ເນື້ອຮ້ອງ & ທຳນອງ : ສ. ແສງສິຣິວັນ (1967)
ນັກຮ້ອງຕົ້ນສະບັບ : ຄຳເຕີມ ຊານຸບານ

1) ສາວ… ອຸເທນ
ຊ່າງສວຍງາມເດັ່ນ ຕິດໃຈໜັກ
ພຽງແຕ່ ປະຈັກ
ຢາກຝາກຮັກ ຝາກດວງໃຈ

2) ຫຼົງ… ໃຝ່ຝັນ
ທຸກວັນບໍ່ອາດ ຈະລືມໄດ້
ຮັກຂ້າ ໝົດໃຈ
ຂໍມອບໄວ້ ແຕ່ພຽງນາງ

• ດວງໃຈຂ້ານີ້ ມີດວງໜຶ່ງ
ຮັກແທ້ສຸດຊຶ້ງ ບໍ່ຈືດຈາງ
ຫາກນ້ອງປຣານີ ບໍ່ຂໍໜີຫ່າງ
ຈະຂໍຮັກນາງ ຊົ່ວຊີວັນ

4) ສາຍ… ນໍ້າຂອງ
ໄຫຼນອງຂວາງເສັ້ນ ທາງເຮົານັ້ນ
ຂ້າຈະ ບຸກບັ່ນ
ດັ້ນຂ້າມມາ ຖິ່ນອຸເທນ…

ເນື້ອຮ້ອງ & ທຳນອງ : ສ. ແສງສິຣິວັນ (1969)
ນັກຮ້ອງຕົ້ນສະບັບ : ຄຳເຕີມ ຊານຸບານ

1) ໂອ້ສາວງາມ ແຫ່ງເມືອງສວັນ
ເທບເທວາໃດປັ້ນ ວິໄລລາວັນໜັກໜາ
ເດືອນເພັງລອຍເດັ່ນ ຢູ່ບົນນະພາ
ຍັງບໍ່ທຽມແກ້ວຕາ ດາຣາແຫ່ງເມືອງສວັນ

2) ອ້າຍພົບພານ ຍັງຝັນໃຝ່ປອງ
ເຝົ້າລະເມີເຖິງນ້ອງ ຫວັງປອງຮັກຮຽງຮ່ວມກັນ
ກະຕ່າຍໝາຍຢູ່ ຄູ່ຄຽງພຣະຈັນ
ກໍປຽບເໝືອນອ້າຍນັ້ນ ຫຼົງໃຝ່ຝັນຮັກນາງຜູ່ດຽວ

• ຊີວິດນີ້ອ້າຍເຝົ້າ ຫຼົງຮັກແຕ່ເຈົ້າ
ຮັກສາວສວັນ ໝັ້ນໜຽວ
ອ້າຍຍັງຂາດຄູ່ ຢູ່ຄຽງກາຍຍັງແສນປ່ຽວ
ນ້ອງສາວເຈົ້າບໍ່ແລຫຼຽວ ຢູ່ໂດດດ່ຽວອ້າຍໜາວອຸຣາ

3) ໂອ້ສາວງາມ ແຫ່ງເມືອງສວັນ
ອ້າຍຂໍຮັກນ້ອງໝັ້ນ ເໝືອນຈັນຄູ່ຄຽງກັບຟ້າ
ນ້ອງເອີຍນ້ອງຈົ່ງ ສົ່ງຮອຍຍິ້ມມາ
ແມ່ນນ້ອງຄິດເມດຕາ ອ້າຍຈະພາເຖົ້າແກ່ມາຂໍ…

ເນື້ອຮ້ອງ & ທຳນອງ : ໄພບູນ ບຸຕຂັນ (ไพบูลย์ บุตรขัน)
ນັກຮ້ອງຕົ້ນສະບັບ : ກ. ວິເສດ (1970)

1) ກັບຄືນຫັນ ສູ່ບ້ານໄຕດຳ ຂອງເຮົາດີກວ່າ
ກັບຄືນມາ ເຫັນໜ້າພີ່ນ້ອງ ຂອງເຮົາຊາວດິນ
ເຂົ້າໜຶ່ງຄຳ ນໍ້າໜຶ່ງຂັນ ເຮົາປັນກັນກິນ
ນໍ້າໃຈບໍ່ສິ້ນ ຈາກໝູ່ເຮົາ ເຜົ່າໄຕດຳ

2) ຢູ່ຖິ່ນໃດ ບໍ່ໄດ້ສຳຣານ ເໝືອນຖິ່ນບ້ານເກົ່າ
ຫ່າງບ້ານເຮົາ ຫິວເຂົ້າທຸກມື້ ຕ້ອງຊື້ປະຈຳ
ກັບບ້ານເຮົາ ເຂົ້າມີກິນ ທົ່ວຖິ່ນໄຕດຳ
ຄິດວັນຍັງຄໍ່າ ສາວເຜົ່າໄຕດຳ ນ້ອງເຈົ້າຈາກຈອນ

• ຫອມດອກມະລິ ຮ້ອຍເປັນມາໄລ ໃນກະຈາດ
ບໍ່ລືມແກ້ວຕາ ແມ່ນຸດຊະນາ ແມ່ດວງສມອນ
ເຈົ້າເຄີຍໃຫ້ ມາໄລມະລິ ວາງແນບຄຽງໝອນ
ບັດນີ້ເຈົ້າຈອນ ຈາກໄປ ບໍ່ຫວນກັບມາ

3) ກັບຄືນຫັນ ສູ່ບ້ານໄຕດຳ ຂອງເຮົາມື້ນີ້
ດອກຈຳປີ ຜູ່ສາວເຄີຍໃຫ້ ບໍ່ໄດ້ໂຣຍຣາ
ຜ້າຫົ່ມນອນ ໝອນເຄີຍໜຸນ ອົບອຸ່ນໜັກໜາ
ຍັງມີຄຸນຄ່າ ອ້າຍຈຶ່ງກັບມາ ຕາຍຖິ່ນໄຕດຳ…

ເນື້ອຮ້ອງ & ທຳນອງ : ສາຍເງິນ (~1970)
ນັກຮ້ອງຕົ້ນສະບັບ : ສາຍເງິນ

1) ຂ້ອຍແຕ່ງງານ ມາໄດ້ພຽງໜຶ່ງວັນ
ເມື່ອນອນນຳກັນ ຄົງຈະສຸກສັນເໜືອທຸກສິ່ງ
ແຕ່ຂ້ອຍຕົກໃຈ ເມື່ອນາງເຂົ້າມາແອບອິງ (ຊໍ້າ)
ທ້ອງນາງມັນເໜັງຕີງ ເໝືອນມີສິ່ງມາບິດເບືອນ

2) ນາງຄົງອາຍ ເອົາກັນໃໝ່ຢ້ານເຈັບທ້ອງ
ຈຶ່ງພານວນນ້ອງ ໄປໂຮງໝໍບໍ່ແຊເຊືອນ
ໝໍກ່າວເວົ້າ ວ່າເມັຽເຈົ້າມີລູກສາມເດືອນ (ຊໍ້າ)
ພໍໝໍຕັກເຕືອນ ຫົວໃຈຂ້ອຍເຄື່ອນທັນທີ

• ໂອ້ຍ… ຊວຍເຕັມທົນ
ແຕ່ງງານທັງຫົນ ຊ່າງມີລູກກ່ອນຢ່າງນີ້
ເພື່ອນຊາຍຄົນໃດ ຫົວໃຈມາຊ່າງອັບປີ
ກຳໄລເອົາໜີ ສ່ວນໜີ້ຈົ່ງໄວ້ໃຫ້ກັນ

4) ຂ້ອຍອຸກໃຈ ຊ່ວຍແກ້ໄຂກໍຈົນປັນຍາ
ຈະຮ້າງຈະປະ ກໍຢ້ານພໍ່ເຖົ້າຈະເຫຼັ້ນງານ
ຂ້ອຍຈຶ່ງມາຮ້ອງ ສຽງເພງທົ່ວຈັກກະວານ (ຊໍ້າ)
ຖ້າຫາກວ່າກາຍສອງວັນ ຂ້ອຍຄົງຈະກັ້ນໃຈຕາຍ…

ເນື້ອຮ້ອງ & ທຳນອງ : ໄຊພອນ ສິນທະຣາດ (＜1975)
ນັກຮ້ອງຕົ້ນສະບັບ : ໄຊພອນ ສິນທະຣາດ

1) ນໍ້າຂຶ້ນລົ້ນຝັ່ງ ໄຫຼຖ້ວມທາງບ້ານຫ້ອມຖິ່ນເພັຽ
ພີ່ນ້ອງຕ້ອງຖືກສູນເສັຽ ນໍ້າຖ້ວມຖິ່ນເພັຽເສັຽຜົລປູກ
ຈູງເອົາງົວຄວາຍ ຂົນຂວາຍມ້າງເພຮ້ານຫູກ
ອູ້ມເອົາຫຼານອູ້ມເອົາລູກ ເມື່ອຄາວຖືກນໍ້າຖ້ວມບໍ່ລົງ

2) ນໍ້າຂອງໄຫຼຫຼັ່ງ ໄຫຼຜ່ານທາງຜ່ານເຂົ້າໃນນາ
ພີ່ນ້ອງຈົນຫຼັ່ງນໍ້າຕາ ຫຼຽວລົງທົ່ງນານໍ້າຖ້ວມລົ້ນທົ່ງ
ທ່າແຂກຊາຍຟອງ ສີຖານໃຕ້ນໍ້າຖ້ວມຈົນຫົ້ງ
ພິກເຂືອຕາຍກ້ຽງບໍ່ຈົ່ງ ນໍ້າບໍ່ຍອມລົງໂອ້ຊ່າງທຳກັມ

• ລົງເຮືອລົງແພ ແກ່ຂອງປະເຮືອນໄກຫ່າງ
ຂ້າມທົ່ງແກ້ງປ່າຢາງ ຫຼືທາງບ້ານສາລາຄຳ
ເທວັນເຈົ້າເອີຍ ບໍ່ເລີຍຈະໜ້າໃຈດຳ
ປ່ອຍໃຫ້ຝົນຕົກລົງນໍ່າໆ ປ່ອຍໃຫ້ນໍ້າຖ້ວມເມືອງຫາດຊາຍຟອງ

3) ນໍ້າຂຶ້ນລົ້ນຝັ່ງ ແມ່ນແຕ່ທາງທຽວນັ້ນບໍ່ມີ
ກ້ວຍອ້ອຍຕ້ອງຖືກພັດໜີ ແສນເຕັມທີແທ້ໜໍພີ່ນ້ອງ
ຂໍວອນເທວາ ນາຄານັ້ນຊ່ວຍປົກປ້ອງ
ປີໜ້າຢ່າໃຫ້ນໍ້ານອງ ຢ່າໃຫ້ນໍ້າຂອງຂຶ້ນຖ້ວມຖິ່ນເພັຽ…

ເນື້ອຮ້ອງ & ທຳນອງ : ບຸນຈັນ ໄຊຍະຈິຕ (1981)
ນັກຮ້ອງຕົ້ນສະບັບ : ບຸນຈັນ ໄຊຍະຈິຕ

(ສອຍ) ເມົາ ເມົາ ເມົາ
ຖ້າຫາກໄດ້ເມົາ ແລ້ວຈະສຸກໃຈໜັກໜາ
ສິ່ງທີ່ຫວັງ ຈະຫຼັ່ງລົງມາ (ຊໍ້າ)
ສິ່ງປຣາຖນາ ນັ້ນກໍຈະຫຼັ່ງມາເອງ…

1) ຈອກທີ່ໜຶ່ງ ທີ່ດື່ມຜ່ານໄປ
ເຫັນທາງສົດໃສ ງາມວິໄລຜຸດຜ່ອງ
ຢາກໃຫ້ດີ ຕ້ອງຈອກທີ່ສອງ
ເຫັນໜ້ານວນນ້ອງ ຜ່ອງພັນໂສພາ
ຈອກທີ່ສາມ ລອງອີກເຖີດໜາ (ຊໍ້າ)
ແຫງນເບິ່ງບົນຟ້າ ຈະເຫັນດາຣາລອຍວົນ…

2) ຈອກທີ່ສີ່ ກໍດີເໝືອນກັນ
ພໍດື່ມແລ້ວຫວານ ດັ່ງເອົານໍ້າຕານມາປົນ
ຈອກທີ່ຫ້າ ເໝືອນຟ້າບັນດົນ
ເຫັນໜ້າຝູງຊົນ ໄດ້ແຕ່ພຽງເລື່ອນລອຍ
ຈອກທີ່ຫົກ ແລະທີ່ເຈັດຍິ່ງຫຼົງທາງ (ຊໍ້າ)
ເຫັນໜ້ານວນນາງ ແລ້ວຍັງບໍ່ຄິດສົນໃຈ…

3) ສຸຣາເມ ຣະຍະມັສສະປະມາ
ເປັນສິລຂໍ້ຫ້າ ທີ່ພຸທທະອົງກ່າວໄວ້
ເຣື່ອງສຸຣາ ຖ້າໄດ້ດື່ມລົງໄປ (ຊໍ້າ)
ຫາກໄປບໍ່ໄຫວ ໃຫ້ເປັນໄລຍະກໍຍັງດີ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1960)
ນັກຮ້ອງຕົ້ນສະບັບ : ສຸມຸນທາ ສີຣິມະໂນທັມ

1) ເມືອງລາວຂອງເຮົາ ແຕ່ເກົ່າກ່ອນ
ລາວຈະເຣີນຖາວອນ ຢູ່ເຢັນສຸກສັນ
ບໍ່ໄດ້ກໍ່ເຣື່ອງຣາວ ຂ້າຟັນ (ຊໍ້າ)
ລາວເຮົາຜູກສຳພັນ ຮັກກັນຕລອດມາ

2) ຊົນຊາວລາວ ເປັນຄົນຮັກຊາດ
ມັກສງົບກຽດການ ສົງຄາມ
ລາວທັງເມືອງ ບໍ່ໄດ້ອ່ອນແອ (ຊໍ້າ)
ລາວພາກັນຍຶດໝັ້ນ ໃນສາມັກຄີ

3) ຖ້າຫາກມີສັຕຣູ ມາຮຸກຮານ
ລໍ້າດິນແດນເຂດບ້ານ ຢຽບຍໍ່າເມືອງລາວ
ຈະຂໍສູ້ໃຫ້ຊາດ ຢູ່ຍົງ (ຊໍ້າ)
ໃຫ້ຊາດລາວໝັ້ນຄົງ ຖວາຍຊີວີປຣະກັນ

4) ລາວເປັນມິດກັບ ທຸກຄົນເພື່ອນບ້ານ
ລາວບໍ່ໄດ້ຮຸກຮານ ຫັກຫານແດນໃຜ
ລາວເຮົາຢູ່ ດ້ວຍສິດເສຣີ (ຊໍ້າ)
ບໍ່ແຊກແຊງຮາວີ ເປັນມິດໄມຕຣີຜູກພັນ

5) ເຊີນຊາວລາວ ຮີບມາຮ່ວມໃຈ
ຮັກສາໄວ້ ຊຶ່ງຣັຖທັມມະນູນ
ມາເຮົາມາ ເຊີນເຖີດຊາວລາວ (ຊໍ້າ)
ສາມັກຄີຍືນຍາວ ສ້າງເມືອງລາວສືບໄປ

6) ເປັນແບບຢ່າງ ແກ່ຄົນຮຸ່ນໃໝ່
ຄວາມໝັ້ນຄົງຈະໄດ້ ຢູ່ຢັ້ງຍືນຍົງ
ຮັກສາຊາດ ສາມາດເຂັ້ມແຂງ (ຊໍ້າ)
ເໝືອນທຸງຊາດສີແດງ ເທີດໄວ້ໃຫ້ລາວຈະເຣີນ…

ເນື້ອຮ້ອງ & ທຳນອງ : ສົມລິຕ ພັນນະວົງສ໌ (~1970)
ນັກຮ້ອງຕົ້ນສະບັບ : ຈັນຖນອມ & ສົມລິຕ

1) ເດືອນສິບເອັດ ນໍ້ານອງ
ໂອ້ນໍ້າຂອງ ໄຫຼຫຼັ່ງ
ປະເພນີລາວ ແຕ່ປາງຫຼັງ
ນັ້ນຍັງຮັກສາ ເອົາໄວ້

2) ເດືອນສິບເອັດ ເພັງມາ
ອອກພັນສາ ສຸກໃຈ
ຕົກກາງຄືນ ເຮືອໄຟລ່ອງໄຫຼ
ສວ່າງສໄວທົ່ວສາຍ ນະທີ

• ຄໍ່ານຶ່ງ ນໍ້າຂອງ
ເຮືອຍາວໄຫຼລ່ອງ ຊ່ວງກັນອີ່ຫຼີ
ອີ່ເທບນາວາ ອີ່ຫົງກໍມີ
ສີພາຍບໍ່ດີ ໂອ້ຍຈ້າງກະບໍ່ໄປ

3) ໂອ່…ໂຮ່ໂອ ໂຮ່ໂອ
ເຫຼົ້າສາໂທ ແກ້ວໃຫຍ່
ສີພາຍດີ ບໍ່ຕ້ອງຫວັ່ນໄຫວ
ເອົ້າເຢີກເຂົ້າໄປ ເຮືອຫໍພຣະແກ້ວເອີຍ…

ເນື້ອຮ້ອງ & ທຳນອງ : ສ. ແສງສິຣິວັນ (~1960-70)
ນັກຮ້ອງຕົ້ນສະບັບ : ສ. ແສງສິຣິວັນ

1) ໂອ້ ກຸສົນໃດ
ນ້ອມໃຈ ໃຫ້ມາເຫັນ
ນຶ່ງ ນ້ອງງາມເດັ່ນ
ສົມກັບເປັນ ດອກຟ້າຂອນແກ່ນ

2) ເບິ່ງ ຮອຍຍິ້ມນາງ
ສວຍງາມ ຕິດໃຈແສນ
ຂ້າ ຄົນຕ່າງແດນ
ຢາກລຶ້ງແກ່ນ ຢາກຝາກໄມຕຣີ

• ໄກຄົນລະຖິ່ນ ຟາກຝັ່ງນໍ້າຂອງ
ບຸນຍັງນຳຈ່ອງ ໃຫ້ມາຖິ່ນນີ້
ຈຶ່ງວອນດອກຟ້າ ຂອນແກ່ນປຣານີ
ຂ້າຄົນພັດທີ່ ຂໍຝາກໃຈ

3) ກາບ ວອນຟ້າດິນ
ຄຸ້ມຄອງ ຢ່າໃຫ້ອາຍ
ໂປຣດ ດົນຈິດໃຈ
ສາວຂອນແກ່ນ ໃຫ້ເກີດເອັນດູ…

ເນື້ອຮ້ອງ & ທຳນອງ : ທະວີສິທ ກຸສົລ (~1970)
ນັກຮ້ອງຕົ້ນສະບັບ : ປ. ຕຣີຈັນ

1) ເມື່ອຮັບຄຳສັ່ງ ຟັງແລ້ວໃຈຫາຍ
ເໝືອນຕາຍທັງເປັນ ຄ້າຍຖືກກະເດັນຈາກໂລກນີ້ໄປ
ຫ່ວງໃຍອາວອນ ຣ້າວຣອນດວງໃຈ
ຕ້ອງຈາກຫ່າງໄກ ຖິ່ນເຄີຍສຸກສັນ

2) ດັ່ງຟ້າຂາດເພື່ອນ ດາວເດືອນອັບແສງ
ແຜງຄວາມມືດໝົ່ນ ເໝືອນດັ່ງສາຍຊົນຂາດມັດສານັ້ນ
ຕ້ອງຈຳໃຈລາ ອຸຣາໄຫວຫວັ່ນ
ແລ້ວຈາກຫ່າງກັນ ຕາມທາງແຫ່ງກັມ

• ເປັນເຮືອລຳດຽວ ທີ່ລອຍຢູ່ກາງສາຍຊົນ
ຟອງນໍ້າພັດວົນ ວຽນຕາມ
ເຫັນພຽງຂອບຟ້າ ອຸຣາຣະກຳ
ລະເມີຄວນຄໍ່າ ສຸດຫ່ວງ

3) ນຶກເຖິງໜ້າທີ່ ມີທາງໜ້ານັ້ນ
ຟ້າບັນດານມາ ໃຫ້ໝົດປັນຍາຈະຫຼົບລີ້ລ່ວງ
ຝາກພຽງດວງໃຈ ຮັກໄວ້ເປັນຫ່ວງ
ຄ່ອຍກັບມາທວງ ເມື່ອຄາວສິ້ນເວນ…