ເພງ “ສຸດທີ່ຮັກ”

ເນື້ອຮ້ອງ & ທຳນອງ : ພົມມະ ພິມມະສອນ (~1970)
ນັກຮ້ອງຕົ້ນສະບັບ : ພົມມະ ພິມມະສອນ & ສົມຟອງ ຊົງມີໄຊ

1) (ຊ) ສຸດທີ່ຮັກ ອ້າຍຮັກນ້ອງຍິ່ງ
(ຍ) ຫວັ່ນຈິງໆ ຮັກລວງຫຼືໃດ
(ຍ) ຢ່າມາລໍ້ ໃຫ້ນ້ອງອ່ອນໃຈ
(ຊ) ຮັກຈິງຈັງ ຮັກຈິງໃຈຈຶ່ງເອີ່ຍມາ

2) (ຍ) ບໍ່ເຄີຍຫຼົງ ຫຼົງນໍ້າມົນງ່າຍ
(ຊ) ຍອດດວງໃຈ ອ້າຍໃຫ້ສັນຍາ
(ຊ) ຮັກຈິງແທ້ ແນ່ດັ່ງສັດຈາ
(ຍ) ຢ້ານຮັກພາ ໃຫ້ນໍ້າຕານ້ອງຫຼັ່ງນອງ

• (ຊ) ຫວັ່ນສິ່ງໃດ ຂໍດວງໃຈນ້ອງຢ່າຫວັ່ນ
(ຍ) ຫວັ່ນອ້າຍນັ້ນ ໝາຍລວງໝາຍທົດລອງ
(ຊ) ເຊື່ອເຖີດໜາ (ຍ) ບໍ່ແນ່ໃຈນ້ອງຍັງຂ້ອງ
(ຊ) ເຊື່ອເຖີດນ້ອງ ອ້າຍໝາຍປອງຝາກສັມພັນ

3) (ຍ) ແນ່ຈິງນະ (ຊ) ອໍ໋ແນ່ນອນຍິ່ງ
(ຍ) ຫາກບໍ່ຈິງ (ຊ) ນ້ອງຈົ່ງລົງທັນ
(ຍ) ຢ່າລວງນະ (ຊ) ອ້າຍຂໍປະກັນ
(ຊ+ຍ) ສອງດວງໃຈ ຂໍຮັກກັນເທົ່າວັນຕາຍ…