ໝວດໝູ່: ເພງ

ເນື້ອຮ້ອງ & ທຳນອງ : ສ. ແສງສິຣິວັນ (1962)
ນັກຮ້ອງຕົ້ນສະບັບ : ຄຳເຕີມ ຊານຸບານ

1) ສາຍ ນະທີໄຫຼຫຼັ່ງ
ໄຫຼ ເຊາະຝັ່ງເລື້ອຍໄປ
ອີກນາທີທີ່ຜ່ານ ບໍ່ເຄີຍກັບຫັນສັນໃດ
ຊີວິດຄົນກໍຄ້າຍ ຜ່ານໄປດັ່ງສາຍທາຣາ

2) ອັນເກີດແກ່ ເຈັບຕາຍນັ້ນທ່ຽງແທ້
ມີຫຼືຈົນ ແລ້ວແຕ່ວາສນາ
ຊົ່ວຫຼືດີ ມີຕິດຕົວທຸກຄົນມາ
ພຣົມລິຂິດ ຂີດເສັ້ນຊາຕາໃຫ້ທຸກຄົນ

• ບາງຄົນເກີດມາ ຕັ້ງໜ້າທຳກິນດ້ວຍສຸຈຣິດ
ບາງຄົນກໍຄິດ ຜິດສິລທັມສ້າງຄວາມໝອງໝົ່ນ
ບາງຄົນກໍຫວັງ ສ້າງແຕ່ຄວາມດີມີໃຈກຸສົນ
ຮັກສາສນາ ຮັກຊາຕຕົນຮັກຄົນທັງເມືອງ

3) ຂໍວອນໄຫວ້ ຕໍ່ຍິງຊາຍຈົ່ງໄດ້ຄິດ
ຈົ່ງສ້າງຊີວິດ ຂອງຕົນໃຫ້ຮຸ່ງເຮືອງ
ກ່ອນຈະຕາຍ ຈົ່ງສ້າງຄວາມດີເປັນສຣີແກ່ເມືອງ
ໃຫ້ຄົນລືຊາ ກຽຕກ້ອງກະເດື່ອງທົ່ວໂລກາ…

ເນື້ອຮ້ອງ & ທຳນອງ : ວິລລ້ຽມ ດິດທະວົງສ໌ (≲1970)
ນັກຮ້ອງຕົ້ນສະບັບ : ວິລລ້ຽມ ດິດທະວົງສ໌

1) ໃຈຂອງນ້ອງ ນັ້ນມີບໍ່
ຫຼືຝາກເອົາໄວ້ ກັບໃຜ
ເບິ່ງແລ້ວ ກໍຄ້າຍກັບຄົນ
ທີ່ບໍ່ມີ ຫົວໃຈ

2. ຫົວໃຈຂອງນ້ອງ ມັນຄົງແຫ້ງ
ມັນແລ້ງເພາະຊາຍ ຄົນໃດ
ຈຶ່ງທຳ ໃຫ້ນ້ອງຕ້ອງກັບກາຍ
ເປັນຍິງ ຊໍ້າຊວງ

• ນ້ອງອາດຈະ ເປັນຍິງຫຼາຍໃຈ
ຜູ່ຊາຍຫຼາຍຄົນ ຄົງຖືກລວງ
ເຂົາຈຶ່ງກັບມາ ທັກທວງ
ເອົາຫົວໃຈຂອງນ້ອງ ນັ້ນໄປເຜົາ

3) ຫົວໃຈຂອງນ້ອງ ຍັງມີບໍ່
ຖ້າມີກໍຄົງ ຈະເນົ່າ
ຜູ່ຊາຍຫຼາຍຄົນ ຕ້ອງເສົ້າ
ເພາະໃຈຂອງເຈົ້າ ມັນຫຼອກລວງ…

ເນື້ອຮ້ອງ & ທຳນອງ : ສ. ແສງສິຣິວັນ (≲1970)
ນັກຮ້ອງຕົ້ນສະບັບ : ນິຕ ວິຈິຕຕະວົງ

1) ເຫັນຢາດນໍ້າຝົນ ຫຼົ່ນຈາກຊາຍຄາ
ເໝືອນຢົດນໍ້າຕາ ຍາມຟ້າສະອື້ນ
ຟ້າຄົງຈະປວດ ດວງໃຈສຸດຝືນ
ຟ້າຈຶ່ງສະອື້ນ ໝອງໝົ່ນຈົນຊໍ້າຊວງໃນ

2) ຟ້າໂກດເຄືອງໃຜ ຈຶ່ງແອບຣະທົມ
ຫຼືວ່າຟ້າຕຣົມ ເປັນແຜຫົວໃຈ
ຫຼືມີຄວາມຜິດ ອາຣົມຫວັ່ນໄຫວ
ຫຼືຄົນຮັກໜ່າຍ ຟ້າຈຶ່ງໄດ້ຫຼັ່ງນໍ້າຕາ

• ດິນຢາກຊັບ ຢາກເຊັດນໍ້າຕາຟ້າຫຼັ່ງ
ແຕ່ເກງຟ້າຊັງ ວ່າດິນຕໍ່າກວ່າຟ້າ
ດິນຍັງຫວັງ ຕັ້ງໃຈເອົາໄວ້ວ່າ
ແມ່ນຟ້າສິ້ນຄົນປຣາຖນາ ຈົ່ງໂນ້ມລົງມາດິນຈະປຣະຄອງ

3) ຟ້າຢ່າໂສກສັນ ຢ່າຫວັ່ນເກງກົວ
ດິນຈະສ້າງຕົວ ເປັນພູເຂົາທອງ
ຟ້າຄົງຈະສຸກ ຍາມເຮົາຄຽງສອງ
ຟ້າຄົງໃສສ່ອງ ສິ້ນຄວາມໝອງໝົ່ນຣຶທັຍ…

ເນື້ອຮ້ອງ & ທຳນອງ : ບຸນຄົງ ປຣະດີຈິຕ (1955)
ນັກຮ້ອງຕົ້ນສະບັບ : ບຸນຄົງ ປຣະດີຈິຕ

1) ໂອ້ຫຼວງພຣະບາງ ແດນສຳຣານຊົ່ວນິຣັນ
ປະຊາກອນທົ່ວໜ້າກັນ ສັມພັນດີໄມຕຣີຈິດ
ປະດິດສະຖານ ໂບຮານມີມາກຫຼາຍ…

2) ບ້ານເມືອງລຽນຮຽງລາຍ ລ້ອມພູສີເປັນມິ່ງຂວັນ
ຍາມສາຍັນຊາຍຫາດຄົງຄາ ດູຣະຍັບງາມຕາ
ຝູງຊາຍຍິງຊື່ນໜັກໜາ ສຸດຈະແສນພັນຣະນາ…

• ຕາລູແລ ຕາລູແລ ແລນແຕ
ຕາລູແລ ຕາລູແລ ແລນແຕ
ຕາລູແລ ຕາລູແລ ແລນແຕ…

3) ງາມແທ້ ຊາຍຍິງຄູ່ກັນ
ຟ້ອນລຳແລ້ວ ຍິ່ງສວຍງາມ
ເມືອງຫຼວງ ແດນງາມເຊັ່ນນີ້
ຈະເຮືອງສີ ໄດ້ຍິ່ງຍືນນານ
ຈະເຮືອງສີ ໄດ້ຍິ່ງຍືນນານ…

ເນື້ອຮ້ອງ & ທຳນອງ : ສີລາວົງ ແກ້ວ (~1970)
ນັກຮ້ອງຕົ້ນສະບັບ : ແສນສັກດາ ປ້ອງພິມຄຳ

1) ຈົນໆຢ່າງຂ້າ ຄົງເອື້ອມບໍ່ເຖິງ
ເພາະຂາດທີ່ເພິ່ງ ທີ່ພາອາສັຍ
ເກີດມາເປັນຄົນ ກໍຈົນເຫຼືອສຸດວິສັຍ
ຄິດມາມັນໜ້ານ້ອຍໃຈ ຢາກຕາຍຈາກໂລກເສັຽທີ

2) ຈົນໆຢ່າງຂ້າ ຄົງໄດ້ແຕ່ຝັນ
ເພາະຕົວຂ້ານັ້ນ ຕໍ່າຕ້ອຍສັກສີ
ເກີດມາເປັນຄົນ ກໍຈົນໝອງໝົ່ນຊີວີ
ຄິດມາຢາກຕາຍເຫຼືອດີ ຊາດນີ້ແສນທໍຣະມານ

• ອິນພົມ ຊ່າງບໍ່ເມຕຕາ
ປ່ອຍໃຫ້ຂ້າ ໄດ້ຮັບແຕ່ຄວາມໂສກສັນ
ເກີດມາມີກັມ ຊອກຊໍ້າຊົ່ວນິດນິຣັນ
ບໍ່ເຄີຍສຸກສັນ ທຸກວັນມີແຕ່ເສົ້າໃຈ

3) ຈົນໆຢ່າງຂ້າ ຄົງໄດ້ແຕ່ມອງ
ໄດ້ແຕ່ແລຈ້ອງ ແຫງນມອງດຽວດາຍ
ຊອກຊໍ້າຣຶດີ ຊີວີກໍໝົດຄວາມໝາຍ
ຄິດມາຂ້າຢາກຈະຕາຍ ຢູ່ໄປກໍໜັກໂລກາ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1967)
ນັກຮ້ອງຕົ້ນສະບັບ : ຄຳຫຼ້າ ໜໍ່ແກ້ວ

1) ນຶ່ງຣາຕຣີ ມີຈັນສາຍ
ແສງກະຈາຍ ທົ່ວເມຄາ
ເບິ່ງເບື້ອງບົນ ຟາກຟ້າດາຣາ
ເລື່ອນລອຍມາ ປົນກັບເດືອນ

2) ກ່ອນຍັງເຄີຍ ມີຈອມຂວັນ
ແນບເນື້ອນວນ ນັ່ງເປັນເພື່ອນ
ສຸກອັນໃດ ຈະມາປຽບເໝືອນ
ພາບຍັງເຕືອນ ຍັງຝັງໃຈ

• ຕລອດຄືນນັ້ນ ບໍ່ອາດລືມໄດ້
ເພີ້ຢູ່ ບໍ່ຫາຍ
ຈະຈົດຈະຈຳໄວ້ ຈະອົດຖນອມໄວ້
ມິໃຫ້ ອັບເສົາ

3) ຄໍ່າຄືນນີ້ ບໍ່ມີນ້ອງ
ຟ້າຈຶ່ງໝອງ ຣາສີເສົ້າ
ຂາດດວງເດືອນ ສິ່ງດຽວປ່ຽວເຫງົາ
ເໝືອນສອງເຮົາ ບໍ່ພົບກັນ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (∼1970)
ນັກຮ້ອງຕົ້ນສະບັບ : ກອບແກ້ວ ປ່ຽມມະໄລ

1) ບໍ່ຢາກໃຫ້ ນ້ອງຍິ້ມ
ບໍ່ຢາກໃຫ້ຍິ້ມ ຍິ້ມຍິ້ມກັບໃຜ
ເພາະຮອຍຍິ້ມ ຂອງນ້ອງບາດໃຈ
ບາດໃຈ ຜູ່ຊາຍທີ່ໄດ້ພົບເຫັນ

2) ບໍ່ຢາກໃຫ້ ນ້ອງຫົວ
ບໍ່ຢາກໃຫ້ຫົວ ຖ້າບໍ່ຈຳເປັນ
ຢ້ານຄົນພົບ ຫົວໃຈຢຸດເຕັ້ນ
ຢ້ານເປັນ ນ້ອງເປັນອາຊຍາກອນ

• ຖນອມໄວ້ ໃຫ້ອ້າຍດີກວ່າ
ຢ່າຍິ້ມໄປທົ່ວ ຢ່າຫົວຜິດບ່ອນ
ຢູ່ໃສຂາດອ້າຍ ເຈົ້າຢ່າອອນຊອນ
ຢ້ານຄົນໃຈບອນ ຈະວອນວຽນຮັກໝັ້ນໝາຍ

3) ບໍ່ຢາກໃຫ້ ຍິ້ມນັ້ນ
ບໍ່ໃຫ້ຍິ້ມນັ້ນ ສັມພັນກັບໃຜ
ເພາະນ້ອງຍິ້ມ ຫວານຕາຫວາມໃຈ
ເກັບໄວ້ ຫວງໄວ້ໃຫ້ອ້າຍຜູ່ດຽວ…

ເນື້ອຮ້ອງ & ທຳນອງ : ຄຳພູ ທະວີວັນ (~1970)
ນັກຮ້ອງຕົ້ນສະບັບ : ສຸວັນ ທັມມະວົງສາ

1) ຈັບປາກກາ ສໍຂຶ້ນມາຂຽນ
ຂີດເປັນວົງວຽນ ໃຫ້ເປັນຕົວ ຮ ໄມ້ ກັນ
ສວມຕົວ ກ ເຂົ້າໄປອີກເທົ່ານັ້ນ
ເຂົາກໍອ່ານກັນ ວ່າຮັກໄດ້ທັນໃດ

2) ຮ ໄມ້ ກັນ ກ ນັ້ນອ່ານວ່າ ຮັກ
ແຕ່ຖ້າຢາກໃຫ້ມັນຄັກ ຕ້ອງເສີມຕົວ ສ ລົງໄປ
ສ ຕົວດຽວ ກໍຍັງບໍ່ເຂົ້າໃຈ
ຂາດຄວາມໝາຍ ເພາະວ່າມີແຕ່ຕົວ ສ

• ຢາກຈະຂຽນ ໃຫ້ອ່ານວ່າສຸດ
ເອົາສຽມມາຂຸດ ຊອກຫາຕົວ ດ
ທັງສະຣະ ອຸ ນັ້ນຈຶ່ງພຽງພໍ
ແລ້ວເອົາຕົວ ຫ ຕົວ ວ ສະຣະ ອົວ ມາປົກກາງ

3) ຫ ຫຼື ວ ສະຣະ ອົວ ພຽງພໍ
ແລ້ວຈຶ່ງໄປຂໍ ເອົາສະຣະ ໃອ ມາວາງ
ແລ້ວເອົາຕົວ ຈ ເສີມຕໍ່ທາງຫາງ
ອ່ານລວມຈິງຈັງ ກໍຄື ຮັກສຸດຫົວໃຈ…

ເນື້ອຮ້ອງ & ທຳນອງ : ຄຳພູ ທະວີວັນ (~1970)
ນັກຮ້ອງຕົ້ນສະບັບ : ຄຳພູ ທະວີວັນ

1) ຈົດໝາຍນ້ອຍ ຂຽນເປັນຮອຍຕົວນ້ອຍແລະໃຫຍ່
ຕົກກະໃຈ ນຶກວ່າຜູ່ໃດຂຽນມາ
ທີ່ແທ້ກໍຄື ຈົດໝາຍຂອງພໍ່ຢູ່ບ້ານນາ
ເປັນຫ່ວງໃນການສຶກສາ ຈຶ່ງຂຽນມາຢາມຖາມຂ່າວ

2) ໄດ້ເຫັນແລ້ວ ເໝຶອນມີແນວພາໃຫ້ມີສຸກ
ສິ້ນຄວາມທຸກ ຫົວໃຈສິ້ນສຸດອັບເສົາ
ໃນເນື້ອມີ ບອກສອນຄວາມດີໃຫ້ແກ່ເຮົາ
ຄືຢ່າໄປມົວທ່ຽວສາວ ເພາະຊີວິດເຮົາມັນຍາກຈົນ

• ລູກຂໍຍໍມື ກົ້ມກາບວັນທາ
ໄຫວ້ວອນເທວາ ຢູ່ບົນຟ້າຈົ່ງຊ່ວຍດົນ
ໃຫ້ພໍ່ສຸກຂີ ລູກນີ້ສັນຍາຈະສູ້ທົນ
ເຖິງແມ່ນຈະຍາກຈະຈົນ ລູກກໍຍອມທົນສຶກສາໄປ

3) ລູກຂໍຮ້ອງ ເພງນີ້ແທນໃຈມາໃຫ້ຂ່າວ
ເຣື່ອງມີສາວ ຂໍພໍ່ຈົ່ງໄດ້ນອນໃຈ
ຈະຂໍຟັງຄຳ ສັ່ງສອນຂອງພໍ່ທີ່ສົງໄປ
ຢູ່ໃນຊອງຈົດໝາຍ ຂໍຈຳຝັງໃຈຕລອດການ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1968)
ນັກຮ້ອງຕົ້ນສະບັບ : ດາວມະນີວອນ

1) ເຖົ້າບໍ່ຄຸງ ຫົວໃຜ
ແຄ້ນໃຈ ຜູ່ຊາຍປາກຄັນ
ເຂົາຢູ່ດີໆ ກໍມາເສກສັນ
ເນື້ອແຫ່ວໜັງຍານ ບໍ່ໜັກກະບານຫົວໃຜ…

2) ເຖົ້າກະຕາມ ທະແໝະ
ບໍ່ເຫັນແຄ ເຈົ້າເລີຍຍອດຊາຍ
ວ່າໄດ້ວ່າດີ ຄົນໜ້າບໍ່ອາຍ
ຢ່າມາລວດລາຍ ລອງກະຍັງໄດ້ຖ້າວ່າອວດດີ…

(ເວົ້າ) ບໍ່ໄດ້ຖ້າຜູ່ໃດດອກ ຄືມາເວົ້າລໍ່າໄລກະດັກກະດໍ້ແທ້
ຂໍເຊີນຟັງແດ່ ຂ້ອຍບໍ່ຢາກແລຜູ່ຊາຍໃຈຜີ
ຂ້ອຍລົງມາເກີດ ເພື່ອແກ້ງພວກໜຸ່ມອັບປີ
ເກີດມາເປັນໂສດຟຣີໆ ຍັງດີກວ່າມີຜົວນອນແນບກາຍ…

3) ຢ່າມາກວນ ໂມໂຫ
ຫາໂຄ ມັນໜ້າເຈັບໃຈ
ເປັນໜຸ່ມກໍຕາຍ ເປັນເຖົ້າກໍຕາຍ
ຢ່າມາຫວຸ້ນວາຍ ເຮິໆ ຈັກໜ່ອຍເຖົ້າໃຈຮ້າຍລະ
ຊິເຈັບໂຕບໍ່ຮູ້ເມື່ອໃດ໋ຫັ້ນນະ…

(ເວົ້າ) ເຈົ້າຫັ້ນເດ໋ ແມ່ນເຈົ້າເຮັດອີ່ຫຍັງຢູ່ຫັ້ນເກາະ
ກະດຽວວ່າເຈົ້າເອົາເມັຽແຕ່ດົນແລ້ວນ໋າ ຂ້ຽວເອົາຊະແມ໋ອ້າຍ
ຢ່າຊູ່ຊອກເວົ້າໃຫ້ແຕ່ຜູ່ຍິງຫຼາຍແມ໋
ອັນຂ້ອຍຫຼຽວເບິ່ງເຈົ້າຫັ້ນ ມັນກໍເຕບເຊບພໍແຮງໃດ໋ຫັ້ນນະ
ອັນຂ້ອຍນີ້ເກາະ ບໍ່ໄດ້ຖ້າຜູ່ໃດດອກ ຢ່າຊູ່ເວົ້າລໍ່າໄລກະດັກກະດໍ້ຫຼາຍເທາະ!
ເອົາຊະເດີ້ເມັຽຫັ້ນນະ ຈັກໜ່ອຍເຂົາຈິຮ້ອງວ່າອີ່ຕາກະເທືອຍໃດ໋ຫັ້ນນະ…