ເນື້ອຮ້ອງ & ທຳນອງ : ສ. ແສງສິຣິວັນ (1965)
ນັກຮ້ອງຕົ້ນສະບັບ : ສຸມຸນທາ ສີຣິມະໂນທັມ

1) ເຫຼືອພຽງແຕ່ພາບ ໄວ້ໃຫ້
ສ່ວນດວງໃຈ ນ້ອງຖອນຄືນເສັຽແລ້ວ
ສິ້ນຄວາມຮັກ ຊໍ້າໜັກອຸຣາຮ້ອນແຜ່ວ
ຮັກບໍ່ເຄີຍແນ່ແນ່ວ ເມື່ອຮັກແລ້ວກໍສູນໄປ

2) ເຫຼືອຮອຍສລັກ ໄວ້ວ່າ
ຊົ່ວດິນຟ້າ ຮັກນີ້ບໍ່ເຊື່ອມຄາຍ
ແຕ່ຕົວນ້ອງ ນັ້ນຈາກໄປໄກແສນໄກ
ຮັກອ້າຍຕ້ອງສລາຍ ເພາະໃຈນ້ອງບໍ່ເມຕຕາ

• ພາບແຜ່ນນີ້ ອ້າຍຈະເກັບໄວ້
ເພື່ອເຕືອນຫົວໃຈ ວ່າຍິງນີ້ໄດ້ລວງຂ້າ
ຈະຈຳຈົນຕາຍ ຫົວໃຈຍິງຫຼາຍມານຍາ
ຫຼອກຂ້າຊໍ້າແທບເປັນບ້າ ບໍ່ເວທນາເຫັນໃຈ

3) ຫຼຽວມອງເຫັນພາບ ນ້ອງຍິ້ມ
ດັ່ງຈະເຢີ້ຍ ອ້າຍນີ້ໃຫ້ອັບອາຍ
ບຸນຂ້ານ້ອຍ ນ້ອງຈຶ່ງປ່ອຍຮັກໜີໄປ
ຊໍ້າໃນອົກບໍ່ຫາຍ ແມ່ນຕາຍອ້າຍຄົງບໍ່ລືມ

ເນື້ອຮ້ອງ & ທຳນອງ : ສ. ແສງສິຣິວັນ (1971)
ນັກຮ້ອງຕົ້ນສະບັບ : ສຸມຸນທາ ສີຣິມະໂນທັມ

1) ເສັຍດາຍຄວາມຮັກທີ່ເຄີຍປັກໃຈແນ່ແນ່ວ
ຂ້າໝົດສິ້ນແລ້ວຮັກເຄີຍສຸກສົມອຸຣາ
ຕ້ອງທົນສະອື້ນປວດໃຈນໍ້າຕາຈົນໄຫຼອາບໜ້າ
ດັ່ງຟ້າຜ່າລົງກາງໃຈ…

2) ສອງເຮົາເຄີຍຫວັງຈະເດີນຮ່ວມທາງຄູ່ກັນ
ຫວັງສ້າງຄວາມຝັນນັ້ນໃຫ້ເປັນຈິງດັ່ງໝາຍ
ຂ້າເລີຍສະທ້ອນອ່ອນຊວງເພາະຄວາມຂັດຂວາງຜູ່ໃຫຍ່
ເຈັບໃຈຊໍ້າໃຈເຫຼືອທົນ…

• ຂ້ານີ້…ບຸນນ້ອຍດ້ອຍສັກ
ຝາກຄວາມຮັກແກ່ໃຜກໍຂັດສົນ
ຫົວໃຈຕື້ນຕັນດ້ວຍມີແຕ່ມານຜະຈົນ
ຈຶ່ງຈຳຕ້ອງຜີກຕົນຫຼີກທາງນ້ອງໄປ…

3) ຂ້າເອງກໍຮູ້ຢູ່ເຕັມແກ່ນໃຈໄດ້ດີ
ຮູ້ວ່ານ້ອງນີ້ກໍຍັງຊື່ຕຣົງໝັ້ນໃຈ
ດ້ວຍຄວາມບັງຄັບໜີບເຕັງດ້ວຍຄວາມຂົ່ມເຫັງຜູ່ໃຫຍ່
ຈິດໃຈນ້ອງຈຶ່ງຜັນແປ…

ເນື້ອຮ້ອງ & ທຳນອງ : ສີລາວົງ ແກ້ວ (1970)
ນັກຮ້ອງຕົ້ນສະບັບ : ສີລາວົງ ແກ້ວ

1) ທ່າແຂກ ເປັນແດນທີ່ງາມເຢັນຕາ
ມີພູຜາ ຫຸ້ມລ້ອມດັ່ງນຶ່ງກຳແພງ
ຖືກກ່າວຂານ ລືລັ່ນໄປທຸກຫົນແຫ່ງ
ວ່າເປັນເຂດແຂວງ ອຸດົມສົມບູນວິໄລ

2) ທ່າແຂກ ສວຍງາມດັ່ງແດນວິມານ
ເປັນຖິ່ນຖານ ທີ່ຂ້າຮັກດັ່ງດວງໃຈ
ຂ້າທົນທຸກ ໂສກຕຣົມຣະທົມໝອງໄໝ້
ເມື່ອຢູ່ຫ່າງໄກ ຖິ່ນຖານບ້ານເກີດເມືອງນອນ

• ຈຳໃຈຈາກ ພຽງຊົ່ວເວລາ
ຈຶ່ງຂໍລາ ທຸກຄົນໄປກ່ອນ
ບໍ່ຢາກໜີ ບໍ່ຢາກຈາກຈອນ
ສຸດອາວອນ ຖອນໃຈເສົ້າໂສກວິນຍາ

3) ທ່າແຂກ ສວຍງາມດັ່ງແດນສວັນ
ອີກບໍ່ນານ ຂ້ານີ້ຈະຕ່າວກັບມາ
ເຈົ້າເປັນແດນ ທີ່ງາມເລີດໃນຜືນຫຼ້າ
ນຶ່ງໃນອານາ ງາມແທ້ທ່າແຂກນີ້ເອີຍ…

ເນື້ອຮ້ອງ & ທຳນອງ : ສ. ແສງສິຣິວັນ (1970)
ນັກຮ້ອງຕົ້ນສະບັບ : ສົມຟອງ ຊົງມີໄຊ

1) ຢ່າບັງຄັບ ບັງຄັບໃຈຄົນເລີຍທ່ານ
ເພາະຄົນນັ້ນ ຍຶດໝັ້ນໃຈຕົນເປັນໃຫຍ່
ແມ່ນມີຮັກ ກໍຢາກເລືອກເອົາຕາມໃຈ
ບໍ່ວ່າສິ່ງໃດ ຫາກພໍໃຈກໍຈຶ່ງຕ້ອງການ

2) ຢ່າບັງຄັບ ບັງຄັບໃຫ້ຄົນຊໍ້າຈິດ
ຢ່າໄປຄິດ ຖືສິດເໜືອໃຈຄົນນັ້ນ
ຫົວໃຈນີ້ ມີສິດເສຣີທົ່ວກັນ
ຈະຄິດຈະຝັນ ຈະຮັກໃຜໄດ້ທັງນັ້ນແລ

• ຖານະສັກສີ ມິອາດຂວາງກັ້ນ
ເມື່ອໃຈຄົນນັ້ນ ຮັກກັນແນ່ວແນ່
ແມ່ນຖືກຂັດຂວາງ ຄົງຊໍ້າຊວງໃຈເປື່ອຍເປັນແຜ
ຫາກຕາມໃຈ ໃຈຄົງສຸກແທ້
ທ່ານເອີຍ ຢ່າບັງຄັບໃຈ

3) ຢາກບັງຄັບ ບັງຄັບເຄື່ອງຍົນດີກວ່າ
ອີກນາວາ ນັ້ນກໍພໍບັງຄັບໄດ້
ທ່ານຢ່າຄິດ ບັງອາດຖືບັງຫຽນໃຈ
ຈົ່ງຄິດຜ່ອນຄາຍ ຢ່າໄປຂວາງຫົວໃຈຄົນເລີຍ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1969)
ນັກຮ້ອງຕົ້ນສະບັບ : ໄຊຊະນະ ທານະດາບຸດ

1) ໃຈ… ເກືອບຈະຂາດແລ້ວ
ດ້ວຍຮັກດວງແກ້ວ ເຕັມທີ່
ໃນ… ຜືນໂລກເຮົານີ້
ດຸດດັ່ງຈະມີ ພຽງນ້ອງຄົນດຽວ

2) ຝັນ… ຫຼັບຕາກໍຝັນ
ເຝົ້າເພີ້ຣຳພັນ ຝັນກ່ຽວ
ມີ… ນຶ່ງນ້ອງນາງດຽວ
ສຸດໜ່ຽວສຸດຢັ້ງ ຝັງໃຈ

• ເໝືອນມົນສະກົດ ດວງໃຈ ໃຫ້ໃຝ່ຝັນຫາ
ສຸດປຣາຖນາ ສຸດຫ່ວງການດາ ທຸກລົມຫາຍໃຈ
ຮັກຈິງຈຶ່ງບອກ ຢ່າຫຼອກໃຫ້ຫຼົງ ພະວົງມິວາຍ
ຢ່າຫຼອກໃຫ້ຊໍ້າ ຢ່າຫຼອກໃຫ້ອາຍ ຢ່າໝາຍພຽງລວງ

3) ໂທ່!… ສຸດປຣາຖນາ
ສຸດຢັ້ງອຸຣາ ບ້າບ່ວງ
ໃຈ… ອ້າຍຫ່ວງອ້າຍຫວງ
ໂອ້! ເທບບົນສວງ ຂໍທີ…

ເນື້ອຮ້ອງ & ທຳນອງ : ບຸນທັມ ສຼີພຣົຫ໌ມໄຊຍ໌ (2016)
ນັກຮ້ອງຕົ້ນສະບັບ : ຈັນທ໌ຫອມ ປັນຈະພາຣົມຍ໌

1) ໂອ້ດິນແດນ ແຄວ້ນແຫ່ງຄວາມຝັນ
ເມືອງແມນສວັນ ທວຍເທບເທວັນສັນສ້າງ
ສົມຄຳເລົ່າລື ເມືອງຫຼວງພຣະບາງ
ປຣາສາດວຽງວັງ ແວວວາວສະດຸດຕາ

2) ພຣະທາດພູສີ ສວຍເດັ່ນເລີດລໍ້າ
ເຫຼື້ອມລາຍຫຼໍ່ຄຳ ເປັນມິ່ງຂວັນງາມສງ່າ
ຜອງຊົນທົ່ວໄປ ໃຈລ້ວນເມຕຕາ
ພຸທສາສນາ ນຳພາສືບສານ

• ຊຽງທອງ ສ່ອງແສງວິໄລ
ຫຼຽວແລແຫ່ງໃດ ຊວນຈິດໃຈເບີກບານ
ເພີນ…ທ່ຽວຊົມ ເລາະແຄມນໍ້າຄານ
ງາມສາຍແມ່ຂອງໄຫຼຜ່ານ ສຽງຂານຂັບທຸ້ມກ້ອງໄກ

3) ຖິ່ນແດນໃດ ໃສໄປ່ປຽບເໝືອນ
ຝັງຈຳຕິດເຕືອນ ມິອາດຫຼົງເລືອນລືມໄດ້
ຍິ້ມນັ້ນແນບຕຣຶງ ຊາບຊຶ້ງຣຶທັຍ
ມີຄ່າຄວາມໝາຍ ໄມຕຣີຕໍ່ກັນ

•• ເມືອງຊວາ ສຸດແສນຣື່ນຣົມ
ໄດ້ຢາມຢ້ຽມຊົມ ສຸກສົມຈິນຕະນາການ
ຍິນ…ເຣື່ອງຣາວ ເຄົ້າມູນຕຳນານ
ພູທ້າວພູນາງຕຣະຫງ່ານ ສຽງຫວານສອດສອຍປຣະທັບໃຈ….

ເນື້ອຮ້ອງ & ທຳນອງ : ວິລລ້ຽມ ດິດທະວົງສ໌ (1970)
ນັກຮ້ອງຕົ້ນສະບັບ : ວິລລ້ຽມ ດິດທະວົງສ໌

1) ໂອ້… ເມືອງຫຼວງເອີຍ
ຂ້ານີ້ເຄີຍ ໄປມາຄັ້ງນຶ່ງ
ໃຈຂ້າ ສຸດຊຶ້ງ
ເພາະເມືອງຫຼວງ ນີ້ງາມເຫຼືອກ່າວ

2) ງາມໝົດ ທຸກສິ່ງ
ແມ່ນແຕ່ຍິງ ກໍງາມເຫຼືອເວົ້າ
ຂ້າໄດ້ ແຕ່ເຝົ້າ
ຫຼົງຮັກສາວ ເມືອງຫຼວງລົ້ນໃຈ

• ໂອ້… ເມືອງຫຼວງເອີຍ
ຄົງເປັນກັມ ຂອງຂ້າກໍໄດ້
ຈຶ່ງຕ້ອງ ຈາກໄປ
ໄກກັບສາວ ເມືອງຫຼວງຂອງຂ້າ

3) ໂອ້… ສຸດທີ່ຮັກ
ແມ່ນໄກກັນ ຄົນລະຟາກຟ້າ
ຈັກວັນ ດອກໜາ
ຟ້າຄົງພາ ໃຫ້ເຮົາພົບກັນ…

ເນື້ອຮ້ອງ & ທຳນອງ : ປຣີຊາ ມຸທະໄລ (1965)
ນັກຮ້ອງຕົ້ນສະບັບ : ອາກາດຕຣີ ມະນີວອນ

1) ຂໍຝາກເພງນີ້ ໄວ້ແທນດວງໃຈ
ແມ່ນຕົວຫ່າງໄກ ໃຫ້ນ້ອງໄດ້ຟັງ
ເພງນີ້ອ້າຍຂໍຝາກຝັງ ແທນຕົວເມື່ອຍາມໄກຫ່າງ
ເພື່ອນ້ອງນາງ ໄດ້ຟັງແກ້ເຫງົາ

2) ແມ່ນເຈົ້າຟັງເພງ ທີ່ອ້າຍຮ້ອງມາ
ຂໍໃຈເຈົ້າຢ່າ ໄປຄິດໂສກເສົ້າ
ອ້າຍນີ້ຢູ່ດົງປ່າເຂົາ ອ້າຍໄປເພື່ອຊາດຂອງເຮົາ
ຈຶ່ງຂໍວອນເຈົ້າ ດ້ວຍເພງຈາກໃຈ

• ຍາມ… ອ້າຍຈາກເຈົ້າມາ
ຄຳໝັ້ນສັນຍາ ຍັງຈຳຝັງດວງໃຈ
ເຖິງວັນໝຸນວຽນ ປ່ຽນໄປ
ອ້າຍຍັງບໍ່ປ່ຽນໃຈ ໃຫ້ຮັກເຮົາຕ້ອງແປຜັນ

3) ແມ່ນໄດ້ຍິນເພງ ທີ່ອ້າຍຮ້ອງມາ
ຂໍນາງເຈົ້າຢ່າ ໄປຄິດໄຫວຫວັ່ນ
ຂໍນ້ອງຈົ່ງນອນຫຼັບຝັນ ບໍ່ນານຄົງໄດ້ພົບກັນ
ຄວາມຮັກເຮົານັ້ນ ຈະຕ້ອງສົມຫວັງ…

ເນື້ອຮ້ອງ & ທຳນອງ : ສ. ແສງສິຣິວັນ (1973)
ນັກຮ້ອງຕົ້ນສະບັບ : ທັນຕະວັນ ຣາຊາສັກດ໌

1) ຂໍທານພຽງນ້ອຍ ນຶ່ງຄວາມປຣານີ
ໂປຣດເອື້ອອາຣີ ດ້ວຍເຖີດຈັກຄົນ
ຂ້າເກີດແລ້ວມາ ອາພັບ
ເໝືອນດັ່ງຟ້າສາບ ໃຫ້ໝອງໝົ່ນ
ຊໍ້າຍັງຖືກຄົນ ອິດສາ

2) ຄິດມາຂື່ນຂົມ ຣະທົມດວງໃຈ
ເມື່ອຮັກສລາຍ ໃຜບໍ່ຫົວຊາ
ຂ້າຢູ່ເໝືອນຄົນ ສິ້ນຫວັງ
ເໝືອນມີຄົນຊັງ ທຸກທົ່ວໜ້າ
ໄຮ້ຄົນເມຕຕາ ສົງສານ

• ສິ້ນຄົນ… ປຣານີແລ້ວຫຼື
ຂ້າຂໍຍໍມື ໄຫວ້ວອນສວັນ
ຂໍໃຫ້ພົບຄົນ ຮັກແທ້
ຮັກແລ້ວບໍ່ແປ ປ່ຽນຜັນ
ຊື່ຕຣົງຕໍ່ກັນ ເຖິງຕາຍ

3) ຂ້າທົນເຈັບແຄ້ນ ຢູ່ຢ່າງທາຣຸນ
ຜູ່ມີພຣະຄຸນ ຊໍ້າຕັດຫ່າງໄກ
ຂ້າຜິດເຣື່ອງໃດ ກັນໜໍ
ຟ້າດິນຈຶ່ງບໍ່ ຄິດເຫັນໃຈ
ປຣານີໄວ້ເຖີດ ຈັກຄົນ…

ເນື້ອຮ້ອງ & ທຳນອງ : ສີລາວົງ ແກ້ວ (1971)
ນັກຮ້ອງຕົ້ນສະບັບ : ກົງສວາດ ສຸດທິພົງ

1) ຮັກເຈົ້າດອກ ຈຶ່ງຢອກເຈົ້າຫຼິ້ນ
ພຽງຢອກຫຼິ້ນ ເທົ່ານັ້ນດອກໜາ
ເຫັນເຈິ້າງາມ ຕິດອົກຕິດຕາ
ຂໍຖາມແດ່ວ່າ ມີແຟນແລ້ວຫຼືຍັງ

2) ຮັກເຈົ້າດອກ ຈຶ່ງຢອກເຈົ້າຫຼິ້ນ
ພຽງຢອກຫຼິ້ນ ກໍຢ່າກຽດຊັງ
ຂໍຖາມແດ່ ວ່າເຈົ້າຊື່ຫຍັງ
ຫົວໃຈຍັງຫວ່າງ ຢູ່ບໍ່ໜໍຄົນງາມ

• ຂໍຮ່ວມທາງ ໄດ້ບໍ່ນ້ອງສາວ
ຫວັງວ່າຈົ້າ ຄົງບໍ່ໃຈດຳ
ໃຫ້ຂ້ອຍນີ້ ເປັນຜູ່ຕິດຕາມ
ເຈົ້າເປັນຄົນງາມ ຄົງບໍ່ຄິດໜ່າຍແໜງ

3) ຮັກເຈົ້າດອກ ຈຶ່ງຢອກເຈົ້າຫຼິ້ນ
ພຽງຢອກຫຼິ້ນ ຢ່າຫາວ່າແກ້ງ
ເຫັນເຈິ້າງາມ ເປັນຕາໜ້າແພງ
ໃຫ້ຂ້ອຍຂໍແຍງ ອິກຈັກນ້ອຍຄ່ອຍໄປ…