຈ… ເກືອບອົດບໍ່ໄຫວຂ້ອຍຢາກແລ່ນໜີ
ບາງໆເຂີນໆ ກວນໃຈເຫຼືອເຕັມທີ່
ສລັບສັບສີ ເໝືອນໂຕລະຄອນ

• ປາກທາແດງຄີ້ວຂຽນດຳ ປ່ອຍຜົມລ່າມວ່າໂຕງາມງອນ
ນຸ່ງສົ້ງຮັດໆເຫັນແລ້ວອຶດອັດ ມັນໜາວມັນຮ້ອນ
ຈິດວີ່ໃຈວອນຍາມຫຼັບ ຍາມນອນອາວອນຫວຸ້ນວາຍ

3) ອຸກໃຈ… ໜຸ່ມສາວທັງຫຼາຍຂໍເຊີນຈື່ໄວ້
ຢ່າລືມຮີດຄອງ ຂອງລາວເຮົາໝົດຫຼາຍ
ຂໍໂທດຫຼາຍໆ ຢ່າໄດ້ກຽດຊັງ

(ເວົ້າ) ມັນກະໂພດອີ່ຫຼີໃດ໊ ແຕ່ອີ່ພໍ່ອີ່ແມ່ກະຍັງບໍ່ເຫັນຈັກເທື່ອແນວນີ້
ອັນນີ້ກະຍັງໃຄ ອັນອຸກເປັນໜີ້ເພິ່ນ ແຮ່ງຮ້າຍອີກ…

ເນື້ອຮ້ອງເພງ “ອຸກເປັນໜີ້”

1) ອຸກໃຈ… ອຸກໃຈຈົນຫົວຈິແຕກຕາຍ
ເຈົ້າໜີ້ໄປຖາມ ໄປທວງສູ່ມື້ຫຼາຍ
ສູ້ຊົນທົນອາຍ ສຸດອາຍສຸດຝືນ

2) ອຸກໃຈ… ດອກເບັ້ຽຂຶ້ນຫຼາຍໆຈົນຖ້ວມທຶນ
ຫຼັບຕາບໍ່ລົງ ນັ່ງຊົງຢູ່ເໝິດຄືນ
ອົດໃຈສະອື້ນ ຕລອດວັນ

• ໂອ້ເຈົ້ານາຍ… ເຫັນໃຈທີ ຢ່າບີບບີ້ເມື່ອທີຂັບຂັນ
ເຂົ້າຂອງທີ່ມີຂາຍຊຳຣະໜີ້ ບໍ່ເຫຼືອຈັກອັນ
ໂປຣດເຖີດສວັນຢ່າປ່ອຍ ໃຫ້ຫຼານຕ້ອງອຸກໃຈຕາຍ

3) ອຸກໃຈ… ຂໍເລື່ອນເອົາໄວ້ຢ່າເລັ່ງຫຼາຍ
ອີກສອງສາມປີ ໂຊກດີຄົງໃຊ້ໄຫວ
ຖືກຫວຍມື້ໃດ ມອບໃຫ້ໝົດເລີຍ

(ເວົ້າ) ໂອ້ຍ… ອຸກໃຈຫຼາຍ

ເນື້ອຮ້ອງ & ທຳນອງ : ຄຳຄົມ ເມືອງນະຄອນ (1970)
ນັກຮ້ອງຕົ້ນສະບັບ : ບົວ ບັງໃບ

1) ຖ້າອ້າຍມີປີກ ບິນໄດ້ຢ່າງນົກ
ຈະໂບກຈະບິນ ໄປຫາແກ້ວຕາໃຫ້ໄດ້
ເຈົ້າຈະຢູ່ໃສ ຈະໃກ້ຈະໄກ
ລຳບາກທຸກຍາກພຽງໃດ ຂໍບິນໄປຢູ່ໃກ້ກັບນ້ອງ

2) ຖ້າອ້າຍນີ້ເກັ່ງ ປານທົສກັນ
ບໍ່ຢ້ານບໍ່ຫວັ່ນ ວ່າໃຜຈະມາຂັດຂ້ອງ
ຫາກມີຜູ່ໃດ ທຳໃຫ້ໝົ່ນໝອງ
ຊຸກຊ້ອນນ້ອງໄວ້ຄອບຄອງ ອ້າຍຕ້ອງແຍ່ງມາຊື່ນຊົມ

• ຖ້າອ້າຍມີຣິດ ຢ່າງເທວະດາ
ຈະເສກຄາຖາ ເມດຕາມະຫານິຍົມ
ຈະເນຣະມິດ ໃຫ້ເຈົ້າແອວກົມ
ມາຢູ່ໃຫ້ເຊີຍໃຫ້ຊົມ ເລືອກຊົມໄດ້ຕາມແຕ່ໃຈ

3) ແຕ່ອ້າຍນີ້ເປັນ ຄົນທັມມະດາ
ຈະບິນຂຶ້ນຟ້າ ດຳດິນບິນບົນບໍ່ໄດ້
ໄດ້ແຕ່ເບິ່ງຫາ ຍອດຊູ້ຢູ່ໃສ
ທຸກມື້ຣະທົມຕຣົມໃຈ ເມື່ອໃດຈະໄດ້ຊື່ນຊົມ…

ເນື້ອຮ້ອງ & ທຳນອງ : ສ. ບົວລະພັນ (1970)
ນັກຮ້ອງຕົ້ນສະບັບ : ກ. ວິເສດ

1) ອາພັບແທ້ໜໍ ວາສນາຂ້າຊ່າງຕ້ອຍຕໍ່າ
ຄິດໄປສຸດແສນຣະກັມ ໂລກຊ່າງທຳບາບກັມແກ່ຂ້າ
ເກີດມາຮ່ວມໂລກ ຄວາມເສົ້າໂສກສຸດພັລນາ
ເປັນຄົນສິ້ນວາສນາ ສິ້ນຊາຕາອາດູນ

2) ອາພັບແທ້ເດ ຊາດນີ້ໜໍຊ່າງມາດິ້ນຣົນ
ຊ່າງມີແຕ່ຄວາມທຸກຈົນ ໂລກເມືອງຄົນປ່ຽນແປງວຽນຫວຸ້ນ
ເກີດມາຄັ້ງນີ້ ຄວາມສົມໂພດບໍ່ເຄີຍເກື້ອກູນ
ຊໍ້າຍັງຂາດຄົນກາຣຸນ ຂາດຄົນເກື້ອໜຸນອຸ້ມຊູ

• ຂໍ… ອະທິຖານໄວ້ວ່າ
ໃນຊາດຈະມາ ບຸນຈົ່ງນຳພາຊ່ວຍຍູ້
ເຖິງແມ່ນຊາດນີ້ ຊີວິດຂ້າຂາດຄົນອຸ້ມຊູ
ຂໍບຸນທີ່ເຄີຍເສີມຊູ ຈົ່ງນຳຊ່ວຍຍູ້ໃນຊາດໜ້ານີ້

3) ອາພັບແທ້ຈິງ ຂາດຄົນຫຼິງລໍ່າແລລ້ຽງດູ
ໃຜເດ້ຈະມາຊ່ວຍຊູ ຂ້າຢາກຮູ້ຢູ່ທຸກວັນນີ້
ຈະມີໃຜແທ້ ຫວັງຢາກຊ່ວຍໃຫ້ຄວາມພັກດີ
ເຖິງແມ່ນຜູ່ໃດປຣານີ ຂໍມອບຊີວີຈົນຟ້າມະລາຍ…

ເນື້ອຮ້ອງ & ທຳນອງ : ພົງສວັນ ສ. ຜາບມີຊັຍ (1973)
ນັກຮ້ອງຕົ້ນສະບັບ : ນິດ ວິຈິຕຕະວົງ

1) ໂປຣດຢ່າໂສກສັນ ຄິດເຖິງວັນ ນານຜ່ານມາ
ເຄີຍສຸກໜັກໜາ ຕ້ອງມາຈາກ ພາກໄກໜີ
ກ່ອນເຄີຍປຣະຄອງ ຮັກເຄີຍຕ້ອງ ໝອງຣຶດີ
ຍອດຊີວີ ຈົ່ງຢ່າມີ ຈິດໃຈສອງ

2) ຈາກໄປໄກແລ້ວ ໂອ້ແກ້ວຕາ ຢ່າປ່ຽນໃຈ
ຈາກໄປພຽງກາຍ ມອບຣຶທັຍ ໄວ້ນຳນ້ອງ
ຈົ່ງລໍຄອຍວັນ ນານເທົ່າໃດ ກໍຈົ່ງຄອງ
ຢ່າໝົ່ນໝອງ ຈົ່ງຄອງໃຈ ໃຫ້ຫວານຊື່ນ

• ຍາມໃດນ້ອງໂສກ ຫຼືມີທຸກ ໃຈຂື່ນຂົມ
ວອນຝາກສາຍລົມ ຊ່ວຍກ່ອມໃຈ ໃຫ້ເຊີຍຊື່ນ
ຍາມໃດນ້ອງສຸກ ອ້າຍກໍສຸກ ໃຈກໍ້າກືນ
ທຸກວັນຄືນ ຕື່ນຜວາ ຫາດວງໃຈ

3) ຈາກໄປໄກໜີ ຍອດຊີວີ ຢ່າປ່ຽນທາງ
ຢ່າໃຫ້ຄວາມຫວັງ ທີ່ເຄີຍສ້າງ ພັງທະລາຍ
ຢ່າໃຫ້ດວງໃຈ ອ້າຍຕ້ອງແຫຼກ ແຕກສລາຍ
ຈົ່ງຕຽມໃຈ ໄວ້ລໍຄອຍ ວັນອ້າຍມາ…

ເນື້ອຮ້ອງ & ທຳນອງ : ເສຣີ ອານັນຕະເສຣີ & ປ. ຕຣີຈັນ (1964)
ນັກຮ້ອງຕົ້ນສະບັບ : ປ. ຕຣີຈັນ

1) ອ້າຍຈຳຈາກ ນ້ອງໄປ
ນ້ອງຢ່າໄດ້ ເສົ້າໃຈໜັກໜາ
ຂໍນ້ອງ ຈົ່ງຄອຍຖ້າ
ອ້າຍຈະກັບມາ ເຣວໄວ

2) ຍອດຮັກອ້າຍ ນີ້ເອີຍ
ນ້ອງຢ່ານຶກເລີຍ ວ່າຈະປ່ຽນໃຈ
ອ້າຍຂໍ ວອນໄຫວ້
ອົງເທບໄທ້ ຈົ່ງເປັນພະຍານ

• ຈາກກັນ ພຽງກາຍ
ແຕ່ຫົວໃຈ ເຮົາຍັງຢູ່ຮຽງຄຽງສອງ
ໝາຍປອງຮັກດຽວ ອ້າຍມີໃຈດຽວ
ຮັກດຽວ ຮັກດຽວ ຈົນຕາຍ

3) ເມື່ອໃດອ້າຍ ກັບມາ
ຂໍມອບຊີວາ ດວງໃຈແລະກາຍ
ຊົ່ວຟ້າ ດິນສລາຍ
ຈະບໍ່ຫ່າງໄກ ໃຫ້ນ້ອງຕຣົມ…

ເນື້ອຮ້ອງ & ທຳນອງ : ມ. ເມືອງໃຕ້ (1968)
ນັກຮ້ອງຕົ້ນສະບັບ : ກ. ວິເສດ

1) ຈອມ ໃຈ
ນ້ອງຄືຈອມໃຈ ຄົນດຽວຂອງຂ້າ
ເປັນຍອດຮັກ ຍອດບູຊາ
ເໜືອກວ່າ ຜູ່ຍິງໃດໆ

2) ຍາມ ຈົນ
ນ້ອງຍອມສູ້ທົນ ຕໍ່ຄວາມໝອງໄໝ້
ຈະຂັດສົນ ທຸກຢ່າງໄປ
ນ້ອງໃຫ້ ແຕ່ຄວາມຈົງຮັກພັກດີ

• ນ້ອງຄືນໍ້າທິບ ແຫ່ງດວງໃຈ
ນ້ອງຄືແສງໄຟ ສ່ອງທາງຊີວີ
ສົມຄຳທີ່ ເປັນກຸລສັຕຣີ
ໂອ້ຄົນດີ “ນ້ອງຄືຈອມໃຈຄົນຈົນ…”

3) ຈອມ ໃຈ
ນ້ອງມີນໍ້າໃຈ ປຣະເສີດເຫຼືອລົ້ນ
ເພື່ອຍອດຍິງ ຂ້າຈະທົນ
ຄິດຄົ້ນ ສ້າງຕົນໃຫ້ສົມຈອມໃຈ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1969)
ນັກຮ້ອງຕົ້ນສະບັບ : ສົມຟອງ ຊົງມີໄຊ

1) ເຈັບຊໍ້າໃນໃຈ ເໝືອນໄຟສຸມແກບ
ແສບຊວງຈິງໜໍເຂົາລວງເຂົາລໍ້ ໃຫ້ຕາຍໃຈນຳ
ພໍສົມໃຈແລ້ວເລີຍຖິ້ມ ເຂົາຊີມຈົນເສັຽຄວາມງາມ
ກໍ່ກັມທຳເຂັນ ໄວ້ໃຫ້

2) ນີ້ຫຼືສັນຍາ ສາບານຂອງຄົນ
ສຸດທົນທານເຫຼືອປົນເຈືອຢາພິດ ຝັງແໜ້ນພາຍໃນ
ເງິນລ້ານເງິນແສນມອບໃຫ້ ເລົ້າໂລມໂອບອ້ອມເອົາໃຈ
ແລ້ວດ້ວຍເຫດໃດ ຈຶ່ງລືມໄດ້ລົງ

• ຄົງເປັນເພາະນ້ອງ ສິ້ນສາວສິ້ນສວຍເສັຽໂສມ
ສິ້ນຣົດນິຍົມ ຈຶ່ງຫາໃໝ່ຊົມໃສສ່ອງ
ພຣະຍາແຖນເອີຍ ນັ່ງເສີຍເລີຍໜໍພຣະອົງ
ແຫຼກໝົດແລ້ວເຂົາເອົາມາສົ່ງ ເຫຼືອແຕ່ໂຄງຄວາມຮັກໜ້າຊັງ

3) ລູກຂໍອຸທອນ ສານຂອງພຣະພຣົມ
ອີກຍົມມະນາຟ້ອງຖານເຂັ່ນຂ້າ ຫົວໃຈຈົນພັງ
ໃຫ້ສານຕັດສິນລົງໂທດ ຄະດີຫ້ຽມໂຫດເຖິງຊີວັງ
ຫຼືຫວນກັບຫຼັງ ບ່ອນເຄີຍໄດ້ຊື່ນ…

ເນື້ອຮ້ອງ & ທຳນອງ : ປ. ຕຣີຈັນ (1970)
ນັກຮ້ອງຕົ້ນສະບັບ : ປ. ຕຣີຈັນ

1) ໂອ້ວຽງຈັນເອີຍ ຂ້າຂໍລາໄປ
ຝາກຄວາມອາລັຍ ຣຶທັຍອາວອນ
ຄິດເຖິງແດນດິນ ເຮືອນທີ່ເຄີຍນອນ
ໄດ້ແຕ່ຖອດຖອນ ດວງໃຈ

2) ເພື່ອນທີ່ຮັກ ຂ້າຈັກຂໍລາ
ຈາກໄປໄກຕາ ແລ້ວຍັງອາລັຍ
ຄິດເຖິງວັນຄືນ ທີ່ເຄີຍຊື່ນໃຈ
ເວນກັມອັນໃດ ມາພາກຈາກກັນ

• ຍາມຄືນວັນເພັນ ເຫັນຈັນເຕັມດວງ
ຂ້າຄິດເປັນຫ່ວງ ໃຝ່ຝັນ
ເພື່ອນເອີຍ ຫາກແມ່ນຄິດເຖິງກັນ
ຂໍໃຫ້ມອງດູຈັນ ເຮົາຄົງພົບກັນໃນດວງຈັນທຣາ

3) ຈາກວຽງຈັນ ແລະເພື່ອນທີ່ຮັກ
ຈາກຍອດຮັກ ໄປດ້ວຍນໍ້າຕາ
ອ້າຍຕ້ອງຣະທົມ ໝົ່ນໝອງອຸຣາ
ຈາກກັນໄປໄກຕາ ວັນໜ້າຄົງໄດ້ພົບກັນ…

ເນື້ອຮ້ອງ & ທຳນອງ : ພົມມະ ພິມມະສອນ (1970)
ນັກຮ້ອງຕົ້ນສະບັບ : ພົມມະ ພິມມະສອນ

1) ແພມົນຜືນນີ້ ທີ່ເຂົາມອບໃຫ້
ຖັກຮູບຫົວໃຈ ໃຫ້ໄວ້ເປັນອະນຸສອນ
ຈ້ອງມອງ ຄັ້ງໃດຊວນໃຫ້ອາວອນ
ພາບຄວາມຫຼັງກ່ອນ ຫຼອກຫຼອນດວງໃຈ

2) ດັ່ງມີມົນຂັງ ຝັງໃນຜືນຜ້າ
ຈຶ່ງຄຳນຶງຫາ ເຈົ້າຂອງແພຜ້າບໍ່ຫາຍ
ຍິ່ງມອງ ຍິ່ງຊວນໃຫ້ໝອງດວງໃຈ
ເມື່ອເຂົາແໜງໜ່າຍ ປ່ຽນໃຈໄປຈາກເຮົາ

• ດວງໃຈຈຶ່ງຊໍ້າ ຣະກັມທຸກຄືນ
ແພມົນຈຶ່ງຊຶມ ດ້ວຍຢາດນໍ້າຕາອັບເສົາ
ນາງລືມ ສັນຍາສາບານກ່ອນເກົ່າ
ປ່ອຍເຮົາ ເຫງົາໃຈ

3) ພຽງແພຜືນນີ້ ທີ່ຄົງເຫຼືອຢູ່
ແຕ່ຂາດຍອດຊູ້ ຂ້າຈຶ່ງຕ້ອງຢູ່ດຽວດາຍ
ໂອ້ເຮົາ ເຝົ້າຫຼົງຖນອມງົມງາຍ
ເຖິງເຂົາແໜງໜ່າຍ ແຕ່ໃຈເຮົາໝັ້ນຄົງ…

ເນື້ອຮ້ອງ & ທຳນອງ : ພົມມະ ພິມມະສອນ (1970)
ນັກຮ້ອງຕົ້ນສະບັບ : ພົມມະ ພິມມະສອນ

1) ເດິກດື່ນຂ້ອນຄືນ ແລ້ວສຸດທີ່ຮັກ
ອ້າຍຂໍຝັງຝາກ ຮັກກ່ອນອຳລາ
ຝາກສຽງເພງນີ້ພໍ່າວອນ ກ່ອນຈະເຂົ້ານອນຫາຍໜ້າ
ໂປຣດເຖີດຂວັນຕາ ຈົ່ງຢ່າລືມໄລ

2) ເດິກດື່ນຂ້ອນຄືນ ແລ້ວສຸດທີ່ຮັກ
ອ້າຍຝືນຈຳຈາກ ທັ້ງທີ່ອາລັຍ
ຢາກຢູ່ກ່ອມຂວັນແນບນອນ ຢາກຢູ່ຮ່ວມໝອນຄຽງໃກ້
ກໍຈຳຫັກໃຈ ເພາະກາຍຂ້ອນຄືນ

• ຈົ່ງນອນຝັນດີ ຕລອດນິທຣາ
ສຸກຈົນຮຸ່ງຟ້າ ອາຣຸນມື້ອື່ນ
ຝາກສຽງເພງນີ້ລອຍໄປ ໃຫ້ໄວ້ກ່ອມຂວັນເຊີຍຊື່ນ
ມື້ໃໝ່ຄ່ອຍຄືນ ພົບກັນ

3) ເດິກດື່ນຂ້ອນຄືນ ແລ້ວສຸດທີ່ຮັກ
ອ້າຍຂໍສລັກ ສຽງແຜ່ວຣຳພັນ
ປັກດວງໃຈນ້ອງນາຣີ ແນບກາງຣຶດີນ້ອງນັ້ນ
ຢ່າໄດ້ລືມກັນ ນ້ອງຈົ່ງຝັນດີ…