ສາຣະບານເພງລາວ ຊຸດທີ່ 02 (ເລີ່ມຕົ້ນເຜີຍແຜ່ ວັນທີ່ 27 ມີນາ 2017) 51 - ຟັງນະທີ່ຮັກ 52 - ນາງທີ່ຮັກ 53 - ເຫຼືອພຽງພາບ 54 - ດ້ອຍສັກຮັກສິ້ນ 55 - ນຶ່ງໃນອານາ 56 - ຢ່າບັງຄັບໃຈ 57 - ສຸດປຣາຖນາ 58 - ຫຼວງພຣະບາງເມືອງງາມ (ຍິງ) 59 - ໂອ້! ເມືອງຫຼວງ 60 - ຝາກເພງແທນໃຈ 61 - ປຣານີດ້ວຍເຖີດ 62 - ຮັກເຈົ້າດອກຈຶ່ງຢອກຫຼິ້ນ 63 - ຈູບຝັງຮອຍ 64 - ຈູບຝາກຮັກ 65 - ເຖິງຍອດຮັກທີ່ຊຽງຂວາງ 66 - ຂອບໃຈ 67 - ນໍ້າຂອງຍາມແລງ 68 - ອ້າຍຈະຄອຍ 69 - ບາງທີ 70 - ຂາດຮັກ 71 - ເອື້ອມບໍ່ເຖິງ 72 - ຈະຮັກໃຜດີ 73 - ດ້ວຍເຫດໃດນ້ອງຈຶ່ງລືມ 74 - ດົງຮັກດົງສລາຍ 75 - ກັບມາຮັກກັນໃໝ່ເຖີດທີ່ຮັກ 76 - ລືມເສັຽເຖີດ 77 - ຣະທົມເມື່ອລົມໜາວ 78 - ຈັນຄູ່ຟ້າ 79 - ຜູ່ຊາຍລວງ 80 - ຝົນເຈົ້າເອີຍ 81 - ຝົນມາຂ້າເສົ້າ 82 - ຟ້າຫຼືຈະກັ້ນ 83 - ນ້ອງຂໍເປັນຄົນເຫັນໃຈ 84 - ຣາຕຣີພາຝັນ 85 - ເພັດໃນຕົມ 86 - ຄິດຮອດຄວາມຮັກ 87 - ພຽງແຕ່ຄຶດ 88 - ຢ່າກວນໃຈ 89 - ຢອກບໍ່ໄດ້ເບາະ 90 - ຢາກຈະບອກ 91 - ຍອດຊູ້ຄູ່ໃຈ 92 - ຄອຍຮັກ 93 - ແສງເດືອນເຕືອນໃຫ້ເສົ້າ 94 - ເງິນໜໍເງິນ 95 - ບໍ່ເຄີຍ 96 - ສາວໂພນໂຮງ 97 - ເມືອງຊຳລຳລຶກ 98 - ບ້ານແມ້ວ 99 - ຫຼົງຮັກເມັຽເຂົາ 100 - ລາກ່ອນຈາກ
ເພງ “ຟັງນະທີ່ຮັກ”
ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1965)
ນັກຮ້ອງຕົ້ນສະບັບ : ບຸນທົງ ວົງສາລີ
1) ຟັງນະຟັງນະ ຟັງນະຄົນດີ
ຢູ່ໃນໂລກນີ້ ມີໃຜຮັກນ້ອງຫຼາຍກວ່າ
ຮັກລົ້ນຫົວໃຈ ໄຫຼຖ້ວມແຜ່ນດິນແຜ່ນຟ້າ
ຝັງແໜ້ນຢູ່ໃນອຸຣາ ສຸດປຣາຖນາຟັງນະຄົນດີ
2) ຟັງນະຟັງນະ ຟັງນະດວງໃຈ
ບໍ່ເຄີຍຮັກໃຜ ຮັກຫຼາຍລົ້ນໃຈພຽງນີ້
ອ້າຍຂໍສາບານ ທັງໄຫວ້ວອນວານພູຕຜີ
ຂໍໃຫ້ແມ່ທໍຣະນີ ສູບເອົາຊີວີອ້າຍນີ້ທັງເປັນ
• ເລັງດູຫົວໃຈ ອ້າຍດູ໋ວ່າມີໃຜຢູ່
ນອກຈາກຍອດຊູ້ ຄູ່ເຊີຍມີເຄີຍຫວ່າງເວັ້ນ
ນາງເປັນຍອດຮັກ ຍອດຍິງທີ່ອ້າຍເຄີຍເຫັນ
ຈຶ່ງເລືອກໄວ້ເປັນ ຣາຊີນີຄອບຄອງດວງມານ
3) ຟັງນະຟັງນະ ຟັງນະຈອມໃຈ
ເກີດມາຊາດໃດ ຂໍໃຫ້ພົບນ້ອງຊາດນັ້ນ
ຈະມີຫຼືຈົນ ຊ່າງເຖີດບໍ່ເຫັນສຳຄັນ
ຂໍໃຫ້ໄດ້ຢູ່ຄຽງຂວັນ ຕຣາບຊົ່ວຊີວັນເທົ່ານັ້ນກໍພໍ…
ເພງ “ນາງທີ່ຮັກ”
ເນື້ອຮ້ອງ & ທຳນອງ : ສີລາວົງ ແກ້ວ (1970)
ນັກຮ້ອງຕົ້ນສະບັບ : ສີລາວົງ ແກ້ວ
1) ນາງປານນີ້ ເຈົ້າຢູ່ຫົນໃດ
ເຈົ້າຄົງນອນເພີ້ຫຼັບໃຫຼ ຫຼືວ່ານັ່ງລົມໃຜຢູ່
ນ້ອງນາງ ເຈົ້າຄົງບໍ່ຮູ້
ເຈົ້າຄົງບໍ່ຮູ້ ວ່າອ້າຍຄວນຫາ
2) ນາງປານນີ້ ເຈົ້າຢູ່ຫົນໃດ
ເຈົ້າຄົງສົດຊື່ນແຈ່ມໃສ ຫຼືວ່າເສົ້າໂສກໂສກາ
ຫົວໃຈ ອ້າຍຍັງຄວນຫາ
ອ້າຍຍັງຮຽກຫາ ນາງທຸກນາທີ
• ເຈົ້າຢູ່ຫົນໃດ ຄົນດີເຈົ້າຢູ່ຫົນໃດ
ໂສກຕຣົມໝອງໄໝ້ ຫຼືນາງສຸກສົມຣຶດີ
ສຸດທີ່ຮັກເອີຍ ເມື່ອຍາມຄໍ່າຄືນຢ່າງນີ້
ສຸດໂສກີ ສຸດອາລັຍ
3) ນາງຄົນດຽວ ອ້າຍຮັກລົ້ນຊວງ
ຄົນດຽວທີ່ອ້າຍເຝົ້າຫວງ ຖນອມມິເຄີຍແໜງໜ່າຍ
ຮັກນາງ ດັ່ງໜຶ່ງດວງໃຈ
ຍິ່ງກວ່າອື່ນໃດ ໃນໂລກນີ້ເອີຍ…
ເພງ “ເຫຼືອພຽງພາບ”
ເນື້ອຮ້ອງ & ທຳນອງ : ສ. ແສງສິຣິວັນ (1965)
ນັກຮ້ອງຕົ້ນສະບັບ : ສຸມຸນທາ ສີຣິມະໂນທັມ
1) ເຫຼືອພຽງແຕ່ພາບ ໄວ້ໃຫ້
ສ່ວນດວງໃຈ ນ້ອງຖອນຄືນເສັຽແລ້ວ
ສິ້ນຄວາມຮັກ ຊໍ້າໜັກອຸຣາຮ້ອນແຜ່ວ
ຮັກບໍ່ເຄີຍແນ່ແນ່ວ ເມື່ອຮັກແລ້ວກໍສູນໄປ
2) ເຫຼືອຮອຍສລັກ ໄວ້ວ່າ
ຊົ່ວດິນຟ້າ ຮັກນີ້ບໍ່ເຊື່ອມຄາຍ
ແຕ່ຕົວນ້ອງ ນັ້ນຈາກໄປໄກແສນໄກ
ຮັກອ້າຍຕ້ອງສລາຍ ເພາະໃຈນ້ອງບໍ່ເມຕຕາ
• ພາບແຜ່ນນີ້ ອ້າຍຈະເກັບໄວ້
ເພື່ອເຕືອນຫົວໃຈ ວ່າຍິງນີ້ໄດ້ລວງຂ້າ
ຈະຈຳຈົນຕາຍ ຫົວໃຈຍິງຫຼາຍມານຍາ
ຫຼອກຂ້າຊໍ້າແທບເປັນບ້າ ບໍ່ເວທນາເຫັນໃຈ
3) ຫຼຽວມອງເຫັນພາບ ນ້ອງຍິ້ມ
ດັ່ງຈະເຢີ້ຍ ອ້າຍນີ້ໃຫ້ອັບອາຍ
ບຸນຂ້ານ້ອຍ ນ້ອງຈຶ່ງປ່ອຍຮັກໜີໄປ
ຊໍ້າໃນອົກບໍ່ຫາຍ ແມ່ນຕາຍອ້າຍຄົງບໍ່ລືມ
ເພງ “ດ້ອຍສັກຮັກສິ້ນ”
ເນື້ອຮ້ອງ & ທຳນອງ : ສ. ແສງສິຣິວັນ (1971)
ນັກຮ້ອງຕົ້ນສະບັບ : ສຸມຸນທາ ສີຣິມະໂນທັມ
1) ເສັຍດາຍຄວາມຮັກທີ່ເຄີຍປັກໃຈແນ່ແນ່ວ
ຂ້າໝົດສິ້ນແລ້ວຮັກເຄີຍສຸກສົມອຸຣາ
ຕ້ອງທົນສະອື້ນປວດໃຈນໍ້າຕາຈົນໄຫຼອາບໜ້າ
ດັ່ງຟ້າຜ່າລົງກາງໃຈ…
2) ສອງເຮົາເຄີຍຫວັງຈະເດີນຮ່ວມທາງຄູ່ກັນ
ຫວັງສ້າງຄວາມຝັນນັ້ນໃຫ້ເປັນຈິງດັ່ງໝາຍ
ຂ້າເລີຍສະທ້ອນອ່ອນຊວງເພາະຄວາມຂັດຂວາງຜູ່ໃຫຍ່
ເຈັບໃຈຊໍ້າໃຈເຫຼືອທົນ…
• ຂ້ານີ້…ບຸນນ້ອຍດ້ອຍສັກ
ຝາກຄວາມຮັກແກ່ໃຜກໍຂັດສົນ
ຫົວໃຈຕື້ນຕັນດ້ວຍມີແຕ່ມານຜະຈົນ
ຈຶ່ງຈຳຕ້ອງຜີກຕົນຫຼີກທາງນ້ອງໄປ…
3) ຂ້າເອງກໍຮູ້ຢູ່ເຕັມແກ່ນໃຈໄດ້ດີ
ຮູ້ວ່ານ້ອງນີ້ກໍຍັງຊື່ຕຣົງໝັ້ນໃຈ
ດ້ວຍຄວາມບັງຄັບໜີບເຕັງດ້ວຍຄວາມຂົ່ມເຫັງຜູ່ໃຫຍ່
ຈິດໃຈນ້ອງຈຶ່ງຜັນແປ…
ເພງ “ນຶ່ງໃນອານາ”
ເນື້ອຮ້ອງ & ທຳນອງ : ສີລາວົງ ແກ້ວ (1970)
ນັກຮ້ອງຕົ້ນສະບັບ : ສີລາວົງ ແກ້ວ
1) ທ່າແຂກ ເປັນແດນທີ່ງາມເຢັນຕາ
ມີພູຜາ ຫຸ້ມລ້ອມດັ່ງນຶ່ງກຳແພງ
ຖືກກ່າວຂານ ລືລັ່ນໄປທຸກຫົນແຫ່ງ
ວ່າເປັນເຂດແຂວງ ອຸດົມສົມບູນວິໄລ
2) ທ່າແຂກ ສວຍງາມດັ່ງແດນວິມານ
ເປັນຖິ່ນຖານ ທີ່ຂ້າຮັກດັ່ງດວງໃຈ
ຂ້າທົນທຸກ ໂສກຕຣົມຣະທົມໝອງໄໝ້
ເມື່ອຢູ່ຫ່າງໄກ ຖິ່ນຖານບ້ານເກີດເມືອງນອນ
• ຈຳໃຈຈາກ ພຽງຊົ່ວເວລາ
ຈຶ່ງຂໍລາ ທຸກຄົນໄປກ່ອນ
ບໍ່ຢາກໜີ ບໍ່ຢາກຈາກຈອນ
ສຸດອາວອນ ຖອນໃຈເສົ້າໂສກວິນຍາ
3) ທ່າແຂກ ສວຍງາມດັ່ງແດນສວັນ
ອີກບໍ່ນານ ຂ້ານີ້ຈະຕ່າວກັບມາ
ເຈົ້າເປັນແດນ ທີ່ງາມເລີດໃນຜືນຫຼ້າ
ນຶ່ງໃນອານາ ງາມແທ້ທ່າແຂກນີ້ເອີຍ…
ເພງ “ຢ່າບັງຄັບໃຈ”
ເນື້ອຮ້ອງ & ທຳນອງ : ສ. ແສງສິຣິວັນ (1970)
ນັກຮ້ອງຕົ້ນສະບັບ : ສົມຟອງ ຊົງມີໄຊ
1) ຢ່າບັງຄັບ ບັງຄັບໃຈຄົນເລີຍທ່ານ
ເພາະຄົນນັ້ນ ຍຶດໝັ້ນໃຈຕົນເປັນໃຫຍ່
ແມ່ນມີຮັກ ກໍຢາກເລືອກເອົາຕາມໃຈ
ບໍ່ວ່າສິ່ງໃດ ຫາກພໍໃຈກໍຈຶ່ງຕ້ອງການ
2) ຢ່າບັງຄັບ ບັງຄັບໃຫ້ຄົນຊໍ້າຈິດ
ຢ່າໄປຄິດ ຖືສິດເໜືອໃຈຄົນນັ້ນ
ຫົວໃຈນີ້ ມີສິດເສຣີທົ່ວກັນ
ຈະຄິດຈະຝັນ ຈະຮັກໃຜໄດ້ທັງນັ້ນແລ
• ຖານະສັກສີ ມິອາດຂວາງກັ້ນ
ເມື່ອໃຈຄົນນັ້ນ ຮັກກັນແນ່ວແນ່
ແມ່ນຖືກຂັດຂວາງ ຄົງຊໍ້າຊວງໃຈເປື່ອຍເປັນແຜ
ຫາກຕາມໃຈ ໃຈຄົງສຸກແທ້
ທ່ານເອີຍ ຢ່າບັງຄັບໃຈ
3) ຢາກບັງຄັບ ບັງຄັບເຄື່ອງຍົນດີກວ່າ
ອີກນາວາ ນັ້ນກໍພໍບັງຄັບໄດ້
ທ່ານຢ່າຄິດ ບັງອາດຖືບັງຫຽນໃຈ
ຈົ່ງຄິດຜ່ອນຄາຍ ຢ່າໄປຂວາງຫົວໃຈຄົນເລີຍ…
ເພງ “ສຸດປຣາຖນາ”
ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1969)
ນັກຮ້ອງຕົ້ນສະບັບ : ໄຊຊະນະ ທານະດາບຸດ
1) ໃຈ… ເກືອບຈະຂາດແລ້ວ
ດ້ວຍຮັກດວງແກ້ວ ເຕັມທີ່
ໃນ… ຜືນໂລກເຮົານີ້
ດຸດດັ່ງຈະມີ ພຽງນ້ອງຄົນດຽວ
2) ຝັນ… ຫຼັບຕາກໍຝັນ
ເຝົ້າເພີ້ຣຳພັນ ຝັນກ່ຽວ
ມີ… ນຶ່ງນ້ອງນາງດຽວ
ສຸດໜ່ຽວສຸດຢັ້ງ ຝັງໃຈ
• ເໝືອນມົນສະກົດ ດວງໃຈ ໃຫ້ໃຝ່ຝັນຫາ
ສຸດປຣາຖນາ ສຸດຫ່ວງການດາ ທຸກລົມຫາຍໃຈ
ຮັກຈິງຈຶ່ງບອກ ຢ່າຫຼອກໃຫ້ຫຼົງ ພະວົງມິວາຍ
ຢ່າຫຼອກໃຫ້ຊໍ້າ ຢ່າຫຼອກໃຫ້ອາຍ ຢ່າໝາຍພຽງລວງ
3) ໂທ່!… ສຸດປຣາຖນາ
ສຸດຢັ້ງອຸຣາ ບ້າບ່ວງ
ໃຈ… ອ້າຍຫ່ວງອ້າຍຫວງ
ໂອ້! ເທບບົນສວງ ຂໍທີ…
ເພງ “ຫຼວງພຣະບາງເມືອງງາມ” (ຍິງ)
ເນື້ອຮ້ອງ & ທຳນອງ : ບຸນທັມ ສຼີພຣົຫ໌ມໄຊຍ໌ (2016)
ນັກຮ້ອງຕົ້ນສະບັບ : ຈັນທ໌ຫອມ ປັນຈະພາຣົມຍ໌
1) ໂອ້ດິນແດນ ແຄວ້ນແຫ່ງຄວາມຝັນ
ເມືອງແມນສວັນ ທວຍເທບເທວັນສັນສ້າງ
ສົມຄຳເລົ່າລື ເມືອງຫຼວງພຣະບາງ
ປຣາສາດວຽງວັງ ແວວວາວສະດຸດຕາ
2) ພຣະທາດພູສີ ສວຍເດັ່ນເລີດລໍ້າ
ເຫຼື້ອມລາຍຫຼໍ່ຄຳ ເປັນມິ່ງຂວັນງາມສງ່າ
ຜອງຊົນທົ່ວໄປ ໃຈລ້ວນເມຕຕາ
ພຸທສາສນາ ນຳພາສືບສານ
• ຊຽງທອງ ສ່ອງແສງວິໄລ
ຫຼຽວແລແຫ່ງໃດ ຊວນຈິດໃຈເບີກບານ
ເພີນ…ທ່ຽວຊົມ ເລາະແຄມນໍ້າຄານ
ງາມສາຍແມ່ຂອງໄຫຼຜ່ານ ສຽງຂານຂັບທຸ້ມກ້ອງໄກ
3) ຖິ່ນແດນໃດ ໃສໄປ່ປຽບເໝືອນ
ຝັງຈຳຕິດເຕືອນ ມິອາດຫຼົງເລືອນລືມໄດ້
ຍິ້ມນັ້ນແນບຕຣຶງ ຊາບຊຶ້ງຣຶທັຍ
ມີຄ່າຄວາມໝາຍ ໄມຕຣີຕໍ່ກັນ
•• ເມືອງຊວາ ສຸດແສນຣື່ນຣົມ
ໄດ້ຢາມຢ້ຽມຊົມ ສຸກສົມຈິນຕະນາການ
ຍິນ…ເຣື່ອງຣາວ ເຄົ້າມູນຕຳນານ
ພູທ້າວພູນາງຕຣະຫງ່ານ ສຽງຫວານສອດສອຍປຣະທັບໃຈ….
ເພງ “ໂອ້…ເມືອງຫລວງ”
ເນື້ອຮ້ອງ & ທຳນອງ : ວິລລ້ຽມ ດິດທະວົງສ໌ (1970)
ນັກຮ້ອງຕົ້ນສະບັບ : ວິລລ້ຽມ ດິດທະວົງສ໌
1) ໂອ້… ເມືອງຫຼວງເອີຍ
ຂ້ານີ້ເຄີຍ ໄປມາຄັ້ງນຶ່ງ
ໃຈຂ້າ ສຸດຊຶ້ງ
ເພາະເມືອງຫຼວງ ນີ້ງາມເຫຼືອກ່າວ
2) ງາມໝົດ ທຸກສິ່ງ
ແມ່ນແຕ່ຍິງ ກໍງາມເຫຼືອເວົ້າ
ຂ້າໄດ້ ແຕ່ເຝົ້າ
ຫຼົງຮັກສາວ ເມືອງຫຼວງລົ້ນໃຈ
• ໂອ້… ເມືອງຫຼວງເອີຍ
ຄົງເປັນກັມ ຂອງຂ້າກໍໄດ້
ຈຶ່ງຕ້ອງ ຈາກໄປ
ໄກກັບສາວ ເມືອງຫຼວງຂອງຂ້າ
3) ໂອ້… ສຸດທີ່ຮັກ
ແມ່ນໄກກັນ ຄົນລະຟາກຟ້າ
ຈັກວັນ ດອກໜາ
ຟ້າຄົງພາ ໃຫ້ເຮົາພົບກັນ…
