ໝວດໝູ່: ເພງ

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1968)
ນັກຮ້ອງຕົ້ນສະບັບ : ຈັນທະຣາ ອຸເທນສັກດາ

1) ເຖົ້າຈິຕາຍ ຢູ່ແລ້ວ
ນ້ອງແກ້ວ ຄອຍຖ້າຜູ່ໃດ
ເຂົາຢູ່ເມືອງນອກ ຫຼືວ່າເມືອງໃນ
ອີກດົນປານໃດ ເຂົາຈຶ່ງຈະມາສູ່ຂໍ…

2) ເຖົ້າເກີນໄປ ເສັຽແລ້ວ
ຫາແນວ ແຕ່ງໄວ້ໃຫ້ພໍ
ໃຫ້ໜຸ່ມທັງຫຼາຍ ເຂົາວ່າລະອໍ
ໃຫ້ຄົນເຂົາຍໍ ວ່າປານອາຍຸສິບຫົກປີ…

(ເວົ້າ) ແມ່ນເຈົ້າຖ້າຜູ່ໃດເກ໋າະ ຄືວ່າດົນກະດັກກະດໍ້ແທ້
ຂໍຖາມເຈົ້າແດ່ ຫຼືວ່າບໍ່ແຄຜູ່ຊາຍລະຕິ
ຫຼືເທພເຈົ້າ ສົ່ງນາງມາເກີດຟຣີໆ
ເປັນໂສດຕລອດຊີວີ ເກີດເປັນທະນີບໍ່ດີກວ່າຫວະ…

3) ເໝິດສັດທາ ເສັຽແລ້ວ
ນ້ອງແກ້ວ ສິ້ນຄວາມໂສພາ
ເຈົ້າເກີດເປັນຍິງ ຂາດຊາຍຫົວຊາ
ຂາດຄູ່ນິທຣາ ເກີດມາຕ້ອງໜາວຕລອດການ…

(ເວົ້າ) ແມ່ນເຈົ້າຖ້າຜູ່ໃດເກ໋າະ ຄືວ່າດົນກະດັກກະດໍ້ແທ້
ກະດຽວວ່າເອົາຜົວໄປແຕ່ດົນແລ້ວນາ ຊິຖ້າໃຜອີກ ຂ້ຽວເອົາຊະນ້ອງ
ຂ້ຽວເອົາສາ ຈັກໜ່ອຍຊິເຖົ້າຄ້າງບ້ານໃດ໋…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1995)
ນັກຮ້ອງຕົ້ນສະບັບ : ຄຳຫຼ້າ ໜໍ່ແກ້ວ

1) ແລ້ວແຕ່ ໃຈ
ຈະໄປກໍໄປ ແລ້ວບໍ່ຕ້ອງມາ
ເລືອກເອົາທາງນຶ່ງ ທີ່ຊຶ້ງໃຈກວ່າ
ແລ້ວຢ່າວຽນມາ ກວນໃຈ

2) ແລ້ວແຕ່ ມັກ
ເບິ່ງໃຫ້ຄັກໆ ແລ້ວຕັດສິນໃຈ
ລູກຄົນລະແມ່ ຮູ້ແນ່ແກ່ໃຈ
ສິ່ງທີ່ຕົນໝາຍ ໃຝ່ຫາ

• ຕ່າງຄົນຕ່າງຄິດ ຕ່າງຈິດຕ່າງໃຈ
ເຂົ້າກັນບໍ່ໄດ້ ມາກມາຍບັນຫາ
ກົງຈັກດອກບົວ ເຫັນທົ່ວໃນຕາ
ສຸດແຕ່ຈະຄວ້າ ພົວພັນ

3) ແລ້ວແຕ່ ໃຈ
ສຸດຈະແກ້ໄຂ ທາງໃຜທາງມັນ
ໄດ້ດີມີສຸກ ຫຼືທຸກທໍຣະມານ
ບໍ່ຕ້ອງກ່ຽວພັນ ກັນເລີຍ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1965)
ນັກຮ້ອງຕົ້ນສະບັບ : ຄຳຫຼ້າ ໜໍ່ແກ້ວ

1) ສວັສດີ ສວັສດີປີໃໝ່
ສົດໃສ ຣື່ນເຣີງສຳຣານ
ເທບພະໄທ ຈົ່ງໄດ້ປຣະທານ
ພີ່ນ້ອງລູກຫຼານ ຈົ່ງສຳຣານບານໃຈ

2) ສວັສດີ ສວັສດີທົ່ວກັນ
ສຸກສັນ ຊື່ນບານຣຶທັຍ
ໂຣກພັຍ ຈົ່ງໄດ້ເຫືອດຫາຍ
ຂໍຈົ່ງມີຊັຍ ຕລອດໄປຊົ່ວການ

• ເກົ່າ ໝົດແລ້ວເພື່ອນເອີຍ
ປີໃໝ່ມາເຊີຍ ເປັນປີສຸກສັນ
ລືມຄວາມທຸກ ໂກດແຄ້ນເຄືອງກັນ
ໃຫ້ອະໂຫສິກັນ ສລອງວັນປີໃໝ່

3) ສວັສດີ ສວັສດີນ້ອງພີ່
ສຸຂີ ດິຖີປີໃໝ່
ກຽດຕິຍົດ ຊື່ສຽງກຽງໄກ
ຊັບສິນຫຼັ່ງໄຫຼ ສຸກສະບາຍເຖີດເອີຍ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1996)
ນັກຮ້ອງຕົ້ນສະບັບ : ສຸມຸນທາ ສີຣິມະໂນທັມ

1) ສະບາຍດີ ປີໃໝ່
ເກົ່າກາຍໄປ ບໍ່ຫວນມາ
ສິ້ນໂພຍພັຍ ໄຮ້ໂຣຄາ
ໂຊກຫຼັ່ງມາ ປານສາຍທານ

2) ສະບາຍດີ ປີໃໝ່
ສຸກສົດໃສ ທົ່ວເຖິງກັນ
ຈົ່ງມີຊັຍ ພົ້ນພັຍພານ
ແຈ່ມຄືຈັນ ຄືນເດືອນເພັງ

• ອາຍຸວັນນັງ ສຸຂັງ
ດ້ວຍພະລັງ ສູງສົ່ງກ້າເກັ່ງ
ກຽດຕິຍົດ ຊື່ກ້ອງຣະເບັງ
ພອນບັນເລງ ຕາມເພງນີ້

3) ສະບາຍດີ ປີໃໝ່
ຍອດດວງໃຈ ຢູ່ໃສນີ້
ຢ່າປ່ຽນໄປ ເໝືອນເດືອນປີ
ສົ່ງເພງນີ້ ເຕືອນໃຫ້ຈຳ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1965)
ນັກຮ້ອງຕົ້ນສະບັບ : ຄຳເຕີມ ຊານຸບານ

1) ສຸຂີປີໃໝ່ ສຸກໃຈນ້ອງພີ່
ໂປຣດຈົ່ງໄດ້ມີ ຣາສີສູງສົ່ງ
ກຽດກ້ອງໄປໄກ ພົ້ນພັຍໃຈຈົ່ງ
ສົມດັ່ງປຣະສົງ ໝັ້ນຄົງຊົ່ວຟ້າ

2) ສົດໃສໃຈຊື່ນ ຣື່ນຣົມສົມປອງ
ສຸຂມີໃນຜອງ ສນອງເຮືອງຈ້າ
ຜາບແພ້ພັຍພານ ພົ້ນມານນາໆ
ຂໍໃຫ້ດິນຟ້າ ຄຸ້ມຄອງເໝືອນກ່ອນ

• ລູກຂໍຂະມາ ລາໂທດພໍ່ແມ່ເຖົ້າແກ່ຕາຍາຍ
ຜິດພັ້ງພາດໄປ ອະພັຍຫຼານກ່ອນ
ຂໍຮ້ອງເພງນີ້ສົ່ງພອນ ຂໍອວຍເປັນກອນບັນເລງ
ລໍ້າເລີດກ້າເກັ່ງ ດັ່ງໝາຍ

3) ອາຍຸຍືນຢັ້ງ ວັນນັງເສີມສ້າງ
ຄູ່ຄຽງສຸຂັງ ພລັງແຖມໃຫ້
ເສົ້າໂສກໂຣກພັຍ ໜີໄກຫ່າງຫາຍ
ໂຊກລາບມາກມາຍ ດັ່ງໝາຍຖາວອນ…

ເນື້ອຮ້ອງ & ທຳນອງ : ສ. ແສງສິຣິວັນ ( ≲1970 )
ນັກຮ້ອງຕົ້ນສະບັບ : ຈັນທະຣາ

1) ຍາມນ້ອງຢູ່ດຽວ ແສນປ່ຽວໃຈເຫງົາ
ຄິດແລ້ວຍິ່ງເສົ້າ ໄຫວຫວັ່ນ
ຢາກມີຄົນຊ່ວຍປອບໃຈ ຢາກໄດ້ຍິນຄຳຫວານໆ
ຢາກຟັງສຽງຣຳພັນ ຈາກຊາຍ

2) ຍາມເຫັນນົກມັນ ມີຄູ່ຢູ່ຄຽງ
ສົ່ງສຽງກັງວານ ເຍົ້າໃຈ
ໂອ້ຊີວິດຍິ່ງໂສກສັນ ຢາກພົບພານພໍ່ຍອດຊາຍ
ເອີ່ຍຄຳທັກດ້ວຍໃຈ ຮັກຈິງ

• ມີຫຼາຍຄົນ ເຄີຍມາຝາກຮັກ
ຕ່າງກໍມັກ ແຕ່ລວງຜູ່ຍິງ
ສືບປວັດ ບໍ່ເຄີຍຮັກຈິງ
ຜູ່ຍິງຢ່າງນ້ອງ ຕ້ອງຂໍໄກ

3) ຈຶ່ງຕ້ອງຈຳທົນ ຄອງໂສດຄອງສາວ
ທົນໜາວຜູ່ດຽວ ເລື້ອຍໄປ
ຫາກພານພົບຄົນຊື່ຕຣົງ ຈະຂໍປົງຈິດໝັ້ນໝາຍ
ຈະຮັກແທ້ພຽງຊາຍ ນັ້ນເອີຍ…

ເນື້ອຮ້ອງ & ທຳນອງ : ສ. ແສງສິຣິວັນ ( ≲1970 )
ນັກຮ້ອງຕົ້ນສະບັບ : ຈັນທະຣາ

1) ນໍ້າ… ຄຳ
ຝັງຈຳກ່າວໄຂ ໃຫ້ໄວ້
ວ່າສຸດເຈັບຊໍ້າ ພຽງໃດ
ເມື່ອອ້າຍພັງ ຮັກສລາຍ

2) ນໍ້າ… ຕາ
ນ້ອງລິນຫຼັ່ງມາ ຈາກໃຈ
ຫຼັ່ງໃຫ້ແກ່ຮັກ ມະລາຍ
ຫຼັ່ງເພາະໃຈ ເສົ້າໂສກຕຣົມ

• ເມື່ອອ້າຍມີຮັກ ໃໝ່ຄອງ
ລືມນ້ອງປ່ອຍນ້ອງ ໝອງໝົ່ນ
ນ້ອງກໍຕັດໃຈ ຫຼີກໄກບໍ່ວົນ
ຈະຍອມທົນ ສູ້ເວນ

3) ນໍ້າ… ໃຈ
ນ້ອງໃຫ້ອະພັຍ ບໍ່ເປັນ
ຈຶ່ງເສົ້າຈຶ່ງທຸກ ລຳເຄັນ
ເມື່ອນ້ອງເປັນ ຜູ່ປຣາຊັຍ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1968)
ນັກຮ້ອງຕົ້ນສະບັບ : ບຸນທົງ ວົງສາລີ

1) ຢູ່ສູງໜັກໜາ ແສນໄກຫຼາຍກວ່າ
ສຸດໃຝ່ຄວ້າ ນ້ອງມາເປັນຄູ່ຂວັນໃຈ
ໄດ້ແຕ່ແຫງນ ເຝົ້າແຫງນເງີຍຄໍຝັນໃຝ່
ດຸດດັ່ງກັບຄົນໜາວໄຂ້ ໜາວເໜັບຫົວໃຈສັ່ນສາຍນານປີ…

2) ບໍ່ມີຄົນເຫັນ ເຖິງໃນໃຈຂ້າ
ວາສນາ ດ້ອຍກວ່າຈະເອີ່ຍວາຈີ
ໄດ້ແຕ່ຫຼົງ ຮັກເຂົາຂ້າງດຽວຫຼືນີ້
ກັມໃດໜູນນຳຍໍ່າຍີ ເໝືອນເກີດມາມີບາບເວນເຂັນໃຈ…

• ໄກເກີນ ມືຄວ້າໃຝ່ຫາ
ຂ້າຕຣົມອຸຣາ ຈວນຕາຍ
ຂໍວອນເທບໄທ້ ຊ່ວຍດົນຈອມໃຈ
ຂໍນາງຈົ່ງໄດ້ ອ່ອນໄຫວໂນ້ມໃຈເມຕຕາ…

3) ດັ່ງມີບາບໜາ ດັ່ງຟ້າລົງໂທດ
ໂກດຕົວຂ້າ ແສນດ້ອຍຕ້ອຍຕໍ່າເໝືອນກາ
ກ່ອນຈະຕາຍ ຊີບວາຍແຜ່ນດິນຖົມໜ້າ
ຈະຂໍບອກຈອມຂວັນວ່າ ຮັກເທົ່າຊີວາຊົ່ວຟ້າມະລາຍ…

ເນື້ອຮ້ອງ & ທຳນອງ : ສ. ແສງສິຣິວັນ (1963)
ນັກຮ້ອງຕົ້ນສະບັບ : ຄຳເຕີມ ຊານຸບານ

1) ຄິດເຖິງສວັນ ນັ້ນໃຈຈະຂາດຢູ່ແລ້ວ
ດ້ວຍຮັກນ້ອງແກ້ວ ທີ່ງາມໂສພາລາວັນ
ດັ່ງນຶ່ງນາງຟ້າລົງສູ່ດິນ ເໝືອນວ່າພຣະອິນລົງມາປັ້ນ
ຈົນອ້າຍນອນຝັນ ເຖິງນ້ອງ…

2) ຫົວໃຈອ້າຍນີ້ ແມ່ນມີທາງຖອດອອກໄດ້
ອ້າຍຂໍຖອດໄວ້ ໃຫ້ນວນນ້ອງນາງຄອບຄອງ
ຈະຢູ່ຂອບຟ້າຖິ່ນແດນໃດ ເຖິງຈະແສນໄກອ້າຍກໍຕ້ອງ
ກັບມາຫານ້ອງ ຈັກວັນ…

• ສາຍນໍ້າຂອງ ໄຫຼຫຼັ່ງ
ປຽບໄປກໍເໝືອນດັ່ງ ນໍ້າໃຈອ້າຍໄຫຼມານັ້ນ
ຫວັງໃຫ້ນ້ອງ ເຈົ້າສົງສານ
ຢ່າປ່ອຍອ້າຍເລີຍຜ່ານ ແດນສວັນແຫ່ງນີ້ໄປໄກ…

3) ວຽງຈັນສວັນ ນັ້ນໄກກັນສຸດຂອບຟ້າ
ແຕ່ອ້າຍຈະມາ ຈະມາຄູ່ຄຽງດວງໃຈ
ຕໍ່ໃຫ້ດິນນໍ້າມາກີດກັນ ເຫວປ່າຜາຊັນກັ້ນເອົາໄວ້
ຮັກຍ່ອມຂ້າມໄດ້ ສເມີ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1959)
ນັກຮ້ອງຕົ້ນສະບັບ : ຄຳຫຼ້າ ໜໍ່ແກ້ວ

1) ບໍ່ເຫັນ ໃຜງາມປານເຈົ້າ
ນ້ອງສາວ ໃຜຈ່ອງແລ້ວຫຼືຍັງ
ຫາກເດີນດ່ຽວ ຂໍທຽງຮ່ວມທາງ
ຈະຄອຍຣະວັງ ກັ້ງພັຍໃຫ້ດອກໜາ

2) ຄຸ້ມໃດ ໜໍນາງນ້ອງຢູ່
ຢາກຮູ້ ແຕ່ຕອນໄດ້ເຫັນໜ້າ
ນ້ອງເປັນຄົນ ຫຼືເປັນເທວະດາ
ເບິ່ງປານນາງຟ້າ ທີ່ຫຼົງມາເມືອງຄົນ

• ຕິດຕາ ຕິດອົກຕິດໃຈ
ຈັ່ງແມ່ນງາມຫຼາຍ ເບິ່ງໄປດົນໆ
ຢາກເປັນເຈົ້າຂອງ ເຈົ້າເດໜ້າມົນ
ໂປຣດຮັບຊາຍຈົນ ເໝືອນຄົນເປັນທາດແຫ່ງໃຈ

3) ນ້ອງສາວ ຫຼຽວມາພີ້ແດ່
ຢ່າແລ ໄປຫາຜູ່ອື່ນຫຼາຍ
ນ້ອງຈິໄປ ຫຼືມາທາງໃດ
ຢ່າລືມບອກອ້າຍ ຈະໄດ້ເປັນມືປືນ…