ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1970)
ນັກຮ້ອງຕົ້ນສະບັບ : ບຸນທົງ ວົງສາລີ
1) ໄດ້ຟັງເພງຮັກ ລອຍລົມ
ໄດ້ຍິນສຽງຈົ່ມ ຈາກໃຈ
ສຽງເສົ້າໂສກສັນ ຮ້ອງໄຫ້
ໜ້າເຫັນໃຈ ຄົນຮ້ອງມາ
2) ເດິກດື່ນຄືນນີ້ ລົມໂຊຍ
ໂບກໂບຍຫວິວສັ່ນ ອຸຣາ
ເຢືອກເຢັນຊາບຊ້ານ ກາຍາ
ສຸດຜວາ ຫາຄູ່ນອນ
• ຫຼາຍໜາວຜ່ານໄປ ຜ່ານໄປຫຼາຍປີ
ໄຮ້ຄູ່ຊີວີ ຮ່ວມຮຽງຄຽງໝອນ
ໜາວລົມຫົ່ມຜ້າ ໜາວຟ້າອາວອນ
ຕ້ອງທົນກອດໝອນ ນອນໜາວ
3) ຜູ່ໃດສົງສານ ເອັນດູ
ຜູ່ໃດໄຮ້ຄູ່ ງຽບເຫງົາ
ຂໍທານຊ່ວຍຮັກ ບັນເທົາ
ຊ່ວຍແບ່ງເບົາ ໜາວເຖີດເອີຍ…
