ເນື້ອຮ້ອງ & ທຳນອງ : ສ. ແສງສິຣິວັນ (1967)
ນັກຮ້ອງຕົ້ນສະບັບ : ຄຳເຕີມ ຊານຸບານ
- ສຽງນີ້ ສັ່ງຈາກຄົນຊໍ້າໃນ
ຈາກຄົນປວດຣ້າວດວງໃຈ ຈາກຣຶທັຍຄົນເສົ້າ
ຂໍສັ່ງລາ ດ້ວຍຄວາມຫງອຍເຫງົາ
ເມື່ອນ້ອງລືມຄົນຮັກເກົ່າ ປ່ອຍຮັກເຮົາສລາຍ… - ສຽງນີ້ ສຸດຈົ່ງຢຸດຮັກພລັນ
ຈົ່ງລືມຖ້ອຍຄຳສາບານ ຕັດສັມພັນທີ່ໃຫ້
ລືມສິ້ນເສັຽ ສັນຍາຈາກໃຈ
ຢ່າເຫັນກັນຈົນວັນຕາຍ ເກີດຊາດໃດໄກຫ່າງກັນ… - ນ້ອງ… ເປັນຍິງຫຼາຍໃຈ
ຝືນຮັກອີກຕໍ່ໄປ ຄົງຕາຍດ້ວຍຄວາມໂສກສັນ
ສາບຮັກເຮົາ ໄວ້ພຽງເທົ່ານັ້ນ
ຢ່າຄິດອາລັຍຕໍ່ກັນ ແຕ່ວັນນີ້ໄປ… - ຂໍລາ ຫ່າງຈາກຄົນລໍ້ລວງ
ຕັດຮັກສາບແລ້ວທັງປວງ ຈະຊໍ້າຊວງທົນໄດ້
ສູນສິ້ນຮັກ ຂ້າຄົງບໍ່ຕາຍ
ແຕ່ຖ້າຍັງຮັກກັນໄປ ຄົງຊໍ້າໃນຕາຍກ່ອນເອີຍ…