ໝວດໝູ່: ເພງ

ເນື້ອຮ້ອງ & ທຳນອງ : ສ. ແສງສິຣິວັນ (1965)
ນັກຮ້ອງຕົ້ນສະບັບ : ຄຳເຕີມ ຊານຸບານ

1) ຕົວຂ້າອັບຈົນ ຕ້ອງທົນຝືນໃຈ
ຈະຝາກຮັກໃຜ ກໍເກງຫົວໃຈເຈັບຊໍ້າ
ຂ້າເກງແຕ່ຍິງ ວ່າຈົນຕ້ອຍຕໍ່າ
ເກງຍິງຈະປະນາມ ຢຽບຫຍາມໃຫ້ອາຍ

2) ຈຶ່ງຫ້າມຫັກຄວາມ ຮັກທີ່ມີຂຶ້ນ
ໂສກຕຣົມທົນຝືນ ເຝົ້າກືນນໍ້າຕາຕົກໃນ
ຄິດວ່າຈັກວັນ ຍິງຄົງເຫັນໃຈ
ຮັບຄົນຈົນໆໄວ້ ເປັນຄູ່ສເນຫາ

● ແລ້ວ… ຂ້ານີ້ ຈະມອບຈິດ
ຈະອຸທິດ ຮັກໃຫ້ຈົນໝົດອຸຣາ
ຈະສ້າງຕົວ ເພື່ອຍິງທີ່ກະຣຸນາ
ໃຫ້ຄວາມຮັກຢ່າງເມຕຕາ ຮັກຂ້າຈາກໃຈຈິງ

3) ມີໃຜຈັກຄົນ ຄິດເຫັນໃຈຂ້າ
ທີ່ລໍຄອຍຫາ ສັດທາຮັກແທ້ຈາກຍິງ
ແມ່ນມີຂ້າຍອມ ມອບທຸກໆສິ່ງ
ຂໍພຽງແຕ່ຍອດຍິງ ຢ່າລວງໃຫ້ຕຣົມ…

ເນື້ອຮ້ອງ & ທຳນອງ : ດ. ດວງເດັ່ນ (1968-70)
ນັກຮ້ອງຕົ້ນສະບັບ : ດ. ດວງເດັ່ນ

1) ສຽງລົມວາບຫວິວ ຫວິວມາ
ຈິດຕື່ນຜວາ ຫາຄູ່
ຄິດເຖິງຄົນຮັກ ເຄີຍຊື່ນຊູ
ຍັງຮັກນ້ອງຢູ່ ບໍ່ຮູ້ວັນຈະລືມເລີຍ

2) ສຽງລົມວາບຫວິວ ຫວິວກາງ
ນຶກວ່ານວນນາງ ຫວນໄຫ້
ສຽງລົມພັດໄມ້ ແວ່ວຄັ້ງໃດ
ເໝືອນສຽງນ້ອງໄຫ້ ຫຼືໃຈນ້ອງຄໍ່າຄວນຫາ

● ໂອ້…ໂອ້… ລົມເຈົ້າເອີຍ
ເຈົ້າຢ່າເມີນເສີຍ ສົງສານໃຈຂ້າ
ໂປຣດໄປກະຊິບ ຊ່ວຍເຖີດໜາ
ຣຶທັຍຂອງຂ້າ ສຸດຫວງສຸດຫ່ວງໆໃຍ

3) ສຽງລົມວາບຫວິວ ຫວິວຄວນ
ຈິດຂ້າຣັນຈວນ ຝັນໃຝ່
ລົມໂປຣດເມຕຕາ ຢ່າລະໄລ
ສົງສານດວງໃຈ ດວງນີ້ເຖີດລົມເຈົ້າເອີຍ…

ເນື້ອຮ້ອງ & ທຳນອງ : ສ. ແສງສິຣິວັນ (1973)
ນັກຮ້ອງຕົ້ນສະບັບ : ມະລີຈັນສຸກ ເທບສຸວັນ

(ເວົ້າລຳພັນ) : ຫົວໃຈຂອງນ້ອງ
ນ້ອງບໍ່ຢາກເຫັນຄວາມເສົ້າແລະນໍ້າຕາຂອງເພື່ອນຍິງດ້ວຍກັນ
ເອົາລະ ເຖິງນ້ອງຈະປວດອຸຣາພຽງໃດກໍຕາມ
ເພື່ອຍິງຄົນນັ້ນແລະອ້າຍໄດ້ເປັນສຸກ ນ້ອງຂໍຫຼີກທາງ..

1) ສັ່ງໃຈ ຂອງນ້ອງນີ້ໃຫ້ຢຸດພັກ
ຈະຕັດຮັກ ທີ່ເຄີຍຮ່ວມຮັກກັນມາ
ຕໍ່ໄປ ນ້ອງບໍ່ຂໍໃຝ່ຫາ
ຂໍເປັນຜູ່ເສັຽສະລະ ເສັຽສະລະອ້າຍໃຫ້ຍິງນັ້ນ

2) ຫັກໃຈ ທັ້ງໆທີ່ໃຈຂື່ນຂົມ
ແຕ່ຍອມຕຣົມ ຣະທົມດ້ວຍເຫັນໃຈກັນ
ເພື່ອຍິງ ທີ່ຫວັງປອງຜູກພັນ
ຫວັງຄອງຫົວໃຈອ້າຍນັ້ນ ໄດ້ດັ່ງຝັນນ້ອງຂໍຫຼີກທາງ

• ສຸກສັນກັນເຖີດ ນ້ອງເປີດເສັ້ນທາງໃຫ້ແລ້ວ
ແມ່ນໃຈຈະແປ້ວ ເປັນຮອຍເມື່ອຍາມສິ້ນຫວັງ
ຈະເອົານໍ້າຕາ ແລະວັນເວລາລົບພາບຄວາມຫຼັງ
ຖ້າຊີວິດນ້ອງຍັງ ນ້ອງກໍຈະຫວັງຮັກໃໝ່

3) ສ້າງບຸນ ກຸສົນໄວ້ພຽງເທົ່ານີ້
ຈົບກັນທີ ຮັກເຮົາທີ່ຫວັງຮ່ວມໃຈ
ຈົ່ງລືມ ນ້ອງເສັຽເລີຍຢ່າໝາຍ
ແມ່ນບຸນເຮົາມີຊາດໃໝ່ ກໍຈົ່ງໄດ້ຮ່ວມຕາຍດັ່ງຫວັງ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1967)
ນັກຮ້ອງຕົ້ນສະບັບ : ຄຳພຸດ ເຄນກິດຕິສັກ

1) ຝົນ ອ້າຍຍັງກ້າແຂ່ງ
ແລ້ງ ອ້າຍຍັງຄອຍຖ້າ
ລົມໜາວກໍເລີຍຜ່ານມາ ລົມໜາວກໍເລີຍຜ່ານມາ
ຝົນກະຍັງສັ່ງຟ້າ ຕົກມາແລ້ວນາງ

2) ອ້າຍ ນີ້ຄົນໃຈຊື່
ຊື່ ເສັຽຈົນຝັນຄ້າງ
ປີນີ້ອ້າຍຄົງຜິດຫວັງ ຫຼືປີນີ້ອ້າຍຈະມີຫວັງ
ທີ່ຈະໄດ້ນາງ ເປັນຄູ່ສເນຫາ

• ເຫັນ ໃຈແດ່ເຖາະ
ພໍ້ວໍ້ພໍ້ວໍ້ ທຸກທ້າຍສັບປະດາ
ບອກຈັກຄວາມວ່າຍອມວິວາ ບອກຈັກຄວາມວ່າຍອມວິວາ
ຈະເອີ້ນລຸງເອີ້ນຕາ ສູ່ຂໍການດາມື້ນີ້ລະ

3) ເຫັນ ຫົວໃຈອ້າຍຖ້ອນ
ນ້ອງ ຢ່າງອນທຳທ່າ
ຢາກອາຍເຂົາລືເຂົາຊ່າ ຢາກອາຍເຂົາລືເຂົາຊ່າ
ມາຈັດການວິວາ ສຸດສັບປະດານີ້ລະເນາະ…

•• ເອົາກັນສະເນາະ ເນາະນ້ອງສາວເນາະ
ເນາະ ໆ ໆ ໆ ເນາະນ້ອງສາວເນາະ

ເນື້ອຮ້ອງ & ທຳນອງ : ຄຳຄົມ ເມືອງນະຄອນ (1969)
ນັກຮ້ອງຕົ້ນສະບັບ : ຈ. ປະຈັກໃຈ

1) ຢັ້ງຢືນເປັນຟືນເປັນໄຟ ວ່າບໍ່ເຄີຍຮັກໃຜແຕ່ກຳເນີດເກີດມາ
ຫາກເປັນຈິງກໍຍັງໄຄ ຕົ້ມກັນຕາໃສໆກັບທຳເສິຍເລີຍໜ້າ
ເຫດຜົນເປັນແຖວໆ ຮ້ອຍແນວພັນແນວຜີກິນຟ້າຜ່າ
ຍາແມ່ເຈົ້າຜູ່ແກ່ສາບານ ແລ້ວອີກມື້ວານເຈົ້າໄປຄວງໃຜມາ

2) ອ້າຍທົນຈົນມາຕາມທັນ ວ່າຈະບໍ່ຫຸນຫັນຈະຄ່ອຍເວົ້າຄ່ອຍຈາ
ຈະຕົກລົງກັນໂດຍດີ ເຈົ້າກັບພານໄສໜີເບັ່ງຣາສີລອຍໜ້າ
ຜູ່ຍິງເປັນແສນໆ ຮ້ອຍແຟນພັນແຟນຫາມີຂ້ອຍວ່າ
ຊ້າກ່ອນເຈົ້າຜູ່ແກ່ໂວຫານ ແລ້ວອີກບໍ່ນານເຈົ້າຈະຫຼັ່ງນໍ້າຕາ

3) ໄດ້ໃຈມີຊາຍເດີນຄວງ ໂດດອອກມາທີ່ພ່ວງເບັ່ງຕໍ່ໜ້າຕໍ່ຕາ
ອວດພູດຈາວ່າສຽງແຂງ ເຈົ້າຜູ່ຈັນເສັຽແສງຢຸດກັນເສັຽດີກວ່າ
ຢ່າຫວັງຈະເສັຽຂວັນ ຊາດຄົນຄືກັນໃຜຈະນ້ອຍໜ້າ
ພໍເຖີດຢ່າໃຫ້ເປີດໃຫ້ແປນ ເຈົ້າຢ່າຂ້າແຟນຂ້າໃຫ້ສົມອຸຣາ…

ເນື້ອຮ້ອງ & ທຳນອງ : ສີລາວົງ ແກ້ວ (~1972)
ນັກຮ້ອງຕົ້ນສະບັບ : ກາຍະສິດ ສຸຣິສັກ

1) ເຮົາ ບໍ່ຄວນພົບກັນ
ເຮົາ ພົບກັນເພື່ອຫຍັງ
ພົບແລ້ວ ບໍ່ສົມດັ່ງຫວັງ
ແຍກທາງ ກັນເສັຽດີກວ່າ

2) ເຮົາ ບໍ່ຄວນພົບກັນ
ລືມ ສັມພັນເຖີດໜາ
ພົບແລ້ວ ບໍ່ສົມປຣາຖນາ
ຄຶດມາ ນໍ້າຕາຕົກໃນ

● ເຮົາຢ່າພົບ ຢ່າພົບກັນອີກ
ເມື່ອເຮົາພົບເຫັນ ຈົ່ງຫຼີກຫ່າງກັນໄກ
ຕໍ່ແຕ່ນີ້ ຢ່າມີແມ່ນເຍື່ອໃຍ
ຈົ່ງທຳລາຍ ສັມພັນນັ້ນເສັຽທີ

3) ເຮົາ ບໍ່ຄວນພົບກັນ
ເຮົາ ພົບກັນຢ່າງນີ້
ພົບແລ້ວ ບໍ່ເຫັນເກີດຫຍັງດີ
ເຮົາມີ ແຕ່ຄວາມຊໍ້າໃຈ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1969)
ນັກຮ້ອງຕົ້ນສະບັບ : ໄພທອງ ໂສພາວັນດີ

1) ໂລກນີ້ ບໍ່ທໍ່ໃບຂາມ
ຄົນງາມ ບໍ່ມີພຽງເຈົ້າ
ຢ່າຫວັງ ວ່າອ້າຍຈະເສົ້າ
ຂາດເຈົ້າ ມາເປັນຄູ່ໃຈ

2) ໂລກນີ້ ບໍ່ທໍ່ໃບມອນ
ຢ່າງອນ ວ່າງາມວິລັຍ
ບໍ່ເຫິງ ເຈົ້າຕ້ອງຮ້ອງໄຫ້
ເສັຽໃຈ ເມື່ອເດີນຜິດທາງ

● ຍາມນີ້ ເຈົ້າເດັ່ນໂສພາ
ມີໜຸ່ມຫຼາຍໜ້າ ແຫ່ມາໝາຍປອງຄັບຄັ່ງ
ເຖິງຄາວ ເມື່ອເຈົ້າຕ້ອງນໍ້າຕາຫຼັ່ງ
ໃຜໜໍຈະນັ່ງ ອອຍໃຈແລະເຊັດນໍ້າຕາ

3) ໂລກນິ້ ບໍ່ທໍ່ໃບຂີງ
ຜູ່ຍິງ ມາກມາຍໃນຫຼ້າ
ສົດສວຍ ແຖມຍັງໂສພາ
ໃຜວ່າ ຫາຈົນສະຕຣີ…

ເນື້ອຮ້ອງ & ທຳນອງ : …?…
ສະບັບຮ້ອງໂດຍ : ດວງສຸດາ (1965)

1) ທີ່ຮັກກ່ອນເຮົາ ຈະພາກຈາກກັນ
ຈິດໃຈຮູ້ສຶກຫວັ່ນໆ ກ່ອນຈາກກັນໜີໄກ
ເມື່ອສາຍສວາດຂາດເດັນ ເໝືອນດັ່ງມີເວນດົນໃຈ
ໃຫ້ເດີນທາງໄປ ຄົນລະທາງ

2) ເຮົາສອງເກີດມາ ຕ່າງມີບາບກັມ
ຢູ່ກິນທຸກສຸກດື່ມດໍ່າ ກໍມາຈຳເຫີນຫ່າງ
ຕ່າງເຂົ້າໃຈຜິດຕໍ່ກັນ ບໍ່ຍອມຜ່ອນຜັນເບົາບາງ
ຮັກຈຶ່ງແຍກທາງ ໜີຈາກກັນໄປ

● ເຮົາຕ່າງມີ ອຸດົມຄະຕິຕ່າງກັນ
ຕ່າງຄົນຕ່າງຝັນ ເຫຫັນຕາມໃຈ
ຄວາມຮັກຈຶ່ງແຕກ ຈຳແຍກແບ່ງທາງຮ້າງໄກ
ແລ້ວມານັ້ນຂໍອະພັຍ ສິ້ນເຍື່ອໃຍຮັກເຮົາກ່ອນເຄີຍ

3) ທີ່ຮັກຈົ່ງລືມ ຈົ່ງລືມອະດີດເຮົາ
ຕັດໃຈລຶບສິ່ງເກົ່າໆ ຢ່າເກັບເອົາມາຄິດເລີຍ
ຢ່າໃຫ້ກັມຈ່ອງຈອງເວນ ເມື່ອຍາມພົບເຫັນຈົ່ງເສີຍ
ເໝືອນເຮົາບໍ່ເຄີຍ ໄດ້ຮູ້ຈັກກັນ…

ເນື້ອຮ້ອງ & ທຳນອງ : ໄຊພອນ ສິນທະຣາດ (1967)
ນັກຮ້ອງຕົ້ນສະບັບ : ໄຊພອນ ສິນທະຣາດ

1) ເມືອງເໜືອ ເມືອງໜາວໆເຢັນອຸຣາ
ລົມໜາວໂບກມາ ກາຍາຂ້າໜາວຈົນສັ່ນ
ເດືອນສາມຍິ່ງໜາວ ຂ້າໜາວໆໝອກສະທ້ານ
ໝອກມົວທົ່ວພູຜາຊັນ ໜາວຈົນສັ່ນຈົນຫວັ່ນໃນດວງໃຈ

2) ເມືອງເໜືອ ເມື່ອເຫັນນັບເປັນບຸນຕາ
ງາມເຫຼືອຄະນາ ພູຜາປ່າໄມ້ນ້ອຍໃຫຍ່
ນໍ້າຕົກໄຫຼນອງ ໄຫຼກ້ອງທົ່ວດົງພົງໄພ
ໄດ້ຊົມແລ້ວສຸກຫົວໃຈ ຈະຫາເມືອງໃດມາທຽບປຽບປານ

● ຄໍ່າລົງແລງ ແສງສຸຣີອ່ອນໆ
ນົກນ້ອຍບິນຄືນສູ່ຄອນ ສຸດອອນຊອນຫົວໃຈຊື່ນບານ
ງາມນໍ້າຫ້ວຍໄຫຼ ນໍ້າໃສສວຍງາມຕຣະການ
ເບິ່ງແລ້ວເໝືອນແດນວິມານ ດັ່ງສວັນປັ້ນມາ

3) ເມືອງເໜືອ ເມື່ອຈາກໃຈຂ້າອາລັຍ
ຍາມໄດ້ຈາກໄປ ຈາກໄປແລ້ວຈະຫວນມາ
ເມືອງເໜືອເຈົ້າເອີຍ ໃສເລີຍທຽມທັນໄດ້ໜາ
ຂ້າຈຳຈາກໄປໄກຕາ ຈະຫວນຄືນມາທ່ຽວຊົມຄັ້ງໃໝ່…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1970)
ນັກຮ້ອງຕົ້ນສະບັບ : ຈັນທະຣາ ອຸເທນສັກດາ

1) ເຖິງເຖົ້າ ກະເປັນຕາມັກ
ໜ້າຮັກ ກວ່າສາວອາຍຸສິບສີ່
ໂບຮານທ່ານວ່າ ຄົນເຖົ້າໃຈດີ
ໂອບອ້ອມອາຣີ ບໍ່ມີໂມໂຫໂທໂສ

2) ເຖິງເຖົ້າ ກະບໍ່ເປັນຫຍັງ
ເນື້ອໜັງ ມັງສັງຍັງຕຶ່ງເຕັມໂຕ
ສະຕຣີສາວແກ່ ຢ່າຟ້າວໂມໂຫ
ຍັງງາມອັກໂຂ ເໝືອນຄລີໂອພັຕຕຣາ

● ຢ່າ ໄປຊາເຂົາ
ເຣື່ອງເພງສາວເຖົ້າ ຈາກສຽງຂອງຈັນທະຣາ
ເຂົາຂຽນເຂົາແຕ່ງ ເພື່ອຄວາມສຸກສັນຫັນສາ
ສນຸກເຮຮາ ບໍ່ໄດ້ຂຽນດ່າໃຜເລີຍ

3) ເຖິງເຖົ້າ ກະຂໍປອງມັກ
ເຝົ້າຮັກ ແມ່ນາງໄວ້ເປັນຄູ່ເຊີຍ
ສາວນ້ອຍມີຢູ່ ບໍ່ສູ້ເຖົ້າເລີຍ
ຢ່າແກ້ງເມີນເສີຍ ສາວເອີຍສາວເຖົ້າກະມັກ…
(ເຖິງເຖົ້າກະມັກ ເຖິງເຖົ້າແຮງຄັກ…)

(ເວົ້າ) ນ້ອງສາວ ເຖິງເຈົ້າເຖົ້າກະຊິເປັນອີ່ຫຍັງລະ
ເນື້ອໜັງກະຍັງມັງສັງເຕັມໂຕຢູ່ເດ້
ເບິ່ງໄປເບິ່ງມານິ້ ງາມໆ ສາວເຖົ້ານີ້ເກາະ
ງາມປານ ຄລີໂອພັຕຕຣາ