ເນື້ອຮ້ອງ & ທຳນອງ : ສ. ແສງສິຣິວັນ (1965)
ນັກຮ້ອງຕົ້ນສະບັບ : ສຸມຸນທາ ສີຣິມະໂນທັມ
1) ເຫຼືອພຽງແຕ່ພາບ ໄວ້ໃຫ້
ສ່ວນດວງໃຈ ນ້ອງຖອນຄືນເສັຽແລ້ວ
ສິ້ນຄວາມຮັກ ຊໍ້າໜັກອຸຣາຮ້ອນແຜ່ວ
ຮັກບໍ່ເຄີຍແນ່ແນ່ວ ເມື່ອຮັກແລ້ວກໍສູນໄປ
2) ເຫຼືອຮອຍສລັກ ໄວ້ວ່າ
ຊົ່ວດິນຟ້າ ຮັກນີ້ບໍ່ເຊື່ອມຄາຍ
ແຕ່ຕົວນ້ອງ ນັ້ນຈາກໄປໄກແສນໄກ
ຮັກອ້າຍຕ້ອງສລາຍ ເພາະໃຈນ້ອງບໍ່ເມຕຕາ
• ພາບແຜ່ນນີ້ ອ້າຍຈະເກັບໄວ້
ເພື່ອເຕືອນຫົວໃຈ ວ່າຍິງນີ້ໄດ້ລວງຂ້າ
ຈະຈຳຈົນຕາຍ ຫົວໃຈຍິງຫຼາຍມານຍາ
ຫຼອກຂ້າຊໍ້າແທບເປັນບ້າ ບໍ່ເວທນາເຫັນໃຈ
3) ຫຼຽວມອງເຫັນພາບ ນ້ອງຍິ້ມ
ດັ່ງຈະເຢີ້ຍ ອ້າຍນີ້ໃຫ້ອັບອາຍ
ບຸນຂ້ານ້ອຍ ນ້ອງຈຶ່ງປ່ອຍຮັກໜີໄປ
ຊໍ້າໃນອົກບໍ່ຫາຍ ແມ່ນຕາຍອ້າຍຄົງບໍ່ລືມ
