ເນື້ອຮ້ອງ & ທຳນອງ : ຄຳແພງ ຈຸນລະມະນີ & ສ. ມະນີແສງ (1970)
ນັກຮ້ອງຕົ້ນສະບັບ : ກ. ແກ້ວກໍ່າພ້າ
1) ໝາກກະລ໊ອກ ກອກເງິນຂ້ອຍຈົນໝົດ
ຕ້ອງມານັ່ງອົດກິນເຂົ້າກັບເກືອ
ເງິນເດືອນອອກເຫຼັ້ນໝາກກະລ໊ອກຈົນບໍ່ມີເຫຼືອ
ມານັ່ງເຮັດໜ້າບານທີ່ເສັຽເງິນຫຼາຍ
2) ໝາກກະລ໊ອກ ສຽງມັນດັງສນັ່ນ
ເຈົ້າມືເຂົາສັ່ນສຽງບາດຫົວໃຈ
ເຈົ້າມືຫຼອກເຈົ້າມືເຂົາຕົ້ມເອົາຕາໃສໆ
ມັນກໍອົດບໍ່ໄດ້ເສັຽເງິນໄປຢາກໄດ້ຄືນມາ
• ລົງຕໍ່າມັນກໍໄປອອກສູງ ລົງກັນໃຫ້ຫຍຸ້ງ
ລົງແຕ້ມສິບສີ່ສິບຫ້າພໍເຈົ້າມືເປີດ
“ຮ້ອຍ…ຍີ່ສາມລົກສັບຍັດຕິມ ຫັກເພັ້ງປາດວ່ານເກົາໄຕຢາດ”
ສອງສາມຫົກເຕັມຕາມາຊວຍແທ້ໜາເຈົ້າມືກໍກິນໄປ
3) ກັບເມືອບ້ານ ນອນກ່າຍໜ້າຜາກ
ຍ້ອນຄວາມໂລບມາກຈຶ່ງຕ້ອງເສັຽໃຈ
ເມືອຮອດບ້ານເມັຽກໍຍັງດ່າຍັງຈົ່ມບໍ່ຫາຍ
ຂໍເຕືອນທ່ານທັງຫຼາຍຢ່າໄດ້ໄປໃກ້ມັນອີກເລີຍ…