ເນື້ອຮ້ອງ & ທຳນອງ : ສ. ແສງສິຣິວັນ (1965)
ນັກຮ້ອງຕົ້ນສະບັບ : ຄຳເຕີມ ຊານຸບານ
- ພຽງນ້ອງຈາກລານໍ້າຕາຂ້າຕົກ
ເຈັບຊໍ້າຣະກຳໃນອົກ ດັ່ງໄຟນະຣົກເຜົາໃຈ
ເຫັນໜ້າທຸກວັນ ນ້ອງກໍຈາກໄປ
ສູ່ຖິ່ນແຄວ້ນອັນແສນໄກ ຂ້ານີ້ອາລັຍອາວອນ… - ຍິນສຽງອ່ອນຫວານ ນ້ອງນັ້ນເອີ້ນສັ່ງ
ວ່ານ້ອງຂໍລາໄກຫ່າງ ຂ້າສຸດອ້າງວ້າງເພັຽອ່ອນ
ນ້ອງຈົ່ງໂຊກດີ ເຖີດໜາງາມງອນ
ຈາກໄປແລ້ວຢ່າລືມຂ້າກ່ອນ ຈົ່ງສັງວອນວ່າຂ້າຫ່ວງໃຍ… - ໂປຣດຄິດ ເມດຕາຂ້ານີ້ນ້ອຍນຶ່ງ
ຈົ່ງມອງໃຈຂ້າໃຫ້ຊຶ້ງ ວ່າຫຼົງຄະນຶງພຽງໃດ
ຄິດຢາກບອກ ວ່າຮັກກໍເກງໃຈ
ເກັບຄວາມລັບຊ້ອນເອົາໄວ້ ດ້ວຍຂ້າອາຍຂ້າອາຍ… - ສິ້ນສຽງສັ່ງລາ ນ້ອງຂ້າກໍຫ່າງ
ສູ່ທ້ອງນະພາແສນກວ້າງ ຂ້າແລມອງຄ້າງນ້ອຍໃຈ
ກົ້ມໜ້ານໍ້າຕາ ກໍລິນຕົກໃນ
ໝົດທາງແລ້ວທີ່ຂ້າຈະໄດ້ ເປີດຫົວໃຈວ່າຮັກແກ້ວຕາ…
