ໝວດໝູ່: ເພງ

ເນື້ອຮ້ອງ & ທຳນອງ : ສ. ແສງສິຣິວັນ (~1960-70)
ນັກຮ້ອງຕົ້ນສະບັບ : ສ. ແສງສິຣິວັນ

1) ໂອ້ ກຸສົນໃດ
ນ້ອມໃຈ ໃຫ້ມາເຫັນ
ນຶ່ງ ນ້ອງງາມເດັ່ນ
ສົມກັບເປັນ ດອກຟ້າຂອນແກ່ນ

2) ເບິ່ງ ຮອຍຍິ້ມນາງ
ສວຍງາມ ຕິດໃຈແສນ
ຂ້າ ຄົນຕ່າງແດນ
ຢາກລຶ້ງແກ່ນ ຢາກຝາກໄມຕຣີ

• ໄກຄົນລະຖິ່ນ ຟາກຝັ່ງນໍ້າຂອງ
ບຸນຍັງນຳຈ່ອງ ໃຫ້ມາຖິ່ນນີ້
ຈຶ່ງວອນດອກຟ້າ ຂອນແກ່ນປຣານີ
ຂ້າຄົນພັດທີ່ ຂໍຝາກໃຈ

3) ກາບ ວອນຟ້າດິນ
ຄຸ້ມຄອງ ຢ່າໃຫ້ອາຍ
ໂປຣດ ດົນຈິດໃຈ
ສາວຂອນແກ່ນ ໃຫ້ເກີດເອັນດູ…

ເນື້ອຮ້ອງ & ທຳນອງ : ທະວີສິທ ກຸສົລ (~1970)
ນັກຮ້ອງຕົ້ນສະບັບ : ປ. ຕຣີຈັນ

1) ເມື່ອຮັບຄຳສັ່ງ ຟັງແລ້ວໃຈຫາຍ
ເໝືອນຕາຍທັງເປັນ ຄ້າຍຖືກກະເດັນຈາກໂລກນີ້ໄປ
ຫ່ວງໃຍອາວອນ ຣ້າວຣອນດວງໃຈ
ຕ້ອງຈາກຫ່າງໄກ ຖິ່ນເຄີຍສຸກສັນ

2) ດັ່ງຟ້າຂາດເພື່ອນ ດາວເດືອນອັບແສງ
ແຜງຄວາມມືດໝົ່ນ ເໝືອນດັ່ງສາຍຊົນຂາດມັດສານັ້ນ
ຕ້ອງຈຳໃຈລາ ອຸຣາໄຫວຫວັ່ນ
ແລ້ວຈາກຫ່າງກັນ ຕາມທາງແຫ່ງກັມ

• ເປັນເຮືອລຳດຽວ ທີ່ລອຍຢູ່ກາງສາຍຊົນ
ຟອງນໍ້າພັດວົນ ວຽນຕາມ
ເຫັນພຽງຂອບຟ້າ ອຸຣາຣະກຳ
ລະເມີຄວນຄໍ່າ ສຸດຫ່ວງ

3) ນຶກເຖິງໜ້າທີ່ ມີທາງໜ້ານັ້ນ
ຟ້າບັນດານມາ ໃຫ້ໝົດປັນຍາຈະຫຼົບລີ້ລ່ວງ
ຝາກພຽງດວງໃຈ ຮັກໄວ້ເປັນຫ່ວງ
ຄ່ອຍກັບມາທວງ ເມື່ອຄາວສິ້ນເວນ…

ເນື້ອຮ້ອງ & ທຳນອງ : ພົມມະ ພິມມະສອນ (1980)
ນັກຮ້ອງຕົ້ນສະບັບ : ພົມມະ ພິມມະສອນ

1) ຣາຕຣີນີ້ງາມ ຍິ່ງນັກ
ຖ້າຫາກມີຮັກ ມີນ້ອງຄຽງໃກ້
ອ້າຍຄົງເພີດເພີນ ສຸກຊຶ້ງຣຶທັຍ
ຈະກອດເຈົ້າໄວ້ ໃຫ້ສົມອຸຣາ

2) ລົມຫວີດຫວິວປິວ ກິ່ງໄມ້
ເມກຜ່ານລອຍໄຫຼ ໂລມລູບຈັນທຣາ
ງົດງາມເຫຼືອຄຳ ຈະພັນຣະນາ
ຄົງສຸກຈິງໜາ ຖ້າມີຂວັນໃຈ

• ຣາຕຣີນີ້ງາມ ຍິ່ງນັກ
ແຕ່ຂາດຄົນຮັກ ດູງຽບເຫງົາໄປ
ບໍ່ມີນ້ອງນາງ ກໍຂາດຄວາມໝາຍ
ເຈົ້າຫຼົບຢູ່ໃສ ຍອດຊູ້

3) ຈັນສາດສີນວນ ງາມນັກ
ຖ້າຫາກມີຮັກ ມີນ້ອງຄຽງຄູ່
ສອງຄົນພໍ່າພອດ ອອດອ້ອນຊື່ນຊູ
ແຕ່ຂາດຍອດຊູ້ ກໍດູປ່ຽວໃຈ…

ເນື້ອຮ້ອງ & ທຳນອງ : ບຸນທັມ ສຼີພຣົຫ໌ມໄຊຍ໌ (1969)
ນັກຮ້ອງຕົ້ນສະບັບ : ຈັນທີ ສິຣິພອນ

1) ແວ່ວຄຳຝາກຮັກ ຈາກປາກຂອງຊາຍ
ຊາບຊຶ້ງຣຶທັຍ ຄິດໄປນຶກອາຍໄຫວຫວັ່ນ
ເຂົາເຝົ້າວິ່ງວອນ ອ້ອນອອດ
ເຂົາເຝົ້າພໍ່າພອດ ແຕ່ຄຳຫວານ
ເຂົາຊ່າງເສກສັນ ປັ້ນຄຳຍ້ອງຍໍ

2) ໄດ້ຍິນຄຳຮັກ ສລັກຫົວໃຈ
ຫວາບຫວິວຊວງໃນ ຮ້ອນຮົນເໝືອນໄຟສຸມກໍ່
ຫ້າມໃຈຫັກໃຈ ແສນຍາກ
ຫຼືວ່າເກີດຮັກ ເຂົາແລ້ວໜໍ
ຫົວໃຈຈົດຈໍ່ ຕໍ່ເຂົາຜູ່ດຽວ

• ໂອ້…ຄວາມສາວ ເຖິງຄາວແຮກເລີ່ມ
ເໝືອນຮວງເຂົ້າ ພວມເຫີ່ມ
ລໍຄອງຖ້າຄົນ ເກັບກ່ຽວ
ອະນຸພາບຄວາມຮັກ ມີຄົມເໝືອນກຽວ
ພຽງເຂົາບອກຮັກຄຳດຽວ ກ່ຽວຫົວໃຈໃຝ່ຝັນ

3) ຢາກບອກຄຳຮັກ ຮັບຕອບເຂົາໄປ
ໃຫ້ຮູ້ຄວາມໃນ ກໍຍັງນຶກອາຍໃຈສັ່ນ
ຝືນອຳເກັບໄວ້ ໃນອົກ
ເໝືອນໄຟໄໝ້ໝົກ ຈິດສະທ້ານ
ຮັກຕາມພົວພັນ ທຸກວັນແລະຄືນ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1970)
ນັກຮ້ອງຕົ້ນສະບັບ : ບຸນທ່ຽງ ມະນີວົງ

1) ໂອ້ດວງ ສຸຣິຍາ
ສ່ອງນະພາ ແຈ່ມໃສ
ແຫງນງວກ ເບິ່ງໄປ
ພາຫົວໃຈ ໃຫ້ສຸກສັນ

2) ໂອ້ດວງ ຈັນທຣາ
ເດັ່ນບົນຟ້າ ສວັນ
ສູງກວ່າ ເກີນຝັນ
ໃຝ່ຫາຈັນ ມາໄວ້ຄອງ

• ຍາມໃດ ຟ້າແຈ່ມສີ
ໂອ້ສຸຣີ ສົ່ງແສງສ່ອງ
ຍາມໃດ ນະພາຜ່ອງ
ເດືອນຍັງສ່ອງ ແສງລັບລອຍ

3) ໂອ້ດວງ ຈັນສຸຣີ
ແຜ່ໄມຕຣີ ຈັກນ້ອຍ
ຂໍຢ່າ ເລື່ອນລອຍ
ປ່ອຍຫົວໃຈ ໃຫ້ໝອງເສົ້າ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1969)
ນັກຮ້ອງຕົ້ນສະບັບ : ສົມຟອງ ຊົງມີໄຊ

1) ລືມ ຂໍເຊີນອ້າຍລືມ ຄວາມຫຼັງ
ລືມ ລືມຄຳສາບານ ສັນຍາ

2) ລືມ ແມ່ນລືມໄດ້ແລ້ວ ບອກມາ
ລືມ ໃຫ້ລືມຈົນກວ່າ ສິ້ນໃຈ

• ນ້ອງ ເປັນຍິງຕ້ອຍຕໍ່າ
ເຖິງ ຈະຊໍ້າທົນໄດ້
ຍອມ ຫຼີກທາງໃຫ້ໄປ
ແມ່ນອ້າຍລືມໄດ້ ນ້ອງຂໍຂອບໃຈເທົ່າຟ້າ

3) ລືມ ຂໍໃຫ້ອ້າຍລືມ ເຖີດໜາ
ລືມ ຊາດນີ້ຊາດໜ້າ ໃຫ້ລືມ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1993)
ນັກຮ້ອງຕົ້ນສະບັບ : ຄຳຫຼ້າ ໜໍ່ແກ້ວ

1) ໂທ້ໃຈ ໄປຮັກ ເຂົາເຮັດຫຍັງ
ຈະຫວັງ ໃນຮັກ ຈັກພຽງໃດ
ກໍເຂົາ ມີແລ້ວ ຄົນຄູ່ໃຈ
ຈະໝາຍ ປອງຮັກ ຄົງໝົດທາງ

2) ເມື່ອເຫັນ ເມື່ອພົບ ປະສົບຕາ
ດັ່ງວ່າ ໃຈເຂົາ ຈະຈິງຈັງ
ຮູ້ທັນ ບັນຫາ ທີ່ປ່ຽນພະລັງ
ຫາທາງ ມຸ່ງຫວັງ ສົມດັ່ງໝາຍ

• ແຕ່ຄິດແລ້ວ ຄົງຈະຍາກ
ຄົງລຳບາກ ສຸດວິສັຍ
ສຸດຈະຝືນ ຄວາມຝັນໃຝ່
ສຸດຫ້າມໃຈ ຫວນໄຫ້ຮຽກຫາ

3) ຊາດນີ້ ຄົງໄດ້ ໄດ້ແຕ່ຄິດ
ເສົ້າຈິດ ຄິດແລ້ວ ໝອງອຸຣາ
ຢ້ານບໍ່ສົມ ດັ່ງມາດ ປຣາຖນາ
ຄິດວ່າ ຊາດນີ້ ຄົງຜິດຫວັງ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1999)
ນັກຮ້ອງຕົ້ນສະບັບ : ຄຳຫຼ້າ ໜໍ່ແກ້ວ

1) ເຖິງນ້ອງຈະຜ່ານ ຊາຍມາຫຼາຍຄົນ ບໍ່ສົນຄວາມຫຼັງ
ເຖິງຈະເປັນຮ້າງ ຫຼືວ່າເປັນໝ້າຍ
ໂອ້ທາງຊີວິດ ພາດຜິດພຽງໃດ
ພັ້ງມາຫາໃໝ່ ຍັງໄດ້ຍັງມີ

2) ເຖິງວ່າຄົນອື່ນ ຊິງຊັງໝາງເມີນ ຫ່າງເຫີນເມີນໄກ
ຖອນເຍື່ອຖອນໃຍ ຖອນໃຈໜ່າຍໜີ
ອ້າຍຍັງສົນໃຈ ປອງໝາຍໄມຕຣີ
ຢາກໄດ້ເປັນສີ ຊີວາ

• ຢ່າໂສກເລີຍເຈົ້າ ຢ່າເສົ້າໝົ່ນໝອງ
ຜົນບຸນໜຸນຈ່ອງ ແຕ່ຊາດກ່ອນມາ
ເຮົາເຂົ້າໃຈກັນ ຮັກກັນດີກວ່າ
ຄວາມຫຼັງຜ່ານມາ ຖືວ່າຝັນໄປ

3) ຮັກຈິງຍິ່ງໃຫຍ່ ດ້ວຍໃຈໝັ້ນຄົງ ຊື່ຕຣົງຈົງຮັກ
ດ້ວຍໃຈສມັກ ພັກດີຕລອດໄປ
ພ້ອມກັນສ້າງສັນ ສວັນອຳໄພ
ຢ່າຫວັ່ນຢ່າໄຫວ ພັຍພານ…
(ເທື່ອສຸດສຸດທ້າຍ ເຖີດໜາ…)

ເນື້ອຮ້ອງ & ທຳນອງ : ..?.. (~1970)
ນັກຮ້ອງຕົ້ນສະບັບ : ບົວ ບັງໃບ (ທ່ອນໃບ ສວັນມີໄຊ)

1) ເມື່ອເຮົາສອງ ຫວັງຄອງຮັກກັນ
ຫວັງຜູກພັນ ໃຫ້ຄຳໝັ້ນໝາຍ
ແຕ່ຄວາມຮັກ ເຮົາຕ້ອງກັບກາຍ
ຖືກກັ້ນໄວ້ ຫວ່າງໃຈເຮົາສອງ

2) ອັນຄວາມຫວັງ ທີ່ເຮົາຕັ້ງໃຈ
ຢ້ານມະລາຍ ຊໍ້າໃນກັດໜອງ
ຄົງບໍ່ຄິດ ວ່າໃຈເຮົາສອງ
ນັ້ນໝາຍປອງ ຮັກກັນເທົ່າໃດ

• ໃຈໜໍໃຈ ຂອງຄົນໜໍນີ້
ບໍ່ປຣານີ ສົງສານຫຼືໃດ
ຈຶ່ງກັ້ນກາງ ຮັກຫ້າມຫົວໃຈ
ໃຫ້ຮັກກາຍ ໄປເປັນຄວາມຝັນ

3) ເມື່ອເຮົາສອງ ໝາຍປອງຝັນໃຝ່
ຢ້ານຊໍ້າໃນ ດວງໃຈແປຜັນ
ຫາກທ່ານຄິດ ເມດຕາຈັກວັນ
ຄົງສຸກສັນ ໃນວັນນັ້ນເອີຍ…

ເນື້ອຮ້ອງ & ທຳນອງ : ຄຳໃບ ຄຳຊະນະ (~1965)
ນັກຮ້ອງຕົ້ນສະບັບ : ຈັນທີ ສິຣິພອນ

1) ຄວາມຫຼັງນັ້ນຫຼື ນ້ອງຈະລືມໄດ້
ມັນຝັງແນບຕິດດວງໃຈ ນ້ອງລືມບໍ່ໄດ້ເລີຍໜາ
ມັນປຽບເຂັມເພັດ ທີ່ມາຝັງລົງບົນແຜ່ນສີລາ
ຈະມີໃຜກ້າ ຖອນມາຈາກຜືນທໍຣະນີ

2) ຄວາມຫວັງຫັກຫຼັງ ຈຳຕ້ອງສູນສິ້ນ
ຈະຂໍສັ່ງຟ້າຝາກດິນ ອິນພົມຈົ່ງໄດ້ເປັນສັກຂີ
ຊາດໜ້າຈົ່ງພົບ ສຸກສົມອຸຣາຢ່າໄດ້ໜ່າຍໜີ
ຢ່າໄດ້ເໝືອນຊາດນີ້ ທີ່ມີແຕ່ຄວາມເສົ້າໃຈ

• ຄວາມຮັກຄັ້ງກ່ອນ ນ້ອງພຽງແຕ່ຄິດຢາກລອງ
ແຕ່ເໝືອນຟ້າດິນຊ່ວຍປ້ອງ ໃຫ້ຄອງຮັກໃນຫົວໃຈ
ຈະໃຫ້ນ້ອງລືມ ຈະລືມໄປໄດ້ຢ່າງໃດ
ມັນປັກຝັງລຶກຊວງໃນ ພາຫົວໃຈໃຝ່ຝັນ

3) ກ່ອນນັ້ນນ້ອງຄິດ ສ້າງຄວາມຫວັງໄວ້
ແຕ່ແລ້ວກໍຕ້ອງຈຳໃຈ ເພາະຮັກບໍ່ໄດ້ດັ່ງຝັນ
ມັນພາດຄວາມຫວັງ ທີ່ເຄີຍຫວັງປອງຕ້ອງປ່ຽນເຫຫັນ
ຍ້ອນຄວາມຮັກນັ້ນ ວິມານສລາຍແລ້ວເອີຍ…