ເນື້ອຮ້ອງ & ທຳນອງ : ຄຳເຕີມ ຊານຸບານ (1968)
ນັກຮ້ອງຕົ້ນສະບັບ : ຄຳເຕີມ ຊານຸບານ
1) ທີ່ສວນດອກໄມ້ ຂອງນາງກ່ອນນັ້ນ
ເຈົ້າຄົງຕື້ນຕັນ ເລົ່າຄວາມຝັນໃຫ້ຟັງ
ວ່າອະນາຄົດ ນ້ອງຢາກໜີສຸດຟ້າໄກຫ່າງ
ຢູ່ເມືອງນອກແລ້ວສ້າງ ແຕ່ຄຸນງາມຄວາມດີ
2) ທີ່ສວນດອກໄມ້ ອ້າຍຍັງຈົດຈຳ
ໄດ້ຍິນນໍ້າຄຳ ສຸດຫວານລໍ້າວະຈີ
ເມື່ອຢູ່ກັນສອງ ອ້າຍຢາກປອງຈູບນ້ອງເທວີ
ແຕ່ບໍ່ກ້າຈັກທີ ດ້ວຍກຽດສັກສີຂ້ານີ້ດັ່ງກາ
• ໂອ່ ໂອ້ ໂອ້ ໂອ ນ້ອງເອີຍ
ຢ່າເລີຍລືມຄຳພໍ່າວອນ ນະແກ້ວຕາ
ຄັ້ງສຸຣິຍັນ ຈວນລັບທິວໄມ້ປ່າ
ທີ່ອຸທຍານນັ້ນໜາ ສອງເຮົາຮ່ວມເດັດດອກໄມ້
3) ພາບສວນດອກໄມ້ ວິໄລໜັກໜາ
ເມື່ອດອກຟ້າມາ ປະດັບຍິ່ງແຈ່ມໃສ
ຢາກເອົາບຸບຜາ ທີ່ເກັບມາເໜັບໄວ້ກາງໃຈ
ຈຳຝັງຈິດຈົນຕາຍ ໂອ້ສວນດອກໄມ້ໃນອະດີດເອີຍ…
