ເພງ “ຫາກໂລກນີ້ມີເຮົາສອງ”

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1967)
ນັກຮ້ອງຕົ້ນສະບັບ : ບຸນທ່ຽງ ມະນີວົງສ໌

1. ຢາກໃຫ້ໂລກນີ້ ມີເຮົາສອງຄົນ
   ເຮົາຄົງຈະພົ້ນ ຈາກການຕິສິນ
   ຄວາມຮັກຄວາມຫວັງ ເຮົານັ້ນ
   ຄົງຈິງດັ່ງຝັນຢູ່ອາຈິນ ສົມດັ່ງຖວິນ ຝັນໃຝ່
   
   
2. ຫາກໃນໂລກນີ້ ມີເຮົາສອງຄົນ
   ເຮົາຄົງສຸກລົ້ນ ຍິ່ງກວ່າສຸກໃດ
   ໃຈນ້ອງໃຈອ້າຍ ໝັ້ນເໝາະ
   ມີພຽງສະເພາະບໍ່ເພື່ອໃຜ ຕັ້ງຈິດໝັ້ນໝາຍແນ່ນອນ
   
   
3. ແຕ່ໃນໂລກນີ້ ຍັງມີມະນຸດສຸດພັນລະນາ
   ຄອຍເຕືອນຄອຍວ່າ ຄອຍຫຼອກຄອຍຫຼອນ
   ຢູ່ໃສມີຮັກຢູ່ຫັ້ນມີທຸກ ສຸດແສນອາວອນ
   ໄດ້ຍິນຄຳສອນ ວ່າວອນສອນມາ
   
   
4. ຫາກແມ່ນໂລກນີ້ ມີເຮົາສອງຄົນ
   ໂລກາຈະພົ້ນ ຈາກພັຍນາໆ
   ຄວາມໂລບຄວາມຫຼົງ ຄວາມໂກດ
   ຄົງເບົາແຮງລົດກວ່າເຄີຍມາ ສິ້ນຄວາມອິດສາສົມປອງ…