ເພງ “ຄົນໄຮ້ຮັກ”

ເນື້ອຮ້ອງ & ທຳນອງ : ພົມມະ ພິມມະສອນ (1969)
ນັກຮ້ອງຕົ້ນສະບັບ : ໄຊຊະນະ ທານະດາບຸດ

1. ເມກໝອກບັງຟ້າ ນະພາມືດມົວ
   ທ້ອງຟ້າສລົວ ໃຈຂ້າມົວດັ່ງຟ້າ
   ນໍ້າຝົນໄຫຼຫຼັ່ງ ອັ່ງເອີ່ລົ້ນທາຣາ
   ດັ່ງເຊັ່ນນໍ້າຕາ ຫຼັ່ງມາຈາກຫົວໃຈ
   
   
2. ໄຮ້ເພື່ອນຊີວິດ ຊິດຄຽງອຸຣາ
   ນ້ອຍວາສນາ ໂຊກຊາຕາຂີດໄວ້
   ຊູ້ເມີນໜີໜ້າ ສຸດກູ່ຫາຟ້າໄກ
   ບາບເວນຫົນໃດ ທຳໄວ້ຕາມສນອງ
   
   
3. ແສນເສົ້າໃຈໜັກ ຮັກເອີຍເຄີຍຊື່ນໃຈ
   ກັບມາສລາຍໄປ ຫົວໃຈຈຶ່ງໝົ່ນໝອງ
   ຄົງເຫຼືອພຽງພິມ ພາບຮຽງຄຽງຄອງ
   ເກາະກິນໃຈໝອງ ຣະທົມທຸກນາທີ
   
   
4. ຄິດຢາກຈະຕາຍ ເສັຽໃຫ້ພົ້ນກັມ
   ໜີເວັ້ນຄວາມຊໍ້າ ພົ້ນເວນກັມທີ່ມີ
   ແສນທົນທຸກຍິ່ງ ຂາດຍອດຍິງປຣານີ
   ຢາກຕາຍເຫຼືອດີ ຢາກໜີຈາກໂລກາ…