ເນື້ອຮ້ອງ & ທຳນອງ : ສ. ແສງສິຣິວັນ (1964)
ນັກຮ້ອງຕົ້ນສະບັບ : ຄຳເຕີມ ຊານຸບານ

1) ສຸດແຜ່ນດິນ ສິ້ນສາຍທາຣາ
ສຸດຂອບຟ້າ ຂ້າຍັງຈະໄປ
ຫາກແຫ່ງນັ້ນ ມີຈອມໃຈທີ່ຂ້າຫວັງ
ໃຫ້ໄກກວ່ານີ້ ແມ່ນດັບຊີວີໃນກາງທາງ
ຈະຂໍໄປ ໄປພົບນາງເຖິງຕາຍກໍຕາມ

2) ຫວັ່ນສິ່ງດຽວ ຫວັ່ນໃຈຂອງນາງ
ແບ່ງຫຼາຍທາງ ແລ້ວຍັງຫຼອກລວງ
ຫຼອກໃຫ້ຫຼົງ ໃຫ້ເຈັບຊວງໃຫ້ຫ່ວງນຳ
ສ່ວນໃຈຂ້ານີ້ ຊື່ສັດພັກດີມີສິລທັມ
ບໍ່ຄິດລວງ ເກງບາບກັມຈະຕາມສນອງ

• ພູເຂົາ ລຳເນົາຜາຊັນ
ຊ້າງເສືອກີດຕັນ ກັ້ນກາງເຮົາສອງ
ຫາກຮັກກັນຈິງ ເຖິງມີມາຣແຮງຮັກຍັງຈ່ອງ
ໃຫ້ເຮົາສອງ ມາພົບກັນດັ່ງໃຈໃຝ່ຫາ

3) ຊົ່ວຊີວີ ຊົ່ວນິຣັນດອນ
ຢ່າໄດ້ຖອນ ໃຈຮັກຈາກກັນ
ໂປຣດຈົ່ງຄິດ ຄິດສົງສານຂ້າເຖີດໜາ
ດ້ວຍຍອມອຸທິດ ຊີວິດແລະກາຍຍອມດັ້ນມາ
ຫາກນ້ອງລວງ ຄົງບາບໜາຕົກອະເວຈີ…

ເນື້ອຮ້ອງ & ທຳນອງ : ສ. ແສງສິຣິວັນ (1964)
ນັກຮ້ອງຕົ້ນສະບັບ : ຄຳເຕີມ ຊານຸບານ

1) ບໍ່ອາດຈະລືມ ຈະລືມນ້ອງລົງ
ຊົ່ວຊີວິດນີ້ ເຖິງນ້ອງຈະມີຄູ່ຄອງຄົນໃໝ່
ເຖິງນ້ອງຈະຊັງອ້າຍກ່ອນ ເຖິງນາງຈະຖອນຫົວໃຈ
ແຕ່ອ້າຍ ກໍລືມບໍ່ລົງ

2) ບໍ່ອາດຈະລືມ ຈະລືມນ້ອງເລີຍ
ດ້ວຍເຄີຍຮ່ວມຮັກ ພາບນັ້ນສລັກຝັງໃຈໝັ້ນຄົງ
ອ້າຍນີ້ສຸດແສນອາວອນ ນັ່ງນອນຫຼັບໃຫຼໃຈພະວົງ
ເຝົ້າຫ່ວງອະນົງ ທຸກໆໂມງຍາມ

• ຈະໃຫ້ລືມນ້ອງ ລືມນ້ອງອ້າຍລືມບໍ່ໄດ້
ຈະປວດຫົວໃຈ ຈະເຈັບຊໍ້າໃຈພຽງໃດກໍຕາມ
ດ້ວຍວ່າຮອຍຍິ້ມຍັງຝັງຈິຕ ດ້ວຍວ່າຍັງຄິດເຖິງນໍ້າຄຳ
ທີ່ນ້ອງເຄີຍພໍ່າ ອອດອ້ອນຫວານໆ

3) ຜິດອົກຜິດໃຈ ສິ່ງໃດໜໍນາງ
ຈຶ່ງຈາງຮັກອ້າຍ ທັ້ງໆທີ່ໃຈອ້າຍຍັງຮັກໝັ້ນ
ດຽວນີ້ສຸຂສົມຫຼືໃດ ຫຼືນາງເສົ້າໃຈທໍຣະມານ
ຫາກຈະກັບຫັນ ອ້າຍຍັງຄອຍຢູ່…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1969)
ນັກຮ້ອງຕົ້ນສະບັບ : ບຸນທ່ຽງ ມະນີວົງສ໌

1) ປ່ອຍອ້າຍຢູ່ ຜູ່ດຽວທີ່ຮັກ
ແມ່ນຫາກນ້ອງຮັກ ອ້າຍຈິງຈາກໃຈ
ອ້າຍຈົນ ຍາກໄຮ້
ຖ້າຂືນຢູ່ໄປ ຄົງອາຍຂາຍໜ້າ

2) ບໍ່ຫານຢູ່ ຕໍ່ໄປແລ້ວເອີຍ
ຢູ່ໃຫ້ຄົນເຢີ້ຍ ເຍີ້ຍສິນນິນທາ
ອ້າຍຂໍ ເວລາ
ໄປພັທນາ ຖານະແລະສັກສີ

• ອຸດົມຄະຕິ ເຮົາຄົນລະຢ່າງ
ຈຶ່ງຂໍຫຼີກທາງ ໄປຄົນລະທີ່
ຫາກບຸນເຮົາຄາດ ໄດ້ຮ່ວມກັນ
ກໍຄົງໄດ້ຫັນ ມາຮ່ວມຊີວີ
ຊົ່ວຊີວິດນີ້ ອ້າຍມີຮັກດຽວ

3) ປ່ອຍອ້າຍອອກ ຈາກເອິກນ້ອງໄປ
ຈະດີຈະຮ້າຍ ເປັນຕາຍດາຍດຽວ
ຂໍນ້ອງ ຢ່າກ່ຽວ
ຂໍທຸກຄົນດຽວ ຊໍ້າດຽວປ່ຽວໃຈ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1972)
ນັກຮ້ອງຕົ້ນສະບັບ : ວົງເດືອນ ວົງພຣະຈັນ

1) ພຽງ ເຫັນໜ້າ
ຢາກເວົ້າຈາ ປຣາສັຍທັນທີ
ລົງເຮືອນມາ ມາພົບນາຣີ
ສະບາຍດີ ໆ ຢູ່ຫວະນ້ອງສາວ?

2) ພຽງ ເຫັນໜ້າ
ສຸຂອຸຣາ ບໍ່ຫາໃສເທົ່າ
ມາຄົນດຽວ ຫຼືມີຄົນເຝົ້າ
ຫ້ອງຫົວໃຈ ຫວ່າງເປົ່າຫຼືເຈົ້າມີຄູ່

• ອ້າຍນີ້ຍັງ ເປັນໂສດ
ສົດ ໆ ບໍ່ເຄີຍມີຄູ່
ວານນີ້ ອ້າຍໄປຫາໝໍດູ
ໝໍບອກຈະພົບ ເນື້ອຄູ່ຢູ່ບ່ອນນີ້ລະ!

3) ພຽງ ເຫັນນ້ອງ
ຈິຕໝາຍປອງ ພຽງນ້ອງຈຽນບ້າ
ຄົນງາມ ໆ ເລີກງອນດີກວ່າ
ຢ່າມົວເສີຍທຳທ່າ ຂວັນຕາຄົນດີ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1968)
ນັກຮ້ອງຕົ້ນສະບັບ : ບຸນທ່ຽງ ມະນີວົງສ໌

1) ຢູ່ຜູ່ດຽວ ເຫງົາໃຈ
ໂອ້ຄຶດໄປ ໝອງຊວງ
ຢາກຈະມີ ຄູ່ຄວງ
ຢ້ານຖືກລວງ ບ້ຽວເບືອນ

2) ເບິ່ງບົນຟ້າ ຣາຕຣີ
ກໍຍັງມີ ແສງເດືອນ
ຍິ່ງເປັນແນວ ຊ່ວຍເຕືອນ
ຢາກມີເພື່ອນ ຊູໃຈ

• ລົມຣາຕຣີ ໂບຍໂບກມາ
ລົມໜາວພາ ໝອງໄໝ້
ລົມເຢັນໆ ໂຍກກິ່ງໄມ້
ພາຫົວໃຈ ໄຫວເຫວ່ວ້າ

3) ໂອ້ຕົວເຮົາ ນີ້ໜໍ
ຕັ້ງແຕ່ລໍ ຮັກມາ
ຫາກມີຄົນ ເມຕຕາ
ກະຣຸນາ ຊ່ວຍປອບໃຈ…

ເນື້ອຮ້ອງ & ທຳນອງ : ປ. ຕຣີຈັນ & ສົມລິດ ອ້ວນສວັດດີ (1964)
ນັກຮ້ອງຕົ້ນສະບັບ : ປ. ຕຣີຈັນ

1) ຢາກຝາກຄວາມຮັກ ແກ່ນາງ
ຫົວໃຈອ້າຍຊ່າງ ຕື້ນຕັນໄຫວຫວັ່ນສະທ້ານ
ເໝືອນນຶ່ງມົນຕຣາຟ້າລັ່ນ ຄອຍເຝົ້າຈະເອົາໂທດທັນ
ມາຄອຍກາງກັ້ນ ຫົວໃຈບໍ່ວາຍ

2) ຍິ່ງມອງຍິ່ງສວຍ ຍິ່ງງາມ
ສົມຊື່ສົມນາມ ຄົນງາມມີຄູ່ຫຼືໃດ
ໄດ້ແຕ່ແອບມອງຂວັນໃຈ ຈິຕອ້າຍຫວັ່ນໄຫວໝາຍປອງ
ສເນ່ນວນນ້ອງນາງ ຝັງໃຈອ້າຍນີ້ບໍເລືອນ

• ເໝືອນ ພາບປຣະທັບດວງໃຈ
ຈະຫາຍິງໃດງາມ ນໍ້າໃຈບໍ່ມີເໝືອນ
ປຣາຖນາ ຂວັນຕານ້ອງມາເປັນເພື່ອນ
ຮ່ວມຊີວີ ຄົນດີທີ່ອ້າຍໝາຍປອງ

3) ຢາກຝາກຄວາມຮັກ ກັບສຽງເພງ
ອ້າຍຈະບັນເລງ ເປັນເພງຮັກຈາກດວງໃຈ
ແມ່ນນ້ອງໄດ້ຍິນຄັ້ງໃດ ຈົ່ງໄດ້ເຂົ້າໃຈເສັຽທີ
ຕຣາບຊົ່ວຊີວີ ອ້າຍຮັກນ້ອງນີ້ນາງດຽວ…

ເນື້ອຮ້ອງ & ທຳນອງ : ສ. ແສງສິຣິວັນ (1970)
ນັກຮ້ອງຕົ້ນສະບັບ : ຄຳເຕີມ ຊານຸບານ

1) ອ້າຍຢາກພົບນ້ອງ ເປັນຄັ້ງສຸດທ້າຍ
ກ່ອນນ້ອງຈະກາຍ ເປັນຂອງຄົນອື່ນ
ອາຍຢາກອີງແອບແນບຊິດ ອ້າຍຢາກຈຸມພິດເຊີຍຊື່ນ
ຢາກຢູ່ຢ່າງຄືນ ເມື່ອຄັ້ງເຮົາສອງຮັກກັນ

2) ອ້າຍເຝົ້າຄິດເຖິງ ຢູ່ທຸກເວລາ
ຢາກພົບແກ້ວຕາ ຈົນຫົວໃຈສັ່ນ
ນ້ອງຖືກຂັດຂວາງເອົາໄວ້ ຫຼືວ່າໃຈນ້ອງລືມນັ້ນ
ຫຼືສິ້ນສົງສານ ຈຶ່ງບໍ່ມາພົບດັ່ງເຄີຍ

• ນ້ອງ… ຄົງເພີນກັບຄົນຮັກໃໝ່
ມີສຸກສົມໃຈ ແລ້ວຫຼືຈຶ່ງເສີຍ
ບໍ່ຍອມພົບອ້າຍ ບໍ່ໄດ້ສັ່ງລາກັນເລີຍ
ອ້າຍຜິດເຣື່ອງໃດນ້ອງເອີຍ ຮັກຈຶ່ງເຫີຍຫາຍຊື່ນ

3) ອ້າຍຢາກພົບນ້ອງ ເປັນຄັ້ງສຸດທ້າຍ
ຫາກນ້ອງຈະໄປ ເປັນຂອງຄົນອື່ນ
ອ້າຍຢາກບອກນາງໃຫ້ຮູ້ ວ່າຢູ່ຢ່າງທຸກຂົມຂື່ນ
ຫຼັບນອນທົນຝືນ ຫ້າມໃຈທີ່ຄິດຫ່ວງນາງ…

ເນື້ອຮ້ອງ & ທຳນອງ : ມະ​ນັດ ລຳ​ລາ​ມັຍ (1970)
ນັກຮ້ອງຕົ້ນສະບັບ : ຄຳສອນ ພົມມະຈັນ

1) ດວງເດືອນ ເລື່ອນລອຍລາ ນະພາມືດໝົ່ນ
ອ້າຍສຸດທົນ ໝົ່ນໝອງ ນ້ອງຫ່າງໜີ
ເໝືອນສິ້ນຊາກ ພາກຮັກ ສິ້ນຄວາມປຣານີ
ດັ່ງອ້າຍນີ້ ສິ້ນຄວາມດີ ຂອງຄວາມເປັນຊາຍ

2) ດວງໃຈ ເຈົ້າຈາກໄກ ຫົວໃຈອ້າຍຫວັ່ນ
ສຸດຈະສັນ ຮ່ວນຫາ ນ້ອງຢູ່ໃສ
ຫຼືມີຄູ່ ຍອດຊູ້ ແລ້ວຫຼືດວງໃຈ
ປ່ອຍອ້າຍໄວ້ ໃຫ້ຣະທົມ ຂື່ນຂົມອຸຣາ

• ຍາມຮັກກັນ ສອງເຮົານັ້ນ ຮັກກັນດ້ວຍໃຈ
ຝັນສ້າງໄວ້ ວິມານໃຈ ຄູ່ກັນໃນຫຼ້າ
ມີ… ຮັກແທ້ ແນ່ໃນອຸຣາ
ແຕ່ຂວັນຕາ ລືມສັນຍາ ມາຈາກຈອນ

3) ວັນຄືນ ອ້າຍທົນຝືນ ຍິ້ມທັງນໍ້າຕາ
ປວດອຸຣາ ພາໃຈ ໃຫ້ສະທ້ອນ
ຮັກເຄີຍຊື່ນ ຣື່ມຣົມ ຮ່ວມໂສມບັງອອນ
ເຈົ້າມາຫຼອນ ຖອນດວງໃຈ ຂໍໃຫ້ເປັນທານ…

ເນື້ອຮ້ອງ & ທຳນອງ : ນະຄອນຄຳ ຄຳສວັດ (1971)
ນັກຮ້ອງຕົ້ນສະບັບ : ສີລາວົງ ແກ້ວ

1) ອ້າຍບໍ່ມີເງິນ ຈະຊື້ຮັກນ້ອງ
ອ້າຍບໍ່ມີທອງ ຈະໃຫ້ຂວັນໃຈ
ອ້າຍບໍ່ມີຄຳ ຈະໃຫ້ນ້ອງໃສ່
ຈຶ່ງປ່ອຍຮັກຫ່າງຫາຍ ຍ້ອນອ້າຍບໍ່ມີ

2) ອ້າຍບໍ່ມີເງິນ ຈະຊື້ຮັກເຈົ້າ
ເພາະນ້ອງມົວເມົາ ກັບຄວາມມັ່ງມີ
ອ້າຍບໍ່ມີຣົຖ ຈະໃຫ້ນ້ອງຂີ່
ບໍ່ໄດ້ເປັນເສດຖີ ມັ່ງມີເງິນຄຳ

• ໂອ… ໂອ້ ໂອ
ວາສນາ ອ້າຍນີ້ມັນຕໍ່າ
ເກີດເປັນຄົນ ກໍຈົນເຫຼືອລໍ້າ
ຮັກຈຶ່ງຣະກັມ ຊໍ້າເຕີມທຸກເວລາ

3) ອ້າຍມີແຕ່ໃຈ ຈະມອບໃຫ້ນ້ອງ
ອ້າຍເຝົ້າໝາຍປອງ ຮັກນ້ອງເລື້ອຍມາ
ອ້າຍມີຮັກດຽວ ເປັນອະມະຕະ
ນ້ອງຈົ່ງຄິດເມຕຕາ ເຫັນໃຈຄົນຈົນ…

ເນື້ອຮ້ອງ & ທຳນອງ : ວິລລ້ຽມ ດິດທະວົງ (1970)
ນັກຮ້ອງຕົ້ນສະບັບ : ວິລລ້ຽມ ດິດທະວົງ

1) ເພາະອ້າຍນີ້ ລືມນ້ອງບໍ່ລົງ
ໃຈພະວົງ ຢູ່ທຸກເວລາ
ຮູ້ຕົວດີວ່າ ນ້ອງນັ້ນຊັງນໍ້າໜ້າ
ແຕ່ດ້ວຍວ່າ ອ້າຍນີ້ຮັກນ້ອງເຫຼືອເກີນ

2) ຮູ້ວ່ານ້ອງ ຊັງອ້າຍເທົ່າໃດ
ແຕ່ຫົວໃຈ ຂອງອ້າຍຍັງເພີນ
ແມ່ນນ້ອງດ່າ ອ້າຍຍັງສຸກໃຈເຫຼືອເກີນ
ເຖິງນ້ອງເມີນ ອ້າຍຍິ່ງຮັກນ້ອງຂຶ້ນໄປ

• ກ່ອນນີ້ອ້າຍເຄີຍຮັກ ກັບນ້ອງມາຄັ້ງນຶ່ງ
ຄວາມຮັກອ້າຍຄົງບໍ່ຊຶ້ງ ນ້ອງຈຶ່ງຫັນປ່ຽນໄປ
ປ່ອຍໃຫ້ອ້າຍຕ້ອງຊໍ້າ ຣະກັມໃນດວງໃຈ
ໃນດວງໃຈ… ໃນດວງໃຈ…

3) ແຕ່ອ້າຍນີ້ ລືມນ້ອງບໍ່ລົງ
ຄົງທຸກຕຣົມ ຢ່າງນີ້ເລື້ອຍໄປ
ຮູ້ຕົວດີວ່ານ້ອງ ໝົດຄວາມສົນໃຈ
ຕ້ອງທົນອາຍ ເພາະອ້າຍລືມນ້ອງບໍ່ລົງ

ລາລ່າລາ… ລາລ່າລາລາ…