ເພງ “ຢ່າຝືນໃຈຮັກ”

ເນື້ອຮ້ອງ : ສີລາວົງ ແກ້ວ / ທຳນອງ : ບຸນສວັດ ເມກສວັນ
ນັກຮ້ອງຕົ້ນສະບັບ : ສີລາວົງ ແກ້ວ

1. ນ້ອງຢ່າຂົ່ມໃຈ ຮັກອ້າຍນີ້ເລີຍ
   ນ້ອງເອີຍ ຈະເສື່ອມສີ
   ນ້ອງເປັນທິດາ ຕະກຸນຜູ່ດີ
   ສູງສັກມັ່ງມີ ກວ່າອ້າຍ
   
   
2. ເພາະອ້າຍອາພັບ ອັບຈົນເຫຼືອດີ
   ອ້າຍນີ້ ຂໍຫ່າງໄກ
   ຜູ່ໃຫຍ່ນ້ອງນັ້ນ ກີດກັນເຮົາໄວ້
   ນ້ອງຢ່າຝືນໃຈ ດີກວ່າ
   
   
3. ອ້າຍ… ບໍ່ອາດຈະຮັກ
   ບໍ່ກ້າຈະຮັກ ຮັກນ້ອງດອກໜາ
   ອ້າຍ… ມິອາດໄຂວ່ຄວ້າ
   ເພາະວາສນາ ອ້າຍນ້ອຍເກີນໄປ
   
   
4. ນ້ອງຢ່າຂົ່ມໃຈ ຮັກອ້າຍນີ້ເລີຍ
   ນ້ອງເອີຍ ຈົ່ງຫັກໃຈ
   ຢ່າມາພົວພັນ ຮັກຄົນຢ່າງອ້າຍ
   ນ້ອງຈົ່ງຖອນໃຈ ເສັຽທີ…