ໝວດໝູ່: ເພງ

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ
ນັກຮ້ອງຕົ້ນສະບັບ : ຄຳຕຸ່ນ ວົງສະນິດ

1. ອົ່ງຕົ່ງ ແທ້ໜໍນ້ອງສາວ
   ຜິວຂາວ ເໝືອນດັ່ງຍອງຝ້າຍ
   ເບິ່ງດົນໆ ເຈົ້າຍິ່ງງາມຫຼາຍ
   ຍ່າງຍ້າຍ ປານຫົງເດີນດິນ…
   
   
2. ອົ່ງຕົ່ງ ແທ້ໜໍແກ້ມນ້ອງ
   ຢາກຈອງ ໄວ້ດົມຊົມກິ່ນ
   ເນດຄົມຂຳ ໃສງາມປານນິນ
   ແມ່ຍຸພິນ ງາມສິ້ນເກີນຄົນ…
   
   
3. ເກີດວັນຫຍັງໜໍ ກິນເຂົ້າກັບຫຍັງ
   ເປັ່ງປັ່ງ ແທ້ໜໍໜ້າມົນ
   ເປັນລູກຫຼ້າ ຫຼືວ່າລູກໂທນ
   ມີຈົນ ຫຼືຄົນທັມມະດາ…
   
   
4. ອົ່ງຕົ່ງ ແທ້ໜໍຍອດຍິງ
   ໄດ້ພັກພິງ ແລ້ວຕາຍກະຢ່າ
   ໂປຣດເອັນດູ ອ້າຍແດ່ນາງຟ້າ
   ແມ່ຂວັນຕາ ເຈົ້າຢ່າທຳເມີນ…

   * ແມ່ຂວັນຕາ ເຈົ້າຢ່າທຳເມີນ…
      ແມ່ຂວັນຕາ ເຈົ້າຢ່າທຳເມີນ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ
ນັກຮ້ອງຕົ້ນສະບັບ : ບຸນທ່ຽງ ມະນີວົງສ໌

1. ຢາກບອກໃຫ້ຮູ້ ອົດຢູ່ນານແສນນານ
   ບໍ່ກ້າຈະຂານ ເກງສວັນຈະຫຼົ່ມ
   ຮັກຢູ່ໃນໃຈ ບໍ່ກ້າໄຂກ້າລົມ
   ຮັກຝັງໃຈບົ່ມ ຣະທົມຂົມຂື່ນດຽວດາຍ
2. ຫຼັບໃຫຼໃຝ່ຝັນ ເຝົ້າຄອຍວັນພົບໜ້າ
   ຄໍ່າຄວນຫວນຫາ ອົກຜວາຮ້ອງໄຫ້
   ຄຶດວ່າຊາດນີ້ ຄົງມີຫວັງຕັ້ງໃຈ
   ຄຶດວ່າຄົງໄດ້ ສົມໃຈສົມປຣາຖນາ
3. ຮັກນີ້ ມີແຕ່ຕອນແຮກເຫັນ
   ສົນໃຈບໍ່ເວັ້ນ ຄົງເປັນວາສນາ
   ຫຼັບກໍຝັນ ຄໍ່າຄືນວັນຫວັ່ນຜວາ
   ຢາກພົບໜ້າ ຢາກມາຫາເວົ້າຈາພາທີ
4. ຊື່ນໃຈໃນຝັນ ຢູ່ທຸກວັນທຸກຄືນ
   ຫຼັບໆຕື່ນໆ ສຸດຈະຝືນແລ້ວນີ້
   ຄຶດຮອດສເມີ ພໍ່າເພີ້ທຸກນາທີ
   ຂໍຮັກຢ່າມີ ຢ່າມີມານຂວາງຂັດທາງ…

ເນື້ອຮ້ອງ : ສີລາວົງ ແກ້ວ / ທຳນອງ : ບຸນສວັດ ເມກສວັນ
ນັກຮ້ອງຕົ້ນສະບັບ : ສີລາວົງ ແກ້ວ

1. ນ້ອງຢ່າຂົ່ມໃຈ ຮັກອ້າຍນີ້ເລີຍ
   ນ້ອງເອີຍ ຈະເສື່ອມສີ
   ນ້ອງເປັນທິດາ ຕະກຸນຜູ່ດີ
   ສູງສັກມັ່ງມີ ກວ່າອ້າຍ
   
   
2. ເພາະອ້າຍອາພັບ ອັບຈົນເຫຼືອດີ
   ອ້າຍນີ້ ຂໍຫ່າງໄກ
   ຜູ່ໃຫຍ່ນ້ອງນັ້ນ ກີດກັນເຮົາໄວ້
   ນ້ອງຢ່າຝືນໃຈ ດີກວ່າ
   
   
3. ອ້າຍ… ບໍ່ອາດຈະຮັກ
   ບໍ່ກ້າຈະຮັກ ຮັກນ້ອງດອກໜາ
   ອ້າຍ… ມິອາດໄຂວ່ຄວ້າ
   ເພາະວາສນາ ອ້າຍນ້ອຍເກີນໄປ
   
   
4. ນ້ອງຢ່າຂົ່ມໃຈ ຮັກອ້າຍນີ້ເລີຍ
   ນ້ອງເອີຍ ຈົ່ງຫັກໃຈ
   ຢ່າມາພົວພັນ ຮັກຄົນຢ່າງອ້າຍ
   ນ້ອງຈົ່ງຖອນໃຈ ເສັຽທີ…

ເນື້ອຮ້ອງ & ທຳນອງ : ສີລາວົງ ແກ້ວ
ນັກຮ້ອງຕົ້ນສະບັບ : ແສນສັກດາ ປ້ອງພິມຄຳ

1. ບໍ່ອາດລືມ ນ້ອງໄດ້
   ອ້າຍຈຶ່ງໄດ້ ສົ່ງເພງນີ້ມາ
   ດ້ວຍອ້າຍຫວງ ຫ່ວງເໝືອນແກ້ວຕາ
   ອ້າຍປຣາຖນາ ພຽງນ້ອງຜູ່ດຽວ
   
   
2. ສຸດທີ່ຮັກ ອ້າຍເອີຍ
   ອ້າຍບໍ່ເຄີຍ ນອກໃຈໜ້ອຍດຽວ
   ຢ່າຄິດວ່າ ອ້າຍຈະຄົດລ້ຽວ
   ນວນນ້ອງຄົນດຽວ ທີ່ອ້າຍໝາຍໃຈ
   
   
3. ເມື່ອນ້ອງ ໄດ້ຟັງ
   ເພງນີ້ດັງ ຢູ່ແຫ່ງຫົນໃດ
   ນ້ອງຢ່າ ສົງສັຍ
   ຄືສຽງອ້າຍ ຄວນຫານ້ອງນາງ
   
   
4. ຄິດເຖິງນ້ອງ ວັນເພັງ
   ຈຶ່ງຮ້ອງເພງ ໃຫ້ນ້ອງໄດ້ຟັງ
   ລົມຈົ່ງຊ່ວຍ ພາສຽງເພງດັງ
   ໄປບອກກັບນາງ ວ່າຂ້າຣະທົມ…

ເນື້ອຮ້ອງ & ທຳນອງ : ວິລລ້ຽມ ດິດທະວົງສ໌
ນັກຮ້ອງຕົ້ນສະບັບ : ຈັນທະຣາ ອຸເທນສັກດາ

1. ບໍ່ເຄີຍໄດ້ຄຶດ ວ່າຈະນອກໃຈ
   ບໍ່ເຄີຍຮັກໃຜ ເກີນກວ່ານ້ອງນີ້
   ຮັກ ຮັກນ້ອງ ຍິ່ງກວ່າຊີວີ
   ບໍ່ເຄີຍໄດ້ທີ່ ຈະຄຶດນອກໃຈ
   
   
2. ບໍ່ເຄີຍໄດ້ຄຶດ ວ່າຈະຫຼອກລວງ
   ຍິງອື່ນທັງປວງ ບໍ່ເຄີຍສົນໃຈ
   ຮັກ ຮັກນ້ອງ ຍິ່ງກວ່າສິ່ງໃດ
   ບໍ່ເຄີຍທຳໃຫ້ ນ້ອງເສົ້າອຸຣາ
   
   
3. ຮັກນ້ອງ ຄົນດຽວເທົ່ານັ້ນ
   ບໍ່ເຄີຍນຶກຝັນ ວ່າຈະຫ່າງລາ
   ອ້າຍຂໍສາບານ ຂໍສາບານວ່າ
   ຮັກນ້ອງເທົ່າຟ້າ ທຸກລົມຫາຍໃຈ
   
   
4. ຈະຂໍຮັກນ້ອງ ແຕ່ພຽງຜູ່ດຽວ
   ບໍ່ເຄີຍແລຫຼຽວ ຫາຍິງອື່ນໃດ
   ຂໍພຽງນ້ອງ ຈົ່ງຢ່າທຳລາຍ
   ໃຫ້ຄວາມຮັກອ້າຍ ຕ້ອງທຸກຣະທົມ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1968)
ນັກຮ້ອງຕົ້ນສະບັບ : ວົງເດືອນ ວົງພະຈັນ

1. ເໝິດເດືອນກະເໝິດເງິນ ອຸກໃຈເຫຼືອເກີນຫາເງິນກະບໍ່ມີ
   ເບີກເງິນມາຍາມໃດ ບໍ່ພໍກິນພໍໃຊ້ຫວຸ້ນວາຍເຈົ້າໜີ້
   ເຂົ້າຂອງແພງເກີນຕົວ ເຈັບໃຈເຈັບຫົວສວນຄົວກະບໍ່ມີ
   (ເວົ້າ) ໂອ້ຍ! ຈັ່ງແມ່ນມັນອຸກ ເຮືອນກະເຊົ່າເຂົ້າກະຊື້
   ມື້ພັກເລີຍບໍ່ມີສວນຄົວຊິເຮັດ…
   
   
2. ເໝິດເດືອນກະເໝິດແຮງ ອົດເຂົ້າສວາຍເຂົ້າແລງຂອງມັນແພງອີ່ຫຼີ
   ຈະໄປໃສມາໃສ ຍ່າງເອົາຈົນເຫື່ອໄຫຼບໍ່ໄດ້ຂີ່ Taxi
   ງົດທ່ຽວງົດເຮຮາ ງົດເບີງົດບາຣ໌ງົດສຸຣານາຣີ
   (ເວົ້າ) ຄັກປານຫຍັງບາດນີ້ ຊິໄດ້ເຊົາຫຼາຍແນວຢູ່ດອກ
   ສົມນໍ້າໜ້າທັງເພິ່ນທັງໂຕ…
   
   
3. ຜູ່ດີມີເງິນຟູມເຟືອຍເຫຼືອເກີນ ໃຊ້ເງິນບໍ່ປຣານີ
   ຕັ້ງວົງການພະນັນ ສາມຄືນສາມວັນຫຼິ້ນກັນປົ່ນປີ້
   ປະລູກເຕົ້າເຮືອນຊານ ປະລ້າປະການມັນສາມານບັດສີ
   (ເວົ້າ) ເອົາລົງໄປບາດນີ້ ໄຫໃຫຍ່ລົ້ນໄຫນ້ອຍບໍ່ເຕັມ
   ກັມເອີຍເວນເອີຍ…
   
   
4. ພວກເຮົາຄົນຈົນ ຈຳຕ້ອງຍອມດິ້ນຮົນຝືນໃຈທົນຢູ່ຢ່າງນີ້
   ຢາກຖືກຫວຍຢາກລວຍເງິນ ຢາກຈະມີເງິນລ້ານຢາກຖືກ Loterie
   ເວົ້າຫຼາຍຢາກອາຍຄົນ ເໝິດໂຕເໝິດຕົນສອງກີບກະບໍ່ມີ
   (ເວົ້າ) ບ໋ະ! ບຸນບໍ່ຄໍ້ານໍ້າບໍ່ຊູອີ່ຫຼີບໍ ຫາຊິຕາຍຍັງບໍ່ກຸ້ມປາກ
   ຮື! ທັງເມື່ອຍທັງຫິວ…
   
   
5. ຢາກຕາຍຊະໃຫ້ພົ້ນ ເກີດມາພົບຄວາມຈົນມັນເຫຼືອທົນອີ່ຫຼີ
   ຢູ່ໄປກໍອາຍເຂົາ ຫາແລງກິນເຊົ້າຍັງແບ່ງເອົາໃຊ້ໜີ້
   ເຂົ້າໜຽວໆເຢັນໆ ຈໍ້າປາແດກເໝັນໆກັບຕົ້ມເອັນແຊບອີ່ຫຼີ
   (ເວົ້າ) ບ໋ະ! ຫຼົບເຈົ້າໜີ້ຍັງບໍ່ພໍອົດມື້ກິນມື້ ປາແດກກະເຫຼືອຕ່ອນດຽວນຶ່ງ ເຮີ້…
   ຄັກບໍ່ບາດນີ້ ລົງລາຍໄດ້ກິນປາແດກກັບເອັນ ເຮິ… ເຮີ…

ເນື້ອຮ້ອງ & ທຳນອງ : ວໍຣະເດດ ດິດທະວົງສ໌ (1973)
ນັກຮ້ອງຕົ້ນສະບັບ : ວໍຣະເດດ ດິດທະວົງສ໌

1. ສຸຣິຍາ ຈາກຟ້າແຄ່ຄືນກໍກັບ
   ແຕ່ນະພາ ເມຄາມືດມົນຍັງຈາງຫາຍ
   ແລ້ວເຫດໃດ ນ້ອງຈະໄປເສົ້າໂສກຫົວໃຈ
   ມົວຫ່ວງໃຍ ໃບໜ້າຂື່ນຂົມ
   
   
2. ຢຸດເຖີດໜາ ດອກຟ້ານ້ອງຢ່າຮ້ອງໄຫ້
   ຢ່າເສັຽໃຈ ເມື່ອຄົນຮັກມາຢຸດຊົມ
   ຕັ້ງຄວາມຫວັງ ແລ້ວຊີວັງນ້ອງຈະສຸກສົມ
   ສິ້ນຣະທົມ ໃບໜ້າແຈ່ມສີ
   
   
3. ໂປຣດຈົ່ງຄິດ ເຖິງອ້າຍທີ່ໃຝ່ຮັກ
   ໝັ້ນສມັກ ຮັກນ້ອງຄົນດີ
   ເຖິງນ້ອງມາ ມີຊາຍໜ່າຍໜີ
   ອ້າຍຂໍມອບຊີວີ ແທນຊາຍໃຈແຂງ
   
   
4. ຍິ້ມເຖີດໜາ ທ້ອງຟ້າກໍຈະສວ່າງ
   ສິ່ງທີ່ຫວັງ ໃນໃຈແນ່ນອນຄົງເຫັນແສງ
   ຂໍອຸທິດ ຂໍບັນເລງຮັກມາສຸດແຮງ
   ດາວສິ້ນແສງ ອ້າຍຈຶ່ງສິ້ນຮັກ…

ເນື້ອຮ້ອງ & ທຳນອງ : ສີລາວົງ ແກ້ວ (1968)
ນັກຮ້ອງຕົ້ນສະບັບ : ອານຸສັກ (ບຸນປອນ ສຸຣິນທອນ)

1. ຂ້າເຄີຍຮັກ ກັບຍິງຄົນນຶ່ງ
   ຊຶ່ງນາງເປັນ ລູກທ່ານເສດຖີ
   ພໍ່ຂອງນາງ ຮັກສຸດຊີວີ
   ເພາະທ່ານມີ ທິດາຜູ່ດຽວ
   
   
2. ຂ້ານີ້ຮັກ ນາງເໜືອທຸກຢ່າງ
   ນາງກໍຮັກ ຂ້ານີ້ເຊັ່ນດຽວ
   ຕ່າງເຝົ້າຮັກ ກັນຢ່າງກົມກຽວ
   ຮັກແໜ້ນໜຽວ ຊື່ຕຣົງຕໍ່ກັນ
   
   
3. ແຕ່ຖານະ ຂ້າບໍ່ພຽງພໍ
   ພໍ່ຂອງນາງ ຈຶ່ງຄອຍກີດກັ້ນ
   ຄວາມຮັກ ທີ່ສ້າງມານັ້ນ
   ບໍ່ນຶກຝັນ ວ່າຈະຖືກທຳລາຍ
   
   
4. ສິ້ນກັນເສັຽ ທີ່ຮັກຂອງຂ້າ
   ຖ້າຂືນຮັກ ກໍຄົງຊໍ້າໃນ
   ຈົ່ງຕັດຮັກ ແລະຕັດເຍື່ອໃຍ
   ຢ່າອາໄລ ໃນຕົວຂ້າເລີຍ…

ເນື້ອຮ້ອງ & ທຳນອງ : ວໍຣະເດດ ດິດທະວົງສ໌ (1970)
ນັກຮ້ອງຕົ້ນສະບັບ : ວໍຣະເດດ ດິດທະວົງສ໌

1. ຢ່າ… ຢ່າຢອກອ້າຍເລີຍ
   ທຳຄວາມຄຸ້ນເຄີຍ ຄ້າຍດັ່ງຈະຮັກ
   ພໍອ້າຍສົນໃຈ ນ້ອງບອກບໍ່ຈັກ
   ຄວາມຮັກເອີຍ ຄວາມຮັກນາງ
   ຈິງຫຼື ພຽງຮັກຫຼິ້ນ
   
   
2. ຢ່າ… ຢ່າບອກອ້າຍເລີຍ
   ວ່າໃຈນ້ອງຍັງ ຮັກອ້າຍສຸດດິ້ນ
   ຍັງຄອງຮັກດຽວ ນັ້ນຢູ່ບໍ່ສິ້ນ
   ໂອ້ຟ້າດິນ ເມື່ອສອງວັນ
   ໃຜຍ່າງຄຽງ ນ້ອງໄປ
   
   
3. ຮັກກໍບອກ ບໍ່ຮັກກໍບອກໃຫ້ຮູ້
   ຢ່າມາຫາຂູ່ ໃຫ້ໃຈອ້າຍຫຼົງລະອາຍ
   
   
4. ຢ່າ… ຢ່າຫຼອກອ້າຍເລີຍ
   ເຖິງອ້າຍເປັນຊາຍ ໃຈງ່າຍກວ່າໃຜ
   ຍັງຄອງຮັກດຽວ ໄດ້ຢ່າງສົດໃສ
   ພໍແລ້ວເອີຍ ຄວາມຮັກລວງ ຂືນຮັກໄປ ກໍຕຣົມ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1966)
ນັກຮ້ອງຕົ້ນສະບັບ : ສ. ແສງສິຣິວັນ

1. ລຳວົງກັນກ່ອນ ສຳຣານໃຈ
   ໃຫ້ຈິດຜ່ອງໃສ ຮ້ອງລຳໄປໃຈເພີນ
   ລຳວົງໂຄ້ງພາກັນເດີນ ລຳວົງໂຄ້ງພາກັນເດີນ
   ສນຸກເຫຼືອເກີນ ເພີນໃຈເພີນເພງ
2. ສາວນີ້ຟ້ອນງາມລຳເກັ່ງ ສາວນັ້ນຟ້ອນງາມລຳເກັ່ງ
   ເອິກເບັງແອວກົມ ໂສມງາມອໍຣະຊອນ
   ຢາກຈະລຳລຳໂຄ້ງ ແມ່ເນື້ອອ່ອນ
   ຢາກຈະເປັນຈອມໃຈແມ່ ງາມງອນ

   ຍິ້ມຈັກໜ່ອຍບັງອອນ ຈະເກັບໄປນອນຝັນເອີຍ…

3. ລຳກັນເປັນຄູ່ ເປັນຄູ່ໄປ
   ລູກໃຜເມັຽໃຜ ໂຄ້ງກັນໄປເລີຍໆ
   ລຳວົງຍິ້ມລົມຊົມເຊີຍ ລຳວົງຍິ້ມລົມຊົມເຊີຍ
   ຕາມແບບທີ່ເຄີຍ ລຳກັນມານານ

4. ຄູ່ນັ້ນສົມກັນດີແທ້ ຄູ່ນີ້ສົມກັນດີແທ້
   ຢ່າດ່ວນຜັນແປ ແສໄປເປັນອື່ນ
   ຈົ່ງຖນອມທອມຮັກ ໃຫ້ຍັ້ງຍືນ
   ຢ່າລວນເລລວນລາມ ທຳຝ່າຝືນ
   ຂືນຄອງປະເພນີ ແລ້ວຈະເສົ້າສີເສັຽໃຈ…