ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1968)
ນັກຮ້ອງຕົ້ນສະບັບ : ຈັນທະຣາ ອຸເທນສັກດາ
1) ອ້າຍພຽງແຕ່ຄຶດ ເທົ່ານັ້ນ
ບໍ່ເຄີຍລັ່ນປາກ ກັບໃຜ
ທ້ອນໂຮມຄວາມຄຶດ ອັດໄວ້ໃນໃຈ
ເຫັນນ້ອງເທື່ອໃດ ຫົວໃຈມັນເຕັ້ນຕຶກຕັກ ໆ
2) ອ້າຍພຽງແຕ່ຄຶດ ເທົ່ານັ້ນ
ບໍ່ເຄີຍຝັນວ່າ ຈະຮັກ
ຢ້ານນ້ອງຕອບມາ ວ່າບໍ່ຮູ້ຈັກ
ຄວາມນັ້ນມັນຍາກ ມັນແສນລຳບາກຈະບອກໃຫ້ຟັງ
• ແບກຄວາມຄຶດໄວ້ ໃນໃຈດົນແລ້ວ
ລຽນກັນເປັນແຖວ ຢູ່ໃນຄວາມຫວັງ
ຄຶດໄປຄຶດມາ ຢ້ານບໍ່ມີທາງ
ຫົວໃຈມັນຄວນຄາງ ຮື… ຄຶດຢາກກືນກິນເສັຽເລີຍ
3) ອ້າຍພຽງແຕ່ຄຶດ ເທົ່ານັ້ນ
ບໍ່ຕ້ອງໄຫວຫວັ່ນ ຫຍັງເລີຍ
ຄຶດຫຼິ້ນຄຶດຫົວ ໃຫ້ໃຈສະເບີຍ
ແທ້ຈິງບໍ່ເຄີຍ ຈິເວົ້າຈິເອີ່ຍໄດ້ພຽງແຕ່ຄຶດ…