ເນື້ອຮ້ອງ : ວິລລ້ຽມ ດິດທະວົງສ໌ / ທຳນອງເພງສາກົນ
ນັກຮ້ອງຕົ້ນສະບັບ : ວິລລ້ຽມ ດິດທະວົງສ໌
- ຄິດແລ້ວພາເສົ້າ ເຫງົາໃຈສຸດໝອງ
ເມື່ອຄົນທີ່ປອງ ຕ້ອງມາພັດພາກ ໄປຈາກຄວາມຝັນ
ເມື່ອຮັກສູນຫ່າງ ຍິ່ງພາຕື້ນຕັນ
ຮັກນັ້ນມາ ແຜດເຜົາ
ໄໝ້ສຸມອຸຣາ ນໍ້າຕາຕົກໃນ… - ໂອ້ຟ້າ ເຈົ້າເອີຍ ບໍ່ເຄີຍ ເຫັນໃຈ
ພາກຮັກ ຂ້າໄປ ໃຫ້ເສົ້າ ໂສກີ - ເມື່ອຮັກຕ້ອງສິ້ນ ໄປຈາກໂລກນີ້
ຄວາມຫວັງທີ່ມີ ກໍຕ້ອງທະລາຍ ໄປຈາກອຸຣາ
ຂໍຟ້າໄດ້ໂປຣດ ສົງສານເຖີດໜາ
ໃຫ້ຮັກຂ້າ ກັບມາ
ພົບກັນອີກຄາ ໃນຊາດໜ້າເອີຍ…
