ເພງ “ຝົນມາຂ້າເສົ້າ”

ເນື້ອຮ້ອງ & ທຳນອງ : ສ. ແສງສິຣິວັນ (1969)
ນັກຮ້ອງຕົ້ນສະບັບ : ນິດ ວິຈິຕຕະວົງສ໌

1. ສາຍຝົນຫຼັ່ງລົງ ອີກແລ້ວ
   ນ້ອງແກ້ວເຈົ້າລືມ ຫຼືໃດ
   ຄືນທີ່ເຮົາສອງ ສຸກໃຈ
   ຝາກຮັກໄວ້ ກັບສາຍຝົນ
   
   
2. ເຫັນຝົນຕົກມາ ຂ້ານີ້
   ແສນເສົ້າໂສກີ ເຫຼືອທົນ
   ເຝົ້າແຕ່ຄອຍຫາ ໜ້າມົນ
   ຄອຍຈົນຝົນ ເຫືອດແຫ້ງໄປ
   
   
3. ຝົນນີ້ບໍ່ມີ ນ້ອງຢູ່
   ຮ່ວມຮຽງຊື່ນຊູ ຊິດໃກ້
   ຝົນນີ້ກໍໝົດ ຄວາມໝາຍ
   ສຸດທີ່ຮັກເຈົ້າຢູ່ໃສ ຢູ່ກັບໃຜຈຶ່ງບໍ່ມາ
   
   
4.  ສາຍຝົນຜ່ານໄປ ຈິດຄ້ອຍ
   ຄູ່ຮັກຂ້າພອຍ ຫາຍໜ້າ
   ມີສຸກແລ້ວຫຼື ແກ້ວຕາ
   ຈຶ່ງປ່ອຍຂ້າ ໂສກຣະທົມ…