ເນື້ອຮ້ອງ & ທຳນອງ : ພົມມະ ພິມມະສອນ (1973)
ນັກຮ້ອງຕົ້ນສະບັບ : ທັນຕະວັນ ຣາຊາສັກດ໌

1) ຈູບພຽງນ້ອຍດຽວ ແກ້ມຄົງບໍ່ຊໍ້າ
ໂທ່ຊ່າງຫວ່ານຄຳ ຫອມໄວ້ອອຍໃຈ
ໃຫ້ນ້ອງຫຼົງລົມ ດ້ວຍຫວັງພຽງໄດ້
ຈູບຍ່ອມເສັຽຫາຍ ສຳລັບນ້ອງຍິງ

2) ຈູບພຽງນ້ອຍດຽວ ຍ່ອມມີຄວາມໝາຍ
ແມ່ນຮັກຖ້ວມໃຈ ອ້າຍເຕັມປ່ຽມຈິງ
ອ້າຍຂໍຂະມາ ແລ້ວຂໍທຸກສິ່ງ
ຂໍຈູບຈາກຍິງ ນີ້ຫຼືບູຊາ

• ຖ້ານ້ອງໜ້າຮັກ ແລະໜ້າຖນອມ
ເຖິງຈົນຍິນຍອມ ໃຫ້ນ້ອງເຂັ່ນຂ້າ
ອ້າຍຄົງຄອຍໄດ້ ໄວ້ເມື່ອວິວາ
ຕ້ອງສົມອຸຣາ ຂອງອ້າຍແນ່ໆ

3) ຈູບພຽງນ້ອຍໆ ຝາກຮອຍຣາຄີ
ເມື່ອອ້າຍຜີກໜີ ແລະບໍ່ຫຼຽວແລ
ຈູບທີ່ມັດຈຳ ນັ້ນຄົງອາຍແນ່
ຈະຕິດເປັນແຜ ຕາມນ້ອງຈົນຕາຍ…

ເນື້ອຮ້ອງ & ທຳນອງ : ພົມມະ ພິມມະສອນ (1973)
ນັກຮ້ອງຕົ້ນສະບັບ : ພົມມະ ພິມມະສອນ

1) ຈູບພຽງນ້ອຍດຽວ ເຈົ້າຢ່າໃຈດຳ
ແກ້ມຄົງບໍ່ຊໍ້າ ຫຼືມີບາດແຜ
ເພາະຮັກນ້ອງຈິງ ໝາຍປອງນ້ອງແນ່
ຈູບຈາກໃຈແທ້ ເຈົ້າຢ່ານ້ອຍໃຈ

2) ຈູບພຽງນ້ອຍດຽວ ເຈົ້າຢ່າຂັດຂວາງ
ຮັກລົ້ນຖ່ວມຊວງ ອ້າຍທົນບໍ່ໄຫວ
ໃຫ້ຂໍຂະມາ ອ້າຍຍັງທົນໄດ້
ຂໍຢູ່ພາຍໃຕ້ ບັງຄັບບັນຊາ

• ເພາະນ້ອງໜ້າຮັກ ແລະໜ້າຖນອມ
ອ້າຍຈຶ່ງຈຳຍອມ ແມ່ນນ້ອງເຂັ່ນຂ້າ
ເພາະແຮງສວາດ ນ້ອງບາດນັຍຕາ
ໂນ້ມດຶງອຸຣາ ອ້າຍໃຫ້ໄຫວຫວັ່ນ

3) ຈູບພຽງນ້ອຍດຽວ ເຈົ້າຢ່າຜລັກໄສ
ຮັກລົ້ນຖ່ວມໃຈ ນ້ອງຈົ່ງສົງສານ
ຈູບນ້ອງມັດຈຳ ໄວ້ແທນຄຳໝັ້ນ
ຂໍຈູບຈອມຂວັນ ຕອບຮັກອ້າຍທີ…

ເນື້ອຮ້ອງ & ທຳນອງ : ພູວາ ວໍຣະເທດ & ສິດ ດົງໂດກ (1973)
ນັກຮ້ອງຕົ້ນສະບັບ : ແສງອາຣຸນ ສິດທິພັນ

1) ເຖິງເຮົາຫ່າງກັນ ໄດ້ນານຫຼາຍປີ
ແຕ່ໃຈອ້າຍນີ້ ຍັງຄິດເຖິງນ້ອງຢູ່ຊຽງຂວາງ
ຄໍ່າຝັນເພີ້ຄືນລະເມີ ແທບເປັນບ້າປ່ວງ
ດ້ວຍຫ່ວງນ້ອງຈົນໝົດຊວງ ໂທ້ນາງຈະເປັນຢ່າງໃດ

2) ສົງຄາມແຍກເຮົາ ໃຫ້ຫ່າງເຫີນກັນ
ແຕ່ໃຈອ້າຍນັ້ນ ຍັງຊື່ຕຣົງຕໍ່ເຈົ້າບໍ່ຫາຍ
ຈຶ່ງວອນຟ້າຍົມມະນາ ຄຸ້ມຄອງຂວັນໃຈ
ສິ້ນຄວາມຣະທົມເສົ້າໃຈ ໂຣກພັຍຈົ່ງໄດ້ຫ່າງຫາຍ

• ຫາກອ້າຍນີ້ ມີປີກເໝືອນກາ
ຈະບິນຂ້າມດົງປ່າໜາ ດັ້ນມາຫານາງໃຫ້ໄດ້
ມິໃຫ້ນວນນ້ອງ ຕ້ອງຕຣົມຣະທົມຣຶທັຍ
ຈະຂໍເປັນຄູ່ຂວັນໃຈ ຊີບວາຍບໍ່ຂໍຫ່າງໜີ

3) ຂໍນາງຈົ່ງຄອຍ ຢ່າໄດ້ນ້ອຍໃຈ
ຢ່າຄິດຫວັ່ນໄຫວ ຫາກເມື່ອໃດບ້ານເມືອງເຮືອງສີ
ຈະດ່ວນຫາດວງແກ້ວຕາ ທີ່ຫ່າງຫຼາຍປີ
ພົບກັນແລ້ວຄົງສຸຂີ ຊາດນີ້ບໍ່ຂໍຫ່າງກັນ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1969)
ນັກຮ້ອງຕົ້ນສະບັບ : ພົມມະ ພິມມະສອນ

1) ຂອບໃຈ ເຫຼືອເກີນທີ່ເມີນຜ່ານພົ້ນ
ຂອບໃຈ ທີ່ຄົນບໍ່ປຣາຖນາ
ຂອບໃຈ ທີ່ລືມກັນໄດ້ຕໍ່ໜ້າ
ຂອບໃຈ ແກ້ວຕາທີ່ຄິດຕັດຮອນ

2) ຂອບໃຈ ນະຄົນຂ້າຂໍຂອບໃຈ
ຂອບໃຈ ທີ່ໄປບໍ່ກັບມາວອນ
ຂອບໃຈ ທີ່ຄົນລືມສັນຍາກ່ອນ
ຂອບໃຈ ທີ່ຖອນເອົາຮັກກັບຄືນ

• ຂອບໃຈ ຂໍຈົ່ງໄປດີມີຊັຍ
ພົບຄົນຮັກໃໝ່ ສົມໃຈໃນຮັກຫວານຊື່ນ
ຕັດຂາດສະບັ້ນ ລືມກັນແລ້ວຜັນເປັນອື່ນ
ສຸກສົມເຊີຍຊື່ນ ສົ່ງຄືນຮັກເດີມເສັຽທີ

3) ຂອບໃຈ ຮີບໄປຢ່າຫວນກັບມາ
ຂອບໃຈ ເທວາຊ່ວຍພາເຂົາໜີ
ຂອບໃຈ ທີ່ໄດ້ຜິດຫວັງຊາດນີ້
ຂອບໃຈ ຄົນດີຂ້າຂໍຂອບໃຈ…

ເນື້ອຮ້ອງ & ທຳນອງ : ວໍຣະເດດ ດິດທະວົງສ໌ (1970)
ນັກຮ້ອງຕົ້ນສະບັບ : ວໍຣະເດດ ດິດທະວົງສ໌
ນັກຮ້ອງ ປີ 1980 : ວິລລ້ຽມ ດິດທະວົງສ໌

1) ຫຼຽວເຫຼືອດ ລົງລຳນໍ້າຂອງ
ເມື່ອຍາມແລງ ແສງທອງພວມຈາກລາ
ເຫັນໝູ່ນາວາ ລ່ອງລອຍ
ຖືກຄື້ນຟອງ ພັດໄກວຕາມປະສາ
ຫຼຽວເບິ່ງໝູ່ ມວນນົກກາ
ຕ່າງກໍພາກັນ ບິນຂ້ຽວບິນໄປແສນໄກ

2) ສາວຈາກ ວຽງວັງໂສມງາມ
ຍ່າງເປັນແພ ເລາະຕາມແຄມຫາດຊາຍ
ສຽງໂຫ່ໂຮ ນອງກ້ອງດັງ
ປຽບກັບພິນ ເມື່ອຟັງພາຫຼັບໃຫຼ
ສາວເຈົ້າຄົງ ບໍ່ລໍ່າໄລ
ບໍ່ສົນໃຈວ່າຍັງ ມີໃຜເສົ້າໂສກາ

• ງາມແທ້ເມື່ອມາເຫັນ ຍາມເຢັນຊື່ນຢ່າງນີ້
ນະພາຮຸ່ງສົດສີ ນະທີຫຼັ່ງງາມຕາ (ຮື…)

3) ແສງຈາກ ສຸຣີຄ້ອຍເບົາ
ດັ່ງບອກເຕືອນ ໃຫ້ເຮົາຄືນເຄຫາ
ຄຶດບໍ່ຢາກລາ ນໍ້າຂອງ
ຢາກນັ່ງຊົມ ຄື້ນຟອງຄູ່ມັດສາ
ສາວເຈົ້າຄົງ ບໍ່ຫວນມາ
ກ່ອມສາຍຕາຄົນ ທີ່ຂັດສົນຄວາມຮັກເອີຍ…

ເນື້ອຮ້ອງ & ທຳນອງ : ວໍຣະເດດ ດິດທະວົງສ໌ (1970)
ນັກຮ້ອງຕົ້ນສະບັບ : ພະນົມສິນ
ນັກຮ້ອງ ປີ 1980 : ວິລລ້ຽມ ດິດທະວົງສ໌

1) ຄຶດເຖິງຄຳ ນ້ອງບອກໃຫ້ຄອຍ
ອ້າຍຄອຍ ຄອຍແລ້ວຄອຍອີກ
ຈົນນໍ້າຂອງ ແຫ້ງໄຫຼລົງສິ້ນ
ແມ່ນເງົາ ບໍ່ເຫັນນ້ອງມາ

2) ຄຶດເຖິງຄຳ ນ້ອງພໍ່າວ່າຮັກ
ອ້າຍຮັກ ຮັກນ້ອງແທບບ້າ
ເປັນສັນໃດນໍ ດວງແກ້ວຕາ
ສັນຍາໄວ້ ແລ້ວບໍ່ເຫັນ

• ອ້າຍຈະຄອຍ ຈະຄອຍ ຄອຍເນື້ອເຢັນ
ແມ່ນພັນເວັນ ພັນຄືນ ອ້າຍກໍຈະຄອຍ
ເຖິງນໍ້າຂອງ ຈະຂຶ້ນ ລົ້ນຄອງ
ຖ້ວມນອງ(ຮັກນ້ອງ) ອ້າຍກໍ ຈະຄອຍ(ຕ້ອງຄອຍ)
ຂໍນ້ອງ ຄຶດເຖິງ ອ້າຍພຽງນ້ອຍ
ເຖິງນານ ອ້າຍກໍ ຈະທົນ…

ເນື້ອຮ້ອງ & ທຳນອງ : ວໍຣະເດດ ດິດທະວົງສ໌ (1970)
ນັກຮ້ອງຕົ້ນສະບັບ : ວໍຣະເດດ ດິດທະວົງສ໌

1) ບາງທີ ບາງທີ ບາງທີ
ເຮົາອາດ ຮັກກັນໄດ້
ແມ່ນວ່າ ນ້ອງແລະອ້າຍ
ຈະຕ່າງກັນ ຄົນລະຣາສີ…

2) ບາງທີ ບາງທີ ບາງທີ
ເຮົາອາດ ສົມຣຶດີ
ແມ່ນຫາກ ສອງເຮົາມີ
ພະລັງໃຈ ເທົ່າທຽມກັນ…

• ຟ້າຫຼືຈະກັ້ນ ຜູ່ໃຫຍ່ຫຼືຈະຫານ ຄວາມຮັກນັ້ນ
ກໍບໍ່ສຳຄັນ ຫາກເຮົາຮັກກັນ ຮັກກັນທ່ຽງແທ້

3) ບາງທີ ບາງທີ ບາງທີ
ເຮົາຈະ ຫາຫຍັງແນ່
ໂລກຍັງ ຮູ້ປ່ຽນແປ
ຮັກທ່ຽງແທ້ ອາດໝົດຄວາມໝາຍ…

ເນື້ອຮ້ອງ & ທຳນອງ : ວໍຣະເດດ ດິດທະວົງສ໌ (1973)
ນັກຮ້ອງຕົ້ນສະບັບ : ວໍຣະເດດ ດິດທະວົງສ໌
ນັກຮ້ອງ ປີ 1980 : ວິລລ້ຽມ ດິດທະວົງສ໌

1) ຄູ່ນົກ ໂບກບິນ
ຟ້າວບິນຂຶ້ນລົງ ເລາະຫຼິ້ນກັບລົມ
ສົ່ງສຽງ ກ້ອງດັງຣະງົມດ້ວຍຄວາມສຸກສັນ

2) ຂ້ານີ້ ສຸດເຫງົາ
ຫາຄົນຮັກມາ ເວົ້າຈາຕໍ່ກັນ
(ເຝົ້າມອງຫາຄົນ ເວົ້າຈາຕໍ່ກັນ)
ກໍໄຮ້ ເໝືອນຄົນພິການຮັກມາແຕ່ເຍົາ

• ຍິງໃດໜໍ ຈະເຫັນໃຈ
ນຳຄວາມຮັກ ມາໃຫ້ເຮົາ
ເໝືອນຄູ່ນົກເຂົາ ທີ່ລອຍກາງຫາວຮັກກັນສເມີໄປ

3) ໂອ້ນົກ ເຈົ້າເອີຍ
ຊ່ວຍມອງຫາ ຄົນຮັກຂ້າຢູ່ໃສ
ບອກເຂົາ ເຈົ້າຍັງເຫັນຊາຍທີ່ຍັງຂາດຮັກ

* ບອກເຂົາ ເຈົ້າຍັງເຫັນຊາຍທີ່ຍັງຂາດຮັກ
ບອກເຂົາ ເຈົ້າຍັງເຫັນຊາຍທີ່ຍັງຂາດຮັກ
… …

ເນື້ອຮ້ອງ : ສີລາວົງ ແກ້ວ / ທຳນອງ : ສຸສາຄອນ ວໍຣະວົງ (1968)
ນັກຮ້ອງຕົ້ນສະບັບ : ສີລາວົງ ແກ້ວ

1) ລູກນາຍພັນ ຫຼານສາວນາຍພົນ
ງາມເຫຼືອລົ້ນ ງາມຈົນຕິດຕາ
ເຈົ້າເປັນຍິງທີ່ໂສພາ ເຈົ້າເປັນຍິງທີ່ໂສພາ
ເໝືອນນາງຟ້າ ຢູ່ບົນສວັນ

2) ລູກນາຍພັນ ຫຼານສາວນາຍພົນ
ງາມເຫຼືອລົ້ນ ສົມຄຳກ່າວຂານ
ບໍ່ມີຍິງໃດທຽບທັນ ບໍ່ມີຍິງໃດທຽບທັນ
ລູກນາຍພັນ ຊ່າງງາມຈັບໃຈ

• ຄິດ… ຢູ່ບໍ່ເວັ້ນວາຍ
ຢາກບອກຂວັນໃຈ ວ່າອ້າຍນີ້ຮັກ
ອ້າຍນີ້ຮັກ ຮັກນ້ອງຈິງຍິ່ງອື່ນໃດ

3) ລູກນາຍພັນ ຫຼານສາວນາຍພົນ
ງາມເຫຼືອລົ້ນ ງາມຈົນຕິດໃຈ
ໄດ້ແຕ່ຄິດຫຼົງຝັນໃຝ່ ໄດ້ແຕ່ຄິດຫຼົງຝັນໃຝ່
ຢູ່ດຽວດາຍ ເພາະເອື້ອມບໍ່ເຖິງ…

ເນື້ອຮ້ອງ & ທຳນອງ : ສີລາວົງ ແກ້ວ (1970)
ນັກຮ້ອງຕົ້ນສະບັບ : ສີລາວົງ ແກ້ວ

• ເອື້ອຍກໍງາມ ນ້ອງກໍງາມ ຈະຮັກໃຜດີ

1) ເອື້ອຍນັ້ນງາມ ງາມແທ້ ງາມມີສເນ
ງາມແທ້ເດ່ ຍາມຍິ້ມ ກໍຫວານຈັບໃຈ
ສອງພວງແກ້ມ ເບັ່ງບານ ເໝືອນດວງດອກໄມ້
ໜ້າຮັກໄຄ່ ໜ້າເຊີຍຊົມ ດົມແກ້ມນັ້ນ
ໄດ້ແຕ່ຄິດ ຄໍ່າຄວນ ເພີ້ຣຳພັນ
ໂອ້ຈອມຂວັນ ເຈົ້າຊ່າງງາມ ງາມທັງນໍ້າໃຈ

2) ນ້ອງກໍງາມ ເໝືອນເອື້ອຍ ງາມບໍ່ມີຜິດ
ໄດ້ແຕ່ຄິດ ບໍ່ຮູ້ ຈະຕັດສິນໃຈ
ສອງນ້ອງເອື້ອຍ ຊ່າງງາມ ງາມຄູ່ກັນໄປ
ຮັກເອື້ອຍໃຫຍ່ ຍັງນາງນ້ອຍ ຜູ່ໂສພາ
ອຸກໃຈໜັກ ເມື່ອຮັກ ມີບັນຫາ
ຍາກໜັກໜາ ເພາະສອງຄົນ ນັ້ນງາມເໝືອນກັນ

• ເອື້ອຍກໍງາມ ນ້ອງກໍງາມ ຈະຮັກໃຜດີ