ໝວດໝູ່: ເພງ

ເນື້ອຮ້ອງ & ທຳນອງ : ສ. ບົວລະພັນ (1968)
ນັກຮ້ອງຕົ້ນສະບັບ : ກ. ວິເສດ

1) ຊຽງຂວາງ ດິນແດນວິມານ
ໜາວກາຍສະທ້ານ ໜາວສັ່ນສະເທືອນ
ພູຈົງ ເປັນວົງແສງເດືອນ (ຊໍ້າ)
ເມກນ້ອຍລອຍເຄື່ອນ ຍາມເມື່ອຄືນຈັນເພັນ

2) ໝູ່ນາງ ນາກນ້ອຍນາຣີ
ລອຍກາງນະທີ ເປັ່ງຣາສີສວຍເດັ່ນ
ນໍ້າງີ້ວ ໄຫຼລິນບໍ່ເວັ້ນ (ຊໍ້າ)
ຍາມຄໍ່າແລເຫັນ ສາວເນື້ອເຢັນລ່ອງລອຍ

• ໂອ້… ຊຽງຂວາງນີ້ເອີຍ
ກ່ອນນີ້ບໍ່ເຄີຍ ເຫັນເຈົ້າງາມຢາດຍ້ອຍ
ດຽວນີ້ ທັມມະຊາດຈອມດອຍ (ຊໍ້າ)
ເຊົ້າຄໍ່ານັ່ງຄອຍ ພູຈອງວອງງາມຕຣະການ

3) ໄຫຫິນ ມິ່ງຂວັນຊຽງຂວາງ
ສາຍລົມໄຫຼລ່ວງ ອ້າຍສຸດຫ່ວງເມື່ອຝັນ
ພູພຽງ ເປັນລອນກ່າຍກັນ (ຊໍ້າ)
ໃຫ້ອ້າຍສຸກສັນ ກັບຄວາມງາມຊຽງຂວາງ…

ເນື້ອຮ້ອງ & ທຳນອງ : ສົມລິດ ອ້ວນສວັດດີ (1965)
ນັກຮ້ອງຕົ້ນສະບັບ : ຈັນສມອນ ສິນບັນດິດ

1) ອະຣຸໂນທັຍ ຟ້າສີທອງ ສ່ອງພະສຸທາ
ໝາຍສັນຍະລັກ ປຣະຈັກແຈ້ງ ແສງສຸຣິຍາ
ແວ່ວຣະຄັງ ຫວນລະລ່ອງ ທົ່ວທ້ອງຟ້າ
ເປັນສັນຍາ ໃຫ້ເຮົາຮູ້ແຈ້ງ ວ່າແສງແຫ່ງບຸນ

2) ພຸດທະສາ ສະນິກະຊົນ ທົ່ວຈັນບຸຣີ
ຈິດຜ່ອງສີ ຕັ້ງໃຈໃສ່ບາດ ດ້ວຍໃຈເກື້ອກູນ
ສ້າງແຕ່ບຸນ ສິນກິນທານ ແກ່ສັງຄະເຈົ້າ
ເປັນຮີດຄອງ ປະເພນີເຮົາ ນີ້ດັ້ງເດີມມາ

• ພໍ ເຖິງເດືອນຫົກແລ້ວ
ປະຊາເມືອງແກ້ວ ຈູດທູບທຽນບູຊາ
ບຸນ ວິສາຂະບູຊາ
ຮີດຄອງມີມາ ຈິດເລີງລ່າຈິງເຫຼືອ

3) ສິ້ນວະສັນ ພັນສາສູນ ປະວໍຣະນາ
ວ່າປະເພນີ ທັມນຽມລາວນີ້ ມີບຸນຊ່ວງເຮືອ
ເລີ່ມຈະໜາວ ລາວເຮົາຕ້ອງ ສລອງບໍ່ເບື່ອ
ຄອຍເຈືອຈຸນ ບຸນທາດຫຼວງເດັ່ນ ເປັນມິ່ງຂວັນລາວເອີຍ…

ເນື້ອຮ້ອງ & ທຳນອງ : ສນອງ ອຸ່ນວົງສ໌ (1969)
ນັກຮ້ອງຕົ້ນສະບັບ : ກ. ວິເສດ

1) ຊັງຄົນຫຼາຍໃຈ ຊັງຄົນຫຼາຍໃຈ
ຈະຮັກຜູ່ໃດ ຮັກໃຜແທ້ນີ້
ຮັກຈິງກໍບອກ ຢ່າຫຼອກໃຫ້ຊໍ້າຣຶດີ
ຫາກແມ່ນບໍ່ຄິດປຣານີ ຈົ່ງຕັດໄມຕຣີຢ່າມີເຍື່ອໃຍ

2) ຊັງຄົນຫຼອກລວງ ຊັງຄົນຫຼອກລວງ
ບໍ່ຮັກບໍ່ຫ່ວງ ທຳຫວງຫ່ວງໃຍ
ຈັບປາສອງມື ແລ້ວຈະຖືໄດ້ຢ່າງໃດ
ບໍ່ຮັກຈົ່ງຫຼີກທາງໄປ ແນວຄົນຫຼາຍໃຈບໍ່ປຣາຖນາ

• ຜູ່ນີ້ກໍຊູ້ ຜູ່ນັ້ນກໍຊູ້
ບໍ່ຮູ້ເມື່ອໃດ ຈະໄຂປະຕູວິວາ
ຈະຢູ່ລວງໂລກ ຫຼືຢູ່ເປັນເຖົ້າຄໍ້າຟ້າ
ຫຼືຄູ່ວິວາ ຫາບໍ່ພົບພານ

3) ຊັງຄົນຫຼາຍໃຈ ຊັງຄົນຫຼາຍໃຈ
ບໍ່ຮັກບໍ່ໄຄ່ ແລ້ວຢ່າລວງກັນ
ແມ່ນບໍ່ຮັກແທ້ ຈົ່ງແກ້ໂສ້ສາຍສັມພັນ
ໃຫ້ຄາຍບ້ວງອອກຈາກກັນ ຕຣາບຊົ່ວຊີວັນຢ່າພົບກັນເລີຍ…

ເນື້ອຮ້ອງ : ຄຳຫຼ້າ ໜໍ່ແກ້ວ / ທຳນອງ : ສນອງ ອຸ່ນວົງສ໌ (1970)
ນັກຮ້ອງຕົ້ນສະບັບ : ສົມຟອງ ຊົງມີໄຊ

1) ຊັງຄົນລໍ່າໄລ ຊັງຄົນລໍ່າໄລ
ໂກດແຄ້ນຜູ່ໃດ ແຕ່ໃສໜໍນີ້
ຮ້ອງໃສ່ຜູ່ຍິງ ວ່າບໍ່ຈິງໃຈເຫຼືອດີ
ຕົວເອງນັ້ນແຫຼະຄືຜີ ຢ່າມາອວດດີເລີຍນະຜູ່ຊາຍ

2) ຊັງຄົນສໍພໍ ຊັງຄົນສໍພໍ
ບໍ່ຮັກບໍ່ງໍ້ ທ່ຽວຂໍຜູ່ໃດ
ຖ້າເກ່ງກໍເຊີນ ຂໍເຊີນໄປເຖີດຍອດຊາຍ
ຂືນຮັກກັນອີກຕໍ່ໄປ ຄົງຕຣົມຫົວໃຈບໍ່ປຣາຖນາ

• ບໍ່ແນ່ຢ່າທ້າ ບໍ່ກ້າຢ່າຕີງ
ຮູ້ບໍ່ວ່າຍິງ ຜູ່ຍິງເຂົາມີຣາຄາ
ເຂົາຢູ່ສ້າງໂລກ ສ້າງຄົນຈົນທົ່ວໂລກາ
ຈົ່ງຮູ້ເສັຽວ່າ ຍິງເກ່ງເໜືອຊາຍ

3) ຊັງຄົນອວດດີ ຊັງຄົນອວດດີ
ທົ່ວທັງໂລກີ ຄົນມີມາກມາຍ
ອອກຈາກຜູ່ຍິງ ຫຼືວ່າອອກຈາກຜູ່ຊາຍ
ຢາກຫົວໃຫ້ໂລກທະລາຍ ຢາກຫົວຜູ່ຊາຍທຳທ່າອວດດີ…

ເນື້ອຮ້ອງ & ທຳນອງ : ສຸຣິວັດ ຣັຕນະສວັນ (1965)
ນັກຮ້ອງຕົ້ນສະບັບ : ທັນຕະວັນ ຣາຊາສັກດ໌

1) ສາຍນະທີ ລິນຫຼັ່ງຈາກຟ້າ
ແບ່ງພະສຸທາ ເປັນຊ້າຍແລະຂວາສອງຝັ່ງ
ຫາກນໍ້າກັ້ນຂວາງ ກໍບໍ່ສຳຄັນ
ແຕ່ຄວາມສັມພັນ ຂອງເຮົາໝັ້ນຄົງເລື້ອຍໄປ…

2) ເຖິງໄກກັນ ຄົນລະຝັ່ງຂອງ
ຕ່າງໝາຍປອງດອງ ມຸ່ງຫວັງທັງສອງຈົນໄດ້
ດ້ວຍຄວາມໃຝ່ຝັນ ໝັ້ນສຸດຫົວໃຈ
ປັກຝັງຊວງໃນ ເໝືອນໃຈດຽວກັນ…

• ທັງສອງຝັ່ງ ກັ້ນກາງດ້ວຍສາຍນະທີ
ແຕ່ປຣະເພນີ ນັ້ນບໍ່ຕ່າງກັນ
ຊາດລາວແລະໄທ ກ່ອນນັ້ນເຄີຍໄດ້ສັມພັນ
ຮ່ວມສາຍໂລຫິດດຽວກັນ ພຽງນໍ້າເທົ່ານັ້ນມາກັ້ນແບ່ງກາງ…

3) ຂໍຟ້າດິນ ຊ່ວຍເປັນສັກຂີ
ໂປຣດຄິດປຣານີ ຈົ່ງຢ່າໄດ້ມີວັນຫ່າງ
ຢ່າໃຫ້ສັມພັນ ນັ້ນຕ້ອງຈືດຈາງ
ຝາກຝັງຊີວີ ເໜືອນະທີສອງຝັ່ງເອີຍ…

ເນື້ອຮ້ອງ : ຄຳຫຼ້າ ໜໍ່ແກ້ວ / ທຳນອງ : ສົມລິຕ ພັນນະວົງສ໌ (1970)
ນັກຮ້ອງຕົ້ນສະບັບ : ບັງອອນ

1) ຮັກເຈົ້າສຸດ ຫົວໃຈ
ບໍ່ຮູ້ສິ່ງໃດ ດົນໃຈຮັກເຈົ້າ
ຫຼົງຮັກຫຼົງຊື່ນ ວັນຄືນມິເບົາ
ຄິດວ່າສອງເຮົາ ຮັກເຮົາຄົງສົມດັ່ງວ່າ

2) ຮັກເຈົ້າສຸດ ຝືນທົນ
ດັ່ງວ່າຖືກມົນ ຮັກລົ້ນເຫຼືອຄະນາ
ສົງສານອ້າຍຍິ່ງ ມິ່ງຂວັນຊີວາ
ສຸດປຣາຖນາ ຄວ້າມາຮ່ວມຮຽງຄຽງສອງ

• ຟ້າຢູ່ສູງ ສູງສຸດສາຍຕາ
ດິນສຸດຄວ້າ ດອກຟ້າດັ່ງປອງ
ກຽດສັກສີ ປຣະເພນີຮີດຄອງ
ກັ້ນກາງເຮົາສອງ ຈຶ່ງຕ້ອງໝົ່ນໝອງເລື້ອຍມາ

3) ຮັກເຈົ້າສຸດ ຫົວໃຈ
ແທບທົນບໍ່ໄຫວ ມິວາຍຄະນຶງຫາ
ເຊື່ອຟັງໂອວາດ ບິດອນມານດາ
ສັຕຣີນີ້ໜາ ເກີດມາເໝຶອນວ່າມີກັມ…

ເນື້ອຮ້ອງ & ທຳນອງ : ສົມລິຕ ພັນນະວົງສ໌ (1970)
ນັກຮ້ອງຕົ້ນສະບັບ : ສົມລິຕ ພັນນະວົງສ໌

1) ຮັກເຈົ້າສຸດ ຫົວໃຈ
ບໍ່ເຄີຍເຫັນໃຜ ວິໄລເໝືອນເຈົ້າ
ໝາຍຮັກໝາຍຊື່ນ ວັນຄືນມິເບົາ
ທຸກວັນຄໍ່າເຊົ້າ ຮັກເຈົ້າຢູ່ທຸກເວລາ

2) ຮັກເຈົ້າສຸດ ຝືນທົນ
ດັ່ງວ່າຖືກມົນ ຮັກລົ້ນເຫຼືອຄະນາ
ອ້າຍຮັກນ້ອງຍິ່ງ ມິ່ງຂວັນຊີວາ
ສຸດປຣາຖນາ ແກ້ວຕາມາຮຽງຄຽງສອງ

• ຟ້າຢູ່ສູງ ດິນຕໍ່ານັ້ນຈິງ
ໂອ້… ຍອດຍິງ ຄູ່ອ້າຍເຖີດນ້ອງ
ໄພ່ຜູ່ດີ ຈົນມີຮີດຄອງ
ຈຳເປັນຫຼືນ້ອງ ໃຫ້ສອງເຮົາເຊົາຮັກກັນ

3) ຮັກເຈົ້າສຸດ ຫົວໃຈ
ຫ້າມກໍບໍ່ໄຫວ ດວງໃຈຍຶດໝັ້ນ
ຂໍນ້ອງຈົ່ງໂປຣດ ເຖີດດວງຊີວັນ
ຢ່າໄດ້ແບ່ງຊັ້ນ ປຣະຫານຮັກດ້ວຍປຣະເພນີ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1967)
ນັກຮ້ອງຕົ້ນສະບັບ : ທັນຕະວັນ ຣາຊາສັກດ໌

1) ຢ່າຫ້າມຫົວໃຈ ຫົວໃຈຄົນຈະຮັກກັນ
ຢ່າກີດຢ່າກັ້ນ ຖານະຈະສູງຫຼືຕໍ່າ
ຄົນຈະຮັກກັນ ກ້າບຸກຫ້ວຍໜອງຄອງທາມ
ເຫວເລິກພູຜາກ້າຂ້າມ ເຖິງຍາມໃຈຮໍ່າຮຽກຮ້ອງ…

2) ຢ່າຫ້າມຫົວໃຈ ຫົວໃຈຄົນທີ່ຮັກກັນ
ໂລກແຫ່ງຄວາມຝັນ ເຂົາມີປຣະທີບໃສສ່ອງ
ຮັກຢູ່ທີ່ໃຈ ບໍ່ໄດ້ເຫັນຊັບເປັນກອງ
ວິມານໝັ້ນໝາຍຜຸດຜ່ອງ ຫວັງປອງຮັກຊື່ນຊູໃຈ…

• ຄວາມຮັກຄວາມຫວັງ ມີອານຸພາບ
ທັງສອງໃຈຮັບ ເອົາຄວາມຮັກນັ້ນເປັນໃຫຍ່
ຈະຂຶ້ນບົນຟ້າ ດິ່ງພະສຸທາບຸກນໍ້າລຸຍໄຟ
ຄົນຮັກໄປເຖິງກັນໄດ້ ດ້ວຍໃຈເຂົາປຣາຖນາ…

3) ຢ່າຫ້າມຫົວໃຈ ເຂົາມີຄວາມຮັກຕໍ່ກັນ
ຢ່າເພຄວາມຝັນ ວິມານອັນສູງສງ່າ
ແມ່ນຢາກຫ້າມໃຈ ຫ້າມໄຟເຜົາສຸມອຸຣາ
ຫ້າມນໍ້າບໍ່ໄຫຼດີກວ່າ ຄ່ອຍມາຫັກຫ້າມໃຈຄົນ…

ເນື້ອຮ້ອງ & ທຳນອງ : ສ. ແສງສິຣິວັນ (1972)
ນັກຮ້ອງຕົ້ນສະບັບ : ທັນຕະວັນ ຣາຊາສັກດ໌

1) ຕໍ່ແຕ່ນີ້ ຂໍຢ່າມີໄມຕຣີກັນອີກ
ຈົ່ງຢູ່ຄົນລະຊີກ ຂອງໂລກແຫ່ງຄວາມຫວັງ
ອ້າຍໝາຍສິ່ງໃດ ນ້ອງຂໍໄກບໍ່ຂໍຮ່ວມທາງ
ແມ່ນອ້າຍຫາກສົມຫວັງ ນ້ອງຂໍໝົດຫວັງຊົ່ວນິດນິຣັນ

2) ຕໍ່ແຕ່ນີ້ ຂໍຢ່າມີເຍື່ອໃຍດີກວ່າ
ໂປຣດຈົ່ງຄິດເສັຽວ່າ ນ້ອງດັບສິ້ນຊີວັນ
ແມ່ນພົບຈົ່ງເມີນ ຂໍຈົ່ງເດີນຫຼີກທາງໃຫ້ກັນ
ຢ່າຍິ້ມຢ່າທັກທ້ວງກັນ ຈົ່ງເວັ້ນກັນໃຫ້ມັນແສນໄກ

• ນ້ອງຊໍ້ານ້ອງເຈັບ ພໍແລ້ວ
ຫົວໃຈຈົນແປ້ວ ເປື່ອຍເປັນແຜຝັງໃນ
ອ້າຍຄອງຮັກອື່ນ ກໍຄົງຊື່ນສຸກສົມໃຈ
ແຕ່ວັນນີ້ແຕ່ຍາມນີ້ໄປ (ເວົ້າ) ທີ່ຮັກຈົ່ງລືມກັນ…

3) ໂອ້ບຸນນ້ອຍ ນ້ອງຈຶ່ງພອຍໄຮ້ຄົນເມດຕາ
ຈຶ່ງຍອມຕຣົມກົ້ມໜ້າ ເສັຽສລະຮັກນັ້ນ
ອ້າຍເອີຍຈົ່ງລືມ ຂໍຈົ່ງລືມຢ່າຄິດເຖິງກັນ
ຕັດເສັຽຊຶ່ງຄວາມສັມພັນ ຢ່າເຫັນກັນຊົ່ວຊີວິດເອີຍ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1965)
ນັກຮ້ອງຕົ້ນສະບັບ : ທັນຕະວັນ ຣາຊາສັກດ໌

1) ປານນີ້ ອ້າຍຢູ່ຫົນໃດ
ຢູ່ໃສ ກັບໃຜໜໍນີ້
ສຸກສັນ ຫຼືເສົ້າໂສກີ
ອ້າຍນອນຝັນດີ ຫຼືຢ່າງໃດ

2) ຄໍ່ານີ້ ຣຶດີແສນເສົ້າ
ຂາດເຈົ້າ ມາເລົ້າໂລມໃຈ
ນັ່ງຄິດ ຄະນຶງມິວາຍ
ແມ່ນຮັກມະລາຍ ຄົງຕາຍແນ່

• ອົດນິທຣາ ຜວາຂຶ້ນມາໄດ້
ລະເມີເພີ້ໄປ ດວງໃຈປ່ອຍໃຫ້ດຽວແດ
ຮັກຈິງຫຼືບໍ່ ຫຼົງເຝົ້າລໍບໍ່ເຫັນມາແລ
ຮັກລວງຫຼືວ່າແນ່ແທ້ ປ່ຽນແປຫຼືຍັງພັກດີ

3) ຄືນນີ້ ແສງຈັນໃສສ່ອງ
ແຕ່ນ້ອງ ໝົ່ນໝອງເຕັມທີ
ຍອດຮັກ ຍອດຂວັນຊີວີ
ຫວນຄືນມາທີ ທີ່ຮັກເອີຍ…