ເນື້ອຮ້ອງ & ທຳນອງ : ສ. ແສງສິຣິວັນ (1973)
ນັກຮ້ອງຕົ້ນສະບັບ : ພົມມະ ພິມມະສອນ
1) ແສງ ສວ່າງແຫ່ງດວງອາທິດ
ຫວນມາອີກຫົນ ນະພາມືດມົ່ນກໍແຈ່ມໃສ
ລົມເຢັນໆພັດຍາມເຊົ້າຕຣູ່ ໝູ່ເຜິ້ງຕອມເກສອນດອກໄມ້
ເຈາະໄຈ້ ດູດດື່ມຣົດຫວານ
2) ສຽງ ວິຫົກແວ່ວມາແຜ່ວຜິວ
ພັດປີວກັບລົມ ໄດ້ຟັງຊື່ນຊົມສຸດປະມານ
ຍາມກັມເວນເຄາະເຂັນສິ້ນໄປ ສິ່ງທີ່ໝາຍໄຮ້ແນວກີດກັນ
ໂສກສັນ ກໍຄືນຊື່ນໃຈ
• ເມື່ອສິ້ນ ຄວັນໝອກແຫ່ງຮັກ
ສິ້ນອຸປສັກ ທາງຮັກກໍສົດໃສ
ເໝືອນຟ້າງາມຍາມທິວາ ເມື່ອເມຄາເລືອນຫາຍ
ແລວິໄລ ສວາດຕາ
3) ແມ່ນ ບຸນສ້າງຮ່ວມທາງກັນແລ້ວ
ແຄ້ວກັນບໍ່ໄດ້ ເຖິງຢູ່ຫົນໃດກໍມາຫາ
ພຽງດວງໃຈຊື່ຕຣົງຄົງໝັ້ນ ຈະສຸກສັນຊົ່ວດິນແລະຟ້າ
ສັດທາ ຮັກດຽວຈົນຕາຍ…
