ໝວດໝູ່: ເພງ

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1969)
ນັກຮ້ອງຕົ້ນສະບັບ : ແສງສຸຣິຈັນ ວົງສຸທິ

1) ອ້າຍກັບມາແລ້ວ ມາແລ້ວແກ້ວຕາ
ອ້າຍຄືນມາຫາ ຍອດຮັກຂອງອ້າຍ
ກ່ອນນີ້ອ້າຍຫ່າງ ຈາກນາງຫ່າງໄກ
ສຸດຫ່ວງອາລັຍ ນ້ອງທຸກຄືນວັນ

2) ອ້າຍຄືນມາແລ້ວ ມາແລ້ວແກ້ວເອີຍ
ຢ່າແກ້ງເມີນເສີຍ ຮັກເຄີຍໝາຍໝັ້ນ
ເຮົາສອງເຄີຍຊື່ນ ຢັ້ງຢືນສັມພັນ
ບໍ່ມີແປຜັນ ຮັກນັ້ນຝັງໃຈ

● ເຖິງເຂົາຂຶ້ນເດືອນ ເຖິງເຂົາຂຶ້ນດາວ
ຮັກຍັງຄືເກົ່າ ບໍ່ແຕກສລາຍ
ເຖິງອ້າຍຈາກນ້ອງ ຈາກນ້ອງໄປໄກ
ຮັກຍັງລົ້ນໃຈ ຖ້ວມໃຈມິເບົາ

3) ໂອ້ສຸດທີ່ຮັກ ອ້າຍຮັກບໍ່ລືມ
ບໍ່ລືມບໍ່ລືມ ຮັກດຽວພຽງເຈົ້າ
ຫຼືເທບທານໃຫ້ ແກ່ໃຈຮັກເຮົາ
ອ້າຍຄອຍແຕ່ເຝົ້າ ຮັກເຈົ້າແທ້ຈິງ…

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (1969)
ນັກຮ້ອງຕົ້ນສະບັບ : ແສງສຸຣິຈັນ ວົງສຸທິ

1) ຍອດຮັກ ແກ່ນໃຈ
ສະຖິດຢູ່ໃນ ອຸຣາ
ເຝົ້າພຽນຖນອມ ມິຍອມສເນຫາ
ຍົກໄວ້ເປັນຍອດບູຊາ ເປັນເຈົ້າແຫ່ງອານາໃຈ

2) ຕ່າງຮັກ ຕ່າງຫວັງ
ຕ່າງເປັນພະລັງ ດັ່ງໝາຍ
ສາບານຈະຮັກ ຮັກຈົນຊີບວາຍ
ຂໍພອນຈາກອົງເທບໄທ້ ຄຸ້ມພັຍພິບັດນາໆ

• ຮັກດຽວໃຈດຽວ ບໍ່ຫຼຽວໃຜຕື່ມ
ສຸດແສນດູດດື່ມ ມິລືມໄລລາ
ສຸດຮັກສຸດແພງ ດຸດດັ່ງແກ້ວຕາ
ສຸດຫວັງສຸດປຣາຖນາ ເປັນສຸດບູຊາຢູ່ໃນຫົວໃຈ

3) ຊາດນີ້ ຊາດດຽວ
ຈະມີຮັກດຽວ ຈົນຕາຍ
ຂໍພຽງໄດ້ມາ ຢູ່ຮຽງຄຽງກາຍ
ຊື່ນຊົມສຸກສົມດັ່ງໝາຍ ຂໍຕາຍໃນອ້ອມກອດນາງ…

ເນື້ອຮ້ອງ & ທຳນອງ : ສີລາວົງ ແກ້ວ (∼1972)
ນັກຮ້ອງຕົ້ນສະບັບ : ສີລາວົງ ແກ້ວ

1) ງາມ ນ້ອງນັ້ນງາມຢາດຟ້າ
ງາມ ນ້ອງນັ້ນງາມໜັກໜາ
ງາມ ນ້ອງນັ້ນງາມກວ່າດາຣາ
ກວ່ານາງຟ້າ ເດັ່ນໂສພາວິໄລລາວັນ

2) ງາມ ນ້ອງສວຍງາມເລີດລໍ້າ
ງາມ ນ້ອງຊ່າງງາມຜ່ອງພັນ
ງາມ ກວ່ານາງງາມຈັກວານ
ໂອ້ຈອມຂວັນ ເກີດວັນຫຍັງນ້ອງຈຶ່ງສວຍງາມ

● ຍິ້ມກໍງາມ ຫົວກໍງາມ
ເສີຍຢູ່ ກໍງາມ
ຢືນກໍງາມ ນັ່ງກໍງາມ
ເຮັດຫຍັງ ກໍງາມ

3) ງາມ ນ້ອງສວຍງາມເດັ່ນຟ້າ
ງາມ ສຸດໂສພາເລີດລໍ້າ
ງາມ ທັ້ງນໍ້າໃຈນ້ອງກໍງາມ
ອ້າຍຂໍຖາມ ນ້ອງກິນຫຍັງນ້ອງຈຶ່ງຜູ່ງາມ…

ເນື້ອຮ້ອງ & ທຳນອງ : ສີລາວົງ ແກ້ວ (∼1970)
ນັກຮ້ອງຕົ້ນສະບັບ : ສີລາວົງ ແກ້ວ

1) ຮັກ… ໂອ້ຄວາມຮັກແສນຍິ່ງໃຫຍ່
ຮັກປັກຣຶທັຍ ຮັກປັກໃຈຊຶ້ງດວງຈິດ

2) ຮັກ… ໂອ້ຄວາມຮັກຫວານຊື່ນຈິດ
ທຸກໆຊີວິດ ຕ່າງກໍຄິດໃຝ່ຝັນຫາ

● ໂອ້ຄວາມຮັກເອີຍ ໂອ້ຄວາມຮັກ
ຊຶ້ງສລັກ ປັກຕຣຶງອຸຣາ
ມະນຸດ ຢູ່ໃນໂລກາ
ຕ່າງສແວງຫາ ຮັກມາພົວພັນ

3) ຮັກ… ໂອ້ຄວາມຮັກເມື່ອພົບພານ
ຮັກສຸດແສນຫວານ ຮັກຊ່າງຫວານບໍ່ຮູ້ຄາຍ…

ເນື້ອຮ້ອງ & ທຳນອງ : ສີລາວົງ ແກ້ວ (∼1970)
ນັກຮ້ອງຕົ້ນສະບັບ : ແສນສັກດາ

1) ເພື່ອນກິນ ນັ້ນມີມາກມາຍ
ເພື່ອນຕາຍ ຫາຍາກໜັກໜາ
ເພື່ອນກິນ ເຂົາເຫັນແກ່ໜ້າ
ເພື່ອນກິນ ເຫັນແກ່ເງິນຕຣາ
ຖານະ ແລະສັກສີ

2) ເພື່ອນກິນ ນັ້ນແຫຼະຕົວການ
ທ່ຽວຜານ ປອກລອກສິ້ນດີ
ໄດ້ກິນ ເຂົາຮ້ອງນ້ອງພີ່
ໝົດກິນ ເຂົາກໍຫ່າງໜີ
ບໍ່ມີ ເຫຼືອເຍື່ອໃຍ…

3) ເພື່ອນກິນ ນັ້ນບໍ່ແນ່ນອນ
ຈາກຈອນ ເມື່ອເຮົາຍາກໄຮ້
ເພື່ອນກິນ ເຂົາເຫັນແກ່ໄດ້
ຍາມຈົນ ເຂົາກໍຫ່າງໄກ
ເໝືອນຕາຍ ໄປຈາກກັນ

4) ເພື່ອນຕາຍ ເຂົາຄືເພື່ອນແທ້
ບໍ່ແປ ປ່ຽນໃຈເຫຫັນ
ເພື່ອນຕາຍ ຊື່ຕຣົງຄົງໝັ້ນ
ຍາມເຮົາ ເສົ້າໂສກຈາບັນ
ເພື່ອນແທ້ ຊ່ວຍປອບໃຈ…

ເນື້ອຮ້ອງ & ທຳນອງ : ສ. ບົວລະພັນ (∼1970)
ນັກຮ້ອງຕົ້ນສະບັບ : ກ. ພະນົມວັນ

1) ເປັນ ຄົນຢູ່ບ້ານດົງພົງໄພ
ຈິດຍັງມຸ່ງໝາຍ ຢາກໄດ້ສາວຢູ່ວຽງວັງ
ແຕ່ເກງໃຈ ຢ້ານອ້າຍຜິດຫວັງ
ຢ້ານສາວກຽດຊັງ ກຽດຊັງຄົນຢູ່ບ້ານນາ

2) ແມ່ນ ຈະຢູ່ບ້ານນາແດນດົງ
ໃຈຍັງປະສົງ ລຸ້ມຫຼົງນ້ອງຢູ່ເລື້ອຍມາ
ຕໍ່າພຽງໃດ ຢາກໄດ້ດອກຟ້າ
ສຸດປາຖນາ ດອກຟ້າຄົງບໍ່ເຫັນໃຈ

• ຈົ່ງ ເອັນດູອ້າຍເຖີດໜາ
ທີ່ປາຖນາ ຫວັງມາຮັບໃຊ້
ຫາກ ນ້ອງນາງເຫັນໃຈ
ຈົ່ງຮັບເອົາໄວ້ ຄູ່ໃຈເມື່ອຍາມນິທຣາ

3) ແມ່ນ ນ້ອງບໍ່ກຽດຊັງຄົນດົງ
ທີ່ຄອຍພະວົງ ປະສົງຮັກແຕ່ແກ້ວຕາ
ຈະມອບໃຈ ຝາກໄວ້ຊົ່ວຟ້າ
ໂອ້ຍອດບູຊາ ດອກຟ້າຂໍຈົ່ງເຫັນໃຈ…

ເນື້ອຮ້ອງ & ທຳນອງ : ສ. ແສງສິຣິວັນ (1973)
ນັກຮ້ອງຕົ້ນສະບັບ : ພົມມະ ພິມມະສອນ

1) ແສງ ສວ່າງແຫ່ງດວງອາທິດ
ຫວນມາອີກຫົນ ນະພາມືດມົ່ນກໍແຈ່ມໃສ
ລົມເຢັນໆພັດຍາມເຊົ້າຕຣູ່ ໝູ່ເຜິ້ງຕອມເກສອນດອກໄມ້
ເຈາະໄຈ້ ດູດດື່ມຣົດຫວານ

2) ສຽງ ວິຫົກແວ່ວມາແຜ່ວຜິວ
ພັດປີວກັບລົມ ໄດ້ຟັງຊື່ນຊົມສຸດປະມານ
ຍາມກັມເວນເຄາະເຂັນສິ້ນໄປ ສິ່ງທີ່ໝາຍໄຮ້ແນວກີດກັນ
ໂສກສັນ ກໍຄືນຊື່ນໃຈ

• ເມື່ອສິ້ນ ຄວັນໝອກແຫ່ງຮັກ
ສິ້ນອຸປສັກ ທາງຮັກກໍສົດໃສ
ເໝືອນຟ້າງາມຍາມທິວາ ເມື່ອເມຄາເລືອນຫາຍ
ແລວິໄລ ສວາດຕາ

3) ແມ່ນ ບຸນສ້າງຮ່ວມທາງກັນແລ້ວ
ແຄ້ວກັນບໍ່ໄດ້ ເຖິງຢູ່ຫົນໃດກໍມາຫາ
ພຽງດວງໃຈຊື່ຕຣົງຄົງໝັ້ນ ຈະສຸກສັນຊົ່ວດິນແລະຟ້າ
ສັດທາ ຮັກດຽວຈົນຕາຍ…

ເນື້ອຮ້ອງ & ທຳນອງ : ເຈົ້າຄຳຜາຍ ກຸນຣະວຸທ໌ (~1980)
ນັກຮ້ອງຕົ້ນສະບັບ : ຜູຍບັນດິດ ອິນດາວັນ

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (19??)
ນັກຮ້ອງຕົ້ນສະບັບ : ສົມຟອງ ຊົງມີໄຊ

ເນື້ອຮ້ອງ & ທຳນອງ : ຄຳຫຼ້າ ໜໍ່ແກ້ວ (19??)
ນັກຮ້ອງຕົ້ນສະບັບ : ຈັນທະຣາ ອຸເທນສັກດາ