ເນື້ອຮ້ອງ & ທຳນອງ : ສ. ບົວລະພັນ (∼1970)
ນັກຮ້ອງຕົ້ນສະບັບ : ກ. ພະນົມວັນ
1) ເປັນ ຄົນຢູ່ບ້ານດົງພົງໄພ
ຈິດຍັງມຸ່ງໝາຍ ຢາກໄດ້ສາວຢູ່ວຽງວັງ
ແຕ່ເກງໃຈ ຢ້ານອ້າຍຜິດຫວັງ
ຢ້ານສາວກຽດຊັງ ກຽດຊັງຄົນຢູ່ບ້ານນາ
2) ແມ່ນ ຈະຢູ່ບ້ານນາແດນດົງ
ໃຈຍັງປະສົງ ລຸ້ມຫຼົງນ້ອງຢູ່ເລື້ອຍມາ
ຕໍ່າພຽງໃດ ຢາກໄດ້ດອກຟ້າ
ສຸດປາຖນາ ດອກຟ້າຄົງບໍ່ເຫັນໃຈ
• ຈົ່ງ ເອັນດູອ້າຍເຖີດໜາ
ທີ່ປາຖນາ ຫວັງມາຮັບໃຊ້
ຫາກ ນ້ອງນາງເຫັນໃຈ
ຈົ່ງຮັບເອົາໄວ້ ຄູ່ໃຈເມື່ອຍາມນິທຣາ
3) ແມ່ນ ນ້ອງບໍ່ກຽດຊັງຄົນດົງ
ທີ່ຄອຍພະວົງ ປະສົງຮັກແຕ່ແກ້ວຕາ
ຈະມອບໃຈ ຝາກໄວ້ຊົ່ວຟ້າ
ໂອ້ຍອດບູຊາ ດອກຟ້າຂໍຈົ່ງເຫັນໃຈ…
