ເນື້ອຮ້ອງ & ທຳນອງ : ສ. ແສງສິຣິວັນ (1968)
ນັກຮ້ອງຕົ້ນສະບັບ : ຄຳເຕີມ ຊານຸບານ
- ແສນສຸກໃຈເຫຼືອຂົ່ມ ຊື່ນຊົມ ເມື່ອຍາມໄດ້ມາ
ເຫັນນໍ້າໂຕນຕົກຜາ ຫຼັ່ງລົງງາມຕາ ຊັກພາໃຫ້ຝັນ
ສາຍລົມໂຊຍແຜ່ວຜິວ ນໍ້າໂຕນແຕກປີວ ຄ້າຍຄວັນ
ໂອ້ເຊລະບຳ ງາມດັ່ງສວັນ ເສກສັນໄວ້ໃຫ້… - ເຫັນໜຸ່ມສາວລ່ອງລອຍ ພ່ອງງອຍ ສີລາຢືນຫຼິ້ນ
ມວນນົກກໍເຈີດບິນ ເສາະແສ່ວຫາກິນ ທ່າມກາງນໍ້າໄຫຼ
ສຽງນໍ້າເຊຕົກຜາ ຄ້າຍສຽງສັ່ງລາ ຮ້າງໄກ
ປຽບຊີວິດຄົນ ພົ້ນຜ່ານເລີຍໄປ ຫາໃດແນ່ນອນ… - ແຄມຝັ່ງເຊນັ້ນມີ ພຶກສາຂະຈີ ເດັຽຣະດາດ
ງາມບຸບຜາຊາດ ສົ່ງກິ່ນຫອມ ເຜິ້ງຕອມເກສອນ
ເງົາໄມ້ແຜ່ຄຸມບັງ ເຢືອກເຢັນທົ່ວຝັ່ງ ໜ້າເອນຫຼັງນອນ
ສຸດອອນຊອນ ປາບ້ອນກິນເຫຍື່ອ ເມື່ອມອງເພີນໃຈ… - ແມ້ນຈາກເຊນີ້ໄປ ຈະໄກ ແສນໄກກໍຕາມ
ໃຈຂ້າຍັງຈົດຈຳ ພາບເຊລະບຳ ຝັງຈິດບອກໄວ້
ທັມມະຊາດດູດດຶງ ຣຶທັຍຄະນຶງ ເລື້ອຍໄປ
ຫາກຊີວິດຍັງ ຫວັງວ່າຄົງໄດ້ ຫວນໄປທ່ຽວຊົມ…
