ເນື້ອຮ້ອງ & ທຳນອງ : ສ. ແສງສິຣິວັນ ( ≲1970 )
ນັກຮ້ອງຕົ້ນສະບັບ : ຈັນທະຣາ
1) ນໍ້າ… ຄຳ
ຝັງຈຳກ່າວໄຂ ໃຫ້ໄວ້
ວ່າສຸດເຈັບຊໍ້າ ພຽງໃດ
ເມື່ອອ້າຍພັງ ຮັກສລາຍ
2) ນໍ້າ… ຕາ
ນ້ອງລິນຫຼັ່ງມາ ຈາກໃຈ
ຫຼັ່ງໃຫ້ແກ່ຮັກ ມະລາຍ
ຫຼັ່ງເພາະໃຈ ເສົ້າໂສກຕຣົມ
• ເມື່ອອ້າຍມີຮັກ ໃໝ່ຄອງ
ລືມນ້ອງປ່ອຍນ້ອງ ໝອງໝົ່ນ
ນ້ອງກໍຕັດໃຈ ຫຼີກໄກບໍ່ວົນ
ຈະຍອມທົນ ສູ້ເວນ
3) ນໍ້າ… ໃຈ
ນ້ອງໃຫ້ອະພັຍ ບໍ່ເປັນ
ຈຶ່ງເສົ້າຈຶ່ງທຸກ ລຳເຄັນ
ເມື່ອນ້ອງເປັນ ຜູ່ປຣາຊັຍ…
