ເນື້ອຮ້ອງ & ທຳນອງ : ສ. ແສງສິຣິວັນ (1969)
ນັກຮ້ອງຕົ້ນສະບັບ : ນິດ ວິຈິຕຕະວົງສ໌
1) ສາຍຝົນຫຼັ່ງລົງ ອີກແລ້ວ
ນ້ອງແກ້ວເຈົ້າລືມ ຫຼືໃດ
ຄືນທີ່ເຮົາສອງ ສຸກໃຈ
ຝາກຮັກໄວ້ ກັບສາຍຝົນ
2) ເຫັນຝົນຕົກມາ ຂ້ານີ້
ແສນເສົ້າໂສກີ ເຫຼືອທົນ
ເຝົ້າແຕ່ຄອຍຫາ ໜ້າມົນ
ຄອຍຈົນຝົນ ເຫືອດແຫ້ງໄປ
• ຝົນນີ້ບໍ່ມີ ນ້ອງຢູ່
ຮ່ວມຮຽງຊື່ນຊູ ຊິດໃກ້
ຝົນນີ້ກໍໝົດ ຄວາມໝາຍ
ສຸດທີ່ຮັກເຈົ້າຢູ່ໃສ ຢູ່ກັບໃຜຈຶ່ງບໍ່ມາ
3) ສາຍຝົນຜ່ານໄປ ຈິດຄ້ອຍ
ຄູ່ຮັກຂ້າພອຍ ຫາຍໜ້າ
ມີສຸກແລ້ວຫຼື ແກ້ວຕາ
ຈຶ່ງປ່ອຍຂ້າ ໂສກຣະທົມ…
