ເນື້ອຮ້ອງ & ທຳນອງ : ມ. ເມືອງໃຕ້ (1968)
ນັກຮ້ອງຕົ້ນສະບັບ : ມ. ເມືອງໃຕ້
1) ພໍເຊືອບແລ ຟາດສາຍຕາໄປຍັງສາມລໍ້
ໂອ້ໂຫລະອໍ ສາວນັ່ງຊູຄໍມາຢ່າງເສີດສາຍ
ບໍ່ຮູ້ພາສາ ເພາະຍັງບໍ່ໄດ້ທັກທາຍ
ຈັກແມ່ນຝຣັ່ງຫຼືໄທ ຫຼືລາວກໍບໍ່ຊ່າງຊິວ່າ
2) ເມື່ອເຫຼືອບແລ ຟາດສາຍຕາຕໍ່າລົງເລັກນ້ອຍ
ໂທ້ເອີຍໃຈຂ້ອຍ ເປັນຫຍັງມັນເຕັ້ນເກືອບຫຼຸດອອກມາ
ນັ່ງທ່າສະບາຍ ເຫຼືອເກີນບໍ່ຫ່ວງແຄ່ງຂາ
ຂາຂາວໆຈັ່ງແມ່ນຕາ ນີ້ປານຫົງກາເບິ່ງຂານ້ອງນາງ
• ພວກສັຕຣີ ສມັຍນີ້ກຳລັງເລີງຫຼິ້ນ
ທັງຫຼາຍນຸ່ງສິ້ນ ແຕ່ບາງຄົນປີ້ນປ່ຽນແນວທາງ
ບໍ່ວ່າຂຶ້ນສາວ ຫຼືວ່າແກ່ເກືອບຈະໄດ້ຝັງ
ບໍ່ຮໍ່າເພິງອີ່ຫຍັງ ບໍ່ປິດບໍ່ບັງກັນເລີຍແມ່ນາງ…
(ເວົ້າ) ໂອ້ຍ! ມັນກະໂພດອີ່ຫຼີ ອັນຍາໝ່ອມເອີຍ
ອັນນັ່ງສາມລໍ້ຫັ້ນໜາ ເປັນອີ່ສັງບໍ່ລະວັງແຄ່ງລະວັງຂາ
ມັນເຫັນຈັ່ງຊີ້ມັນໂລດລະລາຍໃຈ ອຸກແທ້ໃດອັນຍາໝ່ອມເອີຍ…
