ເພງ “ຕ້ອງການແຟນ”

ເນື້ອຮ້ອງ & ທຳນອງ : ສນອງ ອຸ່ນວົງສ໌ (1970)
ນັກຮ້ອງຕົ້ນສະບັບ : ສວ່າງຈິຕ ອຸ່ນວົງສ໌

1. ຫົວໃຈຫ້ອງນີ້ ບໍ່ມີໃຜຈອງ
   ຊາຍໃດຈະຈອງ ເຊີນລອງແວະມາທາງນີ້
   ຕ້ອງການຊາຍໂສດ ອາຍຸບໍ່ເກີນຊາວປີ
   ເປັນຄູ່ຊີວີ ເຊີນຕິນ້ອງນີ້ຍັງສາວ
   
   
2. ຫົວໃຈຫ້ອງນ້ອຍ ລໍຄອຍຫາຄູ່
   ຊາຍໃດຢາກຮູ້ ບ້ານນ້ອງຢູ່ຕລາດເຊົ້າ
   ເລກທີ່ສິບສີ່ ປີນີ້ອາຍຸສິບເກົ້າ
   ນ້ອງນີ້ເປັນສາວ ເບິ່ງແມະກຳລັງພໍດີ
   
   
3. ຕ້ອງການຫາແຟນ ຮ້ອງເພງປະກາດ
   ໃຜຈະສັມພາດ ຂໍເຊີນບໍຣິການຟຣີ
   ເອິກສາມສິບຫົກ ກະໂພກພໍດີພໍດີ

   ແອວໄດ້ຊາວສີ່ ຂນາດນີ້ແລ້ວຈະເອົາສໍ່າໃດ

4. ຫົວໃຈຫ້ອງໃນ ໃຜຈະມາຄອງ
   ຊາຍໃດຈະຈອງ ມາເປັນເຈົ້າຂອງເຖີດອ້າຍ
   ອາຍຸສິບເກົ້າ ກຳລັງໜາວຈິດໜາວໃຈ
   ຮີບເຊີນມາໄວ ຈະໄດ້ກິນໄຂ່ແດງໆ…