ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1970)
ນັກຮ້ອງຕົ້ນສະບັບ : ຈັນທະຣາ ອຸເທນສັກດາ
1) ເໝືອນໃຈຈະຂາດ ເປັນຕອນ
ເໝືອນດັ່ງໄດ້ນອນ ກອງໄຟ
ຫຼັບຕາມືນຕາ ຍາມໃດ
ເຫັນພາບຈອມໃຈ ຫຼອກຫຼອນ
2) ເໝືອນມົນສກົດ ດວງໃຈ
ເມື່ອຍາມຫ່າງໄກ ອາວອນ
ບໍ່ເປັນອັນກິນ ອັນນອນ
ໜາວໆຮ້ອນໆ ບໍ່ວາຍ
• ນ້ອງຄິດເຖິງອ້າຍ ຫຼືບໍ່
ແມ່ນວນລະອໍ ຈອມໃຈ
ໂລກນີ້ຄົງບໍ່ ມີໃຜ
ເປັນທາດແຫ່ງໃຈ ເຈົ້າແລ້ວ
3) ຍອດຮັກຍອດສຸດ ບູຊາ
ຍອດຂວັນຊີວາ ແນ່ແນ່ວ
ບໍ່ມີຍິງໃດ ອີກແລ້ວ
ນ້ອງເປັນຂວັນແກ້ວ ແວວໃຈ…
