ເພງ “ບໍ່ຮັກຢ່າມາ”

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1970)
ນັກຮ້ອງຕົ້ນສະບັບ : ແກ້ວມະນີຄອນ

ວິດີໂອດົນຕຣີບັນເລງເພງ “ບໍ່ຮັກຢ່າມາ”

1) ບໍ່ຮັກຢ່າມາ ໃຫ້ເຫັນ
ນ້ອງເປັນຜູ່ຍິງ ຜູ່ຍິງຊື່ໆ
ປາກອອກຄຳໃດ ຂໍໃຫ້ເປັນທີ່ນັບຖື
ຂໍໃຫ້ຈຳຈື່ ຢ່າເອົາແຕ່ດື້ຊູຊີ

2) ບໍ່ຮັກຢ່າມາ ໃຫ້ຫຼົງ
ອ້າຍຄົງເປັນຊາຍ ຫົວໃຈອາຣີ
ຢ່າຫຼອກຢ່າລວງ ຢ່າລວງຢ່າຕົວະນາຣີ
ຮັກກັນດີໆ ໂລກຈະແຈ່ມສີງາມເດັ່ນ

• ຂໍ… ຂໍນຳແທ້ໆ
ນ້ອງຂໍພຽງແຕ່ ຢ່າຜານຫົວໃຈກັນເຫຼັ້ນ
ຫຼົບລີ້ນປີ້ນຄວາມ ຂໍນຳຢ່າທຳໃຫ້ເຫັນ
ນ້ອງຂໍຫຼີກເວັ້ນ ບໍ່ຢາກຈ່ອງເວນຜູ່ຊາຍ

3) ບໍ່ຮັກບໍ່ຕ້ອງ ມາຫາ
ເສັຽເວລາອ້າຍມາ ຫວັງລວຍບໍ່ໄດ້
ຫາກອ້າຍມາດີ ຫວັງດີນ້ອງກໍພໍໃຈ
ນ້ອງຍອມມອບໃຫ້ ທັງໃຈແລະກາຍບໍ່ຫວງ…

ໂນຕເພງ “ບໍ່ຮັກຢ່າມາ”
ວິດີໂອໂນຕບັນເລງເພງ “ບໍ່ຮັກຢ່າມາ”